" بسم الله "
أخذت نفس وراحت تجلس مع البنات وتسولف
عشان تنسى اللي صارلها
بعد فتره وصل العشا وتعشو المعازيم وراحو سلمو عليهم وخرجو
فضى البيت مابقى إلا أهله
طلعو البنات يلبسون بجايم ويمسحون الميكب ...
نزلو تحت في المجلس وحطو قهوة وشاهي وبدات فقرة الحش بعد العزيمة
أرياف : بنات قهرتني الحرمة ذيك وش السؤال ذا خير !
جُمان : منجد مالك داعي ووقتها ومكانها غلط
وهج : تفشل هي وفستانها تقول بقدونس
ضحكو البنات على التشبيه
أرياف : منجد كنها جرجير يع بنات
مرام : بنااات فاتكم تخيلو فيه وحدة لابسة فستان ازرق قهرتني بنات تقولي ليش ماتزوجين يابنتي
ترا الزواج حلو وتنبسطين فيه قمت أطالع فيها قلت وقت ما أبي الزواج تزوجت ورحت تركتها
جُمان : اماانه والله انك كفوو
أرياف : بردتي قلبي
مرام : منجد وقت ما أشوف نفسي جاهزه ومستعده تزوجت
كملوا سوالف وتقهوا وصار الليل وتوجهو ينامون بعد اليوم المتعب ..
فغرفة أرياف فتحت الدولاب واخذت تيشيرت وردي قصير وبنطلون أسود خفيف وجلست على كنبتها وشغلت مسلسلها ولبست سماعتها
بعد فتره جاها النوم وطفت الايباد انسدحت على السرير وغمضت عيونها تنام ترتاح بعد يومها المتعب ...
عند جسار منسدح على السرير يفكر فيها حس بدأ يعجب فيها أخذت عقله بزينتها وجمالها وهو للحين يتذكر شكلها بالفستان الأحمر اللي يكشف مفاتنها وظهرها وكيف ماسك عليها وقصير ذبحه جمالها وريحة عطرها اللي جابت اجله وعيونها البنيه حس فيه مشاعر تجاهها وده يعترف لكن فيه شي يرده ويخاف من ردة فعلها تجاهه يخاف ترده يخاف انه يحب من طرف واحد ، صد للجهه الثانيه يحاول ينام يشتت افكاره غمض عيونه وبدا النوم يدخل عليه الين نام من شدة التعب والتفكير ..
