حب_اما_عذاب
بارت3
صار الصبح ...فتحت عيني واني اگول هاي شوكت نمت؟؟؟
.... كمت غسلت ونزلت جوه
وكالعاده ماما وبابا وبيبي كاعدين ... صبحت عليهم
وشفت ماما دتحضر الريوك رحت وكتله ليوم اني احضره
ماچان بقصدي شي بس خطيه كل يوم هيه الي تسوي
حضرت الصينيه ..... وطلعت الطحين مال السياح
وكعدت اسوي بيه ...
واني مندمجه ويه السياح سمعت صوته من ورايه گال
صباح الخير... صوته مبحوح من النوم والجگاير اكيد
جاوبته ماما بفرحه هلا بهلصباح يبعد امك .. شوكت رديت
باوعت
عليهم بطرف عيني شفته دنك عليه وباسه وراح باس بيبي وحجه وياهه
وانوب رجع عله بابا وباس راسه
جاوبه عمي وهوه مبتسم ....خطيه شكد جان ضايج بس من شافه
رجع طبيعي
انوب كام واتجه ..عليه واني احس جسمي كله انتفض
وكف يغسل وجهه وگال صباح الخير
گوه طلعت صباح النور من حلگي...
رجع كعد بمكانه بصف بابا ..... بقوو يحجون صح اسمعهم بس من التوتر مافهمت شي
وره شويه اجه ذو الفقار ...وصبح عليهم كلهم
ماما كالتله شوكت رجعت كله بنص اليل هوه جان بلشغل صارله شكم يوم
باوعلي وكال صباح الخير بت بغداد شلونچ
جاوبته بابتسامه صباح الخير ... ذوالفقار انته شلونك
ذوالفقار :بخـًٍـًـًٍـًير دامچ بخير
عشق:تسلم
اشوو هذه گام يخزرني ويباوعلي بطرف عينه
اهووو بدت رحمه الله
خلصت السياح واجيت خليته گدامهم
جرتني بيبي وگعدتني بصفهه وصرت مقابيله
هاي شلون ورطه ...شلون راح اخلص الريوگ اليوم
بقت بيبي كل شويه تكص سياحه زغيره وتنطيني اياهه
ودگلي ....خاف اطيج وحده كامله وتوكف بزردومج
انتي ترفه وماتحملين ...واموت من الظحك عله كلام بيبي
ارفع راسي واشوفه يباوعلي وهوه يسولف
بقيت مدنگه واكل شويه شويه ..بسسببه ...
اجتي شمس وكالت صباح الخير ...كلنه تعجبنه شمس كاعده من الصبح
ذوالفقار:ولج سميچه اول تالي مغبشه
شمس:ماعرف شو شبعت نوم وسمعت صوتكم كلت هاي الجمعه ماتتفوت
ماما:والله يراد نذبحلج طلي چي گعدتي
شمس:اهوو تره ارجع انام
ماما:وعلوو ماتنامين كاظينجً احنه
اجتي وكعدت بصفي ولزمت ايدي وكالت يااااا صباح الحببب
باوعتله بطرف عيني وكتله ..تره مانسيت سوالفج البارحه
كامت تظحك الفاهيه ...وگالت شسوي ياختي منظرج لبارحه
يسوي واهس للواحد يتحرش بيچ
