مـا تـهـون الـعـشـره بـس هـانـت لـك؟

18

عند هجران في المستشفى طلع منه من الدريشه وكان حذر على جرحه ما ينفك
تلطم وركب الموتر وحرك لبيت ريان
نزل ومعه جراكل بنزين دخل البيت بتسلسل وكب البانزين ودخل داخل وكان يصب البانزين واذا حس ان في احد بيجي يتخبى بسرعه
وكان يكب البانزين بسرعه عشان ما يلاحظون وعشان ما ينكتم
ولع الزقاره وحطها في البانزين وشب البيت كله وطلع هو بسرعه وكانو الي بالحي يحاولون يطفون النار والشرطه تحاول تعرف مين الي متسبب بالحريق وهجران يناظر ببرود تام ركب السياره وراح بيتهم غير لبسه وراح للمستشفى ودخل وسوا نفسه طبيعي عشان محد يشك فيه
________________________________
عند مركز الشرطة بتبوك
________________________________
الشرطي بهاج:الحريق بفعل فاعل
الشرطي فيصل:كيف ياخي مافيه بصمات
الشرطي زياد:انا اقول نترك القضيه هاذي على جنب ونركز على الربع
الشرطي بهاج:شسالفة هاذا؟
الشرطي فيصل بضحك:ذولا مهبل ثلاثه سارقين سيارت واحد وواحد من الحمير شاف الكاميرا الي في البيت وسوا حبتين وركب السياره ومشى فيها
فجاة يدخل الشرطي سعد وبيده سهم ورماح
رماح كان يتحلطم وسهم ياكل فصفص
وقفهم وقال:هاذولا الي سارقين الربع
الشرطي فيصل بأستغراب:في ثالث وينه؟
الشرطي سعد:انحاش ياخي سريع بس مسكت الورعنه ذولا
الشرطه ناظرو رماح وسهم وضحكو وقال بهاج
حطو كل واحد في غرفت تحقيق
دخلوهم وبهاج دخل عند رماح وفيصل عند سهم

نجي عند سهم النكبه
سهم:نعم؟
فيصل:نعامه ترفسك قول امين
سهم:امين وياك
عصب فيصل وقال بحده:ورع تكلم زين
سهم بحلطمه:ياخي ابثرتوني وش سويت انا
فيصل:ليش سارقين سيارت الرجال؟
سهم:كذوب
فيصل انصدم منه وقال:ولد
سهم:خلاص خلاص بقول
فيصل بحماس:وش
سهم:كنا انا واخواني طالعين وما معنا سياره قلنا ناخذها نفرفر شوي وكنا نبي نشتري هديه لأخوي
فيصل:هديه ليش؟
سهم:هو مطعون وطايح في المستشفى لازم نهديه هديه لأنه نازع الموت وصفق الي طاعنه
فيصل تنهد وطلع وطلع سهم وحطه في التوقيف
نجي عند رماح السبك(رماح لا يشوف البارت ذا بيذبحني)
بهاج:اسمع انت اذا اعترفت بنطلعك مين الي سارق السياره
رماح:كلنا
بهاج:تحديداً
رماح:شفنا نفسنا فاضين وما عندنا سياره قلنا ناخذ السياره هاذي ونفرفر شوي ونجيب هديه لاخوي ونوديها له
بهاج:منت معترف
رماح:ابك اعترف بوش؟عشانا صدمنا بالسيارة ؟
انصدم بهاج وهو الي مايعرف عن الصدمه الي بالسيارة وقال:ايه؟
رماح:اخوي ما يشوف زين وصدم بس
اخذو رماح وودوه التوقيف
دخل ووقف سهم من عند الشله الي كان قاعد عندها
نرجع شوي ورا
سهم يوم دخل شاف شلة شباب وكان اسمائهم
:راكان،:فياض:حارث،حميد،احمد،حماد
يوم دخل شافوه شلة حارث وقال:ياراكان قم ناده
قام راكان وراح لسهم وقاله:السلام عليكم
سهم وهو ياكل فصفص:وعليكم السلام
راكان:تعال نبيك
وسحب سهم وجلسه عند الشله
حارث:اهلاً
سهم:هلا
حميد نط عليه وقال:هلا فصفص
عطاه فصفص وقعدو يقشمون
ضحك فياض وقال:وش اسمك
سهم:اسمي سهم وانت؟
فياض:انا فياض وذا راكان وهاذا حميد المهبول وذا احمد وذا حماد وذا حارث كبيرنا
سهم:والنعم
حماد:وش سالفتك انت
سهم بسخريه:سالفتي مو زق الا الي بعده مخيسه
الكل:وشو؟
سهم:اخوي كان قاعد ونطت فكره براسه الا والا يسرق ربع جارنا
قام واخدني انا
قاطعه حارث وهو يقول:وش أسمائهم ؟
سهم:انا سهم ورماح وجمران
سهم:المهم ياطويل العمر طلعنا ورحنا له
وكان بيته في كاميرات واخوي جمران الحمار راح عند الكاميرا وسوا حبتين وركب الموتر وحرك قعدنا نفرفر صح انه احول وصدم فينا بس عادي المهم يوم مسكتنا الدوريه هو زبن وبقينا انا ورماح
انصدمو كلهم وقال حماد:كيف سحب عليكم
سهم وهو ياكل فصفص:اعرفه ياخي بيجي يطلعنا أعرفه
ويدخل رماح
نرجع الوقت الحالي
دخل رماح وناداه سهم
راح وجلس وقال:السلام عليكم
ردو السلام وقال حميد:اجل انت رماح؟
رماح:ايه
قعدو يسولفون وصارو اخويا فجأة حماد يوقف ويقول:وقت الهيصه ياعيال
ويشغل دبكه وقامو كلهم يدبكون ويرقصون ويضحكون
وشكلهم حلووو
________________________________
عند جمران الي بعد ما هرب من الشرطه قام يخطط بمصيبه
وراح لمركز الشرطه وقام يتهاوش مع صاحب السياره وكان يعلي صوته بأسم اخوانه بكل كلمه عشان اخوانه ينتبهون بس واضح انهم بقر وما انتبهو
بس كان في واحد عند الزنزانه شاف كل شي وراح لهم وقال:مين رماح وسهم؟
قامو رماح وسهم وقالو:حنا ليه؟
قال:في واحد برا يصارخ وينادي في اسمكم
رماح وسهم الاغبياء تذكرو كلام جمران
نرجع شوي ورا