عشق لا ينتهى

بارت ١٦

في مسدس على دماغ طارق
الكل بصله
اسراء:انت مجنون يا اياااد اوعى
اياد:والله هفرغ المسدس كله في دماغه
طارق الاب:ولد انت اتجننت شيل المسدس ده
اياد:والله اللى هيقرب منى هموته
عمر:ولا انت تعبان في دماغك انا هموتك
اياد:انتوا كده يعنى مقتلتونيش ده انتوا موتونى بالبطيئ ليه ده ياخدها وانا لاء وانتوا عارفين انى بحبها جامد وانا كنت كويس معاكم وفي الاخر تتخطب للكلب ده اللى في بينكم اصلا مشاكل
اسراء:ابعد المسدس عنه وشيل ايدك من على رقبته
طارق الصغير كان ساكت خالص
اياد:تسيبيه ونتجوز عشان احل عنه لحسن والله ما هسيبه الا جثه هامده انا بحبك
طارق الصغير مسكه جامد من هدومه وهو قاعد زى ما هو وقلبه على الارض
اشرف خد المسدس بسرعه وعمر واحمد وطارق مسكوه
اسراء شدت طارق
هو حضنها جامد
طارق:هههههههه متخافيش ده صرصار افعصه اهدى اهدى وباس راسها
طارق الاب كان رن على اهله
طارق الابن:سبهولى بقا  ومسكه وكان بيضربه
اسراء الام:خلاص يا طارق كفايه اسراء خدى طارق وادخلى جوا
اسراء:تعالى ومسكت طارق ودخلوا
عمر:مطلعوش بقا احنا هنتكلم مع اهله
اسراء:قولهم والله لو عمل حاجه لطارق لانا اللى هموته مش حد تانى عرفه ده
عمر:حاضر خلاص بقا
اسراء كانت رايحه جايه كل شويه وبتشتم اياد في سرها
ندى:اسراء خلاص
اسراء:اسكتى
طارق قام وقف قدامها
طارق:خلاص يا حبيبتى انا معاكى اهو وقولتلك مليون مره محدش يقدر يعمل حاجه ويبعدنا عن بعض وهتجوزك برده كده كده يعنى وبعدين ايه الحلاوه دى في واحده بعد البهدله دى كلها ومرعوبه كده وتفضل زى القمر زى ما هى ولف ايده على وسطها
اسراء:انت بطمنى بس
طارق:والله ما يقدر يعمل اى حاجه
اسراء:انا اصلا اموته والله
طارق:حبيبتى القويه وحضنها جامد
وقعدوا مع بعض
بعد شويه اهل اسراء دخلوا
اسراء:ها عملتو ايه
طارق الاب:خلاص اهله هيسفروه برا
اسراء:بجد
عمر:اه والله هيسافر خلاص
اسراء: الحمدلله
اشرف:طب الحمدلله يلا بقا يا طارق
طارق:ماشى يلا يا حبيبتى تصبحى على خير وباس راسها
اسراء:خد بالك
طارق:حاضر مع السلامه
الكل:سلام
اسراء وندى طلعوا فوق اوضتها واسراء استحمت وغيرت
ندى:صور السيشن امتى
اسراء:قال بعد ٣ ايام بس في صور نزلت يعنى
ندى:هو بصراحه انتى مكسب ليهم ده هيعملوا احسن دعايه ليهم الميكب انتى اصلا قمرايه فهى بقا فرحانه بيكى هتنزل بقا الصور وكده وطبعا السيشن انتوا قمرات ورومانسيين والصور صادقه جدا فانتوا مكسب لاى حد
اسراء:حبيبتى يا دودى عقبال يارب فرحك كده
ندى:امتى ياختى اشوف اليوم ده
اسراء:بس يا واقعه انتى مستعجله على ايه ما انتوا مخطوبين اهو
ندى:اسراء الخطوبه طولت احنا مرتبطين من زمان واتخطبنا وقولت هنتجوز بقا في اخر سنه لاء عدت اخر سنه واتخرجنا ولسه مجابليش سيره الجواز اجى اتكلم في الموضوع يقعد يتهرب ويقول مش وقته انا زهقت واهلى برده زهقوا
اسراء:ندى اصبرى عليه احنا لسه متخرجين ولسه ملقاش شغل وانتى عارفه ان بباه ميت ومسبلهوش حاجه خالص وهو اكيد بيقول لو اتجوزنا هصرف عليها منين يستقر بس في وظيفه
ندى:ياريت دى المشكله يا اسراء المشكله ان مفيش شقه اصلا
اسراء:انتى مش قولتى انه مقدم على شقه في ٦ اكتوبر
ندى:كان بيحسب انها تقسيط على ١٠ سنين والمبلغ بقل مش كبير طلع المبلغ كبير والتقسيط على ٣ سنين والشقه صغيره بيقولى هجيب الفلوس دى منين ومش حلوه كمان يا اسراء
وهما بيتكلموا طارق رن
ندى:بصى انا هكسر التليفون
اسراء:ههههه يابنتى اهدى
ندى مسكت الفون
ندى:الوو
طارق:اعوذ بالله بت ادينى اسراء
ندى:انت عايز ايه ما تتخمد
طارق:انتى مالك ده انتى كالحه ادينى اسراء بقولك
اسراء خدت الفون
اسراء:ايوه
طارق:ايوه كده فرق رهيب برده في الصوت
اسراء:عيب اسكت
طارق:عامله ايه يا روحى
اسراء: الحمدلله
طارق:فاضل ياما على فرحنا
اسراء:هههههههه بيقولوا
طارق:والله بعد الضحكه دى المفروض اكتب عليكى حالا
اسراء:ياطارق لسه بدرى اوى
طارق:ليه بدرى
اسراء:احنا لسه مخطوبين النهارده
طارق:طب المشكله في ايه
اسراء:مش مشكله بس لسه في تجهيزات وبالله عليك متفتحش مع بابا دلوقتى خالص عشان ميزعقش
طارق:طب هنحدده امتى
اسراء:بص بعد شهر كده ابدء اتكلم
طارق:حاضر هصبر
اسراء:سلام بقا عشان هنام
طارق:سلام يا قلبي
عند طارق
اشرف:بس انت كنت مسخره النهارده بس بصراحه رغم رقصك مهزتش وسطك والقرف ده ورقصك كله مع اسراء ومعانا شيك كده وجنتل وابن ناس بس كنت مستغرب طارق اللى مش بيرقص لبدا في الافراح وبيقعد يقول لاء والهيبه وكده وتسقف وتقف بس سبحان الله
طارق:يابنى دى فرحتى ومنايا كله انت متخيل انا بخطب اسراء ده انا كنت عايز نركب عربيه ونلف في البلد كلها والله
اشرف:فرحتك كانت باينه خالص الناس كانت بتتكلم وبيقولوا دول بيحبوا بعض جامد واغلب الناس بتقول ده هو ميت فيها ده بيحبها اكتر دع الولد هيطير بيها
طارق:دى حقيقه والله
اشرف:انا مشوفتش يلا حد من اهلك الا امك وابوك واختك وصحاب اختك
طارق:انا قولتلهم محدش من العيله يجى عشان المشاكل واللى عايز يجى يبقي يجى في الفرح
اشرف:بس الحب بيغير
طارق:اوى يا اشرف يعنى انا زمان مقدرش ابدا كده حد يصحينى من النوم ابدا على سبب كبير مبالك بقا لو سبب تافه ومقدرش اتحكم في عصبيتى وانام طول النهار واصحى طول الليل فبدايه حبنا لما تكون مضايقه ترن تصحينى من النوم وبقوم ارغى معاها وانا مبسوط من غير ما اتعصب عليها ولا ابقي مضايق انا عايزها تبقي مبسوطه بس ويولع العالم يعنى انا عايزها بس تكون مبسوطه وبتضحك ومش فارق بقا معايا حاجه ولا لما تضحك وتحط ايديها على بقها كانت بتطحن قلبي فالحب ده يا اشرف كل حاجه
اشرف:بتحبها انت جامد انا عارف
طارق:والله ما تعرف بحبها ازاى انا حبتها لدرجه انى اقتنعت اللى فات من العمر قبلها كان انتظار ليها بقيت بشمئز من اى حد يلمسنى الا هى وانا في مراحله شباب والبنات بتجرى حواليا لاء بقيت مش عايز الا هى بس لما بشوفها بقول هو انا ازاى همشى وهشوف غيرها قي الشارع ازاى هبص لاى حاجه في الدنيا تانى مبعرفش اشوف حد تانى حلو زيها فبالنسبالى مفيش حد حلو الا هى بجد في ايام مكنتش بنام فيها من الفرحه
اشرف:ربنا يكملكم على خير يارب
طارق:امين يارب
اشرف:نلعب بلاى ستيشن
طارق:لاء يا عم انا هنام بقا
اشرف:لسه الساعه ٥
طارق:عايز اصحى على الساعه ٩ كده عشان اسراء بتكون صحت يلا نام
اشرف:يادى اسراء اللى خدتك منى
طارق حدف في وشه المخده
طارق:اتخمد يلا
اشرف:هتخمد انا هتزفت اهو
وناموا
وعدت فتره وهما على طول مع بعض وبيخرجوا  وفي يوم كانوا في النادى وقاعدين مع بعض
اسراء:ندى واشرف اتأخروا
طارق:انتى عايزاهم في ايه بس ..ايه ده اهم جم على السيره
ندى اول لما جات رزعت الشنطه على الترابيزه
اسراء:ايه ده في ايه
ندى بعياط:انا مش هكمل مع البنى ادم ده
اشرف:انتى انانيه اصلا ومش بتفكرى الا في نفسك وبس وانا يا ندى اللى مش عايزك
طارق:اهدى يلا هو في ايه
اسراء:حبيبتى قولى في ايع وانت اقعد يا اشرف
ندى:في ان الاستاذ مجابش الشقه يا اسراء وانا مستحمله وساكته بس خلاص تعبت كده كتير الشبكه كانت صغيره قولت يابت مش مهم انتى بتحبيه وعايزاه عدى الموضوع كل فلوسه بيصرفها على اهله يروح يشتغل في اى داهيه يديهم الفلوس اقول يابت مش مهم بار باهله حلو عمه مات وورثوا فيه نص مليون جنيه المفروض بقا نأجر على الاقل شقه يدفعها عربون لشقه لاى زفت على دماغه لاء راح جوز اخته وانا اقول هى اخته اتجوزت وجهزت منين وقولتلك طلع من فلوسه وسفر اخوه التانى برا الغبي عشان انت مش شارينى اصلا
اسراء وطارق بصوله
اشرف:اسراء انا ابويا مات وسابلى كوم لحم كنت بشتغل ليل ونهار وعمى اللى دخلنى الكليه وكان بيدفعلى الفلوس وامى ياما اشتغلت وشقت عشانى واخواتى بعولى حلقانهم عشان اجبلها شبكتها صاحبتكم وشجعتونى وخففتوا عنى كتير وحبتها وخطبتها وهى عارفه ظروفى ولما عمى مات ورثنا ده مش ورثى لوحدى واختى مخطوبه وهى مسؤله منى واولى بالفلوس جوزتها وجهزتها فين الاجرام في ده واخويا مش لاقى شغل خالص هنا سفرته برا لان ده الصح انما شقه ايه اللى بنص مليون ولسه محتاجه تشطيب وايجار ايه انا مش حمل كل يوم شهر اكل وخروجات وايجار ومايه وكهربا وغاز لاء وقولتلها نتجوز في بيت اهلى اخواتى اتجوزوا متبقاش الا امى بس مش راديه 
ندى:شايفين اهو وانا مستحملاه بقرفه  هستحمل امه كمان واقعد اخدمها واشيل قرفهم العمر كله
اشرف:احترمى نفسك وبصى بقا ده حلى معنديش غيره
ندى:يبقي خد شبكتك وكل واحد يروح لحاله وخلعت الخاتم ورمته في وشه
اسراء بصت لندى بزعل
اسراء:خلصتى
ندى:بصى يا اسراء مش وقتك خالص تعمليلى دور المضحيه اللى لو مكانى هتعملى كل حاجه عشانه وتقعدى تنصحينى والكلام الاهبل ده لان انتى معاكى واحد بيعشقك حتى لو معاه فلوس مش ده السبب في انه يعشقك وراح جبلك فله وكتبها باسمك وجايبلك الماظ انتى متحسيش بيا ومشيت
هى اسراء سكتت خالص لان هى عارفه لما ندى بتتعصب مش بتعك فسبتها تهدى
اشرف:انا ماشي وقام مشي
طارق:اولعوا جتكم القرف
اسراء: استغفر الله العظيم
طارق:مين غلطان
اسراء:الاتنين
طارق:ازاى
اسراء:اشرف غلطه انه بايع ندى حتى لو مش مقتدر حسسها انك شاريها قولها انا ورثت بس اخويا واختى بس مزنوقين ويمكن اخويا يبعتلى والكلام ده وبرده الخطوبه طولت وهو معملش حاجه بالنسبه لندى هى مش ثابره وبتشتم ومش بتحاول تساعده هى طول الوقت عايزه خروجات وفلوس فهو مش عارف يحوش منها
طارق:عندك حق بس ندى دى حقيره انا مردتش ارد عليها لانك بصتيلى
اسراء:هى متضايقه ومش باخد على تصرفاتها
طارق باس راس اسراء وبعد كده روحوا
في بيت اسراء
اسراء:بابا
طارق:ايوه يا روحى
اسراء:ممكن اطلب من حضرتك طلب
طارق:اتفضلى
اسراء:حضرتك عندك عمارات كتير بسم الله ما شاء الله يعنى وبتساعد ناس كتير فربنا بيرزقك اكتر وبتستثمر فيهم انا مش عايزه من الغاليين انا عايزه من اللى بيتأجروا عارف عماره الشيخ زايد اللى كلها ساكنه معادا شقتين عايزه شقه
طارق:لمين
اسراء:لاشرف وندى يا بابا بالله عليك دول سابو بعض والحمدلله الشقه متوضبه يادوبك عزال ندى يتحط ويتجوزوا وكده انت جوزت اتنين ومش هتخسر حاجه ده ربنا هيكرمك
طارق ابتسم
طارق:من عنيا الاتنين حاضر
اسراء:وحاجه كمان
طارق:تشغل اشرف اى حاجه
طارق:من عنيا
اسراء:بحباااااك يا طروقه
طارق:وانا بموت فيكى وقعدها على رجله وهى كانت متشعبطه فيه
طارق كان بيلعب في شعرها زى زمان لما كانت صغيره ويبتسم
اسراء الام:ده ايه الدلع ده
اسراء:تعالى انتى بقا مكانى وانا هطلع الجنينه
وقامت جرى ورنت على اشرف
اشرف:ايوه يا اسراء
اسراء:ممكن تيجى البيت عايزه اتكلم معاك
اشرف:مش قادر اتكلم
اسراء:كده يا اشرف
اشرف:خلاص انا جاى مسافه السكه
اسراء:مستنياك
اشرف بعد شويه وصل
واسراء كانت مستنياه لما جه قعدوا في الجنينه
اسراء:بص يا اشرف انا معاك ان ندى غلطانه جامد كمان بس هى اكيد تحت ضغط اهلها وهى بتحبك لانها صابره ده كله وانت برده معلش بتاع بنات وسهر وبتفرتك فلوسك برده وهى شايفه ده ومش بتحاول برده ولا بتراضيها
اشرف:بس انا والله مش بايدى حاجه
اسراء:طب يا اشرف انت بتعتبرتى ايه
اشرف:مزه
اسراء:هههههههه يابنى بطل
اشرف:المزه اختى والمزه مرات اخويا
اسراء:طيب دلوقتى اختك شافتلك شقه
اشرف:مش معايا فلوس اشترى
اسراء:هى اختك هتاخد منك فلوس الشقه
اشرف:مش فاهم
اسراء:اشرف احنا عندنا شقق كتير وفي شقه في الشيخ زايد جمبنا هنا حلوه ومناسبه ودى هديه اخت لاخوها
اشرف:اسراء انا مش هقدر لاء متحرجنيش
اسراء:انت مجنون يلا بقولك انا اختك عيب كده ومتقولش لحد انا مقولتش لطارق خالص ولا هقول لندى وهى متعرفش ان ده بتاعنا وعارف ده مش منى ده من عند ربنا لانه بار بأهلك ولما طلعلك خير عملت بيه خير لاختك واخوك فدى هديه من ربنا
اشرف:ا انا مش عارف اقولك ايه بجد انتى احسن واحده في الدنيا دى كلها واطيب قلب خلقه ربنا بجد
اسراء:استنى بس وكمان يا استاذ بكرا عندك انترفيو في واحده من اكبر شركات مصر
اشرف:مين
اسراء:شركه طارق المنشاوى
اشرف:بتهزرى
اسراء:لاء مش بهزر واعتبر نفسك مقبول وتمضى العقد بكرا كمان
اشرف كان هيحضنها من الفرحه
اسراء:ولا وبعدت بسرعه
اشرف:معلش معلش من الفرحه بس اسراء انتى بجد احسن اخت في الدنيا ربنا يخليكى يارب انتى جدعه اوى وهو بيتكلم مع اسراء فى رساله وصلتله من طارق
طارق:اشرف انا حولت في حسابك دلوقتى نص المليون اللى ورثتهم وعرف ندى ان الفلوس معاك زى ما هى ولو احتاجت حاجه انا معاك حطهم في البنك واجر شقه
اشرف ورا لاسراء الرساله
اشرف:انتوا بجد اكبر نعمه ربنا ادهالى ربنا يخليكوا ليا وميحرمنيش منكم أبدا
اسراء:انت اخونا يا اشرف والله بس انا محتاجه منك طلب
اشرف:اكيد اتفضلى
اسراء:متصالحش ندى خالص دلوقتى واصبر شويه تهدى وتعرف قيمتك وبرده كأنك اتصرفت في الحاجه دى
اشرف:ايوه ان شاء الله هعمل كده
اسراء:ايوه جدع
بعد شويه اشرف مشى
طارق رن على اسراء
طارق:ايوه يا روحى
اسراء:متأخر في الرن ربع ساعه يا استاذ
طارق:والله كنت بحول فلوس لاشرف حولتله ٥٠٠ الف ولما جيت ارن عليكى مكنش في شبكه خالص فعلى ما وصلت
اسراء:انت كل يوم بتكبر في نظرى اكتر
طارق:اشرف اخويا وكمان انا مطلعه بنيه اننا نتجوز على خير بقا
اسراء:ان شاء الله يا حبيبي وقعدوا يتكلموا كتير مع بعض لحد لما ناموا
تانى يوم
اشرف راح شركه طارق واتقبل على طول وطارق كتب في العقد مرتب مناسب جدا لاشرف واشرف كان طاير من الفرحه ومش مصدق وبعت لاسراء
اشرف:اسراء ربنا وحده يعلم غلاوتك عندى كانت عامله ازاى بس دلوقتى زادت اوى وبقيتى عندى اغلى من الواد طارق كمان وانا عمرى ما هنسالك ده وياستى عشانك هضحى واعزمك انتى وطارق وامرى لله انا كده بضحى
اسراء:اه والله شكلك سخن
اشرف:اشتروا نفسكم بقا قبل ما ارجع في كلامى والسخونيه تروح
اسراء:خلاص عرف طارق
اشرف:اشطا سلام
اسراء:سلام
اشرف كلم طارق وجهز وراح لاسراء خدها ونزل
طارق:هو فعلا اشرف هيشتغل في شركه بباكى
اسراء:ايوه انا قولت لبابا وعرفت اشرف وراح وكده
طارق:مقولتليش يعنى
اسراء:مجتش فرصه
طارق:طب متتكلميش بقا مع اشرف تانى الا في وجودى
اسراء:في ايه الله
طارق:انا بعرفك يا اسراء وبقولك اهو متتكلميش مع اشرف تانى من غيرى وملكيش اصلا كلام معاه الا في وجودى وبحدود
اسراء:هو انت شوفتنى بكلمه في غرام ده شغل
طارق:شغل مش شغل تعرفينى انا وانا اقوله او تبعتيله من عندى او تستنى خالص لما اكون معاكى سامعه
اسراء سكتت وضيرت وشها
طارق كان متعصب ووشه احمر وبعد خمس دقايق مسك ايديها هى سحبتها منه
طارق:الله بقا كده
هى مردتش
هو شدها لحضنه
اسراء:اوعى وكانت بتطلع من حضنه
طارق:لاء والله ابدا ده انتى نور عينى
اسراء:طب اوعى
طارق:انتى زعلتى منى عشان غيران عليكى
اسراء:انت مشوفتش اسلوبك
طارق:طب انا اسف وكمان والله انا اسلوبي مش وحش بس عشان غريب عليكى انى اتعامل بالحده دى بس والله يا روحى انا من حبي فيكى وباسها في رقبتها
اسراء:لاء اوعى
طارق:طب انا اسف
اسراء:اعمل بيها ايه
طارق:اديكى بوسه بيها
اسراء:ظريف
وهما بيتكلموا تليفون طارق رن برقم غريب طلع على التروكولر اسم بنت عمه طارق مى
اسراء:دى بترن ليه
طارق:والله معرفش انا حتى من لما كنا في الرحله عاملها بلوك واهو رقم جديد ومش متسجل عندى
اسراء:لاء دى بترن تانى
طارق:اعمليلها بلوك
اسراء:هرد ... الو
مى:الو ..مين
اسراء:انتى اللى رنه والله
مى:انا عايزه طارق
اسراء:انا اسراء خطيبه طارق
مى:ايه ده هو طارق خطبك
اسراء:اها انتى متعرفيش
مى:لاء معرفش للاسف طب ادينى طارق
اسراء:لاء طارق قالى ردى انتى وبيقول مش هكلم حد انا وسايبلى الفون ..بتقول ايه يا حبيبي .اه بيقولك مترنيش تانى عليه وهيعملك بلوك واها تقدرى تشوفى صور السيشن بتاعتنا على اكونت طارق ..اه صح طارق عاملك بلوك خلاص بقا شوفيها على الاكونت بتاعى ادخلى عليه وهتشوفيه لان هايدى منزلتش الصور سلام وقفلت
طارق كان بيضحك ومبسوط اوى على غيرتها
اسراء:عارف لو رنت عليك وانت رديت والله يا طارق ما هيحصل كويس وكمان انا هعمل بلوك لو رنت من اى رقم تانى وانت فتحت وطلعت هى اقفل واعملها بلوك يأما يومك وسنينك كلها هتكون سوده
طارق:انتى تؤمرى بصى انا مبسوط ازاى وانتى غيرانه مع انك مسكتى فونى وعملتى بلوك للكل بس انا مبسوط وباس ايديها
اسراء:طب اسكت بقا
طارق:ما خلاص اهو احنا خالصين بقا وباس راسها
اسراء:ااام هفكر اسامحك ولا لاء
طارق:قسما بالله اقوم ابوسك دلوقتى واسيب العربيه ونعمل حادثه ونموت بفعل فاضح
اسراء ضحكت غصب عنها من طريقته وكلامه
طارق:ايوه كده بقا تعالى في حضنى تعالى وشدها
وهى كانت مبسوطه خالص وهو كمان ووصلوا المطعم اللى اشرف عازمهم فيه
اشرف:ايه التأخير ده
طارق:معلش الطريق زحمه وشد الكرسي لاسراء وقعدوا
وطلبوا اكل وكانوا بياكلوا تليفون اسراء رن
طارق:مين
اسراء:ندى
طارق:طب مش هتردى
اسراء:لاء
اشرف:ياواد يا تقيل
اسراء:لاء بجد انا زعلانه منها انا مالى تزعق فيا ليه ولاظم اعلمها الأدب
طارق:اها على زعلك
اسراء:ايوه زعلى وحش جدا
طارق:اى حاجه منك حلوه يا جميل وقعدوا شويه وطارق ابوها رن عليها عشان يروحوا وطارق روحها
تانى يوم طارق كان عندها في البيت وكانوا في الجنينه
ندى جات ووقفت قدامها
اسراء قامت وقفت لما شافتها وكانت هتدخل
ندى:اسراء استنى
اسراء:افندم
ندى:اسراء انا اسفه بجد انا ماليش غيرك وده كان وقت عصبيه
اسراء:وحد قالك بقا انى هستحمل العصبيه دى وان انا معنديش دم انك كل لما تتعصبي تقعدى تجرحى وتغلطى فيا لاء يا ندى انا عديت كتير وكل مره بقول عصبيه بس انك تزعقى فيا في وسط النادى وخطيبي معايا وخطيبك موجود ومع ذلك انا سكت واحترمتك ومردتش وانتى استنيتى يومين مستنيه انى اجيلك او اصالحك لاء انا مش مجبره خالص انى استحمل عصبيتك لانك انتى اللى غلطانه وانا اللى اسفه انا مش هستحمل بالوضع ده انا بعتبرك اختى بس مهما كنتى نين مسمحش ليكى ابدا انك تتعصبي عليا لو فيكى ايه انتى بتجرحى عارفه لو انتى مش غلطانه كنت قولت معلش من غلبها انما لاء غلطانه وبتزعقى
ندى بعياط:طب انا اسفه انا بجد معرفش انا ازاى زعقت فيكى وعارفه انك كل مره بتستحملى بس بجد دى اخر مره لانى عرفت قيمتك اوى والله انا مش زعلانه على اشرف قد ما انا زعلانه عشان انتى مش بتكلمينى
اسراء:وانتى يا ندى بجد لو متغيرتيش واسلوبك اتحسن معايا انا مش هعرف اكمل كده
ندى:خلاص بجد اسفه واخر مره وحضنتها
اسراء كمان حضنتها وابتسمت وبعد كده مسحت لندى دموعها
ندى:سامحتينى
اسراء:ايوه طبعا بس المفروض تطلبي السماح من حد تانى
ندى:مين
اسراء:اشرف
ندى:اسراء ده محاولش يرن عليا حتى
اسراء:لانك شتمتيه يا ندى وغلطى فيه وانتى اللى سبتيه هو مغلطش في حاجه
ندى:يعنى لما يسيب فلوسه لاهله كده
اسراء:يا ندى دى حاجه تفرحك انه كويس مع اهله وعيالك ربنا هيبارك فيهم عشانه وعشان كويس مع اهله عيالك هيطلعوا كده وتطمنى على نفسك وانتى معاه بزمتك عارفه تعيشى من غيره
ندى:ابدا والله ده هو الضحكه اللى في حياتى
اسراء:خلاص كلميه
ندى:تفتكرى هيرد وهيسامحنى
اسراء:اكيد عشان هو بيحبك اوى
ندى:طب انا هكلمه ووقفت في جنب ورنت عليه وهو رد وقعدوا يتكلموا
اسراء وطارق كانوا واقفين عند البيسين وطارق حاضن اسراء
طارق:عارفه يا روحى
اسراء:ايه
طارق:انا سارق منك كميه حاجات
اسراء:ده بجد
طارق:اه والله لما بتكونى لابسه سكارف وكنت بحبك وانتى طبعا مصدرالى الوش الخشب كنت اخلى ندى تجيبهالى منك او اشرف لو ندى مترداش واخبيها وانتى تقعدى تسألى ندى تقولك دى اكيد طارت وكنت باخد الاقلام بتاعتك ولو فتحت الدفتر اللى بتكتبي فيه ولقيتك كاتبه فيه حكمه او راسمه حاجه اقوم شادد الورقه واخدها وكنت بمسك تليفون ندى واخد من عليه صورك اللى معاها ولما بقا قربنا من بعض بدأت اخد صورك على الانستجرام وتليفونك بقا وقولتلهم في البيت افتحولى اوضتين على بعض وظبط القوضه وعملت مكان كده جمعت فيه كل صورك وكل حاجتك اللى معايا ولما اتصورنا سوا بقا بقيت مظبط القوضه كأنها معرض ليكى والحاجه اللى بتديهالى بحطها هناك وبعملها في لوحه كده واثبتها وبقعد اتفرج على فيديوهات كتير عشان احافظ على الحاجات دى وعامل معرض والله في البيت وقافل الباب بالمفتاح وعمر ما حد شافه
اسراء لفتله وحط ايديها على رقبته
اسراء:انا بجد بتأكد كل يوم انى قبل ما اشوفك مكنتش اعرف معنى الحب ولما انت جيتلى خلتنى اعرف انى محبتش قبل كده لان حبي لاى حد في الدنيا ميجيش ربع حبي ليكى او اصلا مينفعش نقارنهم ببعض بحس كده ان انا منك انت في حاجات مقدرش احكيها ليهم وبحكيها ليك انت بتكسف منهم ومش بتكسف منك انت احلامى كلها يا طارق
هو كان مبتسم وعنيه بتلمع
ومسك وشها والتهم شفايفها بطل رومانسيه والمره دى هى كانت بتبادله  ونزل لرقبتها وكان مبسوط هى بعنيها شافت بباها
فكانت بتبعد طارق
طارق:بس يا سوسو
اسراء:بابا اوعى وزقته
طارق: شافنا
اسراء:لاء بس جاى علينا ووشها كان احمر اوى والروج متبهدل وهو متعاص روج
طارق:انتى متبهدله
اسراء:وانت كمان
طارق شدها نزلها البيسين
وكان بيمسحلها وشها
ومسح هو كمان
اسراء:يا غبي وكانت بتضربه
طارق ابوها وصلهم لان الجنينه واسعه
طارق الاب:انتوا ايه نزلكم المايه
اسراء ضربت طارق حبيبها في كتفه
طارق:م معلش يا عمى اصلى دوخت وكنت ماسك في اسراء ووقعت وهى وقعت معايا
اسراء:ا ايوه
طارق الاب مد ايده لاسراء بنته
طارق الاب:وانت تمسك فيها ليه اصلا ايه المسخره دى وطلعها
وطارق الصغير طلع
طارق بصوت واطى لاسراء
طارق الصغير:اومال لو كان شافنا بقا وبيلف ايده عليها
هى بعدت ايده وابتسمت
اسراء:ه هى ندى فين
طارق الاب:مشيت شوفتها وانا جاى
اسراء:تمام
طارق الاب:اطلعى غيرى بدل اللبس اللى لازق ده وانت يا بغل ركز معايا هنا
اسراء:بابا هو كده هياخد برد تعالى يا طارق اجبلك لبس من عمر
طارق الاب كان هيشيط من الغيره
طارق طلع مع اسراء وراحوا قوضه عمر
واسراء كانت بتطلعله لبس
اسراء:ادخل بقا الحمام غير
طارق:ما تيجى معايا
اسراء:احترم نفسك كنا هنتنفخ والله وراحت على اوضتها جرى
واستحمت وغيرت وهما الاتنين نزلوا
كان عمر جه وقعد تحت
عمر:لبسى اه يانى ولا انت لبست من هدومى ليه
طارق:معلش بقا وقعت في البيسين
عمر:اه وانا فاتحها سداح مداح اى حد يلبس من لبسى
اسراء:عمر انا اللى جايبه الطقم ده فاسكت بقا
عمر:والله بقا كده
اسراء:اها
عمر:اتعلمتى الرخامه
اسراء:ده جزء من اللى عندك هو حد يعيش معاك وميرخمش
اسراء الام:طب يلا الغدا جاهز
هما قعدوا وكانوا بيتغدوا
طارق الاب:مش بتباركى لاخواتك ليه
اسراء:على ايه
طارق الاب:خلاص حددنا ميعاد الفرح نهايه الشهر ده
اسراء:والله ومقولتوش ليه جايين تقولولى قبل الفرح ب ١٠ ايام
طارق الاب:انتى فاضيالنا ما انتى كل يوم برا
اسراء:ااام ماشى على العموم مبروك
عمر:الله يبارك فيكى ياختى
احمد:الله يبارك فيكى يا سوسو
اسراء الام:مالك
اسراء:مفيش
اسراء الام:اصلك مش متحمسه
اسراء:عادى لو كنتوا عرفتونى كنت هبقي متحمسه اكتر بس انا كده كده فستانى جاهز عادى
اسراء الام:طيب كلى كل يا طارق
طارق: حاضر يا طنط وكان بيأكل اسراء
وبعد فتره انشغلوا بترتيبات الفرح وطارق كان معاهم مسابهومش خالص وحضروا الفرح وطارق واسراء العين كلها كانت عليهم لانهم اول مره يظهروا في مناسبه رسميه مع بعض بعد اعلان خطوبتهم واسراء كانت مدلله خالص من اخوتها وطارق في الفرح وعدا شهرين على الفرح وطارق واسراء خروجاتهم بدأت تقل بسبب تحكمات طارق ابوها وكل لما يخرجوا اخرهم ساعتين في يوم طارق واسراء كانوا مع بعض
اسراء:طارق بابا رن يلا عشان تروحنى
طارق نفخ وقام ركبوا العربيه وهو كان معلى السرعه ومش طايق نفسه
اسراء:طارق بالراحه شويه مش كدت
طارق:عشان البيه ابوكى ميزعلش
اسراء:ااام شكلك عايز تتخانق
طارق:انا لا هتخانق ولا هتنيل هى بقت عيشه تقرف وخلاص
اسراء:عيشه تقرف؟ انت ايه مضايقك
طارق:انى متزفت خاطب ومش بخرج معاكى الا قليل ولما نخرج ساعتين وبنرجع ايه ده انا اتخانقت
اسراء:طلاما اتخانقت مكمل ليه احنا كنا نحلم اصلا اننا نتخطب ولا اتخطبنا وهما وافقوا برده العيشخ تقرف عندك انت عايز ايه بالظبط
طارق:مش عايز حاجه وطلاما الخروجات هتبقي كده يبقى بلاها احسن يا اسراء طلاما ابوكى مزهقنا كده
اسراء:هو فعلا بلاها طلاما وصلت انك تقل ادبك وتغلط في بابا
طارق:ما هو زهقنى ايه ده انتى خطيبتى والمفروض انك تتكلمى معاه انما لاء انتى بتسمعى كلامه ولا كأنى فارق معاكى
اسراء:اتكلم في ايه انا مش هتكلم في حاجه شوف كنا فين وبقينا فين وانت مش عاجب برده وانا مش هتكلم
طارق:خلاص متستنيش بقا اننا نخرج
اسراء:مش عايزه اتزفت عايزه اروح بس وسكتت
وهما وصلوا لما وصلوا طارق بص للشباك وضير وشه
اسراء نزلت ورزعت باب العربيه هو بصلها وهى ماشيه وكان متعصب ووشه احمر ومش طايق نفسه
وهى دخلت
اسراء الام:اهلا حبيبتى
اسراء:اهلا يا ماما وباستها من خدها وباست ابوها من راسه وطلعت اوضنتها غيرت ونامت
وطارق روح وطلع اوضته ومكنش عارف ينام بس اخد منوم ونام
وبس كده