وحكمت المحكمه
بقلم اوتار حزينة
البارت الخامس عشر
________________&______________
الاكتفاء تشعر به عندما
تجد قلبا يحبك كما تحبه،،،
،دقاته تشبه دقات قلبك
ونظراته مفهومه كنظراتك
وجوده بقربك كافيا ليجعلك
تشعر انك بخير
،،،،،،،
نايمه بحظنه وايده تمشي بهدوء على خدي
حجه بصوت متغير
بالاول كرهت الصار ،،،،وظليت اندب حظي
لان اخذتج ،،،ومن شفتج تغيرتي تفاجأت
وردتج رغبه وانتي رفضتيني
سكت باوعت علي وشفت وجهه
تغير وكمل
جنت غبي وسمعتج كلام جبير
وماحسبت لمشاعرج حساب وظليت ماشي
بدرب اعوج درب ردت اخسرج من وره
كعدت صفنت علي عدل روحه
وكمل وهو مبتسم
فتون يمكن اني اول يحب وحده
وهي مطلعه روحه وعيونه
وحده مايمر عليها اليوم الا وهي
جافصه بطنه ومخبلته
واحد والحمد لله عاف دربه الاعوج
حتى يگدر ياخذ الاخذت گلبه
ابتسمت وهو اخذ نفس وذبه وكمل
تعرفين عيوني جانت تتبع كل تصرفاتج بلهفه
من تگعدين تقرين،،،،،، او تفترين او تنامين
اظل بس اباوع عليج من جووه لجوه
حبج تسلل لگلبي بهوسه خبلتني وخلتني
مااشوف غيرج
ابتسمت وهو هم ابتسم وكمل
هوسه فتنه نار شعلتني شعل وخلتني
ادور رضاها وهي تتعز عليه
رحت لحظنه وجاوبته من حظني بقوه
وباسني من راسي
واستاهل مووو
اي والله وغلاتج انتي تستاهلين
حظنته بفرح واني اسمع گلبه يدگ بقوه
،،،،
صابرين
ثاني يوم رحت اني وامي وهبه للبيت
الي اجره ذياب حتى اشوفه وارتبه على ذوقي
طلعنا بسيارته واشوفه يباوع عليه وهو مبتسم
همزين اخذته قريب من يمنا حتى من تلتحق
تجي يمنا
اي خاله اني هم كلت هيج
جاوبتها وباوعت لصابرين الجانت متابعه الحجي
وهي مبتسمه
ذياب جبت الاخشاب موو
اي وشديتها البارحه وكلت اجيبكم اليوم
حتى تشوفون شنو النقص بالبيت
وهم صابرين ترتبو
على ذوقها
اي يمه لان ماظل وكت اسبوع الجاي عرسكم
امي سكتت وكملت وره لحظه
امك بالبيت موو
أنت تقرأ
وحكمت المحكمه
Romanceعندما رأيتك أول مره ادكت بل تأكدت اني أحببت حباً لن أشفى منه أبداً... وادركت وأنا لست نادمه إنك كنت أول الهزائم لقلبي .....
