وحكمت المحكمه
بقلم اوتار حزينه
البارت العاشر
______________&______________
راح تهون ،،،وننسى شلون ماينسون
راح تهون،،،،وباچر نضحك وهم يبچون
،،،،،
فتون
بليل اخذت هدومي ورحت يم البنات
لبست فستان ضيق من فووك ،،،،وحزام على الخصر وينزل كلوش الحاشيه حفر ومطرزه هي والردن
لونه رصاصي فاتح ،،،،خليت عدساتي وصابرين
خلتي مكياج بسيط ،،،،بس برز جمالي
لبست ربطه وسويتها مثل التركيات
ولج فتون طلعتي تخبلين بالربطه بعد لاتلبسين
شال الربطه تلوك الج
موو اني هم احس هيج،،،،،
حجيت باعجاب ،،،،من شفت نفسي طالع بغير ستايل
وكملت
اروح اجيب جنطتي حتى ننزل لان خاله كامت تصيح علينا
اي روحي
جبت جنطتي من الغرفه وطلعنا اني والبنات
نزلنا لجوه خاله كالت
يله يمه اطلعن ابوجن ومراد صارلهم ساعه واكفين بره
من طلعنا شفت مراد واكف يم سيارته ويدخن
حلو وكاريزما تخبل ،،،بس للاسف ناقصها الوفاء والاكتفاء
مراد
جنت واكف بره
ضايج من وره كلام فتون وبرودتها الي
شويه شويه كامت تخليني اريد افقد اعصابي
يله مراد اجني
درت وجهي من حجه ابويه صفنت على
فتون طالعه تخبل
انيقه بنزاكه،،،،هذا الي اجه بالي
عيوني ظلت عليها الما وصلت يمي كلت
كوه
يله اصعدي
هزت راسها ،،،اندارت صعدت يمي
ابويه حجه
اطلع كدامنا واحنا نمشي وراك
اي يابه
صعدت باوعت عليها شفتها ملتهيه بجهازها وتضحك
عگدت حواجبي تقدمت شويه حست وخلت ايدها عليزطفته،،،،ابويه دك هورن اشرتله راح احرك
شغلت السياره عيوني عليها
رجعت فتحت جهازها وظلت تراسل ماادري منو
طلعنا ساكته وملتهيه بي
دك انطته رفض،،،تكرر وهم انطته رفض مره ثانيه
سوته صامت وخلته بجنطتها
باجر ادوامين،،،
اي
جواب قصير ودارت وجهها مني ،،،كامت ادك
بأيدها على الجنطه ،،،،
جبتي الحلقه
اي
من نطلع من المطعم نروح لصايغ اعرفه
بدليها يمه واخذي التعجبج
أنت تقرأ
وحكمت المحكمه
Romanceعندما رأيتك أول مره ادكت بل تأكدت اني أحببت حباً لن أشفى منه أبداً... وادركت وأنا لست نادمه إنك كنت أول الهزائم لقلبي .....
