قبل 20 سنة
في ايام الشتاء وفي وقت الضحى ,وبعد الغداء بالتحديد
جلست جهينة علي البساط المفروش بالحوش وبيدها صينيه الشاهي بنعناع ,صبت لزوجها شاهي وناولته وهي تقول له : نزل بدر من حضنك , واشرب الشاهي روق قبل لاتمسك الخط
اخذ منها صالح الشاهي ونزله علي الارض , ولف فروته علي جسم بدر الصغير مسح علي شعر بدر وهو يذكر الله عليه نطق صالح : انا ابي اخذ الشيخ المزيون بدر معي للنياق
شربت الشاهي ونطقت جهينه : لا ماله داعي تأخذه معك لسه بدر صغير علي النياق خذ فيصل
رفع عيونه العسلية ووضحت اشعه الشمس اندماج اللون الأخضر الزمردي بعسليته ونطق بطفوليه وعبوس من كلمه امه بدر : انا ردال ,
صالح بضحك قرص خدوده ونطق : ايه والله انك رجال وشيخ الرجال , وبتروح معي وتحلب النياق بعد يارجال
رمي كاسه الشاهي ونطق فيصل : وانا يبه ابي اروح معك
صالح بحنيه ربت علي كتف ولده المراهق فيصل ونطق : لا وانا ابوك المره هذي انت تجلس وبدر يروح
فيصل : سلامات اجلس والورع هذا يروح وبعدين اجلس هنا بالبيت وش اسوي
صالح : افا بس يافيصل تجلس عند امك واخوانك الصغار طلال وهيام تنتبه لهم مايصير كلنا الرجال نروح ونتركهم بالبيت لحالهم ,
هز راسه بانصياغ وهو يناظر بدر بحقد ,ونطق فيصل : اخر مره الورع هذا يروح معك يبه
زم شفايفه بزعل ونطق بدر وهو يضرب رجوله بالارض : انا ردال ردال
عقد حاجبه وناظره بعصبيه وصرخ فيه فيصل : ترا عمرك ٥ سنوات لسه ورع وبزر منت برجال لاصار لك شنب مثلي ذيك الساعه صرت رجال وقول انا رجال يالبزر
صالح بعتاب نطق : والرجال يحط عقله بعقل اخوه الصغير ! هذا بدال متعلمه الرجوله تقعد تنافخ عليه وتكسر شوكته من الصغر الله يصلحك بس يافيصل
جهينه وهي تناظر ببدر اللي عيونه العسلية امتلت بدموعه الطفوليه نطقت : الله يهديك يافيصل الحين اذا بكي بدر وفتح حلقه وش يسكته انا ماصدقت انيم طلال وهيام
فيصل بنرفزه ونطق بعتاب : بدر وبدر الظاهر ماعندكم عيال غيره !
صالح بنقد : يالرمه تغار من اخوك !
فصيل : ايه اغار لاصرت تفرق بين عيالك اكيد بغار
صالح بصدمه : انا الحين صرت افرق بينكم ! عشاني بس مااخذتك المره هذي للنياق
فيصل بحرقه : المواقف كثيره يبه لو اذكرها لك من الحين لين بكرا ماتخلص
صالح بعصبيه. : قم اذلف من قدامي ياناكر الجميل امش
قام وهو يسحب شماغه وخبط راس بدر بقهر ونطق : دلعك له ان شاء الله يبذر فيه وتشوفه يشيلك بكبرك ولا يرميك رمية الكلب
أنت تقرأ
مشغوله بحمايته "طفلي الكبير "
Romanceبطلي مجرد طفل محبوس بجسد رجل عملاق يواجه تحديات بسبب تأخره العقلي , يعيش في بيئة عائلية معقدة تجمع بين القسوة والسلطه والنفوذ والطمع والإنانية, ببرائته يطالب والدته بعروسته فلم يكن للأمير والطفل المدلل إلا الأجابه لطلبه , بطلتي تجبرها الظروف ان تقع...
