بسم الله
وكذلك جسار مانام مانسي شكلها وهي تتمايل وفستانها الأحمر اللي ذبحه
بعد يومين جسار قرر يخطب أرياف لان صبره نفذ وصار يبيها حليلة له
راح دق باب غرفة أمه ودخل سلم عليها وجلس
جسار : يمه أبيك بموضوع
دُعاء : قول
جسار : يمه أنا احب أرياف ابغى اخطبها
دُعاء : على خير ان شاءالله
سلم عليها وخرج وهو فرحان ومبسوط اخيرًا حبيبة قلبه بيخطبها
اليوم الثاني راحت دُعاء لسعيد وقالت له : جسار يبغى يخطب بنت عمه أرياف
سعيد : تمام أنا بكلم أبوها اليوم
دُعاء : الله يكتب اللي فيه خير
راح سعيد المجلس وسلم
سعيد : ممدوح حنا طالبين القرب منكم
ممدوح : والله الساعه المباركه
سعيد : نبغا نخطب ولدنا جسار من بنتكم أرياف
ممدوح : أنا ماعندي مشكلة والشور شور البنت
سعيد : اجل بكره العصر ناخذ شور البنت
ممدوح : خلاص يصير اجيب الشيخ
عند جسار منسدح على السرير وهو فرحان ومبسوط اخيرًا رح يخطب أرياف قلبه
دُعاء : عذاري أبيك بموضوع
عذاري : هلا امريني
دُعاء : لوحدنا تعالي المطبخ
دُعاء : نبي نخطب جسار لبنتك أرياف
عذاري : والله الساعه المباركة
دُعاء : بكره العصر بيحضر الشيخ
عذاري : على خير ان شاء الله والشور شور البنت
راحت دُعاء عند جسار و حبت تمزح معاه : جسار أهل البنت حاجزين لهم واحد لبنتهم
جسار أنصدم وتضايق مره : لايمه تكفين قولي غيرها احبها يا يمه تكفين حاولي فيهم
ضحكت دُعاء : امزح معك جهز نفسك بكره العصر
ضحك جسار : ان شاء الله
اليوم الثاني دخلت عذاري غرفة أرياف : أبيك بموضوع
أرياف : عسى ماشر صاير شي
عذاري : ماصار إلا كل خير المهم جسار ولد عمك بيخطبك اليوم
أرياف : إيش واليوم بعد !
عذاري : تجهزي العصر
أرياف حست بالخوف ماتدري من وش وانصدمت انه فعلا طلع يحبها وناوي يخطبها
عذاري : تجهزي مافي شي يخوف ولا احد بيجبركِ على شي
أرياف قعدت ساكته ماتدري وش تقول مشاعرها متلخبطه جدا
خرجت عذاري من غرفتها ونزلت تحت
حست بطنها يعورها من الخوف
-
في العصر تجهزت أرياف وهي ترجف ماتدري ليه متوتره وخايفه
فتحت دولابها واخذت تدور على فستان ناعم
شافت فستان بنفسجي ناعم أخذته لبسته راحت للتسريحة فردت شعرها و
حطت ميكب خفيف وناعم ، نزلت تحت وهي كلها خوف وتوتر
جا ممدوح وشافها متوتره : أرياف ي أبوي أنتي ليه خايفه هدي نفسك
أرياف وهي تحاول تلقط لها نفس
ممدوح : بعد شوي أبيك تأخذين العصير وتدخلين
أرياف : تمام
ممدوح : والله الساعه المباركه بنأخذ شور البنت
راح ل أرياف : جسار رجال وينشد فيه الظهر وحنى مابنجبركِ على شي استخيري
واختاري اللي يريحكِ
أرياف : موافقه
ممدوح سلم عليها وقال : مبروك الله يتمم لكم على خير
أرياف دمعت عيونها : آمين
ممدوح مسح دموعها وحظنها : لاتخربين كشختك
ممدوح : يلا تعالي
أرياف : تمام
مسحت دموعها وظبطت شكلها
ودخلت وهي مبتسمه وبيدها صينية العصير قدمته وجلست جنب أبوها
طالع فيها وفكشختها وجمالها ابتسم بخفه
طال الصمت بينهم
ممدوح : يابنتي جسار رجال وينشد فيه الظهر وحنى مابنجبركِ على شي
ممدوح : مبروك
جسار : الله يبارك فيك ياعم
بعد فتره خرجت أرياف عشان الشيخ بيدخل
جلس جنب جسار
الشيخ : بنت مين
ممدوح : بنتي أنا
الشيخ سال جسار عن اسمه
جسار : اسمي جسار
الشيخ قال للممدوح : زوجتك ابنتي
ممدوح : زوجتك ابنتي
الشيخ : قبلت الزواج بها
جسار : قلبت الزواج بها
الشيخ : الله يتمم لكم
وقع جسار وراح ممدوح ل أرياف عشان توقع
ممدوح : يلا أبوي وقعي
انبسطو لها البنات والحريم باركولها
كانت جُمان توثق كل شي
كانت يدها ترجف وقعت سلم عليها ممدوح وقال الله يتمم لكم
أرياف : آمين
راح ممدوح واتفوقو على العرس
ممدوح : أرياف العرس بعد شهرين
أرياف : ان شاءالله
كانت متوتره ومبسوطه مشاعرها متلخبطه تحس بإعجاب ...
دخلت المجلس عند البنات ضرخو وباركولها وحضنوها قعدو يبكون من الفرحة مبسوطين لها
أرياف : الله يبارك فيكم جميعا
عذاري دمعت عينها
أرياف : لاتصيحوني معاكم ماما تكفين
عذاري : الله يتمم لكم يا بنتي
جُمان : أرياف يلا جيبيلنا بيبي
ضربتها أرياف على راسها بخفه
رسيل : نبي بيبي كثيير
حطت يدها على وجهها بنات خلاص
ضحكو عليها
جُمان : يا حظك اخذتي اخوي
أرياف عطتها نظره
جُمان : امزح
سميره : وياحظه ب اختي
أرياف عطتها بوسه بالهوا
أرياف : بنات مافي وقت من بكره أبي السوق
جُمان : ياساتر شفيك مستعجله
أرياف : الزواج بعد شهرين
شهقت جُمان : لو في وقت كان رحنا الآن مو بكره
أرياف : امشو ننام ورانا كرف بكره
مرام : يلا مشينا بنات
طلعو فوق
فغرفة أرياف كانت تفكر وش بتسوي من تجهيزات قررت تحجز كل شي من بدري عشان
ماتبتلش بعدين ...
رتبت وضعها وطلبت من المواقع ملابس والى اخره ...
