دخل البيت وكان هدوء
الجده بالمستشفى
والعيال نص عندها والنص الثاني بالاستراحة
دخل وهو فرحان وراح سيده لغرفة محبوبته
فتحها ولقى الاغراض مكسره وحالتها حاله
وشاف رسالة طايحه بالأرض
(اذا تبي البنت الكبيره والصغيره تعال للمكان الي خابرينه)
شافها هجران وعصب وضرب التسريحة وهو مقهور ويقول :الله ياخذك يا نياف مو كذا ياخي
ويقوم يلبس قناعه ويطلع ويحرك بأقصى سرعته الزلفي
من قوت سرعته وصل بسرعه لهم
نزل ودخل للمقر وشاف نياف جالس ياكل علك
نياف:ورع تعال
هجران مشى له بسرعه ومسكه مع ياقته وقال بحده:شعندك تاخذهم مني؟
نياف بهدوء وخر يد هجران وقال له:اجلس وتفهم
جلس هجران وجلس قدامه نياف وقال نياف:انا خطفتهم عشانك خاطف اخوي
هجران عقد حواجبه وقال:من اخوك؟
نياف طلع صوره لأخوه قبل اختطافه بخمس دقايق وقال:نواف ذا الي خطفته من الاستراحه
هجران:ايه ذا خلاص ارجعه لك وترجعهم لي
نياف:طيب
قام هجران وركب موتره وحرك للبيت المهجور وهو رايح يقول بنفسه:هجران الحين انت تشافيت من تعاطي المخدرات ليش ما تحرقهم؟خلاص احرقهم وفكنا
وصل للبيت وتلثم ونزل ودخل داخل وكان وقتها الكل جالس مع بعض ودخل هجران وهو معاه اكل وعطاهم والكل فرح وهو قال:نواف
نواف رفع راسه وابتسم وقال:هلا
هجران ناظر عيونه وقال:تعال معي
الكل لف وقال:وين بيروح تكفى لا تضربه
ضحك هجران غصبً عنه من ردة فعلهم وكانت ذي اول مرا يسمعون ضحكته والكل ابتسم وقال هجران:لا لا بوديه لأهله
الكل فرح والي يشوفهم يقولون كأنهم هم الي بيروحون
جا نواف بحماس وحضن هجران وهجران حضنه وقال لهم:
قريب انشاءالله اوديكم عند اهلكم ويفرحون فيكم يانظر عيني
وطلع وسكر عيون نواف بأحكام وطلع من المبنى وركب السيارة وحرك ويوم دخل الزلفي فك الغطاء وقال:ايه شلونك؟
نواف:بخير دامك بخير
هجران ابتسم وطلع من جيبه جوال وقال:امسك
نواف مسكه وقال:وش
هجران:ذا جوالك وتراي ضايفك سناب وحاط رقمي اذا احتجت شي ارسل لي ولا دق
ابتسم نواف لين وقفو عند مكان كبير ونزلو
نواف استغرب ودخل مع هجران وكان متوتر بس فرح يوم شاف اخوه
نواف ركض لنياف وحضنه وصارخ بكلمة:اخخخخوووويي
ابتسم هجران وقال:يلا وينهم؟
نياف اشر على المخزن وقال:في وحده معهم رجعها
هجران دخل وفك كادي وحضنته بقوه وبعدها فك نجد وفك ملاك
نجد:اففف حر
كادي ضحكت وقالت:هجران شوفها تشبهك
هجران عقد حواجبه وناظرها وكانت نجد تشبهه
نجد بنفيخ:شل عينك لا اشل راسك
هجران لف وجهه وضحكو كادي وملاك
ركبو السياره ووصلو لبيت نجد ونزلو كلهم
نزلو وقلطوهم وانصدم هجران من اخوانه الي كانو جالسين
هجران قال:وش جابكم هنا
ضحك الجد فيصل وقال:مشكله ياولدي بعدين تعرف
سكت هجران
لازم عليهم الجد انهم يجلسون ثلاث ايام عندهم حاولو يعتذرون بس ما قدرو
قعدو وهم جالسين محمد كان يناظر العصا للذات هجران وقال:يا ولدي
ناظره هجران وقال:لبيك
محمد:وش اسمك؟
هجران:هجران
محد لف على ابوه وقال:يبه نفس الاسم والوجه
فيصل :يا ولد يخلق الله من الشبه اربعين مو هم
سكت محمد وقامو يسولفون العيال وتعشو وبعد ما خلصو العشاء قعدو يشربون شاهي
وقف واحد كبير ومعه عياله واسمه ابو الهاشم وهو يكون جار للجد فيصل وقال:بمناسبة جيت ضيوف جارنا فيصل بكرا الساعه ٩ الصبح بنطلع للبر مخيم ونجلس يومين
حاولو يردونه ما قدرو ووافقو
الشيبان نامو وبقو العيال وكانو جالسين برا في دكه بحكم انهم في مزرعه وقال الرُمح
الرُمح:اسم هجران بجيب لك عود وا اطربنا
وافق هجران وعطاه الرُمح العود وقام هجران يعزف
على حسب طلب العيال وعزف
[الـلـومـه الـلـومـه الـلـومـه
يـاحـلـوه يـا مـظـلـومـه
دخـيـل الله ودخـيلـك
شـوف الـدُنـيـا تـنـاديـلـك
دخـيـل الله ودخـيـلـك
شـوف الـدُنـيـا تـنـاديـلـك
غـنـيـلـي وغـنـيـلـك
غـنـيـلـي وغـنـيـلـك
عـلـومـه عـلـومـه عـلـومـه...]
صفقو العيال بحماس وبعدها كل واحد راح ينام
هجران راح لغرفته وانصدم يوم دخل ولقى كادي واقفه قدام تسريحه وتزين شعرها
هجران تذكر انه قال لهم انها زوجته وابتسم وقال بنفسه:بس انت بتنام وانت حاضنها
ابتسم وراح ورا كادي الي كانت منزله راسها ادور جي ورفعت راسها على حطت يد هجران بخصرها
فزت ولفت عليه وهو رفعها وحط راسه بعنقها يستنشق ريحة الورد الي فيها
كادي بتوتر:هجران وخر لا يدخلون علينا ويفهمون غلط بنت وولد بغرفة وحده!!!؟؟
ضحك هجران ورفع راسه وحط جبينه بجبينها وخشمه بخشمها وقال:ليش ما قلنا لهم اننا متزوجين
تذكرت كادي انهم قالو حنى متزوجين واستحت ونزلت راسها وقال:بس كنا نكذب
هجران:طز مارده بتصيرين زوجتي
وخر عنها ولف راسه شاف ملاك نايمه بس منزعجه
ابتسمت كادي وقامت ورقت فوق السرير وحضنتها
هجران سكر اللمبات وانسدح وحضنهم كلهم ونامو
