لكن الأمل لازال لو باعدتنا الظروف
مامات الامل من بيننا لو تباعدنا
« المقلط »
جاسِر : يعيال مالي خلق شالسوات
سعد : اقول سردب وربي الاجواء هالااايييام خييال يبيليها طلعه
زيد : ياخي جاسر نفسيه انت بعد اخوك سبحان الله بس
عبدالعزيز : اقول اقول حدك بس
حازِم : صموها بس قوموا ورانا شغل
عبدالعزيز باستهبال : شغل الغمبقه مايجي
زيد : ياليل ذا مسوي فيها حضري يعنني اذب
عبدالعزيز : شدخل
حمد وهو داخل يجلس : شعندكم
جاسر : البزارين ذولا شف حلك معهم يعني تكفى
حمد : اقول قومو نلعب مصارعه
زيد : يلا انا وانت اول تم
حازم : يليييل الّلييل
عبدالعزيز : ياخي حازم لازم ترتقي شوي لا تصير نفسيه تسذا
« غُرفـة البنَات »
خديجه الي تزين الاغراض الي بياخذونها ووجد تهاوش نوره لانها ماتساعدهم وغُرور ترتب الغُرفة ويجهزُون اغراضهم ، وجد بصراخ : يانويير الناس تجهز وانتِ جالسه هنييّييا !!
نوره بصراخ اعلى : شغااالللهه عنكم اجهز انا !!
ريم بصراخ مُفجع : خلللاااااصص سدديي حلقك ابثرتييينا يشيخه
سفهتها نُوره تكمل شغلها وهي مطنشتهم ، رِيهام : قسم بالله اني ببرك عليها ذا البزره
غُرور بعصبيه : وين نجلاء المريضه بعد
رِيهام لفت على غُرور : تكفين غُرور هدي علينا مو ناقصين احد
غُرور : سردبي
رِيم بحمااس : اقعد يالدرباويه سردبي وحركات
وجد : ياخي فضاوتس يارِيم بعد
« تحت عند الكل مجتمعين »
انخرش الجد من صراخ رِيم : بسم الله الرحمن الرحيم قص وذا الصوت
الجده : يالله ياذا البنيّات مايعقلون
ام غُرور : الله يهديهن بس
ام حمد : ايه متى ناوين نحرك ؟
ابو حمد : الصبحيه ان شاء الله كلن محرك
وقفت ام حازم :
.
.
.
« الصبــاح »
غُرور : يببنات وين الجُكيت البُني وييينه الله يقطعكمم
وَجد : حطيته بالشنطه ماعليس
رِيم : وش ناقص عاد !
رِيهام : خلاص كل شي جاهز قومو ننزل الكل ينتضرنا تحت وانتو تصارخون
غُرور وهي تضبط نقابها : اي يلا يلا
وَجد : الي يوصل اول هو الفايز ، ثواني والكل يركض ينزل تحت ، ريم بصدمه : بنات الكل راح !!
رِيهام : وي كيف وينهم
رِيم : لالا منجد وينهم نروح مع وين يمه بطني
وجد : بلا غبا اكيد حازِم شوفو عانه ذاك باليمين ينتظرنا
غُرور : يع بنات مابا اركب معاه
سحبتها رِيهام بقُوه اقول قومي قومي امشي
غُرور : اف اكرهكُم ياخِي
طنشوها يمشون يركبون للسياره ، حازِم : بدري ماشاءالله
وَجد : يا اخوي حرك هناك من لم لا يطيقك
حازِم : صمِيها انفداتس
غُرور : حرك بس
حازِم بهمس : استغفرالله ، ومشى يحرّك الى المخِيم ،
نزلت رِيم : واييي بنات يييجنيينن !!
غُرور بدلعع وصراخ : الله بببنااات ببططيير وناسه اشداا كييُوتت
حازِم بحدّه : قصري حستس
سكتت غُرور لأن فعلاً كان صُوتها عالي وشالت أغراضها واغراض البنات يحطُونها بغرفتهُم ، أرتمت غُرور على السرِير بتعب : اخ بنات تعبت تعبت
خديجه : حبيبتي والله لو انك شايله وش
رِيهام : احمدري ربتس ترانا جايين اخر شي يعني مالحقنا ننظف معهم وكويس مالحقنا بس
وَجد : بنات ياخي ابي اقص شعري
غُرور : يوييلك جَرِبي بس وربي ادببحك
رِيم : ياليييل الجداويه دِي
انهارت وَجد تضحك على رِيم : ياخيي بططنييي ماقدر
غُرور شمقت : مايضحك يعني
طلعوا الكُل من الخيمه يروحون للمطبخ يسولفون مع الامهات عدا غُرور ورِيم ، غرور على جوالها ورِيم تتأمل الدريشه بحُب ، استغربت غُرور منها ومشت جنبها تشوف ايش تناظر وركزت على نظرها الي على جاسِر :
تحبينه !
خافت رِيم بقوه ولفت عليها : مين انا ؟ لا
غُرور : تراك واضحه هيّا قُولي
رِيم : بيني وبينك بس ، ايه
غُرور : يايي كُوبل كيُوت حتصيرو
رِيم ضحكت بخجل : تدرين غُرور ، تناسبين حازِم مره
غُرور بققت عيونها بكراهيه : سَريها انتِ وهوا
ومشت تتركها بقهر تروح تشُوف سواليف الأمهات ، ام حمد : يمه غُرور يابعدِي شيلي ذي
.
.
غُرور مسكت السُفره حقت الفطُور تشيلها تودِيها للخيمة حقت الرجاجيل ، غُرور وهي تتكلم مع نفسها:
ياغُرور تذكري تذكري ايش كانت ديك الشيله اوفف
كملت تحط الصحون ، سمعت صُوت وراها تلتفت تحصله حازِم ، حازِم : بعد الفطُور ابيك ورا المخيم ضروري ومشى مايعطِيها فُرصة للكلام
غُرور : اشبو ده مجنون ! ، طنشته تكمل وبعد ماخلصت ترجع للمقلط الي موجود الكُل فِيه ، غُرور :
الفطُور جاهز
تنهي كلمتها وتطلع للغرفة تنسدح على السرير تفرفر في جوالها يقاطعها دخول البنات ومعهم نُورة ونجّود
غُرور بهمس للوجد : لا تقولين ذولا معانا بالغُرفة ؟
وجد : للأسف
غُرور : عييننا خييّير اجل
رِيهام : ايوه بنات شعندكم من سوالف وفعاليات نسويها
رِيم : فيه دبابات صح !
وَجد : اييوه فيه
رِيم : اجل خلاص بعد العصر نطلع ونلعب
خدِيجه : يشيخه يسعدلي افكارك انفداتسس
شُوق : وشدخل انفداتس يالعومه
خديجه : عشانك عمتي بسكت بس
شُوق : غصباً ورا خشمك
وَجد : سردبو
نُوره : ايش جوكوو دبابات ! يع قرف
نجّود : منجد ماعندكم جدول غير كذا ترقو شويه
وَجد : يشيخه صمِييها اخر من يتكلم انتو
غُرور : عاد من قالكم اننا نبيكم تلعبون معنى
رِيهام : مرض
.
.
.
« خيمة الحرِيم »
تنحنح حازِم عشان ينبه الي داخل انه بيدخل ، ام حازِم : اقلط يوليدي اقلط مابه غريب
دخل حازم يسلم على الكل ويسُولف ويعطي مع عماته شوي وقام : يلا انا استأذنكم
الجده : وين رايح ؟
حازِم : بطلع عند العيال
الجده : زين
وقف يستأذنهم للمره الثانيه ثمن يطلع لورا الخيمه يتنظر غُرور ، هو متأكد انها بتجِي
« نرجع عند البنات »
تذكرت غُرور حازِم وايش كان يبغى فِيها ترددت ترُوح بس راحت عشان تسكت فضُولها ، وقفت غُرور :
بنات حروح شويه وحجِي تمام ؟
خدِيجه : تمام يعيوني انتبهي
اخذت جلالها تحطه عليها وتنزل تمشِي لوراء المُخِيم
تُوجه انظارهـا لحازِم قاعد على الخشبه يدخن ينتظرها ، غُرور بقرف : ايش دا من يدخم بدا الحر والقرف
حازِم : الناس تسلم وانتِ تتحلطمين يالله صبرك
تقدمت غُرور تجلس عالخشبه لكن بِينهم مسافه ، غُرور وهي تشرب من المق الي معها : ايش تبا ؟
حازِم : بتزوجس
شرقت غُرور توقف : ايش ايش !!
حازِم ببرود : بتزوجتس ؟
غُرور : بأحلامُك اخد واحد زيك
حازِم : يبنت الحلال هي مو مسأله ابيك اصلاً لكن ابي انتقم من نجّود وفترة وحطلقك
غُرور بسخرِيه : وماشاءالله خلصو بنات الكُون تجيني انا !!؟
حازِم : مو هي ضرتس ؟ ، خلاص يكون تسذا انتقم الثنين
غُرور هزت راسها بالنفِي : لا ماحبيت
حازِم وقف يرمِي سِجارته : يابنت الحلال بعطيتس وقت وفكرِي زين وقوليلي
غُرور سكتت تهز راسها بالأيجـاب ، حازم : وبعد ابي مساعدتس بشي
غُرور زفرت : ايش بعد ؟
حازِم حك راسه : والله مستحي منتس
غُرور : اخلص بس
حازِم : اخوي جاسِر يحب رِيم
غُرور وسعت عينها : ايش !!؟؟
حازِم : كنت بقُول لوجد بس حسيت اقولك أفضل ، عموماً هو يبغى يخطبها وتسذيا وابيتس يعني تسألِينها وزي تسذا
غُرور : اها وبعد ترا حتى هي وسكتت ترددت تقُولـه لأن تحس ماله حق ،
قول لجاسِر يكلُمها طِيب
حازِم : يابنت الحلال تستهبلِين انتِ ؟
غُرور تأففت : ماحساعدك بدي خل يروح هوا ويقولها
ولفت تتركه بمكانه وتدخل
.
.
.
« بعد العصر »
الكُل مجتمع وجالس بالفرشة « فرشة للرجال وفرشة للنساء » الجد : ايه توها جايتني رِيم تبي دبابات انا اقول ازين لكن العيال اول لا بغو يركبن ثمن انتو
ابو فواز : الا وراه يلعبن الحريم يقومن يتسترن ابركلهن
وجد سكبت لكلام ابو فواز : ياجدي لا تكفى حنا اول
غُرور : اي والله غش حنا قايلين قبلهم
زيد : مو على كيفكم ترا حنا الي بنجيب الدبابات
رِيهام : انت اسكت محد كلمك
زِيد بصدمه : يابوي شفت شفت شفت من يبدا !
الجد : قصن لسانكم كلكن خلاص العيال اول وبس
غُرور بهمس : غش والله غش
وقف حمد : يلا قومن نجيبهن قومن
زيد : اجل يلا بنروح انا وحموديي حبيبي نجيبهم
الجده ضربته بعصاتها : ابك علامك انت شهاقلة الادب
زيد وهو يفرك مكان الضربه: يمه امزح مقلب
الجد : هذا كبرك وتمزح
ابو حازِم : لا بلا معد به احترام للكبار
ابو حمد : الله يرد ايام اول
حاتم ببراءه : تيته ليه تُضربِي زيد حرام بيبي هو
توسعت عين زيد : ياملا العافيه انا بيبي !!
انفجرو العيال يضحكون بقُوه على حاتم ، حاتم : ايوه بيبي
زِيد وقف : قم قم ياحمد لو قعدت هنا زياده بنجلط
حمد : يلا مشينا ، طلعو حمد وزِيد من من المخيم متوجهين لحقين الدبابات يستأجرُون
رِيهام لفت عالبنات : بنات شرايكم على مايجون ويلعبون حنا نروح نغامر
غُرور صفقت : تم تم
وَجد : والله ما اقول لا يييلا
رِيم : يمه بنات تخيلوا لو ضعنا طِيب !!
خدِيجه : اي يمه بنات لالا مو لازم
غُرور تأففت : ياخي عادِي امشووو يلا لا تقتلون الُمتعه
رِيم : اجل طيب بس يويلكم لو صار شي
وَجد : يابنت الحلال مهب صاير شي
شُوق التفتت لهم : سمعتكم سمعتكم انا معكم
رِيهام : ييلييل شنبي بذي
شُوق شهقت : احاا حرام علييك ياخي تجرحيني
غُرور وقفت : قومو قومو بس يلا
وقفو البنات واستوقفهم صُوت ام حمد : على وين ؟
وَجد : بنرُوح نتمشى جنب المخيم
ام غُرور : زين توقعو اجل
غُرور : اي معليكم ومشت هي والبنات يطلعُون من المخيم يمشون عند الجبال ، غُرور بحماس : الله بنات الجوو فانتسستك
رِيم : ايي مره يجنن ياخيي
رِيهام فتحت جوالها بترسل ستريك بس انتبهت انه مافي ابراج ، رِيهام : بنات
التفتو لها ينتظرونها تكمل كلامها ، رِيهام : مافي ابراج
غُرور : خلاص عادِي نرجع ولفت بترجع بجهتهم بس استوعبت انهم راحو بعِيد كثِير بلعت ريقها بخُوف يوم حست انهم ضيعو المكان وبدت الشمس تغرب
خديجه : بخُوف بنات بنروح فيها يمه
رِيم وهي تتصنع القُوه : لالا معليكم بنرجع امشو مع ذي الجهه
وَجد : متأكده مع ذي الجهه !
رِيم : اي اي
غُرور : طيب يلا نمشي ومشو كلهم جنب بعض مع رِيم بعد نص ساعه حست غُرور انهم ابتعدو اكثر : بنات بعدنا اكثر واليل بدا يجِي ياخِي !!
بكت خدِيجه : يمه بنات
انصدمت غُرور يوم شافت خديجه تبِكي وتوجه نظرها لرِيم تشوفها تبكِي اكثر ، وَجد : بنات خِير لا تبكون ياخي
رِيهام بُخوف ورجفه : بنات بنات رحنا فِيـها
جلست وَجد بخوف وجلست بجانبها غُرور ، خديجه ببكاء : شفيكم جلستوا
غُرور : عشان مانبعد وننتظر يعني
رِيم جلست تصيح بقُوه وزاد بكاءها يوم سمعت صُوت الكلاب
« عند العيال وهم يلعبون بالدبابات »
جاسِر : يعيال ماتحسُون البنات طولوا مارجعوا؟
زيد : اي والله تقريباً ساعه
حازِم بعصبيه : صاحيين انتو ؟ صاحين لهم ساعه وتوكم تتكلمون امشو ندورهم
حمد : طيب هدها يا اخوي هدها
حازِم : يييلليل بفصل عليك ترا
جاسِر : امشو امشو بس
سعد : طيب بنمشي حركو ندورهم مع هناك
عبدالعزيز : اي يلا
حركو العيال يمشون بالدبابات لين مالمح سعد ناس جالسين جنب بعض بخُوف ، سعد بضحك : يعييالللل عانننهممم هناااك
عبدالعزيز بخبث : شرايكم نخرعهم
حازِم ابتسم بضحك : والله شوفو ماقول لا
جاسِر : يلا امشو
مشو العيال بهدوء يصكرون الدبابات ويمشون لخلف البنات ، غُرور : بنات اقول اوقفو نكمل مشِي مو مرتاحه هنا
وَجد : اي يلا
خدِيجه من حست بحركة وراها : بنات احس فيه شي ورانا
غُرور سمعت انفاس وتأكدت انه شخص لفت بقُوه تصفعه بكف ، شهق سعد من الكف الي جاه : حششى مو يد بنت والله
غُرور رجعت ورا بصدمه وعصبيه : لا تقولون كنتو ناوين تخرعونا
سعد وهو ماسك مكان الكف : اي كنا بنخوفكم بس خير تسطرين خير
غُرور : جاي وراي وماتبيني اسطرك !! مريض
رِيم ركضت بخُوف تحضن عبدالعزيز ، غُرور : يليييل الرومنسيييه
رِيم : كليزق بس
تخصرت وَجد : كيف نرجع طيب
جاسِر : عدلِي وقفتك يبنت
عدلت وقفتها وجد : يلا طيب من وكيف نرجع؟
حازِم : اكيد تركبون معنى بالدباب وبس
رِيهام : طِيب وغُرور
حازِم : تركب لوحدها
وَجد : صبر صبر كيف ؟ ماستوعبت
حازِم : اركبي وانتِ ساكته بس ركبت وَجد ||| التوزِيع |||
« جاسِر ، وَجد »
« حازِم ، شُوق »
« حمد ، خديجه »
« عبدالعزيز ، رِيم »
« رِيهام ، سعد »
« زيد لحاله وغُرور لحالها »
مشو يرجعُون للمخيم يدخلون ، مسكتهم الجده تهزيئ رايح جاي : الله ينقص عقولكن تطلعن قلمن تتغمرن يالمصاريع
غُرور : جدهه اسفه
الجده : بلا اسفه بلا خرابيط امشو بس لا بارك الله بعدوكن ، العشاء عليكن
غُرور بصدمه : جده ماعرف !
الجده : الا بتعرفين يلا بعد دقايق القاكن كلكن بالمطبخ
وَجد وهي تقلد رياكشن : يعني مافي مجال مني مناك ؟
الجده : اقول حسي زين
وطلعت متاجاهلتهم على كلامهم وكل وحده تتحلطم بجهه
وَجد : بنات تكفون مره مو وقته مالي خُلق
غُرور : ايش تقُولِين عَنِي انا الي ماعرف كيف اطبخ اصلاً
رِيم : اخ ظهريي يبنات ظهرِي
رِيهام : ياخي ليه لازم حنا نسوي قاطع كلامها دخُول حازِم ووراه سعد وحمد ، وَجد : وجع وجع تنحنو طيب
حازِم : شجابكم ؟
وَجد تكتفت : جده قالت بنسوي العشاء
سعد هز راسه بالنفي : لا غيرت رأيها اطلعوا حنا بنطبخ
غُرور : صدقق والله نطلع !!؟
حمد : ايه يلا يلا برا
طلعو البنات بفرح يروحون لخيمتهم
رِيهام : اياييي بنات الحمدالله ماحنطبخ
غُرور : انا كلش كلش فرحاانه
خدِيجه : بنات طفو النور برقد
غُرور : يبوي من يرقد دحيين
خديجه : اخلصي علِي بس
غُرور : بنات بروح اجيب لي مويه وبجِي
وَجد : جيبي لي معك
غُرور هزت راسها بالأيجاب : ابشري ،، وطلعت تنزل للمطبخ الخلفي تاخذ مويتين من الكرتين وتلف تشوف حازِم عند الباب يناضرها صرخت بخفه وخُوف : خيير شتبي مابقى الا بأحلامي تجيني انت
حازِم : اخلصي بس فكرتي ولا
غُرور : ياخي صعب التفكير بموضوع زي كذا
حازِم تأفف : استخرتي طيب ولا !
غُرور : ايوه استخرت
حازِم : طيب عجلي علي يبنت الحلال
غُرور : ياخي مرتاحه بس متردده
حازِم جسمه بيطلع وهو يقُول : زين قُولي كذا من البدايه وخلاص
غُرور بهمس : كريهه يع اتخيل ذا زوجِي بس مره لا
كملت تتحلطم على نفسها وهِي تمشِي وبنص مشيها تلمح رِيم وجاسِر قدامها ، غُرور رفعة حاجبها : سواها والله
وكملت تمشي مطنشه كل شي تدخل خيمتهم ترمِي القارُورة على وَجد وتنبطح على مفرشها ،،،،
ام سعد : يلاا قومو قومو العشاء جهز
غُرور : سمّي
وَجد : يلا الحين ننزل
نزلو البنات كلهُم يجلسون عالسفرة وياكلُون بهدُوء
خلص الكل الفطور وشالوا الفطُور لمحت حازِم ياخذ امه وابوه بزاويه يكلمهم توترت بقُوه وبلعت ريقها ،،
حازِم : يمه ابغى اتزوج
امه بفرح : هذيي السعهه المبباركهه اششر بس على من وانا اقول ابشر
ابو حازم : اي ذا الكلام الزين من تبي عاد ؟
حازِم : غُرور بنت هياء
ام حازِم : ماشاءالله زينه البنات والله انك تستاهلها ابشر ابشر
ابو حازم : ناخذ موافقتها والملكة بعد يومين
حازِم : زين ووقف يطلع ويروح
.
.
.
« خيمـة البنات »
غُرور بحماس وهي تستنى ريم تتكلم : يلااا اخلصي يبنت
رِيم : قال بيخطبني بس
غُرور : بس وشو طيب كملي لإجلدك !
ريم : بس قال بعد زواج حازِم
تغير وجه غُرور : ها زواج ويش شقلتي شقلتي
رِيهام : زوااجج منو !!؟؟
وَجد : شفيكم منخرعين طيب بيتزوج وليه مايتزوج
خديجه : لا بس يعني انصدمنا
شُوق : من بياخذ طِيب ؟
وَجد ببرود : غُرور
شُوق بصراخ : كذاببهه
رِيهام : ياوجدد مو وقت مزحس منجد منجد !!
سكتت غُرور ماتدري وش تقول واكتفت بالنظر ، ريم:
يمه غريب بس والله كيُوت حازم وغرور نمنمنم
خديجه : غببار من باقي يقُول نمنمنم
غُرور وقفت : اقول الشره عاللي جالس معكم بطلع انا ، وطلعت غُرور تروح للحريم بخيمتهم تجلس معهم
نوره ونجود على جوالاتهم وام حازم تتقهوى بفرح وام فواز تتحلطم والجده تقراء قرآن والباقي يتقهوون مع ام حازِم وغُرور جالسه تتفرج علِيهم ، ام حازِم بفرح : الا يام غُرور جايه بقولتس موضوع يخص بنيتس
ام غُرور عدلت جلستها : ويش ياوخيتي ؟
ام حازِم : جايين نخطب بنتس غُرور لولدنا حازِم
ام غرور ببتسامه وفرح : والله هالسعة المباركه ومابنلقى احسن من حازِم لغُرور
ام حازِم : زين اجل ولفت على غُرور : وانتِ يبنيتي شقولس؟ روحي استخيري ازين لتس
غُرور بصدمه ماقدرت تستوعب كل شي صار بسرعه :
ها اي اي
نُوره : وكيف ترضين تتزوجين واحد مطلق اصلاً ؟
غُرور بحدّه : انا الي بتزوجه ولا انتِ بعدين شدخلك اتزوج او لا
نجّود : معليش ياغُرور نوره معها حق والله من يرضى ؟
غُرور : ومن يرضى يتزوج وحده مطلقه بعد !
تغير وجه الكل بعد كلام غُرور وتفشلت نجود وغُرور ووقفوا يطلعون على سخرِية غُرور لهم ، ام فواز :
ماشوف غُرور سنعه وحرمتن زينتن لولدتس وراه ماتزوجينها بنتي نوره طريببة الطرايبب
ام حازِم : النصيب
طلعت غُرور بصداع منهم ومن سوالفهم ورجعت لخيمة البنات : اخ ياراسي يبنات مب صاحيين والله رِيهام : وش صاير ؟
غُرور : صدعو براسي عشان ذا الخطبه الله يبلشهم
رِيم : تتخطين حبيبتي تتخطين
خدِيجه : بنات بطلع بلعب بالمراجيح من تجِي معي؟
رِيهام : اناا
رِيم : بعد بجي معكم يلا
شُوق : تم تم معكم
خدِيجه : طيب غُرور ووجد تجون ؟
غُرور ووجد هزو راسهم بالنفي « للا »
رِيم : اجل يلا نطلع امشوو ، طلعوا كل البنات وبقي غُرور ووَجد
