بسم الله
سعيد : روحي له عشان يلبسك الدبلة
توترت وراحت المجلس فتحت الباب وشافت مقفاه كان يعدل شماغه وشكله
التفت لها وشاف زينتها وفستانها الأخضر ابتسمت
تقدمت له ومسكها من خصرها توترت من قربه الشديد
بعد خصلات شعرها من وجهها
نايف : وش ذا الزين
ابتسمت له بخجل
دق الباب ودخلت المصوره سلمت
المصوره : يلا نبدأ
اخذ الدبله ومسك يدها اللي كانت ترجف
لبسها الخاتم وهي كذالك أخذت الدبله ولبسته
كانت المصوره تصور
المصوره كانت تعلمهم على حركات يسوونها وتوثق كل اللحضات
مسك يدها وباسها وهو مبتسم فرحان أنها صارت حليلته
المصوره : خلصنا ومبروك لكم
خرجت وبعد دقايق دخلو سعيد و ودُعاء باركو لهم
خرجت جُمان وراحت عند النساء كان الكل مبسوط فيهم
بعد فتره انتهت ليلتهم الجميله وتوجه الكل ينام
اليوم الثاني
في المجلس
كانو يفطرون ويسولفون
أرياف : جوجو حددتي الملكه
أبتسمت جُمان : اي بعد شهرين
الكل : الله يتمم لكم على خير
أرياف : تخيلو بنات فستاني بيوصل الأسبوع الجاي وهي قالت لي انه الأسبوع ذا
جُمان : وكلمتي البنت
أرياف : اي تقول اعتذر بسبب الضغط وزحمة
رسيل : مو عذر هذا كل حقين المتاجر نفس العذر خير !
جُمان : عطيني اكلمها لأنها مصختها ترا فستان وبيكمل شهر ترا !
أرياف : لا عادي بنات مو لازم كلها أسبوع
جُمان : أقول اسكتي وعطيني الجوال ان شاءالله لو يوم معليش
أخذت الجوال ودخلت الشات وكتبت :
السلام عليكم
لوسمحتي عجلي الطلب معليش يعني ترا فستان وبيكمل شهر
وهو ماوصل مو معقوله وحنا طالبين بدري ومن زمان وانا ملكتي
بعد كم يوم متى نلحق ورانا اشغال ترا !
عجلي الطلب وبكره لازم يووصل وإذا ماوصل رح ارفع عليكم بلاغ
وترجعون لي فلوسي ترا مصخت !
ارسلتها وخرجت من الشات
جُمان : ترا ماينفع معاهم إلا العين الحمرا مايمشون إلا كذا
أرياف : اهخ شكرا ارتحت الحين
جُمان : حبيبتي
مرام : كفو والله
جُمان : ازهليني
رسيل : ايوا بنات بروح محل الكريم حق شعري وبروح اشتري عطري
البنات : تمام
أرياف : أنا بقعد مالي خلق
جُمان : وانا
وهج : وانا
رسيل : ماشاءالله ومين يجي معاي ! وبعدين ليه مابتجون خير
مرام : خلاص بجي معاك تجهزي بكلم جسار يودينا
رسيل : تمام
ووحشتوووني اشتقت جدا اعذروني على التأخير كان عندي ضروف وضغط بشكل 🥹
البارت قصير بس بنات عندي ضغط مرره بكره عشانه ويكند بتفرغ لكم ترا 💞
