مـا تـهـون الـعـشـره بـس هـانـت لـك؟

28

هجران قام من النوم على حدود الساعه ٤ العصر
نزل ولقى اخوانه مجتمعين درعم عليهم وانصدمو وثبتو مكانهم مو مستوعبين ان هجران قدامهم
مطلق وقف شوي ثمين طار وضم هجران بقوه
هجران كان فرحان لانه قابلهم بس بنفس الوقت حزين على اخوه
ضمه بقوه وهو خايف يفقده.نزلت دموعه من الغبنه بس ما امداه يمسحها طاحت على كتف مطلق الي اهتز من قطرة دمعة اخوه عزوته
مطلق بسرعه بعد ومسك راس هجران الي نزل راسه ما يبي يبين دموعه بس رفع راسه مطلق الي عصب وصارخ وقال:لا تنزل دموعك لا تنزل
هجران الي اهتز من الصراخ وفتح عيونه برهبه
جمران بعصبيه دف مطلق وقال بصراخ:لا تصارخ عليه ياحمار
مطلق بعصبيه وهو الي بدا يفتعل مفعول العصبيه عنده
دفع جمران والي ما حسب حسابه ان كان في طاوله وراه
طاح جمران وضرب راسه بحافة الطاوله
طاح جمران مغمى عليه والدم يتدفق من علو راسه
صار البيت هدوء من بعد صراخ
الكل سكت وقاعد يناظر جمران الطايح
هجران انعمت عيونه من العصبيه ولف على مطلق وضربه كف
وهاذي اول مرا هجران يضرب فيها احد من اخوانه
انصدم مطلق فوق صدمته وبقى صامت وثابت في مكانه
سهم بتوتر:قومو شيلوه بسرعه عاونوني
قامو العيال يشيلونه ويوم قرب مطلق بيساعدهم دفه الرمح بعصبيه وقال:لابوك لبو من اخو وبيناك وتحملناك وتحملنا ضعفك يا كلب ويوم قوت شخصيتك تضرب اخوك؟الله ****
انجرح مطلق من الكلمه وصارخ هجران بعصبيه:اتركه على جنب وعاونا بجمران
شالو جمران وركبوه سيارة هجران والي كان فيها رماح وسهم وجمران المغمى عليه والسياره الثانيه فيها الرمح وكاسر وكايد
مشو العيال وهم الي كانو يقطعون الاشارة ويتعدون السياراة لين ما وصلو المستشفى بس الي وصلت سيارة هجران بس الرمح ما وصلت
ما اهتم هجران كان منشغل بتؤامه شالوه وصارخو بعلو صوتهم:اخونا بيموت
جو الدكاتره وشالو جمران وحطوه في السرير وودوه غرفة العمليات
فجأة يدخلون رجال شايلين ثلاث عيال ويصارخون
استغرب هجزان وتقدم بس تجمدة اطرافه يوم شاف الي على السرير اخوانه
نرجع بالزمن شوي
(بسيارة الرمح)
كان الرمح مسرع مرا وهو الي كان خايف يفقد احد من اخوانه بس ما انتبه للشاحنة الي طلعت بوجهه
ما كان يحس بشي ولا يشوف شي صحى هلا صراخ كاسر وهو يقول:انتبههههه
وبعدها ما يدري وش صار،تجمعو الناس على الحادث وكان راعي الشاحنة مو موجود وكانو مرتاعين من المنظر كاسر وكايد دمان فجأة يسمعون كايد يقول:الرمح الرمح
الكل التفت له وقال واحد:وش فيه الرمح؟
اكيد يأشر على قطعه من الشاحنه ويقول:اخوي الرمح تحتها
الكل تقشعر بدنه من سمو الكلمه
حولو نظرهم للشاحنه وشافو يده طالعه
اسرعو بأتجاها وتكالفو منهم الي دق على الاسعاف ومنهم الي يحاول يساعد كاسر وكايد ومعدل كبير متجمع ويحاول يرفع الشاحنه عن الرمح
ونجحو بفضل الله ورفعو الشاحنه وشافو الرمح رقبته معفوطه والحديد داخل صدره
الرجال الاول:بس مات
الرجال الثاني:لا بسمالله عليه يتنفس شفه
جت الشرطه والاسعاف وشافو المنظر وساعدوهم بسرعه
الشرطي الاول:وش سبب الحادث؟
نط واحد وقال:انا من عيال حارتهم وعارف كل شي
الشرطي:وش صار؟
الولد:اخوهم انفقش راسه وطلعو كلهم وانقسمو سيارتين السياره ذي فيها كاسر وكايد والرمح الي تحت الشاحنه والثانيه فيها جمران ورماح وسهم و هجران وكانو مسرعين بس الرمح كان يمشي وكانت في شاحنه موقفه تحتريه يوم شافته قرب دعست وصدمته ويوم طاحت الشاحنه على الرمح طلع الي داخلها وركب وحده من السيارات وانحاشو
الكل استغرب من الموقف الغريب وقال الشرطي:بس عرفتهم اكيد الحادث مدبر،تعرف رقم اللوحه؟
الولد بتذكير:ايه ايه [س د ض|١٩٨٩]
الشرطي:زين زين تعرف شكله؟
الولذ:كان طويل شوي وجثه متلثم بشماغ ابيض بس بان لون بشرته لونها اسمر وعيونه عسليه فاتحه قدرت اشوفه كان قريب
الشرطي:تمام تمام
(نرجع للحاضر)
هجران بخوف كان بيسأل وش فيه بس ما اعطوه مجال سحبو كل واحد بغرفه
بعد ٨ ساعات متكامله طلعو كلهم سالمين الا الرمح
جمران فقد دم وتبرع له واحد وخيطو راسه
كاسر جاه كسر في اليد
وكايد جاته مخوش وما صابه شي
كلهم راحو غرفة الرمح وسألو الدكتور:الولد جته ضربه في الصدر وبالياله وقفنا النزيف وكسر بالرقبه والحوض ورضوض حاولنا نساعده بس ما قدرنا ودخل غيبوبه
جمران الي صارخ بعصبيه:بسببي بسببي كله بسببي امل الله ياخذني ليتني ما سويت ذا كله ياليت
هجران بعصبيه:هد هد ياجمران لعلها خيره ما تدري لو كمل يمكن يموت هدددد
سهم بتوتر:عيال مطلق لحاله
جمران بعصبيه:ياكل تبن كل ذا صار بسبته الورع
ولف على هجران وقال:مشكلتك انك دلعت الورع ذا
هجران قرب لأذنه:ماكان كذا بس الخراب يعدم ياخوك
الدكتور بكل برود سحب عليهم ومشا
جمران:وجهه مو غريب علي
هجران:حتى انا احس شايفه بمكان بس وين ما ادري
رماح:نقدر ندخل؟
____________________________
ادري البارت مرا مرا قصير بس اعذروني ذا الي قدرت عليه عندي افكار بس مو كثيره ومالي خلق اكتب ابي انام بس المهم مابي احد يقول قصير ومدري وش لا تطلعوني عن طوري ذا الي قدرت عليه ادعموني وانشاء الله ارجع زي اول واكثر واحسن