بسم الله
نزلت تحت وسلمت عليهم جلسوا يتقهوون بداو سوالف الجو كان حلو والنفسيه كانت حلوه
للكل !
فجاة بوسط جلستهم الحلوه أمطرت عليهم
صرخو البنات مطر مطر !
كان الكل مبسوط وفرحان خرجو للحوش يتبللون بقطرات المطر
والبنات يصورون واللي تدور ومبسوطه بالمطر
والكبار مبسوطين
مسك جسار أرياف من يدها وسحبها بعيد عنهم اخذها يرقص معاها
تحت قطرات المطر كانت تضحك وهو مكمل رقص معاها
سحبها من قصرها ودار فيها وهي مبسوطه وفرحانه ويركضون وهم
مبسوطين ويضحكون ويلعبون تحت المطر
بعد م انتهوا من الرقص قالها البسي عبايتك انتضرك بالسياره
ماقدرت تتكلم إلا راح وطالع مع الباب
راحت غرفتها لبست فستان ابيض ناعم بدون أكمام
حطت ميكب وتعطرت لبست كعبها ونزلت ركبت السيارة ومشى
بعد دقايق فتح المسجل وشغل أغنية في عيني اليمنى من
الورد بستان وشبك يده بيدها كانت تطالع فيه وتبتسم
وجا احلى بارت تهزمني النجلاء وانا ندِ فرسان مسكت جوالها تصور
مع الاغنيه والجو
وقف عند مقهى وأخذ لهم قهوه كملوا طريقهم يغنون ومبسوطين
مسكت جوالها وصارو يغنون مع الاغنيه وقف محل ورد اخذلها باقه تزهاها
هي الورد ! كتب على الكرت يزهاك الورد وأنتي الورد ! ❤️
ركب السياره وابتسمت شكرته وصورت الباقه
كانت ممتنه جدا كيف يدلعها ويبسطها حتى ب ابسط الأشياء
مسكت يده بيدها وحطت راسها على كتفه وهي مبتسمه
ماتعرف تعبر عن مشاعرها وكيف هي مبسووطه
بعد م انتهت جولتهم اللطيفه رجعو القصر وهي فراااشه طاايره والمطر للحين
ماوقف كل شوي يزييد مسك يدها وفتح المظله دخلوا القصر وطلعو غرفتهم
دخلت تاخذ شور وبعد ماخلصت دخل هو ياخذله شور
فتحت الدولاب ولبست بلوزه بيضا ب أكمام قصيره وبنطلون رمادي
جلست على التسريحه حطت ميكب وسوت شعرها ويفي لبست كعب شفاف
وتعطرت خرج من الحمام والمنشفه ملفوفه على خصره كان منظره يجنن مع عضلاته
ووسامته شعره الأسود ورموشه الكثيففه مع حواجبه كان فعلا شكله مغرري
وقفت وابتسمت من شكله تقدم ومسك خصرها قال ليه أنتي حلووه
ابتسمت له أنت بعد حلوو
شدها اكثر له وقربها عنده حاولت تفك نفسها لكن ماقدرت ماسكها بقوه
جسار : تبين تعذبيني بجمالك
ميلت راسها وقالت : مو ذمبي
جسار : اويلي ي الدلع أذوب أنا جعل مايدلع غييرك
كانت تتدلع وتتغنج ذوبته بحركاتها ماتحمل وقبل شفتها ويشدها له اكثر
كانت تتجاوب معاه وبعد مده بعد عنها وقبل خدها
كانت تحاول تلقط لها نفس ضحك على شكلها
جسار : خلاص انزلي بلبس وانزل
عدلت شكلها ونزلت تحت عندهم
كانو مجتمعين بالمجلس يسولفون حاطين شاهي ومكسرات
وموالح جلست عند البنات تسولف وتضحك معاهم
بعد مده دخل جسار وطالعت فيه ابتسمت له وابتسم لها
جُمان : شعندكم تتبوسمون
ضربتها أرياف على راسها
جُمان : أح راسي طيب
أرياف : تستاهلين
ضحكوا البنات
عذاري : يبنات بكره عندنا عزيمه
أرياف : مين
عذاري : أم فيصل وفيه من الجيران وفيه حريم بعد ماتعرفوهم
أرياف : طيب
دُعاء : كلمتي أم ماجد
عذاري : ايه كلمتها قالت إنها بجده عندها موعد بالمستشفى
دُعاء : الله يقومها بالسلامة
عذاري : آمين
شموخ : فلوه جايه لأني كلمتها بس ماردت علي
عذاري : اي جايه مع ام نوره
جُمان : لاتكون نوره أل **
عذاري : اي
أرياف : تكفين لا لا
عذاري : وليه لا وش فيكم
طالعو فبعض البنات
دُعاء : شبلاكم انتم
جُمان : ماما نكرها تغث
دُعاء : بنت عيب وش سوت لكم
أرياف : حركاتها تفشل
عذاري : أقول إنتي وهي بسكم كلام على البنت عيب
همت جُمان : شكله بيصير جدول
ضحكوا البنات
دُعاء : أقول ورا ماتقومين أنتي وهي تتجهزون
ضحكوا وقاموا يتجهزون لفعااالييية بكره
