تمشي بالحواري وصدرها يحترق غيض ودموعها مغبشه الرؤيا عنها , و من قربت للبقالة اخذت نفسسس عميييق و مسحت دموعها بيدها الصغيرة ودخلت فيها
يدورها بعيونه الحاده بين اسياب الحي وشوارعه تنهد بعصبيه عزام .: ياليل ووين راحت هذي !! ( حرك سياارته وتوجه لبيته بعد ماافتر بسيارته يدورها ولا حصلها )
__________________________________
في بيت | ام عزام
ام عزام بزعل ولوم : كم مره وانا افهم واعقل فيك يااحرمه خاافي الله فيها هذي يتيمه وش ينقص منك لاعاملتيها بااحسان وعديتيها بحسبه بناتك هاه !
, مناير بطنازه : يتيمه ! ليكون بالمهد كغغغه ياحرام, تراها كبر البغل يايمه وش يتيمه الله يهداك بس
ام عزام بتعب : والله ماعاد بي شده فيك سنين وانا انصح بس حالتي معك وانا امك مثل حال اللي ينفخ في قربة مشقوقة ماتسمعيني , انا خلاص ماعاد ابي أوجع راسي فيك غسلت يدي منك ( قامت علي عكازتها واستكملت ) الوقت تأخر شوفي عبدالرحمن يوصلك بيتك قبل لاينام عنك
مناير بتحلطم : بنام عندكم الليله ماني راجعه للبيت
ام عزام سكتت ثم نطقت : علي هوااك
_________________________________
في غرفة البنات , مجتمعات وكل وحده اخذت لها ركن وجلست فيه والغبنه والقهر مالي قلوبهم بالأخص وهج الي كانت الأقرب لورد ...
سحبت الجوال من التسريحة ونطقت وهج بهدوء وهي ترميه عليها : رهف هذا جوال وَرد لاتنسيه خذيه معك لاروحتو بيتكم
جالسه علي طرف السرير ونطقت وهي تاخذ الجوال رهف : ان شاء الله
منسدحه خلود بخوف وعيونها علي رهف : بنات تتوقعون وووين راحت ! يعني مستحيل توصل لبيتكم علي رجولها المسافه من بيتنا لبيتكم بعيده مرا والله قلبي مقطعني خوف عليهاا تمشي بالليل ولحالها ااخ بس لو معها جوالها اقل شي تطمنا وينها فيه
رهف رفعت عينها لها : والله كنت بلحقها بس من شفت خالي عزام طلع وراها ارتحت مستحيل خالي عزام يتركها بنص الليل لحالها بيوصلها لبيتنا واعرف ورد اذا وصلت بيتنا راح تدق علي من جوال ابوي وتطمني عنها
ساره وهي مكتفها يدينها وجالسه علي سريرها و تناظر برغد الي قاعده جمب رجولها نطقت : كله من السوسه الفتاانه الكذابه خربت علينا سهرتنا وطيرت الويكند من روسنا نفسي اشوتك برجلي لبيتكم
رغد قامت من جنبها بعصبيه : اقوول انطمي ترا يكفيني الضرب وشده الأذن الي اكلتها من اخوك ماني ناقصه لك انتي بععد وبعدين انا ماطقتيها علي يدها وقلت لها روحي للبقالة هي من نفسها راحت ولا بعد كذبوني في هذي
أنت تقرأ
مشغوله بحمايته "طفلي الكبير "
Romanceبطلي مجرد طفل محبوس بجسد رجل عملاق يواجه تحديات بسبب تأخره العقلي , يعيش في بيئة عائلية معقدة تجمع بين القسوة والسلطه والنفوذ والطمع والإنانية, ببرائته يطالب والدته بعروسته فلم يكن للأمير والطفل المدلل إلا الأجابه لطلبه , بطلتي تجبرها الظروف ان تقع...
