عشق لا ينتهى

بارت ٢٥

طارق واسراء كانوا مصدومين من الكلام ده
طارق قام ومسك اشرف من هدومه
طارق:اه يا ابن الكلب يا وسخ يا واطى بقا تعمل فينا احنا كده لييه عملنالك ايه وضربه وكان بيضرب فيه واشرف كان ساكت خالص ومش بيدافع عن نفسه واسراء كانت مصدومه وساكته مش بتتحرك
ندى:خلااص يا طارق هيموت في ايدك
طارق بصلها وضربها بالقلم وقعها على الارض
اشرف برده كان ساكت
طارق زقه جمب ندى على الارض
طارق:عملنالكم ايه وحش شوفتوا مننا ايه وحش عشان تأذونا وخصوصا اسراء يا ولاد الكلب طب اهلى وغيرانين انما انتوا ايه استغليتوا ثقتنا فيكم وبتدخلوا بيتنا تأذونا
هما كانوا بيعيطوا
طارق:دول اللى كنتى واثقه فيهم ...اهم زى ما قولتلك انهم شويه اوساخ وهما مشتركين فيها بس وقسما بالله لعرف كل واحد شارك في الموضوع ده ان الله حق ماااشى قوموا اطلعوا برا قوموا وكان بيزقهم
طارق الاب وعمر واحمد كانوا راجعين من الشغل وشافوا طارق بيكرشهم
طارق الاب:الله ..في ايه
طارق مردش وطردهم برا
احمد:في ايه
طارق:ولاد الكلب دول اللى اذوا اسراء بس مااشى وراح لاسراء وحضنها
اسراء:ا انا عملتلهم ايه
طارق:هما كلاب يا حبيبتى انتى معملتيش حاجه انتى احسن واحده في الدنيا دى كلها هما اللى اوساخ وانا هوريهم
هى كانت بتعيط وهو كان بيهديها
طارق:عمر خد اسراء طلعها وانا رايح مشوار مهم
اسراء:رايح فين
طارق:مشوار مهم وجاى
ومشي راح لاهله وكان بيرزع على الباب
الداده فتحت وهو دخل
طارق:انا هوريكوا وكان بيكسر في كل حاجه
شهد:في ايه
طارق:يعنى متعرفيش انتوا مش عملتوا عمل لمراتى انا هعرفكوا انكوا كده لعبتوا بالنار من النهارده هتتفنح عليكم باب جهنم مش هتعرفوا تصدوه ومش هعمل اعتبار انكوا اهلى لان انتوا كده كفرتوا بالله واشركتوا بطريقتكم كى وازتونى انا ومراتى وانتوا انسوا ان ليكم ابن اعتبروه مات وخلاص اللى انتوا اصلا قتلتوه
وكان بيكسر في كل حاجه
كريم راح يضربه
طارق مسكه عجنه ومشي وكان عامل زى الطور الهايج كان الكل خايف يقرب منه
ورجع البيت لقى اسراء نايمه على الكنبه على رجل مامتها
طارق:حبيبتى تعالى نطلع فوق يلا وشالها وطلع
اسراء:ايدك عليها دم من ايه
طارق:لسه معملتش حاجه
اسراء:انا مش عايزاك تعمل حاجه يا طارق ...انا بس عايزه اعرف ليه عملوا كده اهلك انا معملتلهومش حاجه انا كنت معاهم كويسه ومشافوش منى حاجه وحشه طب بيغيروا مش مهم صاحبتى واختى اللى انا مش بخبي عليها حاجه مسبتهاش في حاجه لاخر لحظه معنديش شك فيها مش بقبل اى كلمه عليها ولا دمعه واحده تنزل من عنيها ليه ولا اشرف اللى كنت بعتبره زى احمد وعمر عملتلهم ايه دى اخره ثقتى فيهم وكانت بتعيط جامد
طارق مسك وشها وكان بيدمع على عياطها
طارق:والله كلهم في جزمتك وميستهلوش دمعه واحده من اللى بتنزل من عينك دى وانا على كل دمعه ههد عليهم دنيتهم هما كلاب في ناس كده اول ما يعضوا ويتصرعوا ياكلوا الايد اللى اتمدتلهم بس وحياتك عندى ازلهم واحد واحد وازقيهم من نفس الوجع بطلى عياط وحياتى عندك
اسراء:حاضر هو فضل حاضنها لحد لما نامت وهو كان بيفكر هيعمل فيهم ايه
عدى يومين
في بيت اشرف وندى الباب خبط
اشرف فتح
اشرف:ط طارق
(طارق كان لابس بنطلون اسود وتيشرت ابيض وعليه جاكيت اسود ولابس نضاره ووشه صارم جدا)
طارق:اها طاارق ودخل وكان ماشى ببطئ وباستفزاز
اشرف:جاى ليه يا طارق
طارق:هتعرف كل حاجه متستعجلش ...استنى بس اتفرج على الشقه اللى مراتى ادتهالك .. حلوه والله وسترتك
ندى كانت بتعيط
طارق:هش متعيطيش يا ندى ميصحش كده والله انتى عارفه لازم تأجلى العياط للى هيحصل فيكم اهدى دلوقتى عشان دموعك متخلصش ...ثانيه واحده هى مش دى بجامه اسراء والله عيب كده دى ضاعت منها وقلبنا عليها الدنيا عشان هى بتحبها اخص عليكى يعنى كمان حراميه توء توء تعالوا يا رجاله
في رجلين دخلوا وخدروا اشرف وندى وخدوهم للعربيه
طارق طلع وقفل الباب وبعد كده خلى واحد من رجالته رن على امه
شهد:ايوه
الراجل:احنا صاحب كريم جوز بنتك وهو داخ منى جامد واحنا في المكان ده ......
شهد:طب انا جايه حالا .....تعالى يا هايدى
راندا:على فين
شهد:كريم تعبان ..وتليفونه من ساعتها مغلق
هايدى كانت بتعيط ومشيت هى وشهد العنوان اللى اتبعتلهم
في بيت شهد
الداده:مدام راندا في عربيه برا مدام شهد بعتهالك عشان تروحى المستشفى للاستاذ كريم
راندا:هات العواقب سليمه يا رب وطلعت ركبت العربيه
عند اسراء واهلها
اسراء الام:انتى كويسه دلوقتى
اسراء: الحمدلله بس طارق اللى مش كويس خرج من بدرى ولما كلمنى صوته معجبنيش ابدا
اسراء الام:معلش يا حبيبتى هو زهقان بس من اللى حصل ومحتاج يغير جو والحمد لله انه في الشركه معاهم
اسراء:ايوه الحمدلله انه نزل
علا:تعالى اسمعى ابن اخوكى بيرفص في بطنى
اسراء:انتى عرفتى نوعه
علا:لاء بس عارفه انه ولد
اسراء:لاء انتى عايزه ولد مش عارفه انه ولد
علا:اه بصراحه بس يا رب يا اسراء يبقي ولد
اسراء:كل اللى ربنا يجيبه كويس
علا:عقبالك انتى وسلمى يارب
سلمى:انا لسه صغيره مش عايزه دلوقتى
علا:ولا صغيره ولا حاجه اسراء هى اللى صغيره
سلمى مهتمتش بيهم ولا لكالمهم
في مكان ضلمه جدا الكل متكتف فيه ومغمى عليهم ماعدا شهد ومحمود هما اللى مش متكتفين بي مغمى عليهم
طارق كب على الكل مايه ماعدا امه وابوه وسته فوقهم بالريحه
وكان قاعد قدامهم على كرسى
الكل بصله
شهد:انت اتجننت
محمود:ايه اللى انت بتعمله ده
كريم:هندمك على كل حاجه والله
طارق:خلصتوا نبدأ بقا البروجرام تحبوا تبدؤا بايه اختاروا انتوا طريقه تعذيبكم
محمود:طارق احنا اهلك
طارق:هههههه اهلى!طب ما انا ابنكم مفكرتوش في كده وانتوا بتأزونى انا ومراتى ليه مستكترين علينا الفرحه ليه ومع كل ده انا عامل اعتبار ومكتفتكش انت والمدام ولما فوقتك برده مكبتش مايه عليكم
شهد:كتير خيرك
طارق: طبعا كتر خير خيرى كمان والله والله ما هرحم حد فيكم وخصوصا انتوا وبص لل ٤ شباب
هايدى:انا معملتش حاجه
طارق:كداابه كلكم عملتوا
راندا:مش مراتك كويسه دلوقتى خلاص بقا وكمان هى اللى بدأت
طارق:بدأت ازاى وبايه ده هى اللى كانت حايشانى عنك تعامليها وحش وترمى بالكلام وتعديلك وبالنسبه للمدام شهد كانت مش عارفه تراضيها ازاى وتوفق بينى وبينها ازاى اما الاستاذ محمود اللى كان بيشوف فيها حبيبته القديمه ويعاملها حلو وهى تعتبره زى باباها وبتحبه وبتخاف على زعله وطول الوقت تقولى شوف باباك روح مع باباك تكون دى جازتها في الاخر وانتى يا زباله مدام هايدى الصفرا اللى بصورم اللى مش بتغير من حد ربع غيرتها من اسراء البت تديكى في هدايا وتساعدك وتديكى كل حاجه وعامله حسابك في الصغير والكبير وتراضيكى وتكلم الزفت ده عشان يجى يتقدملك انتى عارفه يا بت هو جايلك عشانها هى لانه بيحبها مستخدمك وسيله عشانها وانت يا مهند ولا كريم انت مش المفروض بتحبها هو اللى بيحب حد بيإزيه
وانتوا بقا وبص لاشرف وندى
طارق:انا مش عارف اقول ايه ولا ايه فيكم والله مش عارف اصفكم بايه لانى اكيد مش هديلكم حقكم وهظلم اللى هوصفكم بيه ....نفذوا يا رجاله
هما رشوا في الجو مواد كميائيه تخنقهم ويدوخوا وتجذب الحشرات الرجاله كتفوا ابوه وامه
وطارق طلع في الوقت ده ورجع لاسراء
طارق:حبيبتى وحضنها
اسراء:انت جاى بدرى
طارق:ايوه مش قادر مجيش بصراحه بس همشى تانى
اسراء:ليه
طارق:بحضر لحاجه لينا بعد كام يوم بس لازمها ترتيب
اسراء شمت في هدومه ريحه تخنق بس سكتت
اسراء قالت انها داخله الحمام وبكلمت باباها
طارق الاب:ايوه يا روحى
اسراء:بابا هو طارق جه الشغل النهارده
طارق الاب:لاء مجاش
اسراء:خالص
طارق الاب:لاء خالص هو في حاجه
اسراء:لاء يا حبيبي خلاص ماشى سلام
طارق الاب:سلام
اسراء طلعت وكانت عارفه ان طارق بيعمل مصيبه وبيخطط لحاجه
طارق:انا همشى يا روحى مش هتأخر
اسراء:تمام
طارق باس راسها وطلع  هى طلعت وراه وكانت ماشيه وراه بالعربيه وكانت واخده عربيه تانيه غير بتاعتها عشان طارق ميعرفهاش
وكان ماشى في مكان غريب مفيهوش حد ولما دخل الشارع وبطئ العربيه هى مدخلتش بالعربيه ونزلت منها وراحت وراه
طارق دخلهم كلهم كانوا دايخين خالص بس طبعا الريحه خلاص اختفت لان عدى فتره
طارق:لاء لاء اجمدوا شويه ده لسه بدرى هو احنا عملنا حاجه
محمود:انت هتندم بجد
طارق:والله انتوا اللى هتندموا
اسراء دخلت المكان ده والكل شافها معادا طارق لانه كان بضهره
اسراء:ا انت اتجننت
هو قام وقف بسرعه
طارق:حبيبتى انتى جيتى هنا ازاى ومسك ايديها
اسراء:ايه اللى بتعمله ده يا طارق
طارق:اسراء من فضلك سبينى انا لازم اوريهم
اسراء:انت اتجننت على الاخر فكهم يا طارق وسيبهم يمشوا
طارق:انا مش هسيبهم دول اللى عذبونا دول اللى خلونا كنا بنموت وعشنا على المهدأ
اسراء:ربنا بياخدلنا حقنا واحنا في مكانا هو اللى كفروا واشركوا بالله واللى حياتهم هتقلب جحيم فكهم يلا
طارق:لااء مش هفكهم
اسراء:انت غبي ومجنون يا طارق ده مينفعش بتعمل كده في مين بس دول اهلك هيتردلك والله كده سيبهم بقا
طارق:لاء يتردلى ايه انا عمرى ما هبقي بالوساخه دى
اسراء:طيب سيبهم
طارق:مش قادر دول اللى تعبونا انا بقيت بخاف من خيالى اى حاجه بخاف منها وبعملها حساب خايف عليكى من كل حاجه بقيت بنام بعين واحده قافل على كل حاجه في اوضتنا مرعوب بقيت ضعيف مش قادر اخد ثقه تانى في اى حد بقيت مهزوز فكره انك كنتى بتضيعى منى دى لوحدها كافيه تقتلنى كل يوم ١٠٠ مره هما ليه عملوا كده مكنوش شايفينا كنا عاملين ازاى وتقوليلى اهلى دا انا كنت بموت وهما السبب في كل ده مكنتش عارف اتنفس كنت بتختق كل يوم وكل الابواب بتتقفل في وشى كنت عامل زى المجنون ومفيش رحمه منهم المشكله ان كلهم بيقولوا انهم حبوا قبل كده هما دول يعرفوا الحب ولا يعرفوا اى حاجه وكان بيعيط وماسك فيها جامد
هى حضنته وكانت بتعيط على عياطه
اسراء:بس ده مش حل انك تأزيهم يا حبيبي احنا فوضنا امرنا لله فيهم وانا مش بقول الا حسبي الله ونعم الوكيل وصدقنى هياخدوا جزاءهم في الاخره وفي الدنيا لانهم اشركوا بالله وكفروا كده وربنا والملايكه لعنتهم ومعدوش تحت رحمه الله ولو قعدوا يستغفروا وربنا قبل توبتهم برده هيتحاسبوا لانهم ظلمونا وربنا بيسامح في حقه بس انما العبيد لاء وانا مش مسامحاهم فسيبهم لربنا احسن وفكهم يلا
طارق بصلهم بقرف ومسك ايد اسراء وطلع والرجاله فكتهم وكلهم كانوا دايخين فعلى ما فاقوا وكله روح بيته
اسراء وطارق طلعوا على طول عشان محدش يقولهم في ايه
واسراء دخلت الاوضه وقعدت تعيط
طارق:طيب انتى بتعيطى ليه دلوقتى
اسراء:عشان بقيت بخاف منك والله
طارق:انا عايز اخد حقنا
اسراء:انا مش عايزاه ربنا هياخده لينا والله العظيم هيجبلنا حقنا
طارق:خلاص متعيطيش انا هسكت اهو والله العظيم هسكت ومش هعمل حاجه تضايقك
اسراء:وعد
طارق:وعد والله بس متعيطيش وكان بيمسح دموعها
اسراء:وهتروح بقا شغلك
طارق:وهروح شغلى بس بشرط
اسراء:ايه هو
طارق:تيجى معايا وتغيرى جو
اسراء:موافقه
طارق:حضن كبير بقا خليه يكسر ضلوعى
اسراء:هتستحمل
طارق:هاتى اخرك
اسراء:ماشى وحضنته جامد وهو لف ايده عليها وحضنها جامد اوى
اسراء:هههههه انت اللى كسرتلى ضهرى
طارق:لا عشت ولا كونت معلش تعالى انا هعالجه دلوقتى
اسراء:والنبي لاء بلاش مش قادره
طارق:ليه بس
اسراء:جسمى مكسر خالص والله
طارق:خلاص تعالى انا هدعكهولك
اسراء:لاء هو هيحلو دلوقتى
طارق:تعالى بس ...وكان بيدعكهولها وهى نامت بعد شويه
طارق كان بيلعب في شعرها وبيبتسم على برائتها وجمالها
فلااش باااك
طارق:اسراء تعالى اقولك حاجه مهمه
اسراء:ايه قول هنا
طارق:لاء تعالى بس
اسراء:هنروح فين
طارق:قومى من غير كلام
اسراء:حاضر وقامت معاه وراحوا الجنينه الخلفيه
اسراء:ايه بقا
طارق:دقيقه واحده وواقفها ولف من وراها ولبسها سلسله
اسراء:الله ...ايه ده يا طارق بمناسبه ايه
طارق:بمناسبه اننا بنحب بعض حلوه
اسراء:اوى بس دى الماظ
طارق:ايوه
اسراء:غاليه يا طارق اوى ليه جبتها
طارق:متغلاش عليكى وكمان عجبتنى تخيلتها عليكى
اسراء:بس انا هقولهم ايه
طارق:هديه من واحده عادى يعنى
اسراء:شكرا يا طارق بس بجد تعبت وغرمت نفسك
طارق:انتى شكلك متعرفيش انا بحبك ازاى
اسراء:طيب يلا نمشى وكانت محروجه لانهم لسه حابين بعض
طارق:هتمشى على طول كده
اسراء:ايوه يلا نمشى
طارق:استنى بس وكان بيبصلها وكانت جميله وبريئه اوى
اسراء:ايه بتبصلى كده ليه
طارق من غير كلام باسها برقه من شفايفها
هى اتصدمت من عملته دى لانها اول مره ولسه مش واخده عليه وعمر ما حد عملهالها فلما بعد بصلها لقاها وشها احمر جامد ومشيت بسرعه وراحت لعمر كليته وروحوا
اسراء لنفسها:ازاى مخدتش موقف ده لو حد لمسنى هموته ازاى مضربتهوش سكت كده ليه لاء اضربه ايه ده طارق يا اسراء حبيبك اسكتى
عند طارق
طارق:يابنت الايه جننتينى خلتينى اتعدى حدودى انا عمرى ما عملت كده في حياتى اااه يانى منك وكان بيحسس على شفايفه
بااااك
طارق ابتسم وباسها من شفايفها وهى نايمه
هى مسكت ايده وحضنت ايده هو خدها في حضنه ونام
تانى يوم لبسوا ونزلوا
اسراء الام:انتى خارجه ولا ايه
اسراء:رايحه الشغل مع طارق
طارق الاب:ده الشركه هتنور ....بس يا سوسو الست اللى بعتيها تشتغل مش بشوفها نهائى
اسراء الام:ومن امتى وانت بتشوف
طارق الاب:يا فتاح يا عليم على الصبح يلا نمشى يا ولاد وافطروا هناك احسن
اسراء الام:في ٦٠ داهيه
طارق الاب كان راجعلها تانى
طارق:خلاص يا عمى يلا يلا
طارق الاب:يلا يابنى وطلعوا
عمر:بقيتى نكديه اوى يا ماما بصراحه انا حسدتكوا
اسراء الام:غور يلا انت كمان يلا
احمد باس راسها ومشى
اسراء راحت مع طارق ودخلت المكتب وقعدت وكانت بتلعب في الورق بتاعه
طارق:انتى شكلك هتضيعى الورق وابوكى هيرطدنا
اسراء:اعمل اللى انا عايزاه
طارق:طبعا يا جميل ولعى في الورق وفي صاحب الورق كمان
اسراء:وتسيبنى
طارق:ههههه لاء طبعا صاحب الورق ابوكى مش انا
اسراء:ههههههه والله انت مهزأ
طارق:طب تعالى اقعدى هنا على رجلى تعالى
اسراء:اشتغل بقا
طارق:تعالى وانا هشتغل
اسراء:انت هتشتغل في حاجه تانيه لو جيت
طارق:والله اكتر واحده فاهمانى
اسراء:عيب عليك شوف شغلك بقا
طارق:ما انا مش هشتغل كده تعالى بس وقام جابها وقعدها على رجله
وكان بيشتغل شويه ويهزر معاها شويه وكان بيلعب في شعرها
وخلصوا وروحوا
كانت اسراء الام قاعده متضايقه
اسراء:مالك يا سوسو
اسراء الام:انا زهقانه ومش طايقه نفسى
اسراء:بسبب ايه بس
اسراء الام:بصراحه ربنا بقا انا مش طايقه ابوكى
طارق:ياطنط هو نفس الموضوع لسه طب والله ما ينفع كده عمو غلبان انتوا جايين على الرجاله اوى
اسراء الام:تعرف تخرس بدل والله ما هقلب عليك وهنكد عليك عيشتك انت كمان
طارق:لا لا وعلى ايه هسكت احسن
اسراء:ههههههه طب تحبي تغيرى جو
اسراء الام:ايوه
طارق:خلاص هاخدكوا ونخرج النهارده
اسراء الام:لا مش كده انا عايزه اسافر
طارق:خلاص تعالى نروح الساحل او شرم
اسراء الام:هروح انا وبنتى بس
طارق:ده في المشمش ..لاء طبعا يا طنط انا مع مراتى في اى مكان
اسراء الام:لاء انا مش عايزه رجاله انا وبنتى بس
طارق شد اسراء
طارق:سورى يا طنط طلبك مرفوض بعد ازنك هنطلع نعير وشال اسراء وطلع
اسراء:يابنى ماما كده هتزعل
طارق:يعنى تسافرى وتسبينى
اسراء:لاء مكنتش هوافق بس مكنتش خدتنى كده
طارق:ما اصل انتى عرفانى لما بتعصب ممكن اقول حاجه كده ولا كده تزعلها منى وانا مش عايزها تزعل منى
طارق:هى مش هتزعل فكك انتى بس وتعالى مننزلش ونقضى وقتنا هنا
اسراء:طب انا عندى فكره
طارق:ايه هي
اسراء:احنا ممكن ناخد ماما ونروح بيتنا لاننا اصلا مروحناهوش ولا مره من لما اتجوزنا
طارق:هى فكره ممتازه بس انا وانتى بس
اسراء:يا طارق ماما محتاجه تغير جو وتبعد شويه عن هنا
طارق:والله هى تنور بس انتى متخيله هناك مش هيكون في الا احنا التلاته اكيد لازم نقعد معاها مش هناخد راحتنا تعالى بقا وخدها لسرير و.....وذهبوا لعالمهم الخاص بهم
وبعد شويه جهزوا ونزلوا تحت
طارق الاب:ولا انت بقيت بتزوغ ياما
طارق:حقك عليا والله هلتزم بقا عشان ارجع حلو تانى في الشغل
طارق الاب:ياريت
طارق:حاضر والله
اسراء:بابا ما تاخد ماما وتروحوا تغيروا جو شويه
طارق الاب:مش فاضى والله يا اسراء الفتره اللى فاتت دى كانت صعبه جدا واهملنا كلنا الشركه فمفيش وقت خالص
اسراء الام:هيجيب وقت منين بس طبعا كله للشغل واللى في الشغل
طارق الاب:اللهم طولك يا روح دى مبقتش عيشه يا اسراء بالطريقه دى
اسراء الام:طبعا ليك حق شوف انت بتبص على مين برا
طارق الاب:ايوه انا كل يوم مع واحده شكل
اسراء الام:منا عارفه ده انت بعد ما كنت بتعرفنى من ريحتى بس جتلك لحد عندك وعينى جات في عينك ومعرفتنيش
طارق الاب:انتى بتقولى اى كلام ولا ايه
اسراء الام:لاء يا استاذ انا فعلا جتلك انا اللى كنت جايه مع اسراء
طارق الاب بص لبنته
اسراء:والله يا بابا انا كنت بحكلها على موقف حصل اصرت تيجى وتعمل كده ولما رفضت زعلت
طارق الاب راح لمراته بعصبيه
طارق الاب:شغل الجنان ده انا مش عايزه انتى سامعه وصلت بيكى انك تيجى الشركه مخصوص ده انتى اتجننتى خالص
اسراء الام:انا اعمل اللى انا عايزاه عشان اكشف وساختك دى
طارق الاب:انتى قليله الادب وضربها بالقلم ودى كانت اول مره تحصل
اسراء:ماما وجرت عليها وحضنتها
طارق:عمى مينفعش كده وبعده
عمر:بابا انت ازاى تمد ايدك عليها انت اتجننت
طارق الاب:اخرس يا كلب انتوا شكلكم استقليتوا بيا ومعدش ليا هيبتى زى زمان بس انا هرجعها تانى عشان انا بوظتكم وطلع اوضته على طول
احمد:م معلش يا ماما هو بس متعصب شويه
اسراء الام بعياط:والله انا هوريه انا ماشيه
عمر:استنى بس يا ماما رايحه فين اهدى
اسراء:تعالى معايا الاوضه تعالى وخدتها وطلعت
طارق كان مش عارف يعمل ايه وزهقان عشانهم
عمر:ابوك ده اتجنن خالص
احمد:عيب يا عمر متقولش كده عن بابا الصراحه ماما زودتها اوى
طارق:يا جماعه انكم تلوموا بعض ده مش حل احنا لازم نلاقى طريقه نصالحهم بيها
احمد:انا مش عارف ماما جرالها ايه ومين بيلعب في دماغها وبص لسلمى مرات عمر
سلمى:بتبصلى كده ليه انا ماليش علاقه بحد طول اليوم في اوضتى لحد ما جوزى بيرجع حتى لما اسراء تعبت انا روحت لاهلى انا واختى عشان محدش يقول حاجه متبصليش كده
احمد:انا جيت يمك انا مكتوم اهو
عند اسراء فوق
اسراء الام:بعد كل العمر ده يمد ايده عليا
اسراء:حبيبتى هو اكيد مضغوط وغصب عنه هو غلطان انا معاكى بس معلش انتى استفزتيه اوى وهو مش متعود منك على كده
اسراء الام:لاء هو في حد مغيره وقالبه عليا
اسراء:يا ماما بقا بعد حبكم لبعض ده وكل السنين دى وتيجى واحده تاخده منك في السن ده بابا فضل معاكى طول العمر ده ممدش ايده عليكى ولا عملك حاجه لانك كنتى طبيعيه معاه وهو معملش كده الا لما انتى اللى اتغيرتى فأهدى كده وكل حاجه هتتحل وحقك هيرجعلك بس اهدى وحضنتها
اسراء الام:ربنا يخليكى ليا يارب
اسراء:ويخليكى ليا يا روحى
اسراء الام:هتباتى معايا صح
اسراء بتوتر:ايوه بس في اوضتى القديمه
اسراء الام:ماشى انا هروحها اهو وانتى انزلى قولى للداده تحضر الاكل لاخواتك
اسراء:تمام ونزلت
طارق راحلها
طارق:ماماك هديت يا روحى
اسراء: ايوه الحمدلله بس محتجانى ابات معاها
طارق:اسراء لاء
اسراء:معلش يا حبيبي انت شايف الموضوع كبر ازاى معلش نام بس النهارده وبكرا بقا يحلها الحلال
طارق:كده مش هعرف انام والله
اسراء:معلش النهارده بس
طارق: استغفر الله العظيم
اسراء:معلش يا حبيبي .....داده حضرى الغدا معلش
الداده:حاضر يا ست اسراء
طارق واسراء واسراء الام وسلمى وعلا كانوا اكلوا قبل الخناقه
عمر واحمد قعدوا ياكلوا واسراء اخدت اكل وطلعت لطارق ابوها وطارق جوزها طلع معاها
اسراء:حبيبي يلا عشان تتغدى
طارق الاب:مليش نفس
اسراء:لاء كده هتتعب يلا عشان تاكل
طارق الاب:يا اسراء مش عايز
طارق:معلش يا عمى كل اى لقمه كده خفيفه يلا
طارق الاب:حاضر وكان بياكل
اسراء:ممكن يا بابا تهدى كده وتيجى تصالح ماما
طارق الاب:اسراء متخلنيش اتعصب عليكى
طارق:عمى انت مكنش لازم تمد ايدك على طنط
طارق الاب: احنا كبرنا خلاص وعيب انها تشك فيا بالطريقه دى وتتعامل بالاسلوب ده
طارق:يا عمى هى قاعده في البيت على طول مش بتخرج ومحبوسه في البيت
طارق الاب:ما طول عمرها كده ايه اللى اتغير
طارق:اللى اتغير ان الكل اتجوز وبقا كل واحده قاعد في اوضته بدل ما عيالها كانوا قاعدين معاها بقا كل واحد مشغول بحياته بيخرج مراته وهى لوحدها حضرنك بتيجى من الشغل بتدخل المكتب تشتغل وبعدها بتنام وتروح الشغل بعد كده
طارق الاب:ما كله ليها ولعيالها
اسراء:يا حبيبي انا عارفه انك بتتعب بس هى بتتخنق وزهقانه معلش حقك عليا انا
طارق الاب:انا مش هصالحها يا اسراء انا مغلطش واقفلى الموضوع على كده
اسراء:طيب انا هسيبك تهدى ونتكلم وقت تانى تصبح على خير وقامت هى وطارق والداده شالت الاكل
اسراء:حبيبي معلش بقا روح انت نام وانا هروح لماما
طارق:طب والله ما ينفع كده
اسراء:معلش النهارده بس يلا سلام وباسته من خده ودخلت لمامتها
اسراء الام:اخواتك اكلوا
اسراء: ايوه متقلقيش يلا يا حبيبتى نامى
اسراء الام:مش جايلى نوم
اسراء:اممم طب نتفرج على فيلم
اسراء الام:لاء وصلى التليفون بالشاشه وورينى صورك انتى وطارق من اول ما عرفتوا بعض
اسراء:هههههه حاضر
اسراء وصلت التليفون بالشاشه وكانت عليها الصور
واسراء الام كانت بنبص لصورهم وقد ايه هما حلوين مع بعض وطارق بيحبها وكل صوره بتوضح قد ايه هو بيحبها ورومانسيين
اسراء الام شاف صوره ليهم وطارق كان بيبوسها
اسراء الام:ده قبل ما تتجوزوا ولا بعد
اسراء:كان مكتوب كتابنا
اسراء الام :ااام يعنى هو عمره ما عمل حاجه في الخطوبه او قبلها
اسراء:ههههههه لاء عمل كتير
اسراء الام:انتى بتضحكى
اسراء:اه عادى يا ماما ده دلوقتى جوزى يعنى
اسراء الام:بس وقتها مكنش عادى
اسراء:ايوه منا عارفه بس خلاص بقا اتفرجى يا ماما اتفرجى
اسراء الام:خلاص انا هنام
اسراء:تمام وقفلت التليفون وناموا
عند طارق كان بيتقلب ومش عارف ينام خالص وبينفخ
طارق:هو ده اللى بتاخده من حمايا وحماتى حاجه صعبه استغفر الله العظيم انا مبقتش اعرف انام بعيد عن حضنها وكان بيتقلب كل دقيقه ومنامش خالص
عند اسراء
اسراء: استغفر الله العظيم مش ده سريرى ليه مش عارفه انام ومسكت التليفون لقت طارق بعتلها (مش عااارف انااام) ده كان الساعه ١٢
اسراء ابتسمت وقامت راحتله كانت الساعه ٢
اول لما فتحت الباب طارق قام وراحلها
طارق:ايه اليوم ده هما متعاركين زنبنا ايه احنا بقا
اسراء:هههههه والله منا عارفه ده ايه ده انا عينى مغفلتش لحظه
طارق:والله ولا انا تعالى وشدها على السرير
اسراء:هههههه والله انا مستغربه ده انا مكنتش بعرف انام الا في اوضتى وعلى سريرى دلوقتى روحت اوضتى مش عارفه انام
طارق:يا حبيبتى خلاص احنا بقينا مش بنقدر نستغنى عن بعض نهائى
اسراء:طارق هو انت ممكن تمد ايدك عليا
طارق:تتقطع ايدى مش عايزها خالص انتى بتقولى ايه بس يا روحى
اسراء:اصل بابا برده بيحب ماما جامد وعمره ما عملها جه النهارده وعملها
طارق:لاء متقلقيش انا عمرى ما اعملها وده وعد منى انتى مش حبيبتى ومراتى بس انا بنتى افهمى ده
اسراء:ربنا يخليك ليا يارب
طارق:ويحليكى ليا وميحرمنيش منك ابدا ودخلها في حضنه وناموا هما الاتنين
اسراء الام صحت الصبح ملقتهاش جمبها
اسراء الام:هى صحت بدرى كده ليه البنت دى وقامت استحمت وصلت ونزلت تحت لقت محدش تحت
هى قعدت ومتحركتش من مكانها
وبعد ساعه الكل نزل
طارق الاب:الفطار جهز يا داده ولا هنفطر برا
محدش رد
عمر:ايه ده الخدم فين
اسراء الام:ادتهم اجازه
طارق الاب:الفطار فين
اسراء الام:التلاجه فيها كل حاجه روحوا افطروا
اسراء:بابا ٥ دقايق وهحضر الفطار معلش
طارق الاب: استغفر الله العظيم بسرعه طيب
اسراء:حاضر ودخلت المطبخ بسرعه وطارق وسلمى وعمر واحمد كانوا بيحضروا كلهم الفطار وخلصوا بسرعه
وقعدوا فطروا واسراء اقنعت طارق يروح وهى تفضل مع مامتها
اسراء الام:انتى قومتى من جمبي امتى
اسراء:ا الصبح كده عشان اصحى طارق فقالى لسه بدرى فنمت جنبه
اسراء الام:تمام ...انا هروح لجارتنا هنا
اسراء:تمام
علا:وانا هقوم انام
اسراء:تمام ولو احتاجتى حاجه عرفينى
علا:متحرمش منك يا قلبي وقامت
اسراء زهقت وطلعت الجنينه
لقت ندى واشرف جايين هى وقفت اول لما شافتهم
اسراء:انتوا ايه اللى جابكم

وبس كده