طلع الدكتور عامر من مكتب المدير وماسك راسه من قووة الصدمة , انسحب بسرعة وتركهم واتجه لمكتب الدكتور راضي واستغل فرصة انشغاله مع المدير , فتح باب مكتب راضي بحذر وقبل لايدخل تلفتت علي الممرات مايبي احد يشوفه ودخل بخفه وقفل الباب وراه , بدون مايضيع وقت توجه وفتح الجهاز المكتبي ودخل علي ملفات المرضي التابعين للدكتور راضي قراء اللسته كاملة بااسماء المرضي وعيونه تدور علي اسم بدر العاصي وأخيرا حصله وضغط علي الملف يفتحه ويتأكد هو بنفسه لانه ولا واحد بالمية صدق كلام راضي المتناقض بس انصدم من ظهور باسبوورد قدام عيونه خبططط يده بالطاولة بقهر ليش راضي يقفل ملف بدر بالذات ! ليش الرمز لملف بدر من بين كل المرضى !
مسح علي جبينه بتوتر وحس ان الموضوع فيه مؤامرة ولعب , تنهد بشتات وقلق و طلع من مكتب راضي وخرج من المصحة ....
_______________________________
في نهار عصر الخميس الساعة 5:30 دقيقة ....
في بيت | وَرد
البيت هادئ ومظلم رهف ورغد من بعد مارجعو من دواماتهم سحبوها نومة ومع الويكند اخذو راحتهم بزياده , وبطلتنا وَرد طالع لنا صوتها وتحلطمها من المطبخ
تأففت وهي تغسل مواعين طبخ مناير الشعبي لزباينها : اووف تعبت انكسرت يدي ولسه ماخلصت يااربي متي اتزوج وافتك من ذا الكرف
سمعتها مناير وقفلت علي حافظه الجريش بابتسامة شامته : صدق ماعندك لا حياء ولا مستحي مشفووحه علي الزواج انتي ووجهك اصلا بالعقل ممين وده يأخذك ياخوفي بس تطيحين حسره علي قلبي وتعنسي وابتلش فيك !
ابتسمت وَرد وهي تفرك الصحن بليفه : بسم الله علي كل هالجمال واعنس لاتخافين علي بعرس قريب و حتي قبل بناتك !
تخصرت مناير ورفعت حاجب : اشوفك واثقه بالححيل اكيد مايبي لها ياقليله الادب صايده لك صيده أخبرك التربيه ممسوحه من عندك يالي ماتستحين
ميلت شفايفها بسخط وَرد : والله كلن يرى الناس بعين طبعه , واصطياد العريس هذي تخصصك انتي صح ماقلتي لي كيف صدتي ابوي عفوا اقصد تزوجتيه ههههههههههههه
ثارت عصبية مناير وركضت لها بقوه وسحبت زندها النحيف ومن بين اسنانها نطقت : ايييي يالكلبة ماخذتها عيااارة علي !
ناظرت لها ورد بصدمه من مسكة يدها حاولت تدفها وتبعدها عنها لكن مناير اقوي منها وأسرع و سحبت شعرها للارض صرخت وَرد بألم وهي تطيح علي الارض : وخري عني يامريضه آآآه شعري
عضت علي شفتها بحقد وهي تنزل علي شعر ورد وتنتفه بيدها وتتكلم بغل : حظي الردي يوم صدت ابوك قلت رجال بشد ظهري فيه و طلع شبيه الرجال بس تدري والله لااربيك ياالمعفنه ترادديني وتعايريني ! انتي ليش ماتخافين مني هاه علي كثر مااهبد فيك واجلدك ولا تخافي يالقزززمه ليششش !
عيونها امتلت دموع من حست بشعرها بيطلع من راسها وتكلمت بصوت مخنوق وَرد : الله يلعنك اكرهك وتخسين اخاف منك بعععدي عني احسن لك
أنت تقرأ
مشغوله بحمايته "طفلي الكبير "
Romanceبطلي مجرد طفل محبوس بجسد رجل عملاق يواجه تحديات بسبب تأخره العقلي , يعيش في بيئة عائلية معقدة تجمع بين القسوة والسلطه والنفوذ والطمع والإنانية, ببرائته يطالب والدته بعروسته فلم يكن للأمير والطفل المدلل إلا الأجابه لطلبه , بطلتي تجبرها الظروف ان تقع...
