حب_اما_عذاب
بارت7
بقيت گاعده منتظرته صارت ب١٠ بليل وهوه ماكوو
نعست حييل من الادويه واني تعبانه ...استسلمت
ونمت فزيت الضوه بعيني ازعجني ....فتحت عيني
شفته واگف عله المرايه يمشط ولابس بدلته العسكريه
گمت عله حيلي هوه انتبهلي وگال ليش گمتي ابقي مرتاحه
گتله لا گعدت بعد....فددوه شگد انيق وشكله فخم بلبدله
انتبهلي اباوعله اندار واجه عليه گال شلوون صرتي
عشق:الحمددلله احسن
صگر:الحمدلله
عشق:البارحه تأخرت حييل؟؟؟
شفته ضااج حييل ودار وجهه هاا بسم الله شحجيت اني
گال صار عندي شغل ...وتأخرت
عشق:رايح للدوام ؟؟
صگر:المفروض موو هسه بس خابروني وضروري اروح
اجه وگعد يمي وگال ديري بالج عله روحچ اذا حسيتي بدوخه
او وجع گولي لامي لتبقين ساكته
هزيت راسسي بأي
گام وراح طلع اوراق من الجراره ورش عطر
باوعلي وگال رايح
گتله الله ويااك بقه واكف يباوع عبالك منتظرني احچي
شي بعد بس شحجي شگول
لاتروح
ابقه بعد
راح اشتاقلك
تعال احظني
دنگت راسي وسكتت وهوه طلع بس اخذ روحي وياه
حاولت انام ماكدرت باوعت الساعه ٤ كمت ورحت يم شمس
فتحت الباب ودخلت رفعت الغطى ونمت يمه هيه حست عليه
گالت شوشه شجابج !! بيج شي
دفنت راسي بمخدته وهزيت راسي مابيه شي
كالت لعدد خوفتيني گتله راح
گالت وج منوو
گتله صگر
گالت وين
گتله للدوام ...ضربتني گالت مرض راحت روحي حسبالي بيج شي
ماسيطرت عله روحي وبچيت حظنتني وگالت
هنه ششكم يوم ويرجع لعد مو جنتي تتعيقلين عليه
اووف صدوك والله ماعرف شبيه من راح حسيت بقيمته
ماعرف شلون غفيت وكعدت الصبح
ساعه ب٧ ونص گمت غسلت وجهي وبدلت غير دشداشه ونزلت
لكيت ماما وبيبي گاعدين صبحت وگعدت يمهم
بيبي گالت ها ولج من راح صگيير يلا شفنه وجهج
خليت راسي عله چتفهه وجريت حسره
ماما :يمه سوده عليه هاي الحسره كله لفراگ صگر
اووف شحجي وشككول كله عرفت اني احبه اله اني اخر وحده
يارربي شيصبرني ...وره شويه نزلت شمس
خلصنه ريوگ ماخلتني شمس اسوي شي لان مريضه
بقيت نايمه عله القنفه بلصاله ومخليه ايدي ع عيني
سمعت صووت مره گالت خووش والله
الچنه نايمه وبت الشيوخ تشتغل وتنضف ....رفعت ايدي
وشفته مره واكفه باب الصاله وياهه بنيه شابه
گمت عله حيلي ...بقيت ساكته ماعرف شجاوبه منو هاي اصلا
دخلت ماما وگالت ياهلا خيه ام صادق شلونچ بعد گلبي
وباوسته هيه والبنيه
باوعتلي وكالت تعاي يمه شوشه سلمي عله مره عمج
تقدمت عليه وكتله شلونچ خاله وباوسته بس هيه تباوعلي بطرف عين
هاي شبيه؟؟
دخلت شمس ونصدمت من شافتهن مبين عليه حيييل تحبهن
باوستهن واجت وكفت يمي
چان المره دگول سوده عليه شميسه يمه تفترين بلبيت
والناس نايمه ومرتاحه
طلعت تقصدني ...ماشاءالله ابد موشرانيه
شمس لزمت ايدي وگالت عمه هذه بيت اهلي لوابقه طول عمري
