عشق لا ينتهى

بارت ٢٤

في المستشفى
الدكتور خرج والكل جرى عليه
طارق بعياط:مالها يا دكتور
الدكتور:مفيش اى سبب عضوى مخليها كده هى كويسه الحمدلله
طارق:اومال مالها بس انا سايبها كويسه
الدكتور:احنا هنسيبها تحت الملاحظه هنا ونجبلها دكتور نفسى متقلقوش خير ان شاء الله
طارق مردش عليها ودخلها كانت نايمه ومركبنلها محلول
طارق بعياط:مالك يا حبيبتى فيكى ايه انتى كنتى كويسه ايه جرالك لاء قومى كده متزعلنيش منك ولا انتى بتختبرى غلاوتك عندى على العموم هى كبيره اوى ومبحبش في الدنيا ربع حبي ليكى بس بجد انا كده هموت قوليلى مالك تعالى نغير جو ونسافر ومنرجعش مصر تانى هنسافر ونبعد عن الكل بس ارجوكى متعمليش فيا كده وكان بيعيط جامد والكل حواليه
هى صحت بعد شويه واول لما شافتهم صرخت
اسراء:انتوا ايه جابكم هنا اطلعوا براااا يلا الحقونى الحقونى والنبي طلعوهم برا وانت اخرج برا وكانت بترمى على طارق المخده بتاعه السرير
طارق راحلها وحضنها جامد بانهيار
اسراء:انا هكلم الشرطه تاخدك اوعى وكانت بتزقه جامد وبتسرخ
الدكتور جه بسرعه واداها مهدأ ونامت على طول
اسراء الام:بنتى مالها يا دكتور والنبي قولى فيها ايه
الدكتور:والله هى عضويا سليمه جدا مفيش اى حاجه ومتقلقيش خير ان شاء الله
طارق:طب احنا هنسفروها برا
الدكتور:صدقنى ملوش لازمه لان هى سليمه جدا مفيش اى سبب
طارق:اومال في ايه بس
عمر:اهدى يا طارق اهدى
عدى اسبوع واسراء حالتها بتسوء اكتر وعايشه على المهدأ والكل في حاله انهيار تام وطارق مش بياكل وبيموت حرفيا
وكان بيتصدق كل يوم بمبلغ كبير عشانها
اشرف وندى راحولها المستشفى
اشرف:طارق
طارق مردش وكان ساكت
اشرف:متقلقش هى هتبقي كويسه
طارق:ا انا مش عارف هى جرالها ايه بس احنا كنا مبسوطين ومفيش حاجه وهى كانت كويسه مش لما انتوا جيتوا من السفر زورتونا كانت مبسوطه وطايره من الفرحه ....اومال حصل ايه وكان بيعيط وبيرتعش جامد
اسراء صحت وشافتهم
اسراء قعدت تسرخ جامد والممرضه ادتها المهدأ
ندى كانت منهاره تماما هى واشرف عشانهم
ندى:طيب تعالوا نروح لشيخ
طارق الاب:تفتكرى
ندى:ايوه ان شاء الله في واحده ست انا عارفاها نروحلها
اسراء الام:ماشى
ندى واسراء الام وعمر راحولها
الست:بنتك معمولها عمل ومتبهدله تماما
اسراء الام بعياط:والنبي قولى الحل ايه
الست:اللى عاملها العمل ده عاملهولها بالتفرقه بينها وبين جوزها فعشان بنتك تخف لازم جوزها يتجوز عشان هى تخف
اسراء الام:حاضر اى حاجه هنعملها انا هرن على جوزها ورنت على طارق وقالتله يجيلها وبعتتله المكان وهو راح
طارق:في ايه
اسراء الام:اسراء معمولها عمل عشان تبعد عنك والحل انك تتجوز واسراء هتخف
طارق بعصبيه:ايه الهبل اللى انتى بتقوليه ده لاء طبعا
الست:هو ده الحل
طارق:مفيش حل كده انتى اصلا واحده دجاله
الست:انا مقدره الحاله اللى انت فيها عشان كده مش هرد
طارق:انا كده هموتها انتى هبله لاء طبعا
الست:صدقنى هو ده الحل مفيش غير ده لازم تتجوز واحده
ندى:طارق عادى اكتب الكتاب وطلقها على طول
الست:للأسف لازم يدخل بيها
طارق:انتى مجنونه يا ست انتى دى هبله دى بقا انتى عايزانى اتجوز واحده غير اسراء وواحده تانيه تتكتب على اسمى لاء وكمان المسها وتلمسنى واحده تانيه تكون منى غير اسراء لاء ده انتى حد مسلطك عليا
الست:انتوا اللى جاينلى على العموم براحتك مراتك بتموت خليها كده بقا
طارق بعياط ورجاء:طب ابوس ايدك شوفيلى حل غير ده انا مستعد اديكى فلوس الدنيا كلها بس شوفيلى حل تانى
الست:للأسف هو ده الحل الوحيد
طارق قام بعصبيه رملها كل حاجه على الارض ومشى
ندى:معلش معلش هو منهار خدى دى فلوس حق اللى بوظه
الست بصت لندى جامد
ندى عيطت جامد ومشيت
اسراء الام:طارق طلاما ده الحل الوحيد اعمله يابنى وهى هتقدر ده
طارق:مش هعرف مش هعرف
ولفوا على ناس كتير وكله اجمع على الرأى ده وكان ندى واشرف اللى بيودوهم لانهم عارفين ناس من دول
طارق الاب:طارق اسراء بتموت وانت الوحيد اللى في ايدك تنقذها واحنا عارفين انها غصب عنك بس احنا هنشةف واحده ونديها فلوس وتتجوزها وتطلقها على طول
طارق:مش هقدر
طارق الاب بزعيق:هتقدر اسراء كده هتموت مننا انا هروح اجيب واحده من الشركه وراح الشركه وشاف واحده وعارف انها عنيها على طارق من زمان واتفق معاها وجاب المأذون واتفق معاه وراحوا لطارق المستشفى عند اسراء
طارق كان قاعد مش بيتكلم خالص والمأزون كان بيحضر الورق
المأزون:امضى يلا
طارق:مش همضى على حااجه وقام قطع الورق كله واغمى عليه
هما نقلوه هو واسراء البيت واسراء كانت بتاخد مهدأت وفي ممرضه بتعتنى بيها وطارق فاق بعد يومين وقام باس راس اسراء ونزل خرج من البيت وراح الجامع وكان بيعيط جامد
الشيخ:مالك يابنى
طارق بانهيار:مراتى بتموت يا شيخنا ومش عارف الحل ايه كنا حلوين مره واحده تعبت وعايشه على المهدأت ومش طايقانى وروحنا لشيوخ كتير وقالولى معمولها عمل اتجوز عشان يتفك وانا مقدرش لاء عمرى ما اقدر واهلها مش بيكلمونى بيقولولى انت السبب لان في ايديك الحل وانا والله يوم ما واحده تتكتب على اسمى غيرها انا هموت ولو هى فاقت هتموت لو عرفت وانا مش قادر اعيش وهى كده هموت انا مخنوق
الشيخ:اهدى يابنى اعدى وصلى على النبي واعرف ان اللى روحتلهم دول مش شيوخ دول دجالين كل حاجه بالقرآن بتتحل وببركه ربنا (وما هم بضارين به من احد الا بإذن الله) فمتقلقش وخير تعالى ورينى مراتك وربنا يكتبلها الشفا تعالى
طارق خده وراحوا البيت
طارق:اتفضل يا مولانا وطلعه على فوق
كانت اسراء واخده المهدأ وقاعده ساكته وهما حواليها بس هى ساكته
الشيخ: ازيك يا بنتى
اسراء بصتله ومردتش
الشيخ جاب مايه وقرا عليها قرأن ومسك راسها وقعد يقرا عليها قرأن كتير اوى وهى كانت بتعرق جامد ومتلجه
طارق حطها على رجله وكان ماسكها
طارق:ه هى مالها دى متلجه
الشيخ مكنش بيرد واسراء كانت حرفيا بتطلع في الروح
طارق:انت بتعمل ايه سيبها وكان بيزقه
الشيخ قام وراح للدريسنج روم وشال منها رف وطلع من وراه عروسه مكتوب عليها حاجات غريبه
الشيخ:هاتى مايه وملح لو سمحتى
اسراء الام نزلت جرى جابتهم الشيخ حط عليها مايه وملح وقعد يقرا قرأن
الشيخ:خدى حمى بنتك بالمايه دى
طارق شالها ودخلها الحمام وهى وامها حموها ولبسوها وطلعوها هى هى نايمه خالص 
الشيخ:شويه كده وحطوا على وشها مايه من اللى قريت عليها وشربوها منها وهى هتبقي كويسه ومتثقوش في كل حد يابنى وربنا يحفظكم
طارق:هى هتبقي كويسه
الشيخ:هى بقت كويسه الحمدلله وكده خلاص مفيهاش حاجه
طارق:طب مين عامل ده
الشيخ:لاء انا مش بقول
طارق:طب هديك كل اللى انت عايزه
الشيخ:عيب يابنى انا مش باخد فلوس يلا سلام عليكم والف سلامه
طارق الاب نزل هو وعمر وصلوه
وبعد نص ساعه طارق مسك مايه وحطها على وشها وقومها وشربها مايه ونامت تانى
طارق كان بيعيط وبيبوس ايديها وبعد ساعه هى فتحت عنيها
وبصت حواليها وبصت لطارق
اسراء:مالك يا حبيبي وشك اصفر
طارق بعياط شدها لحضنه جامد
طارق:حرااام عليكى تعبتينى ووجعتى قلبي اوى ليه كده بس وكان بيبوس في راسها والكل كان بيعيط
اسراء كانت حاضناه جامد هى كمان
اسراء:انا كنت فين انا مش فاكره حاجه
طارق:مش مهم انسى انسى كل حاجه بصى تعالى نسافر برا مصر
اسراء:هو انا كان مالى بس
طارق:انسى كل حاجه انسى وكان حاضنها جامد وبيعيط زى الطفل الصغير
طارق الاب بعياط:سيبنا بقا نحضنها
طارق عدلها وكان ماسك ايديها والكل كان بيسلم عليها
طارق:وحشتينى وحشتينى اوى الحمدلله على سلامتك مش انتى كويسه
اسراء:والله كويسه الحمدلله متقلقش يا حبيبي
اسراء الام:انا هنزل اجبلك الاكل حالا ونزلت بسرعه
وجابتلها الاكل وطارق كان بيأكلها ويبوس ايديها كل شويه
اسراء:دماغى وجعانى اوى
طارق:على عينى يا حبيبتى كلى وهديكى مسكن وهدلكلك راسك دلوقتى وهتبقى كويسه ان شاء الله
اسراء:ان شاء الله
هى خلصت اكل والكل كان حواليها بيهزروا معاها وطارق كان حاضنها جامد والحياه رجعتلهم تانى
وبعد اسبوع اسراء تعافت تماما وكانت كويسه وطارق مش بيسيبها نهائيا
اسراء:قولوا بقا انا ايه حصلى
عمر حكالها
اسراء:مش معقول انا كنت بشتم طارق
احمد:ده انتى بهدلتى اللى خلفوه
طارق:ولا يهمك يا حبيبتى بس اوعى تقلقينى عليكى تانى ارجوكى
اسراء:جاضر يا حبيبي بس بجد انا مش فاكره حاجه خالص
طارق: الحمدلله انا مش عايزك تفتكرى انسى كل حاجه وكان حاضنها
عمر:هههههه ايوه ده كانوا هيخلوه يتجوز
هى طلعت من حضنه بسرعه والكل برق لعمر
اسراء:ده حقيقي
طارق الاب:ايوه يا اسراء بس جوزك طلع بيعشقك ومش شايف غيرك كلما اتحايلنا عليه لان الكل قال انك كده هتصحى وده الحل
اسراء:الحل ؟ده كده يسبنى اموت اهونلى
طارق:الف بعد الشر عنك وانا والله موفقتش حتى مشوفتش مين هى والله اسأليهم
اسراء الام:ايوه يا بنتى جوزك موافقش نهائى وكان بيكسر كل حاجه اول لما حد يقوله كده وابوكى زعقله ونزل جاب واحده من الشركه وقالوا هيدوها فلوس وجاب مأزون وخلاه يحضر كل حاجه جوزك قطع الورق ورمى كل حاجه واغمى عليه وكلنا زعقنا فيه ومحدش كان بيكلمه هو مهتمش لحد فينا ابدا
اسراء بصتله
اسراء:والله لو كنت عملت كده انا لو كنت فوقت مكنتش قعدت على زمتك دقيقه واحده كنت انت قتلتنى بايدك
طارق:انتى عارفه مكنتش كده هكون قتلتك لاء انا هكون قتلت لنفسى لانى معرفش مش بعرف يا اسراء صدقينى مش عشانك بس لاء عشانى انا انا اللى مش قادر كمان لانى شايف نفسى هكون مع اى حد غيرك اخوهم مش هعرف هى الامضه فيها حاجه لاء سهل امضى على اى حاجه والله ما كنت هقدر امضى انا اللى هموت مش حد تانى والحمد لله انك رجعتيلى بالف خير وسلامه
اسراء:ايوه الحمدلله
عمر:بس ياترى مين عمل كده
طارق:هعرفه والله هعرفه
اسراء:غيروا السيره بقا...قوليولى عاملين ايه في الشغل
طارق الاب:مروحناش بقالنا كتير والله واعتمدت على اشرف زميلكم قالى انا هسيب الشغل وفعلا سابه
اسراء:تلاقى بقا جاب فلوس كويسه من برا يلا ربنا يوفقهم يارب
طارق واسراء طلعوا اوضتهم
واسراء دخلت الحمام وطلعت لقت طارق بياخد حبوب ومخبيها تحت هدومه
اسراء شافته
اسراء:طارق انت بتاخد علاج ايه ده
طارق:مش باخد حاجه يا حبيبتى
اسراء:طارق قول بتاخد ايه
طارق:باخد مهدأ
اسراء: ليه
طارق:انتى متعرفيش انا حصلى ايه وانتى كده انا كنت برتعش وكنت بموت وكان هيحصلى جلطه لان الضغط كان عالى جدا والدكتور كان بيدينى مهدأ عشان اهدى والضغط يقل شويه وقعدت ماشى علة حبوب الضغط شويه
اسراء بعياط:بس انا كويسه دلوقتى
طارق:وانا عارف بس بجد مش قادر انسى انتى كنتى عامله ازاى ربنا ما يكتبها تانى يارب بس انا سبع ميغركيش
اسراء:انا عايزاك كده على طول وسوا هتبطل الحبوب دى
طارق:ان شاء الله يلا بقا وشدها وراحوا لعالمهم الخاص العاشق
تانى يوم طارق صحى بدرى وقعد في المكتب وكان عمال بيرتب الاحداث اللى حصلت معاهم اخر فتره قبل تعب اسراء
طارق:مش قادر اوصل لحاجه استغفر الله العظيم ودخل لاسراء وقعد جمبها
طارق:ربنا يحفظك يارب ويبعد عنك كل حاجه وحشه ويخليكى ليا
اسراء:ويخليك ليا وابتسمت
طارق:انتى صاحيه من امتى يا قلبي
اسراء:لسه صاحيه اهو وقامت
طارق:طب بزمتك في حد يصحى بالحلاوه دى كلها
اسراء:بكااش
طارق:والله ما في اجمل من كده انا هكلك كده يا بت انتى
اسراء:بيئه والله اوعى خلينى اقوم
طارق:احنا نقوم سوا وشالها ودخلوا الحمام واستحموا وطلعوا ونزلوا
كانت الرجاله في الشغل
طارق قعد هو اسراء يتفرجوا علة التليفزيون واسراء كانت ماسكه تليفونها وكانت بتتفرج على استوريهات هايدى على الانسجرام
اسراء:طارق هايدى من الصور شكلها مبسوطه اهى
طارق:ملناش دعوه بيهم يكشى يولعوا في بعض
اسراء:عيب كده اسكت بص كده
طارق بص للصوره وجذب انتباهه صوره اشرف المنعسكه في المرايه يعنى هى متصوره هى وجوزها قدام مرايه ووش اشرف بابن وراهم بس محتاجه تركيز هو شاف الصوره وسكت خالص
وبالليل بعت لاشرف ان اسراء بقت كويسه وهو واسراء خارجين فقالهم يجوا معاهم وفعلا خرجوا كلهم
في المطعم
ندى:وحشتينى اوى اوى يا اسراء
اسراء:وانتى كمان انتى متخيله ان من بعد جوازى مشوفتكيش الا مره واحده
ندى:انا شوفتك بس انتى كنتى تعبانه بس الحمد لله خلاص هتشوفينى على طول
اسراء:طيب يا ستى انا عارفه ان عيد ميلادك عدى وانا تعبانه فانا عامله حسابي وجيبالك هديتك اهى كل سنه وانتى طيبه هى متأخره بس معلش غصب عنى بقا
ندى بصت لاشرف وبعد كده بصتلها وعيطت جامد
طارق كان ساكت وملاحظ كل ده
طارق:خلاص يا ندى اسراء كويسه الحمدلله وكلها كام يوم ونعرف مين عمل كده
اشرف بتوتر:ازاى
طارق:الشيخ اللى صحى اسراء طلبت منه يقول قالى لاء وكده فسبته يهدى وطبعا قفلت الدنيا في وشه نهائى وروحتله تانى وعرضت عليه الفلوس وهو قالى اسيبه يومين ولو ملقاش شغل ولا مخرج هيعرفنى ويقولى
اشرف:بس يعنى ده حرام
ندى: وكمان متبقاش واثق في الناس دى دول بيوقعوا الدنيا في بعض
طارق:والله هو يقول وساعتها ارتب حسباتى واشوف عشان لو قال اسم حد ورتبت حسباتى وطلع هو وحيات اسراء لوريه الضلمه في عز الضهر
اسراء:طارق مش بحب كده وكمان ازاى تضايق الراجل كده وتخليه يلجألك
طارق بصلها وباس راسها وقرصها بالراحه من وسطها ده معناه انه بيقول اى كلام دى لغه ما بينهم هى سكتت ومكنتش فاهمه في ايه
اشرف:خير يا صاحبي ان شاء الله
طارق:لاء انت مش صاحبي يا اشرف انت اخويا ولا ايه
اشرف:طبعا ربنا يخلينا لبعض
طارق:انا عشت معاك اجمل ايامى والله وكان بيبات معايا وعلى سريرى يا اسراء والله لما كنت في البيت ياااااه الا قولى يا اشرف بقالك قد ايه مدخلتش بيتى
اشرف:يااااه زمن كبير من لما انت اتجوزت
طارق:فعلا زمن كبير ....طب احنا هنستأذن احنا يلا يا سيرا
اسراء:تمام يلا وقاموا
واول لما وصلوا البيت
طارق:اسراء الفتره دى تقطعى مع ندى تمام يعنى متطلعش اوضتنا ويستحسن متجيش نهائى مفيش لبس من عندك تدهولها ولا تاخدى حاجه منها نهائى ولا تعرف عننا حاجه خالص
اسراء:هو في ايه
طارق:انا عارف انك ممكن متصدقيش بس لازم تسمعينى وتثقى فيا
اسراء:اكيد
طارق:بصى يا حبيبتى اللى عامل السحر ده ندى واشرف او هما جزء منه ولو هما جزء منه يبقي الجزء التانى ماما وتيتا بس اتأكد بس انا مشكتش في اهلى تمام لانى قولت اكيد مش هيضرونى لانهن عارفين ان روحى فيكى بس تيتا بتلعب ياما في دماغ ماما وفي ثوره هايدى لو ركزتى عمر كان واقف وراهم بس محتاجه تركيز وانا ركزت وشوفته ولما سألته نكر وجوده فهو مخبي حاجه وانا قصدت اقول كده قدامهم اشوف هيعموا ايه
اسراء:حبيبي ده مستحيل ندى مستحيل تأزينى ده احنا اخوات
طارق:لاء مش مستحيل انتى اللى مستحيل تأزيها انما هى سهل تأزى لانها ببساطه مش انتى يا اسراء هى بتغل عليكى لانك احسن منها في كل حاجه فسهل تعمل كده انا مش عايزك تثقي فيها وتتعشمى عشان لو طلعت هى متتصدميش
اسراء:لاء لاء متقلقش مش هتطلع هى
طارق خد نفس وتانى يوم خد اشرف وراحوا يصلوا في الجامع اللى فيه الشيخ اللى عالج اسراء بس اشرف ميعرفوش
طارق:ازيك يا مولانا
الشيخ:اهلا اهلا يابنى مراتك ازيها
طارق: الحمدلله كويسه وبخير والله انا جيت اسلم على حضرتك
الشيخ:تنور يا حبيبي في اى وقت
طارق:اه اعرفك اشرف صاحبي واخويا وعشره عمرى
الشيخ بصله ومدله ايده بانزعاج
الشيخ:بص يابنى انا عايزك انت ومراتك متأمنوش لاى حد ايا كان هو مين وخصوصا الناس القريبه منكم يعنى احذروا من كل الناس
طارق:منا بحذر من كل الناس والله بس اشرف اخويا
الشيخ:ولا حتى اخوك متأمنش لحد خالص واللى تحسبه موسي يطلع فرعون فعشان كده متأمنش لحد
طارق:تمام يا مولانا بعد ازنك وخد اشرف ومشى
اشرف:هو ده اللى انقذ اسراء
طارق:لاء اللى دلنى عليه....ياااه يا اشرف انا ممنون ليهم كلهم والله
اشرف: الحمدلله ان اسراء قامت بالسلامه
طارق: ايوه الحمدلله.....الا قولى هى ندى في الشهر الكام
اشرف:التالت لسه
طارق:ربنا يقومها بالسلامه
اشرف:يارب عقبال اسراء
طارق:امين يارب سلام بقا
اشرف:سلام
طارق رجع البيت وكان مهتم باسراء جدا ودماغه مشغوله بمين عمل كده
بعد كام يوم ندى راحت لاسراء وهى بتعيط كانت اسراء في الجنينه مع طارق
اسراء: دودو ..ايه ده مالك
ندى:انا تعباانه اوى
اسراء:اهدى بس في ايه وقعدتها
ندى:البيبي نزل يا اسراء
اسراء:لا حول الله ..ليه ايه حصل
ندى:مفيش حاجه انا حسيت بوجع ودم وحته لحمه نزلت ولما روحت للدكتور قالى ان الرحم بتاعى مش مرن ومتمددش والبيبي مات
اسراء:طيب يا حبيبتى خير ان شاء الله  تقدرى تجيبي غيره والحمد لله انك لسه في الشهور الاولى
ندى:لاء مش هقدر اجيب غيره لانى هشيل الرحم
اسراء بصدمه:ليه
ندى:مشاكل صحيه لو فضل يجيلى ورم وكانت بتعيط
طارق متحركش من مكانه ولا قالها حاجه
اسراء كانت بتعيط عشانها وبطبطب عليها
ندى:وهشيل الرحم بكرا
اسراء:على طول كده مش تشوفى اكتر من دكتور
ندى:لاء الاشعه بينت كده انا كده عمرى ما هقدر اخلف
اسراء:يا حبيبتى ده خير اهدى بس متعمليش في نفسك كده اهدى
ندى:ممكن تيجى تباتى معايا او ابات معاكى
طارق:معلش يا ندى مش هينفع انا مش بعرف انام من غيرها حتى هنا هنام معاها مش هقدر اسيبها لوحدها مش بعرف انام الا وهى في حضنى تقدرى تمشى وهنجيلك المستشفى
ندى:بس انا تعبانه انت ايه معندكش دم
طارق:اه معنديش بكرا نتقابل ان شاء الله
ندى قامت مشيت على طول
اسراء:ليه كده
طارق:انا قولتلك ندى واشرف لاء
اسراء:يا طارق دول صحابنا واخواتنا
طارق:ما هو ده اللى مجننى يا اسراء انتى عارفه لو طلعوا هما والله والله لوريهم كل حاجه وحشه في الدنيا
اسراء:ريح نفسك مش هما
طارق:اتمنى ده والله
اسراء:ندى تعبانه اوى
طارق:اهدى انتى كده وتعالى نطلع اوضتنا اقولك كلمه سر ونشوف حل في الدموع دى
اسراء:انا بقول ايه وانت بتقول ايه
طارق:ههههههه تعالى بس كلمه سر ايه محتاجه وقت تعالى وشالها وطلع اوضتهم وخاضوا جوله عشق كبيره تنسيهم همومهم والعالهم باكمله
تانى يوم هما راحوا لندى المستشفى
طارق:شد حيلك يا اشرف
اشرف: الحمدلله وكان بيعيط
طارق كان حاضن اسراء وقاعد ساكت وبيلعب في شعر اسراء وندى كانت في العمليات
وبعد شويه طلعت ونقولوها اوضه عاديه ولما فاقت دخلولها
اسراء كانت مستغربه ان مفيش حد من اهلها نهائى موجود
اسراء:حمدالله على السلامه
ندى:الله يسلمك وكانت بتعيط
اسراء مسكت ايديها
اسراء:والله ربنا هيعوضك وهيجبر بخاطرك متعرفيش ازاى متحسبلهاش والله والله ممكن تلاقى طفل قدام بيتك كده ومتعرفيش ازاى يكون اهله رمينه او تتبنى واحد هتتحل والله وباست راسها
كان عياط ندى بيزيد اكتر
اسراء:انا مش عارفه اخفف عنك ازاى لما بتكونى كده انا ببقي مخنوقه ...عشان خاطرى اهدى وكانت بتهديها
طارق:اهلك فين يا ندى
اشرف:مقولناش لحد خالص
اسراء كانت جنب ندى ومحتاره تعملها ايه
اسراء:كفايه عياط بقا
ندى:اسراء انتى جميله اوى وانا اسفه اسفه على كل حاجه انا مستاهلش كده منك خالص
اسراء:لاء يا حبيبتى انت تستاهلى كل خير
طارق:ليه بتقولى كده يا ندى
اشرف:مينفعش الكلام ده دلوقتى
بعد شويه هايدى وكريم جم
اسراء اتسغربت لما شافتهم
طارق:يلا يا اسراء ومسك ايديها
هايدى:مش هتسلم عليا يا طارق
كريم:سبيه يا هايدى هو خايف على المدام
طارق رجعله تانى وضربه وقعه على الارض ومسك ايد اسراء ومشى وركبوا العربيه
اسراء:انت بقيت همجى ومش مفهوم وبتعامل الكل وحش ومش طبيعى
طارق:حبيبتى اسكتى لانى متعصب
اسراء:لاء مش هسكت انت كده مش عاجبنى ابدا وبتزعق بس طول الوقت وقاعد لازق فيا محسسنى انى عيله صغيره وبتعامل الكل بجفاء في ايه وشاكك في الكل واقل حاجه بالضرب انا مش فاهماك والله ايه ده
طارق:اسكتى يا حبيبتى
اسراء:قولتلك مش هتزفت اسكت انت بالطريقه دى هتخوفنى منك بقيت صعب وطريقتك تخوف وشاكك في كل اللى حواليك ايه حصل ايه لكل ده
طارق وقف العربيه مره واحده ومسك ايديها جامد
طارق:مش عارفه حصل ايه حصل انك كنتى بتموتى حصل انك كنتى مش طبيعيه وبتزعقى وتشتمى وتصرخى ومكنتش طايقه حد وبتموتى مننا خلاص حصل انك كنتى عايشه على المحاليل ومفيش لقمه بتنزل بطنك حصل انك كنتى مدمره حصل انى كنت بموت ومش عارف اعمل ايه مفيش حاجه بايدى حصل اننا اتعذبنل جامد وتعبنا ومعدش عندى ثقه في حد كله بيحسدنا القريب والغريب مستكترنا على بعض مش عايزنا سوا عايزين يفرقونا عن بعض كله عايز ياخدك منى وانا مش هسيب لحد الفرصه دى واللى اذاكى هموته واى حد هيقرب مننا هموته
اسراء:انت بقيت مريض كده
طارق بعياط: ايوه انا مريض بيكى وحاجه تشرفنى مش تعيبنى ولو حبك ده اخطر مرض انا مش عايز اتعالج منه وبقولهالك تانى اللى هيقرب مننا هموته ومستعد اخسر اى حاجه وكل حاجه عشانك
اسراء:روحنى
طارق:انتى سامعه
اسراء:ايدى بتوجعنى وبعدته
طارق ساق ووصلوا البيت هما طلعوا اوضتهم من غير ما يكلموا حد وهى اول لما وصلت رمت شنطتها على السرير ودخلت الحمام ورزعته
ووقفت عند الحوض وغرقت وشها مايه
اسراء:ايه اللى بيحصلنا ده بقينا عايشين في خوف مش ده اللى كنا مستنينه بقينا بنترعب مش عارفه افرح ايه حصل وطارق تعبان مش عارف اعمل ايه وكانت بتعيط
طارق فتح الباب ودخل وحضنها من ورا
طارق:انا اسف انى زعلتك بس غصب عنى اقولك تعالى نسافر برا مصر بعيد عن الكل
اسراء:مش حل هتفضل خايف برده انت ثقتك اتنزعت من كل الناس يا طارق انت مش شايف نفسك عامل ازاى كل لما اتحرك تيجى ورايا بقيت قاعد في البيت مش بتتحرك قبل ما بنخرج لو نزلنا نفطر بتقفل الباب بالمفتاح ١٠٠ مره ومقفل البالكونات ومش بتخلى الداده تدخل تنضف ومش بتخلى الهدوم تروح المغسله في ايه بقا عندك شك في كل الناس
طارق:من خوفى عليكى انا بترعب بحلم بكوابيس كل يوم باللى حصل وخوفى من انه يحصل تانى انتى مشوفتنيش كنت عامل ازاى ولا شوفتى نفسك انا بقيت ضعيف اوى وبخاف ومهزوز انا كنت برتعش بطريقه جامده
اسراء:وهتفضل كده
طارق:لو هفضل كده العمر كله بس انتى تبقي كويسه وجمبي
اسراء:طيب يا طارق ممكن تخرج عايزت اخد شاور
طارق:انا معاكى عادى ناخدوه سوا
اسراء:من فضلك عايزه ابقي لوحدى من فضلك
طارق:ط طيب ماشى وخرج
هى خدت شاور وطلعت وهو دخل بعدها ونزلوا تحت يتغدوا
عمر:طارق تعالى العب معايا دور بلايستيشن
طارق:لاء مش عايز
عمر:ياعم اقعد هنا واسراء هتبقي قصادك يلا وخده وقام وكان طارق عينه على اسراء
اسراء كانت بتتكلم وتحكى لمامتها بصوت واطى
اسراء الام:جوزك عنده حق يا اسراء اننى متعرفيش اللى حصل كان صعب ازاى
اسراء:بس هو تعب خالص اهو
اسراء الام:واجبك بقا انك تفضلى جمبه تحسسيه انك موجوده معاه وكويسه ومش خايفه وان مفيش حاجه هتحصل اهو الايام عدت وانتى معاه وسوا وكويسين وهو واحده واحده هيبقي كويس
اسراء:ما انا والله عملت كده
اسراء الام:يا حبيبتى سهيه باى حاجه شاركيه كل حاجه بيعملها طمنيه مش بالكلام بافعالك اللى هو تعالى نخرج واخرجوا وانبسطوا وبالليل قوليله ادينا خرجنا ومع بعض واحنا كويسين خديه وروحوا الشركه فاهمانى
اسراء:تمام حاضر
اسراء قامت وطلعت فوق وطارق ساب اللعب وطلع وراها على طول
لقاها دخلت الحمام هو قعد على السرير وكان ماسك دماغه من كتر الصداع والتفكير وكان مغمض عينه وحاطط راسه بين ايديه
اسراء:سلامتك يا حبيبي ومسكت راسه
هو بصلها لقاها لابسه قميص نوم قصير وبدون اكتاف وشعرها منسدل على كتفها
طارق:الله يسلمك ...انتى كده بتلعبي بالنار
اسراء:وعشانك العب باى حاجه حتى لو النار وضحكت
طارق:طب انتى اللى جبتيه لنفسك بقا و...وخاضوا جولتهم المفضله والعاشقه لتطمئنه بها وتطمئن هى الاخرى بلمساته ووجوده
تانى يوم صحيوا واستحموا ولبسوا
طارق:اسراء ايه اللى انتى لابساه ده مينفعش كده ادخلى غيرى
اسراء:ليه اغير ليه
طارق:ده يدوبك يتلبس قدامى وعليه روب كمان ادخلى غيرى
اسراء دخلت لبست عليه روب وطلعت
طارق:والله
اسراء:انا مش فاهمه انتى مش قولتلى يتلبس قدامى وعليه روب ادينى لبست الروب
طارق ابتسم وفهم
طارق: اه بس الروب مش احسن حاجه في الوقت الحر ده
اسراء:والله
طارق:ايوه ممكن يحررك لاء تعالى تعالى وخدها لجوله خاصه عاشقه وطالت الكثير والكثير وبعد مده طالت وطالت
اسراء:انت بتحسسنى في كل مره بنام فيها انك اول مره تلمسنى وكمان بتبقي محسسنى انك مسافر ده احنا كنا نايمين امبارح
طارق: اه والله دى حقيقه انا مش بشبع منك نهائى وكمان يا روحى انتى الوحيده اللى قادره تخرجينى من كل حاجه وحشه انا من لما تعبتى مش بنام ولا بيعظى وقت المهدأ الا لما اكون خدته امبارح مخدتهوش ومحستش بصداع والنهارده الصبح مخدتهوش برده
اسراء: الحمدلله ده لو هتبطل فعلا مهدأ خلاص نعمل كده على طول
طارق:مازهو ده اللى هيحصل
اسراء:طيب قوم بقا احنا فاتنا الفطار اصلا قوم نتفسح
طارق:طيب يلا وقاموا وجهزوا ونزلوا
اسراء وطارق خرجوا واتفسحوا ودخلوا سيينما وقضوا يوم جميل جدا ورجعوا متأخر
طارق الاب:ما لسه بدرى
طارق:هههههه مراتى يا عمى في ايه
طارق الاب:ايوه يا عم ليك الحق بقا
طارق:بنتك دى هتجننى والله
طارق الاب:لو هتجننك هاتهالى
طارق:هههههه ده بعينكم كلكم دى روحى دى
طارق الاب:ايوه يا عم مبسوطه انتى دلوقتى
اسراء:انا مبسوطه من زمان عشان عندى عيله زيكم وبصت لطارق وعندى حبيب واخ وزوج وضهر وسند وكل اللى ليا زيك كده يا طارق
طارق حضنها جامد
طارق:وانا اللى مبسوط عشان انتى ملكى وحياتى كلها وموجوده في حضنى وربنا رزقنى بعيله ونسب زيكم وانتوا كل اللى ليا
طارق الاب:وانت بابنى وفي اى وقت تقدر تقولى بابا
طارق:بس كده ده انا نفسى من زمان وحضنه
طارق الاب حضنه جامد وكان مبسوط والكل مبسوط
اسراء:طيب يلا احنا نطلع بقا عشان انا ارهقت جدا ومحتاجه انام
طارق:يلا يا روحى وشالها وطلعوا
اسراء:حاسس انك احسن
طارق:جدا الحمدلله
اسراء:طب يلا ننام عشان تروح بكرا الشركه
طارق:لاء مش بكرا
اسراء:كده يا طارق برده اطمن بقا
طارق:ماشى بس من اول الاسبوع
اسراء:ماشى اللى يريحك يلا نام بقا
طارق:طب تعالى في حضنى
اسراء:ماشى ...وناموا
وبعد يومين ندى واشرف جولهم واسراء وطارق طلعولهم الجنينه
اسراء:عامله ايه دلوقتى
ندى:تمام الحمد لله بس انتى مجتليش تانى يعني
اسراء:انتى عارفه عشان هايدى راحتلك وكده ومعاها كريم فقولت خليها هى جنبك
ندى:والله ...وانتى عارفه ان في بينا صداقه يعنى
اسراء:والله مكنتش اعرف اكتشفت صدفه
طارق:خير يا ندى انتى واشرف
اشرف:ايه يا طارق مش عايز تشوفنا ...ندى كانت زهقانه وعايزه تخرج جبتها هنا لاسراء
طارق:لاء طبعا تنوروا
اشرف:طارق هو انت زعلان منى في حاجه
طارق:هو انت عملت حاجه تزعل
اشرف: ابدا
طارق:خلاص هزعل منك ليه
ندى:اومال اسلوبكم معانا متغير
طارق:عشان في حاجات احنا مش فاهمنها
ندى:زى ايه
طارق:وجودكم هناك في بيت اهلى وقبل ما تنكروا صورتك يا اشرف كانت واضحه في سوره لهايدى هى منزلاها... مجى هايدى وكريم ليكى ....عدم وجود اهلك في العمليه ....عياطك المستر يا ندى وبتقهدى تقولى كلام غريب لاسراء
اشرف وندى سكتوا وبصوا لبعض
اسراء:حبيبتى انتى مخبيه حاجه عنى قوليلى ده انا اسراء اختك يا ندى
ندى كانت بتعيط وعياطها بيزيد
اسراء:ندى مالها يا اشرف انا مش بستحمل كده
طارق:مالك يا ندى ..هو انتى متعرفيش اسراء بتحبك ازاى ده لما انتى واشرف فركشتوا شغلته مع باباها وجابتله شقه يعنى الشقه اللى انتوا فيها بتاعه اسراء وده عشانك
ندى كانت مصدومه وعياطها بيزيد واشرف حاطط وشه في الارض
اسراء:يا حبيبتى دموعك دى غاليه عليا متعيطيش بالله عليكى لو على موضوع الرحم ده انتى كده كده عسل ومش ناقصك حاجه والعيل متعوض انما انتى غاليه زى ما انتى
ندى:انا ارخص واحده في الدنيا دى كلها يا اسراء ومحدش غالى غيرك ولا جدع غيرك ومتستهليش كل اللى عملناه فيكى
اسراء:ع عملتوا ايه
ندى:احنا اللى عملنا كل حاجه احنا واهل طارق وعملنالك عمل ومكنش بالتفرقه بس ده كان بالموت البطيئ وكانت بتعيط
جامد
واسراء مكنتش مصدقه وطارق ضاغط على ايده من العصبيه
وبس كده ♥️