ورا ليل اللثام لقيت بنواعس عينك اوطاني

٥

تاج الذِكر: لا اله الا الله وحده لا شريك له له الملك وله الحمد وهو على كل شيء قدير

لندن

صحى لكن هالمره بشقته وشاف اتصالات والدته

واول ما رد وصل له صوت والدته اللي كله شوق وحنين سالته عن موعد رجعته

عبدالله: بعد بكرا ان شاء الله

فرحت والدته دمعت عينه وابتسم وهو يتناسى اللي فيه جهز شنطته وقعد بيأس مسك اله حاد*ه ويده  ترجف وهو يشوف الدم يصب من يده توجه للحمام (تكرمون) غسل يده بماي بارد وتوجه للسرير ونام وهو يحس بثقل كبير على قلبه

ناظر الجد ابو محمد احفاده وهو يفكر بخويه خلف وحفيدته قعد وهو شايل همها

فتح ابو عبدالله طاري ولده: ابشركم الحمدلله بكرا عبدالله راجع وعلى جيته عازمكم على العشا

ابو نايف: وش يدرس عبدالله

ابو عبدالله: ماجستير طب طوارئ سنه ان شاء الله ويتخرج

ابو نايف: ما شاء الله عليه الله يوفقه

بعدها بمده توجه ابو محمد للمستشفى ورفض واحد من احفاده يجي معه

توجه لها ومسك كتفها

ابو محمد: اخبارك يا ساره

ساره: على شوفك حالي من حال جدي وتوي اليوم رحت عند الدكتور يقول انه بغيبوبه ولا ندري وش السبب اومتى بيقوم

تنهد ابو محمد وقعدوا مده بصمت ثم نطق: يا بنتي يا ساره على خبري ان لندن فيها مستشفى تسوي فحوصات زينه وش رايك تروحين لهناك

انصدمت ساره وهي تفكر بفلوس العلاج: مقدر يا عم ذي يبيلها مصاريف وعلاج وانا بنت لحالي ولا معي محرم

مسك كتفها يطبطب عليه: معليك يا بنتي مصاريف علاجه الدوله تتكفل فيهم وعلى سالفة المحرم عندي حفيد يدرس هناك وهو يدور له على وحده يخطبها وما رح نلاقي احسن من قربكم هاه وش قلتي

نزلت راسها: مشكور يا عم لكن مقدر اعذرني

ابتسم وهو يفكر: معذوره يا بنتي معذوره

قام من النوم وتوجه للحمام (تكرمون) شاف وجهه بالمرايه انصدم وهو متوعد لها حاول يغسل لكن ما راح نزل وهو معصب وشعره معتفس

صقر: الهنوف

سوت نفسها ما تسمعه وهي تسوي لها كوب قهوه

توجه للمطبخ لما لمحها

صقر: وش اللي مسويته

لفت وناظرت وجهه وفطست ضحك

صقر: تضحكين اجل

الهنوف وهي للحين تضحك: تكفى وش ذا اهخخ بطني

مسكت جوالها وهي تصوره واول ما خذت له صوره مسك الجوال ورفعه