وحكمت المحكمه
بقلم اوتار حزينه
البارت الثاني
______________&______________
لن يحبك احد كما احببتك انا
كلهن نساء الا انا كنت لك
وطن واحتضنتك
وكن على ثقه وقناعه
انك لغير حظني
لاتنتمي
،،،،،،،
مراد
اني كاعد،،،،،،،،، وي الولد الحجيه خابرتني وكالت
اخوتك التموا يمنا على العشه وهبه هم اجتي
تعال يريدون يشوفوك كمت وكلت
يله ياولد اني اترخص
اي والله اني هم لازم ارووح لان الحبيبه دكت عليه
واخاف اذا اتاخر بعد اكثر تزعل عليه
ضربت بارق جلاق وحجيت بضحك
هههه ولك صاير جبان،،، وتخاف من مرتك
رد علي وهو يضحك
عمي بهل الوكت
المايخاف من مرته مو رجال موو ولك مهند
اي والله كلامك صح بارق واني اشهد
صفگت ايد بأيد من شفت شلون الحال مگلوب بربعي وصايرين يخافون من نسوانهم خوفه الحيه
غميتهم وجاوبتهم باستهزاء
كبر اي والله ولكم تالي وكت صرتوا تمشون بشور النسوان وتخافون منهن
هههه دمشي عيني خلي نشوفك انته من راح تزوج
بشور منو راح تمشي
مهند حجه وبارق كمل بضحك
بشورها وداعتك تره هذا بس كلام
عدلت نفسي وحجيت بثقه
وداعتكم وهسه تشوفون هذا اي اذا تزوجت
مرتي وشكبر حظها بيه،،،،،راح تدور رضاي وهو ماكووو
مهند باوع لبارق وغمزله وكله
يجي هذا اليوم وراح نشوف بطولاتها هااا
اااسف بطولاتك
ابن القندره صاير تصنف عليه
ردت اضربه انهزم مني وختل وره بارق
رجعت ساعه 9 للبيت اخوتي يمنا هم ونسوانهم والجهال وعمو ناظم وغيث
هلا والله شلونك عمو ناظم
بوسته ووراه غيث الي جرني علي بقوه ضحكت
من ماكدر يحرگني من مكاني وجريته عليه
اااخ ولك ايدك غير توجع
عجل لاتدنك بيه وخليك ساتر على مرتك احسنلك
حجيت مبتسم ورحت بوست
اخوتي جهاد وضرار
كعدت يم ابويه وظلوا يحجون بشغلهم بالمول
وره مشوار طب غازي اخو غيث ،،،،،هذا مثلي
الگلب واحد والتفگير نفس التفگير
كمت بوجهه وبوسته وانتبهت اكو بركبته اثر
ابتسمت وكلت بصوت ناصي
هااا يول اشوف النحله كارصتك
عدل الياخه ضحك وجاوبني
اسكت يمعود تره البراگين كاعده هسه تثور علينا
أنت تقرأ
وحكمت المحكمه
Romanceعندما رأيتك أول مره ادكت بل تأكدت اني أحببت حباً لن أشفى منه أبداً... وادركت وأنا لست نادمه إنك كنت أول الهزائم لقلبي .....
