ومالِـي غِيرك حبيّب
وقلّبك اعرفه طيب
وفِـي حُبك تدارِيني
وظَـني ما بتخيّب
^^
صَبـاح اليوم الثانِي »
دِيـرة نجّد العِذية »
دخل الجد غُرفـة الشباب يصحيهم وهو يطق بعصاتهم على رجلهم : قوموا ياملا العافيه قوموا
وجـه عصاته الى حازِم يضربه على رجله عشان يصحى ، حازِم فز :
سم سم ياجدي
الجد بعصبيه لِـي الباقي : قومو حسبي الله على عدوكم
قاموا كل العيّـال متوجهين لدورة المياه « اكرمكم الله » يتوضون عشان يمديهم يَلحقُون لِـي صلاة الظُهر بالمسجد ، فعلاً دَخل اول واحد حازِم ووراه العيال صلو تحية المسجد ، بعد التسليم طلع وكل واحد راح شُغله
جاسِر : وراك ياحازِم وينك رايحن له
حازِم ببتسامه خفيفه : بروح للحُب وغمز له ومشى
سعد : هاو هذا حازِم غريبه يتبوسم
عبدالعزيز : يرجال تلقاه رايح للحُب حقه امشو بس
عند حازِم ،، توجه لِي نجود وصوّت لهـا عشان تجي ، نجود بدلع : هلا حبيبي
حازِم : ياهلا بعيوني شوي وكشر من لبسها الفاضّـح مع انه مَا كان فِيه اي مُناسـبه عشان تلبس كِذا ! ،،، حازِم : ليه لابسه كِذا ؟
نجّود بدلع : شدعوه اكيد عشانِك او مع البنات
حازِم : طيب لو شافك احد من العيال هيا ايش نسوي ؟
نجود : حزوممي خلاص ترا بتزعلني
حازِم : ماعاش من زعلك تقدم وقبّل راسها بخفه ، يلا انا استأذنك يَعيوني
« عند الحريم داخِل »
وجد : يمه تخيلي
رِيهام : تدرين لقينا مامداها تكمل الا ووجد تصارخ عليها ماتقول
ريم : ياربي صبرك ذولا ماراح يعقلون؟
نجود : الشكو لله ياخويتي
ام حازِم : اخلصو يبنات شصاير
ام عبدالعزيز : اي وجيهكم منشقه علامكن صايرن شي؟
وجد : لقينا ميكب ارتست يمه مره فنانه وتخيلي تقدر تجي الديرة
ام حازِم : ماشاءالله منهي وكيف عرفتيها
دخلت ام سعد وبيدها الشاهِي والقهوه : شصاير ؟
شوق : لقينا ميكب ارتست تقدر تجي الديره
ام سعد : زين والله بس شغلها مضبوط
وجد : اي صديقتي جتها وتمدحها مره مره خل ناخذها لملكة نجّود
ام حازِم : ابشرو روحي كلميها ياوجد تاكد الحجز وخليه على عددنا
شوق لفت على نجّود : صح نجيّد متى ملكتك ؟
نجّود بابتسامه : بعد يومين تقريباً جهزت كل شي باقي الميكب ارتست
ريهام : اجل خلاص بنات احجزوها
ريم : صح هي من وين ؟
وجد : تقول انها من الحجاز
ريهام : ايو تخيلوا تصير فاتشه وتسذا
شوق هزت راسها بالنفي : لا سمعت من خويه وجد انها منقبه
ام عبدالعزيز : وانتم شدخلكن فيها
ام حازِم : اي بالله صدز
ريم : يعني شوفو عشان نتاكد وهيك
ام سعد : الله يرهيبكن اقول قومن قومن بس اشربو شويّهي
« الحِجاز »
نزلت غُرور بعجلّه تخبر امها انه عندها حجز بِديرة بعيده
ام غُرور : زين يابنتي مايخالف بس شسمها؟
غُرور : الصدق يماما نسيت
ام غرور : الله يهديك
غُرور : مامي عاد اطلع مع تالا كوفي ؟
ام غُرور : اي عادي واذا جيتي بدري جهزي اغراضك
هزت راسها غرور بالايجاب ودخلت غُـرفتها تبدل لبسها لبست لها بدي اسود وبنطلون اسود وعبايه سوداء باكمام مطرزه بالزِهور وضبطت نقابها وحطت مسكرا خفيف وراحت مُتجِهه الى الكُوفي
وبعد دقائـق وصلت ونزلت تروح تطلب لها ولصحبتها «تالا»
وجلست عالطاولة وبعد دقيقتان جت تالا وهي تلهث ، تالا : اخ معليش طولت عليك
غُرور : ماشاءالله بدري مره جيتي
تالا : اقول اخلصي بس قوليلي شعندك من الهروج
غُرور بِحمـاس : تخيلي بعد يومين او بكره اليل حروح ديرة ناسيه اسمها عذيه مدري شسمها الصدق بس مره متحمسه مدري ليه وكدا واحس ادا عجبتني بقنع ماما نطول فيها شويه ، وتخيلي تقريباً بشتغُل على تمانيه بِنت متخيله؟
تالا بصدمه : احا ايش دا كل دا صار عشاني ماداومت يوم !
غُرور بضحك : ايوه و تخي ماكملت كلامها الا يجيها رساله من الزبونه والي هي «وجد» ،، صبر ترسل ترسل ،،،، المحادثه :
وجد | السلام عليكم اخبارك معليش على الازعاج بس حابه اقولك عادي تحضرين معانا المِلكه ، لان الديرة بعيده الصدق وبيتعبك تروحين وترجعين صدرد ، المهم اتمنى توافقين .
غُرور : عليكم السلام انا بخير ان شاء الله انك بخير ، والله انا ماعندِي مشكلة بس حكلم امُي وارد لك خبر تمام ؟
وجد : شدعوه خذي راحتك يعيوني
« انتهت المُحـدثة »
غرور بِصُراخ خفـيف : اخ تلو تخيلي تقول شرايك تُحضري معانا
تالا : الله ابا اجي ايش دا
غُرور : موتي حرّه هههههااي ، بس حقول لماما اول واشوف
تالا : ايه اكيد ،،، وقعدو يسولفون وماركزو بالوقت الا ومرت بالفعِل ساعتِين ، غُرور : وي تويل حسبي على عدوك تأخرت يلا يلا باي
تالا : باي يعيوني
وتوجهت غُرور للبيت تجهز اغراضها وقالت لي امها ووافقت
