حب_اما_عذاب
بارت5
صعدت ....فوگ سبحت وبدلت وكعدت ارتب بلغرفه
صعددت شمس ورايه ودخلت گعدت يمي
خلصت واجيت يمهه باوعتلي...وگالت اگلچ
صارلچ شگد ماحافه گتله قبل مااجي حفيت...اشو هاي راحت ركض
ورجعت وبيدهه خيط ؟؟؟ وجرتني عليهه
گتله شدسوين ..گالت احفلچ غير
گتله اوگفي لحضه ...بس ماريد احف
شنوو هوه بگيفچ.. لا شمس عليچ الله
هاي شبيچ يمعوده قابل انتي بعدچ مراهقه وتستحين تحفين
مره مزوجه والرجال ...يريد مره مرتبه
ظحكت بستهزاء وگتلهه يي صحح
شمس:چنچ ..ماراضيه ولج
عشگ: يعني انتي مصدگه اني وصگرعايشين حياتنه مثل
كل ثنين متزوجين؟؟
شمس:لاا اعرف كلش زين انتو شنو وظعكم
بس مومعناهه تبقون هيج طول العمر
لازم واحد منكم ...يبدي ويتنازل
عشگ:وليش لازم اني اتنازل ليش موهوه لو لان اخوچ
جرتني وبدت تحفلي وگالت وچ لا تصيرين زعطوطه
اخووي شنهو انتي تعرفين شكثر احبج واعزج
وشكثر احب صگر ومايهون عليه اشوفكم معلعلين
هوه شبع ضيم وانتي شبعتي ضيم ....دكافي عادد روسكم يابسه
وخرت منه وگتله شمس انتي شدتحجين ...اني فصليه وصگر شيخ
ومتزوج وعنده حياته ....تدرين ماعرف شي عنه غير عمره واسمه
اصلا احنه وجودنه سوه بنفس المكان غلط
اني كل يوم قبل ماانام اكول من اگعد باچر هذه الحلم يخلص
كل دقيقه تمر واني اگول هسسه يجي صگر ويجرني للغرفه
يضربني وياخذ الي يريده ....انتي متعرفين الي جاي اعيشه
شمس: كافي عشگ كافي اسسكتي ... گالته بنبره وهيه ضايجه
مع الاسف عليج ماضنيتج هيج گلبچ قاسي
شمس بس خلي افهمچ
گالت قبل لاتفهميني اسمعي مني ...اذا صگر سمع هذه الكلام منج والله
يگلب الدنيا عله روسنه من صرت لليوم واني اسمع صگر يگول
عامل الناس كما تحب ان تعامل....
رغم منصبه بلدوله وصيته وسمعته بين الناس ابد ماتكبر
وابد ماغلط بحق احد بيوم وكلنا علمنه عله هذه الشي
حته ابوي غير تفكيره صگر....
ماچان يباوع للناس بنضره دونيه واقل من مكانته
بلعكسس ...يحب كل الناس حته اعدائه
صح چان مجبور يجيبج لهنا حته يحل مشكله ..بس ماكو رجال
بلدنيا ينجبر عله شخص مايريده ...سمعتي شگتلچ رججججال
يعني المثل صگر...مو لانه اخووي لا وحگ الله بس هاي الحقيقه
صگر مايخليج هنا اله اذا هوه رايد هذه الشي
ومفكر يبدي وياچ حياة... لو يريد يضربج ويكسرچ وياخذ الي
يريده قابل ينتظر منچ اشاره....بس هذه مو اخوي ليسوي هيچ
اسمعي مني هلحچايه ....صگر اسم عله مسمى صگر ولكل تهابه
بس صگرنه مجروح وينزف دم ومحد مضمده
تلاحگي لصگرچ يعشگ وضمدي جرح گلبه .... حته جرح گلبچ
يطيب
ورجعت تحفلي ...
