" بسم الله "
أرياف : اوك أغير لبسي واجيكم ، سكرت منها وراحت فتحت الدولاب طلعت تيشيرت ابيض وبنطلون جينز اسود ولبست عبايتها وخرجت
، نزلت تحت دخلت المجلس وسلمت على أمها وخرجت
ارياف : يلا بنات أنا جاهزه
جُمان : يلا بنات جسار برا ينتضرنا
أرياف انصدمت ان جسار اللي بيوديهم
خرجو وركبو السيارة البنات
كان جسار طول الطريق يناظر المرايا ساهي بعيونها وهو للحين مانسي شامتها اللي أخذت عقله ...
كانت عارفه انه يناظرها لكنها كانت تصد عنه ..
جُمان كانت تبي تقطع الصمت اللي طول الطريق ساكتين ومحد يتكلم، جُمان : جسار أبي اشغل أغاني
جسار : طيب
شغلت جُمان أغنية من ذوقها وهي : -ذبحني مرخِي الرِمش الخجول الناعِس النجدي -هواني وان هويته ماقويت الموت من دونه
-لا منه رمى رمشه ولامس خده الوردي
-تضيع الشمس وانوار المكان بنظرة عيونه...
جسار كان يحس ان كلمات الأغنية تقصدها بكل كلمة بذات يوم قالت " ذبحني مرخي الرمش الخجول الناعس النجدي "
عيونها النجديه اللي سحرته وصار يفكر في عيونها وشامتها .
-استوقف أفكاره وصولهم للسوق ونزلوا كلهم راحو البنات محل ووقف جسار برا ينتضرهم.
بعد ماخلصو البنات قالت مرام : جسار نبي ناخذ قهوه تبي نجبلك
جسار : لا خذو انتم
راحو الكوفي وطلبولهم مشروب ، حاسبت جُمان ، وانتضرو طلبهم
كان جسار جالس على الكراسي ويلعب بجواله ساهي عنهم ...
فجأة جا واحد يتغزل بأرياف وبعيونها الجذابه لان فعلا عيون أرياف تسحر
الشخص : ماشاء وش الجمال ممكن سنابك يحلوه
أرياف كانت تحاول تطنشه لأنها مالها خلق مشاكل وهم
الشخص : عطينا وجه ياحلو
أرياف عصبت وقالت بحدة وصوت عالي : لوسمحت ابعد عني ماتستحي ماعندك خوات !!
الشخص : لا ماعندي بس لوسمحتي عجلي علينا نبي سنابك نسولف وننبسط
أرياف بصوت عالي : انقلع عني يلي ماتستحي قليل أدب !!
جسار استغرب من الصياح اللي طالع وراح يشوف وش صاير ويوم وصل أنصدم بوجود شخص يتحر*ش بأرياف !
شد على يده وبرزت عروقه وصار معصب وبشكل قوي وده يلكمه على وجهه !
وفعلا وصل عند الشخص ومسكه من ياقته وبحده وصوت عالي : أنت ماتستحي ياقليل الأدب وقام يلكمه بوكس ويضربه بأقوى ماعنده من غيرته عليها !!
انفجعت أرياف من المنظر وعروقه البارزه وكيف شكله وهو مسدحه على الأرض وجاي فوقه ويضربه بأقوى ماعنده !
تجمعو الناس يفكون بينهم وبالقوه فكوهم
جسار صارت يده حمرا وفيها د*م وعروقه بارزه وبقوه
جسار : انقلع يا ابن الكلب إذا اهلك ماربوك الحكومة تربيك يالوصخ!
اخذو الأمن الشخص وطلعوه برا السوق
جسار : امشي أنتي وياها على السيارة
مشو البنات بصمت وخرجو من السوق ولا وحده تكلمت لان رح ينفجر فيهم من العصبيه
مشي جسار بسرعه عاليه من عصبيته !
جُمان : جسار هدي شوي شفيك مسرع !
هدى سرعته ووصلو البيت ودخلو المجلس وسلمو على الكل ..
الجد : جسار وش فيها يدك كذا
جسار : تهاوشت مع قليل أدب
طلعو البنات من المجلس ودخلو غرفة أرياف ..
أرياف : تعبت اليوم من المشي رجلي تكسرت
مرام : فعلا وربي تعب
جُمان : يلا بنات تاخر الوقت خل ننام
كل وحده راحت غرفتها ونامت ...
< عصر اليوم الثاني >
عذاري نادت البنات المجلس
عذاري : بنات بكره المغرب عندنا عزيمة بيجونا الجيران وناس من القبيلة
جهزو نفسكم
البنات : أوك
أرياف : اجل لازم نرجع نروح السوق
رسيل : أوف بنات مره يتعب
جُمان : يلا بنات مافي وقت خل نروح الحين بكلم جسار يودينا
اتصلت جُمان على جسار وقالت : جسار نبي تودينا السوق بكره عندنا عزيمه
جسار : طيب يلا تجهزو
قفلت جُمان من جسار وقالت : سريع بنات البسو جسار بيودينا
طلعو البنات يتجهزون ونزلو ركبو السيارة وحركو متجهين للسوق
وصلو السوق وقالت جُمان : بنات كل ثنتين سوا عشان نخلص اسرع
جُمان و أرياف ، رسيل و لميس ، وهج و مرام
دخلو جُمان وأرياف محل أرياف أخذت فستان احمر حفر قصير فوق الركبه ماسك من الخصر ومكشوف من عند الصدر ، وجُمان فستان اسود حفر وقصير
، مرام فستان ابيض بكم واحد قصير ووهج فستان كحلي حفر طويل شوي ماسك من عند الخصر مكشوف من عند الصدر ، رسيل فستان عنابي ماسك من عند الخصر فيه لمعه خفيفة قصير وحفر ولميس فستان اصفر عليه ورد حفر وقصير مكشوف من عند الصدر ...
... انتهو البنات وتجمعو ، اتصلت جُمان بجسار عشان يطلعون من السوق
وصلو البيت وطلعو الغرف يجربون الملابس ...
