ورا ليل اللثام لقيت بنواعس عينك اوطاني

١١

تاج الذِكر: لا اله الا الله وحده لا شريك له له الملك وله الحمد وهو على كل شيء قدير

صحت وهي تتمنى انه حلم كانت تحس بالدموع على خدها ناظرت يمينها وشافت عقاب مبتسم
عقاب: الحمدلله استقرت حالة صقر
فزت من مكانها: صقر
عقاب: اقولك حالته مستقره
كانت يدها ترجف ودموعها تنزل الهنوف: متاكد عقاب ابي اشوفه وينه
عقاب: متاكد انتي الحين ارتاحي
قامت الهنوف غير مُباليه بكلامه وطلعت برا بلبس الازرق الخاص بالمستشفى و رجولها حافيه تمشي بسرعه لغرفته
سحيم: الهنوف يا بنتي استهدي بالله
الهنوف: يبه وينه ابي اتطمن
سحيم: هو بخير الحمدلله بس انتي ارتاحي تو ساحبين من دمك لازم ترتاحين
نطقت بنبرة يخالطها شهقه الهنوف: اي راحه يبه اي راحه
ولما جا الدكتور سمح لها تدخل بس بشرط ما تطول دخلت عليه واول ما مسكت يده انهارت بكي ولا قدرت تقول اي شي بعدها بدقايق نطقت
الهنوف: ردّ روحي لا تضيعها تكفى قوم

لندن
رجع البيت قبل منتصف الليل بنص ساعه شافها وشاف وجهها اللي منتفخ من البكي توجه لها واول ما كان بيقرب منها حطت يدها بوجهها
وبصوت مبحوح نطقت ساره: لا تقرب ما ابي اشوفك
قعدت تبكي وهي تنطق: ما ابي اسمع منك شي اللي شفته يكفي اتمنى ما يكون بيننا حَكي
احترم هالشي وقبض على يده وهو يشوفها متوجهه لغرفتها ناظر الاشعار اللي جا على جواله من امه وهي تطمنه على صقر وتوجه لغرفته انسدح وهو يناظر مجموعة الادوية رجع له شعور الوحده اللي كان يحس فيه قبل لا تجي سارة بحياته قعد هالليل وهو يفكر فيها وعيّا يزوره النوم وهذا طبع المحبين السهر على هاجس محبينهم

"طالت مسافاتي وتاهت بي ازماني
وعلمني الوقت كيف اقسى على طبعي
ومن طاول الوقت لو هو قاسي
كم عاقلٍ صار بامر الحب هيماني
وكم قلب عذرا ترك فيه الهوى صدعي"

طلعت برا المستشفى وتكتفت وهي تحس بـ خنقه وضيقه على حال صقر ناظرت للي وقف بجنبها
الجد سحيم : الهنوف يا بنتي ارجعي كل البنات رجعوا روحي ارتاحي
الهنوف: ما يطاوعني قلبي اروح وصقر بذي الحاله يبه
سحيم: ذلحين غَب الليل يا بنتي روحي وربك كَريم الصبح ارجعي وما رح يصير له شي ان شاء الله
هزت الهنوف راسها كانت محتاجه هالراحه بعد اللي صار مشت مع السايق لكن هالمره توجهت لبيتها دخلت وتنهدت كانت الليتات الطافيه مشت لـ فوق شافت بجنب الدرج صبغ و اغراض وكراتين مرميه استغربت مشت و قبل لا تدخل غرفتها التفتت لاحد الغرف وشافت ان لون الباب تغير وقفت عند باب هالغرفه ثواني ثم فتحت الباب سكنت مكانها بصدمه

ناظرت المكان اللي كان يحوطه ارفف وبكل رف مصفوفه كُتب بشكل مرتب وعلى حسب الوانهم ثم وجهت انظارها للكنبه اللي بأمامها طاولة صغيره وعلى جنب طاولة مكتب وكرسي كانت مبهوره بتفاصيل المكان ومو مصدقة اللي تشوفه مشت لـ عند الطاوله وشافت باقة ورد وبطاقة اخذت البطاقه وقرات البطاقه اللي كان محتواها