حب_اما_عذاب
بارت 9
صگــــــر
- هل ليّ أن أحتضنكِ لينتهي كُل شي .💔💔
قريت الرساله واحس نگلبت احوالي ...هاي شتريد هسه ؟؟
وين چانت نايمه وتوهه گعدت ؟؟؟
ذبيت التلفوون ماجاوبت بقت تتصل تجاهلته
الا ان دگ تلفون عيسى وجاوب باوعلي ولونه اختلف
انطاني التلفون وگلي يردوك؟؟؟ منهو هذه
جاوبت
الووو ؟
وهيه گالت الوو حبيبي شلونك
هذه صوته ؟؟ اي هيه
الحمدلله انتي شلونچ
موزينه بفراگك حبيبي
لااا وهسه يلا تذكرتي؟؟
شسوي حبي موبيدي تدري بيه اموت عليك بس اني مرات مدري
شيصير بيه اكره كلشي واكره روحي
هااا وهسه شنو المطلووب
ليش هيج تحاجيني ؟؟
سألي روحچ
وين انته
وانتي شعليج
اعصابك حبيبي غير خايفه عليك
ياااصبر الارض ...انتي شتردين
مشتاقتلك
ماشي
بسسس ؟؟
روحي هسه مشغول
سديت التلفوون واحس نار اكلت گلبي اكل
صار سنه اتوسل وابوس الادين وماكلفت نفسه تبرر
هسه جايه الخاتون مشتاقه
عيسى:خوويه صگر يجوز ماتحب ادخل بهذه الموظوع
بس ديربالك تتسرع
صگر: شقصدك ؟؟
عيسى: تعرف قصدي يخوي
يي اضحكي يزهراء يااول حب بحياتي يامن بعت الدنيا لأجل عيونج
تحججت بلشغل وسديته منه
بس هيه ماخلتني ارتاح
كل شويه متصله وكل شويه دازه رسساله غراميه وكلام حلوو
خلت عقلي وگلبي بحرب
صح ماعاد الهه مكان بگلبي بس تبقه مرتي وحبي الاول
اذتني حيل وجرحتني ادري بيهه تحبني موت بس تحب روحه اكثر
خلص الشغل وثاني يوم رجعت للبيت
دخلت واسمع صوت سوالف نسوان
باوعت ذن عماتي وبناتهن ....گلت السلام عليكم
اندارت وصارت عيني بعينه ...والله مشتاگ
دخلت سلمت وطلعت ...ولا چنهه تشوفني
صعدت ومااجت وراي ...صحت بصوت عالي عشگ
اجتني تركض ...صعدت
وصعدت وراي تحاچيني ومالي خلگ احاچيه
گلبي يرف رف عليهه بس لساني مدري شصابه
كلما اريد احجي شي تجي صورت زهراء ابالي تخربط احوالي
شفتهن ضاجت حييل وطلعت شبيدي عليهه
مانطاني گلبي اعوفه ضايجه وهيه مريضه
نزلت وراهه بس مالگيته
دخلت دموع وراي
سلمت وبقت تسولف وبقيت احجي وياهه نسيت ضيمي شويه
وره شويه نزلت ...گامت تباوعلي متفاجئه
دخلت تغسل مواعين ...ودموع مستمره تسولف وتظحك
وجعني گلبي من شفته ضايجه
گالتلي يعني ماكو حب منا منا
گتله يمعوده ياحب يابطيخ شلي بدوخه الراس
مدري شلون حچيته بس موبيدي من وچعه گلبي حچيته
مافكرت بعشگ ...
وچان تجي جدتي وترزل دموع ذيج الرزاله
ماتگدر تحجي وياي اباوعله واغمزلهه ههههه
صاحت لعشگ حته توصلهه وراحت
اووف يعشگ سودنتي البيت كله
وره شويه دخلت شمس تركض للمطبخ واخذت مي
گتله شبيج كالت عشگ مدري شبيهه
بدون وعي ركضت وراهه للغرفه شفت امي يمه تسولف عليه
وجهه ذبلان وعيونه حمره تعبانه تعاي لحضني اطيبج
باوعتلي بطرف عينه ودارت وجه ....
عفته وطلعت غثتني حيل ولو انه ماقصرت
مدري شبيه وياهه وهيج اضوجهه ؟؟ بس من تضوجني ماسيطر عله روحي
