ورا ليل اللثام لقيت بنواعس عينك اوطاني

٣

تاج الذِكر: لا إله الا الله وحده لا شريك له له الملك وله الحمد وهو على كل شيء قدير

جهزت العشا ودوا جدها وقعدت بالصاله تنتظره وهي ماسكه دفتر
وترسم في محاولة منها انها تضيع الوقت الى ما يرجع جدها

سمعت صوت المفاتيح وقامت بسرعه عند الباب

ابتسم الجد لما شافها: تذكريني بوالدتك رحمة الله عليها

ابتسمت ساره وهي سانده جدها تمشيه: جهزت عشاك ومعه الدوا اخاف يرتفع ضغطك وانا مب حولك فبكّرت وقته

قعد الجد: الله يجزاك خير يا سويّر

ساره: بروح اجيب ماي نسيت اجيبه

راحت ساره المطبخ وهي تدندن رجعت للصاله وشافت جدها طايح طاح الكوب اللي بيدها وانكسر وقعدت بسرعه عالارض تحاول تصحيه و يدها ترجف راحت للمطبخ تجيب ماي ومسحته على وجه جدها قامت اتصلت عالاسعاف ونقلوا العم خلف للمستشفى

بعدها بساعات

خلف: ما فيني الا العافيه يا سويّر خلاص يا بعد حيي روحي ارقدي

دمعت عينها: مقدر خل قلبي يتطمن بنام الليله عندك

خلف: لا حول ولا قوة الا بالله عنيده نفس امك

ابتسمت ساره: اهم شي راحتك واني اتطمن عليك

صوت اذان الفجر يخالطه صور عصافير الصبح.. حيّ على الصلاه ..حيّ على الفلاح.. الصلاة خير من النوم

في بيت ابو محمد

الجد: قُم للصلاه لا بارك الله في العدو

قام طلال من نومه وشاف نايف ورا جده يضحك عليه تحلف فيه وهو يمشي راح يتوضى وصلوا جماعه في المسجد وبعد ما سلموا وصاهم الجد ما ينسون الوعد اللي وعدوه في انهم يكونون قد المسؤوليه في شغلهم ومُثابرين و نسبة مبيعاتهم وربحهم رح تحدد نصيبهم من الشركه

اليوم اللي بعده طلع العم خلف من المستشفى ورجع البيت

مسكت ساره بيده وهي تمشيه لغرفته

ساره: انت ارتاح ولاحق على الشغل بعدين اهم شي صحتك

خلف: ما قومني شي يا سويّر خلاص وبكرا ان شاء الله بروح 

تكتفت ساره: اجل رجلي على رجلك

خلف: يا ليل راسك ذا اليابس خلاص طيب بتروحين معي

ابتسمت ساره: وأخيرًا وافقت لي !

في ساعات الفجر الاولى ما ينسمع الا صوت العصافير اللي تغرد وكانها تسابق الشمس عن اعلان يوم جديد

صحت ساره وهي فرحانه بكسرها للروتين توضت وصلّت ومشت مع جدها للسوق وهم يقراون الاذكار