حب_اما_عذاب
بارت6
فتحت عيني ....واشوف شمس ترش عليه مي
وماما وحسن وذوالفقار فوگ راسي واگفين......صگر وين
شمس:شوشه شبيچ شجرالج... حاجيني
ماما:وج شتحاجيج ماتشوفين حالهه...سوده عليه يايمه شصابج
شمس:تسمعيني شوشه
اممم ....بس هاي الگدرت احچيهه احسس روحي رايحه
والنفس گووه اجره
واسمع ماما دگوله يمه صگر شمتاني گوم اخذهه للمستشفى
صگر وينه؟؟؟حركت راسي شويه وصار عطره بخشمي
فتحت عيني ولگيت نفسي بحضنه
صاح عله شمس ركضي جيبي عبايته
رجعت فقدت الوعي ،.....صحيت واني بلسياره
بس ماگدر احچي.....شلون وصلت لهنا مادري
وره شويه وكفت السياره...ونزل صگر فتح الباب وشالني
واني بعالم ثاني....دخلني لجوه واسمعه يحجي وياهم
اخذوني عله السديه خلوني ودخلوني لجووه
ورجعت فقدت.......ماعرف شگد مر وقت فتحت عيني
بس هلمره احس تحسنت .....وعيت اني بغرفه
وحدي وبيدي مغذي ..... وعله وجهي مال الاوكسجين
وخرته ....وگلت صگر!!
فتح الباب ودخل ....گال هاا؟؟ گولي
شلون صرتي ؟؟
ماگدرت احجي لان احس صدري متنگ
هزيت راسي مبيه شي
طلع وراح جااب الدكتور
دخل وكال هاا شلون صرتي اشرتله زينه
قاس الضغط وشاف نبضي وشاف عيني وگال
لا لا ماكوو شي لتخافوون بس الضغط هابط حيييل عندج
وهلشي موبصالحچ....وصدرچ ملتهب مشتمه دخان اوريحه قويه؟؟
باوعت لصگر خطيه انخطف لوونه وگله دكتور يي اني ادخن
التفتله وگله حاول تقلل او تبتعد عنه لان عدهه جيوب انفييه
واضاهر متتحمل بسرعه صدرهه يتحسس
بس لتخاف ننطيه علاج وتصير احسن
بهالاثناء دخلت دكتوره....وياهه ممرضه وگالت ها شلون صارت
الدكتور گله بخير ...باوعت لصگر وكلتله اذا محتاجين شي
كولو باوعله بطرف عينه وجاوبه رحم الله والديچ
باوعتله شكله ملطلطله كولشش..
رجعت وگالت اضاهر اختك متتحمل ...دخان الجكاير هههههه رقيقه
اندار عليه صگر وگله قصدج زوجتي مو اختي
وايي رقيقه متتحمل ....ورجع باوعلي وگال ترفه الهوى يأذيه
باوعتله ...خاف اني مو مختنكه اختنكت بلزايد يحجي بجديه
وعيونه تجدح ....گلبي ماسيطرت عليه ...اووف يصگر
طلعوو الدكاتره وبقينه شويه وهم طلعنه
كمت لبست عباتي ...ومشيت گال اسندچ گتله لا...
صح دايخه بس استحيت اگوله ايي
بقيت امشي ع كيف وهوه يمشي قبلي .....بس كل شويه يلتفت عليه
وصلنه للسياره...وفتح الباب
رفعت راسي....شفت حدايق واشجار وخظار مكان حلو
والهوى يرد الروح...بقيت اباوع گال نفرش ونگعد هنا
باوعتله ..عبالي ضاج لان تأخرت لگيته مبتسم
ابتسمت وگتله لاا بس المكان حلوو والهوى منعش
صار فتره مطالعه من البيت .....گال اصعدي
صعدت يمه بلصدر...اتذكرت من اجينه جنت نايمه بلكشن الورى
شغل السيارة
حرك ومشه بيهه ....يمشي واباوع ع الطريق
الشوارع نضيف وحلوه اشجار واضويه
احس نفسيتي تغيرت فعلا الكعده بلبيت مده طويله
تحطم النفسيه.... والهوى يجنننن احسس صدري تحسن
من شميته...واحنه نمشي شفت الشط
الله شط تذكرت نهر دجله من جنت بغداد
كلما نروح نزور ننزل يم النهر ونبقه كاعدين ساعه ساعتين
اوووف يااايام قبل ويا راحه قبل ..هم يجي يوم وارتاح مثل قبل
ماسيطرت عله دموعي ونزلن امسح بيهن ميوكفن
حاولت ماالفت نظر صگر بس هوه انتبه وگلي شبيچ متوجعه ؟؟
گتله لاا ...بس
صگر:بسس شنو ؟
عشق: شفت الشط وتذكرت اهلي
صگر:ننزل يم الشط شويه
باوعتله وعيوني كله دمع ...كتله بكيفك
وفعلا لاف السياره وركن بلگراج ونزلنه
حته الدوخه راحت ....ومشيت عدل اشم هوه الشط يرد الروح
نزلنه يمه جان اكو مطاعم وكوفيات بس مااخذني هناك
فوتني من غير مكان فارغ مابيه احدد
وصلنه قريب ع الشط مكان يخبلللل صح
فارغ بس مريح
جابلنه كراسي وكعدنه وگال شلون صرتي
عشگ:الحمدلله احسن
صگر:عرفتچ مريضه من الضهر بس انتي عاندتي
عشق:مجان بيه شي الضهر بس قبل شويه ماعرف شجاني
صگر:گال الدكتور من الدخان
باوعتله وكتله يعني راح تبطل تدخين.؟؟؟
صگر:تردين ابطل؟؟
عشق:قبل متترك التدخين لخاطر احد اتركه لخاطر نفسك
صگر:ليشش
عشق: شنوو ليش يعني متعرف هلشي موزين
صگر:مو المشكله الجگاره صارت روتين يومي شي ويه روحي
ماگدر اتركه بيوم وليله ...اذا ماادخن مارتاح
بقينه شويه برد الجوو حيل وگال يلا نرجع
رجعنه وصعدنه بلسياره ....اتصلت شمس عليه
كلله زينه بس هيه مصدكت كالتله انطيني احجي وياهه
الوو ها شموسه ....الحمدلله احسن .....مابيه شي والله
لا شويه تحسس بصدري وضغطي نازل
كل هذه الاكل شاكل بعد...اكلج انتي هههههه يي
يلا عيني باي
انطيته التلفون وهوه صافن عليه گتله هاك
چان يتقرب مني ويبوسني بحلگي ...بقيت مصدومه
انوب اخذذ شفايفي بين شفايفه وبقه يبوس ويمص بيهن
حسيت جسمي كله تكهرب ...وفقدت السيطره عله نفسي
نفسي انگطع بس هوه ما وخرر مثل الجوعان لشي وهسه لگاهه حسيته
اخر شي دفعته حييل وجريت نفسس وكمت اگح
باوعتله خطيه .....خااف وگلي اختنگتي موو
گتله عاادي بس ماگدرت اباوع لوجهه
وهوه هم گال شي حرك السياره وطلعنه ....
بقيت طول الطريق مخليه ايدي عله شفايفي واحسهن ورمن
وگلبي يدك يدك ماكدرت اباوع لوجهه
وصلنه للبيت نزلت بسرعه...وتلگني ماما وشمس
يسألني ويطمنن ع حالي واني بالي مو يمهن
عبالك مراهقه اول مره اجرب البوسه....
تحججت بلمرض وصعدت فوك وقفلت الباب وكعدت
اتذكر الصار....لزمت شفايفي بعدهن حارات
عبالك يريد ياكلني مو يبوسني ....
اديه ترجف اوووف گلبي
اندگ الباب وعبالي شمس كمت افتحه شفته هوه يبوو
انداريت وتوجهت للكنتور ...اسمعه دخل وطبگ الباب
فتحت الكنتور وكفت اطلعلي ملابس
وچان يجي ويوگف ورايه وجسمه لزم بجسمي
وخله ايده عله خصري.....من التوتر گطعت حته النفس
جر شالي وشمره بلگاعً...قرب وجهه من اذاني وگال
ضوجتج موو ؟؟؟گتله بصوت يرجف لاا
صگر:لعد ليش هيج ترجفين ...خايفه مني؟؟
سكتت ومجاوبت ماعرف شجاوب اصلا
اني ماعرف شجاني ...بزواجي الاول ماحسيت
بهذه الاحساس حته بليله الدخله ....ليش هسه جاي يصير هيچ
لزمني من چتفي ودارني عليه وتقرب مني حيل وصرت عله الكنتور
باسني عله شفتي بس بوسه خفيفه مو مثل قبل شويه
باسني مره ومرتين وتلاثه...خدررت حيل
غمضت عيوني ورحت بعالم ثاني ...باسني بخدي وعضني
ونزل عله رگبتي بقه يبوس بيهه واني بس النفس طالع مني
گمت مااحس باطراف اصابيعي
بقه يبووس بيهه بس بوسات رقيقه ردت اوگع من طولي
وچان يندگ الباب ... بسرعه وخر لان الباب ممقفول
شمس گال شوشه گاعده ....اباوعله ضاج حييل
رحت فتحتله الباب هيه من شافتني فتحت حلگه
حقيره تعرف كلشي ....طلع صگر وهيه دخلت
گالت شايفه وجهج گتله شبيه
شمس:احمررر وخدج احمرررررر
عشق:هههه عابتلج واذا احمر غير مريضه
شمس؛ييي مريضه احچي الصدك
