وحكمت المحكمه
بقلم اوتار حزينه
البارت الحادي عشرا
______________&______________
فتون
جنت اسمع الحجي وماافتهم اي شي
لان كلام امال استحوذ عليه
وظل كلامها يدگ بعقلي وگلبي بقوه ووجع
جرح جبير للمرأه من تسمع من غيرها زوجها خاين
وهي مو تارسه عيونه،،،،،،حتى هي لو تعرف هذا الشي تظل ماتريد تسمعه تظل تريد تبين هو مو هيج
وحياتهم مابيها شي وهو يحبها ومايخونها
الله لاينطيها حركتنا وولت لبيت اهلها
هبه حجت وكملت
اني ادري هاي شبيها كل فتره مسويه مشكله
وعالكتها علينا
هي من يومها ام مشاكل ،،،،ودواها بس ضرار
هو يعرف شلون يأدبها
صابرين جاوبتها وخاله حجت وياي
يمه نامي شويه وارتاحي ،،،ولاديرين بال للحجي
تره محد رضى عليها
سكتت وتمددت بفراشي وهي كملت
يله بنات اطلعن وخلنها وحدها خلي ترتاح
شويه
الضوه طفه خلن الباب شويه مفتوح من طلعن
من يمي
جنت،،،، اريد اظل وحدي ومااشوف احد
ماجنت اريد اشوف نظره الشفقه او اسمع كلام يواسيني او يكذبون الي سمعته والداشوفه بعيوني
حجيت بغصه
ليش انت مو مثل اخوتي او
مو مثل اخوتك،،،،شعجابك من هذا الطريق
مو كله ذنوب واثم ،،،،،،،شبيك رجال ،،،،،،،طول بعرض هيبه من تمشي مهندس وشكبر اسمك،،،،،،، وكلشي مو ناقصك ليش تخلي وين ماكو واحد مايسوه يحجي عليك ويجيب سيرتك بشين
شهكت بالبجي وكملت
من بعيد حبيتك ،،،،اني صغيره فتحت عيوني
عليك اشوفك واتمناك ،،،،حبيتك بعيوبك وبعدني احبك ولو ادكولها الي بالقران وغلاتك انت انسى السويته واروح لحظنك انسى الحجيته عليه واذلالك الي بس اسمعها منك،،،،
غمضت عيوني بقوه من شفته اجه
طب،،،،،عديت خطواته الي اعرفهن مثل دكات گلبي
تقرب انفاسه ضربت وجهي وخر شعري من وجهي
تأخر بأيده على خدي ذب حسره ووخر ،،،،،،
ظليت اسمع خطواته تروح وتجي يمي
وصوت يحجي بهمس بس بعصببه
ضايج مراد لان حجت الحق
ليييش تضوج مو انت صدگ هيج،،،،،،
حجيت بگلبي كتمت شهگتي كوه
الباب انفتح وانسد عرفته طلع
فتحت عيوني مسحت دموعي،،،وظليت بهمي
الي مايعرفه غير بس الله
بذاك اليوم مارحت لاهلي،،،،خفت لايشوفون وجهي
ويعرفون البيه ومن خابرتني هدى كلت الها عدنا خطار وعيب اعوفهم واجي عليكم
نزلت المغرب من اجتي عليه هبه هي ونارين
طبيت للمطبخ كعدت واني ساكته
أنت تقرأ
وحكمت المحكمه
Romanceعندما رأيتك أول مره ادكت بل تأكدت اني أحببت حباً لن أشفى منه أبداً... وادركت وأنا لست نادمه إنك كنت أول الهزائم لقلبي .....
