وحكمت المحكمه
بقلم اوتار حزينة
البارت السابع عشر
_____________&_______________
مراد
جنت مقهور من وره الصار بس تماسكت
لخاطر فتون ،،،، تبجي وهي نايمه
تهذي ابني راح
بليل نامت وطلعت يم امي كعدت سالتني
ها يمه نامت مرتك
اي بس هم بعدها تشهك وتبجي هي نايمه
سوده عليه من عرفت تخبلت وظلت بس
تبجي وتلوم بروحها
ذبيت حسره وجاوبتها
الحمد لله والشكر هي ماصار بيها شي،،،
فدوه الجاهل يتعوض بس هي اذا راحت ماتتعوض
حجيتها بغصه وامي كعدت يمي وجاوبتني
بحنيه ووجهها مبتسم
تحبها يول
ابتسمت وجاوبتها
اي يمه احبها مثل حب ابويه الج
ضحكت وجاوبتني
وتستاهل فتون تحبها مثل حبه لابوك
فدوه لقلبها ليش ماتنحب اشو حلوه ودمها عسل
وتضحك الميت ابوه
هزيت راسي ورجعت لنفس الموضوع
يمه شلون وياها خاف تظل هيج ،،،،
لا يمه هي كم يوم وترجع لحالتها انت هم لاتعوفها
ظل يمها ومن ادوام خابرها كل مشوار
تره نص دواها انت
هزيت راسي وهي كملت
والله بنات هالوكت راح يخبلني اكو وحده ماتحسب
لروحها احجي يكولن هي تجي شكو دنحسب الها
مضيعات الاول والتالي
ظلت تحجيلي شلون وكعت
وثامر شالها وشلون خلو الها دم لان نزفت جثير
وراسها تاذى وخيطوا
يحتاج نوديها للدكتوره باجر
لا يمه مايحتاج الدكتوره انطتها علاج،،،وكالت
انتبهوا الها ،،،خاف ادوخ ماتتوازن اخذوها
رأسن وسوالها
مفراس
گلبي هبط سالتها بسرعه
هاي ليش،،،،بيها شي وانتو ماكلتوا اليه
لا يمه هاي شبيك من وره الضربه
الي اجتي براسها ،،،كالت راقبوها
كمت لحيلي وره دقائق
اروح اتمدد يمها لان تعبان كلش
روح يمه الكل نام من التعب والهبطه سوده
عليه ابوك ذب روحه بالفراش
لو شايفه بالمستشفى جان وجهه اصفر والضغط
صعد عنده من شافها لا ايد ولارجل والراس مضمد
الله يخلي النا ماقصر لا هو ولا اخوتي ،،،
امين يمه
تمشيت للغرفه الخطار
طبيت سديت الباب رحت لجربايه فتون
جانت ام نفر فرشت يمها كعدت وباوعت عليها
نايمه والدمعه بعيونها ،،،،بستها من خدها
ورجعت تمددت بفراشي
مديت ايدي ولزمت ايدها ظليت اضغط عليها
كل مشوار الما غفيت
أنت تقرأ
وحكمت المحكمه
Romanceعندما رأيتك أول مره ادكت بل تأكدت اني أحببت حباً لن أشفى منه أبداً... وادركت وأنا لست نادمه إنك كنت أول الهزائم لقلبي .....
