عشق لا ينتهى

بارت ٢٣

تانى يوم
طارق واسراء لبسوا ونزلوا
اسراء: صباح الخير
الكل:صباح النور
شهد:يلا عشان تفطروا
طارق شد الكرسى لاسراء وقعد هو كمان
طارق:حبيبتى كلى ده
اسراء:باكل اهو
هما اكلوا وقعدوا سوا
راندا:ايه يا طارق انتوا مش ناويين تجبولنا عيل
طارق:دى حاجه تخصنا يا تيتا
راندا:انا قلبي عليكم
طارق:خلى قلبك معاكى
هاله:انت قليل الادب كده ليه ردك وحش كده
طارق:معلش انتى عشان شايفه ان عيالك قللات الادب فمفكره الناس كلها كده معلش يا خالتو البسى نضاره
هايدى كامت بتضحك هى ومحمود واسراء كانت مبتسمه وبتحاول تخبي وشها
هايدى:سوسو
اسراء:نعم
هايدى:انا روحت احجز في نفس الفندق لقيته كومبليت والقاعه بتاعته محجوزه فحجزت في اللى جمبه مش هو حلو
اسراء:هو حلو بس بصراحه انا مش بحب جوه انا اخواتى كانوا عاملين فيه بس اتخنقت وانا فيه كده ولازم تهتمى اوى بالتنظيم يا هايدى لأنك لو مدتيهومش سيستم معين والله هينقلب عليكى
هايدى:ربنا يستر
اسراء:متقلقيش خير ...مين الميكب ارتست
هايدى:اللى عملتلك
اسراء:بجد
هايدى:اه والله
طارق:ده انتى بتقلدى اسراء بقا
هايدى:اه وانت مالك بصراحه ايوه مش هكدب عليكى يا سوسو انتى عجبانى وانا قلدتك
اسراء:وايه يعنى يا حبيبتى عادى
طارق:بس متحاوليش لان كده كده اسراء واحده بس ومميزه عن الكل
البنات كلهم كانوا بيبصوا لاسراء لانها حلوه اوى وطارق ميت فيها وبيعاملها حلو اوى وغيرانين وبيحقدوا عليها جامد
طارق:سيرا تعالى نطلع فوق
اسراء:خلينا قاعدين
طارق:يلاااا قومى وشالها وطلع قدام الكل
شهد:دلوقتى فيه حيل يشيل ويطلع
محمود:ما تسبيهم ده انتى غريبه اوى
شهد:هتكتم اكتر من كده
محمود:اه اكتمى خالص
هى سكتت
واسراء وطارق طلعوا وراحوا لجولتهم العاشقه
وبعد مده طالت وطالت
اسراء:حبيبى
طارق:ياقلب حبيبك
اسراء:ما تروح بكرا مع بباك الشغل تشوفه كده
طارق:هعمل ايه هناك
اسراء:طارق مينفعش متشوفش شغل بباك كده خالص كده يزعل منك
طارق:وهسيبك يعنى
اسراء:هقعد هنا معاهم ولا انت عاجبك قعده الستات والبنات
طارق:ههههههههه لاء والله انا باخدك وبنطلع فوق اهو انا بس مش عايز اسيبك لوحدك
اسراء:لاء روح متقلقش هو يوم
طارق:حااااضر تعالى بقا وقعد يزغزها هى كانت بتضحك وبتزقه
وعلى الغدا نزلوا واكلوا وقعدوا
هايدى كانت بتورى تصميم فستانها لاسراء
هايدى:ايه رأيك
اسراء:عريان اوى يا هايدى مفتوح
هايدى:عادى
اسراء:طب جوزك عارف ولا هيزعقلك
هايدى:لاء قولتله يابنتى ايه المشكله
اسراء:مش زى اخوكى خالص ده اخوكى رصلى دسته شروط في اللبس
هايدى:متخلف وراجعى
اسراء:متقوليش عليه كده من فضلك
هايدى:الله ده احنا بنزعل عشانه
اسراء:ايوه طبعا ده حبيبي ده
هايدى:يا سيدى يا سيدى
ياسمين:لازم تحبه هو طارق ميتحبش ازاى
اسراء بغيره: ايوه طبعا يتحب واللى بيزود حبى ليه انه بيحبنى جامد ومبيقبلش عليا اى حاجه ورومانسي وطيب وجدع وضهرى وسندى وكل دنيتى
ياسمين:ااام يبختك بيه بجد ..طارق كان واخد باله ان اسراء وشها احمر فراحلها وسمع اخر كلام ياسمين
طارق:يابختها بيا ايه بس ده انت اللى يبختى بيها مش عارفعملت ايه حلو في حياتى عشان ربنا كرمنى بيها وراح جمبها وقعدها على رجله
اسراء ابتسمتله بحب وحضنته
هو ابتسم بفرحه وحضنها جامد
طارق بهمس:يالهوووى بحب المواقف دى عشان اللحظات دى والله
اسراء:بتفرح بيها اوى انت
طارق:اوى اوى
إسراء:اعملهالك على طول
طارق:الله اكبر
اسراء ضحكت وهو كمان ضحك
وعدى اليوم تانى يوم طارق نزل مع اسراء
محمود:يلا يا طارق
طارق:حاضر ...حبيبتى عايزه حاجه
اسراء:سلامتك يا روحى
طارق:خدى بالك من نفسك وانا مش هتأخر وحضنها وباسها
وراح لامه
طارق:خدى بالك من اسراء يا ماما ومحدش يزعلها ولا يضايقها عشان لو عرفت ان حد ضايقها هولع في البيت كله انا قولتلك اهو ...ومشي
شهد راحت لاسراء
شهد:بتعملى ايه
اسراء:بكلم طارق
طارق:يا بنتى ده لسه ماشي حالا
اسراء:ما هو كده اول لما بيطلع بنقعد نتكلم واتس لحد لما يرجع  بس بقولك يا طنط ..انا عايزه اعمل اكل حلو لطارق لانى مش بطبخ ابدا وانا معرفش هو بيحب ياكل الاكل ازاى
شهد:اومال عو عندكم بياكل ايه
اسراء:بياكل اى حاجه انا باكل منها وكمان هو مقاليش ازاى بيحب ياكل الفراخ او السمك لانه بياكل زى بالظبط فقوليلى قبل ما يعرفنى كان بياكل ازاى
شهد:طارق بيحب ورق العنب جدا بس يكون محشي رز ولحمه وبيحب الحمام المحشي رز وفريك وبيحب الجمبرى وبيحب طاجن باميه باللحمه
اسراء:ده انا مش هعرف اعمل الحاجات دى خالص
شهد بخبث:طيب بصى انا هعمله الاكل ده وانتى اعملى نجرسكوا اهو سهل بس اعمليه بالمكرونه الاقلام مش الاسبجيتى
اسراء:بس طارق بيقول علي المكرونه الاقلام تقيله
شهد:لاء ده بيحبها في النجرسكوا وهو سهل
اسراء:بس انا عايزه اعمله اكل بيحبه معاكى
شهد:لاء متتعبيش نفسك يلا روحى المطبخ
اسراء:تمام
هى راحت المطبخ
شهد ابتسمت
راندا:يابنت اللذينه
شهد:بتبدأ بالحاجات البسيطه دى انى اعمله الاكل اللى بيحبه وهى تعمله اكله تقيله عليه وتكون تعبت فيها لانها مبتعرفش فهو ياكل من اكلى ويشكر فيا ويسيب اكلها فهى تحس بقله التقدير انها فضلت تعمله وهو مأكلش وفي نفس الوقت احسسه هو انى مهتميه بيه وتعبت عشانه وانه مهما كان ملوش غيرى
راندا:طب يلا وانا هساعدك
ودخلت معاها وبيعملوا في اكل طارق
واسراء كانت بتجيب من على النت وبتعمل
راندا:ملحك ياما كده ققلى شويه
اسراء:حاضر وقللت شويه ملح وحطتها في الفرن
طارق جه بعد شويه
طارق:سيرا انتى فين
اسراء:انا في المطبخ تعالى
هو دخلها
طارق:ايه موقفك هنا
اسراء:عملالك مفاجأه
طارق:يا سلام يا سلام تعبتى نفسك ليه بس
اسراء:متعبتش ولا حاجه يارب تبقي حلوه
طارق:هتبقي قمر تعالى معايا عشان اغير
راندا:ما تسيبها
طارق:مبعرفش اغير من غيرها يلا يا روحى وشالها وطلع بيها فوق دخلوا استحموا وغيروا ونزلوا
وكانوا بيحضروا الغدا
طارق:يا سلاااام ده انتوا عاملين كل الاكل اللى بحبه
شهد:اه والله عاملينلك حمام ومحشى ورق عنب وعملتلك طاجن باميه باللحمه
طارق:تسلم ايدك ....وفين بتاعتك يا روحى
اسراء:انا عملت نجرسكوا
طارق:يااا سلااااام تسلم عيونك وباس ايديها
اسراء:لما تدوقها الاول
طارق:طيب يلا وقعدوا
شهد:كل يا حبيبي وحطت قدامه طبق كبير وغرفتله
طارق:تمام يا ماما قدامى اهو...  وزاح طبقها على جنب
وقام جاب صنيه اسراء من النص وحطها كلها قدامه
شهد بصت لراندا
اسراء كانت بتبص لطارق تشوف ريأكشنه
طارق:يالهوووووى تحفه حلوه اوى يا حبيبتى
اسراء:بجد
طارق:والله العظيم جميله دى احلى اكله انا كلتها في حياتى
اسراء سقفت بفرحه
طارق:هههههه تسلم ايدك وخدها في حضنه وباس راسها
اسراء:طب يلا كل بقا
طارق كان بياكل ومش رادى يدى لحد منها خالص ادى بس لاسراء اللى اكتشفت انها عدبه شويه بس حلوه
شهد بصدمه:انت مأكلتش خالص من اكلى
طارق:المكرونه حلوه اوى لا يمكن اسيبها كلوا انتوا من الاكل يا ماما معلش تعبتكم
اسراء:متأڤورش وكل بقا من اكل مامتك
طارق:لاء دى حلوه وكان بياكل منها وبيأكلها
وطارق خلص الصنيه هو كان شبع من بدرى بس تقديرا انها عملتها عشانه خلصها وكمان عشان محدش ياكل منها ويطلع فيها عيوب
هايدى:اخيرا خلصت اكل
طارق: الحمدلله وقام غسل ايده
اسراء كانت فرحانه اوى وطارق كل شويه يشكر فيها ويبوس ايديها
اسراء:انا فرحااانه اوى ان الاكل عجبك
شهد:تسلم ايدك يا اسراء
اسراء: الله يسلمك يا طنط وشكرا انك قولتيلى اعملها بالاقلام لان طارق حبها كده
طارق:هو انتى كنتى هتعمليها ايه
اسراء:انا قولت لطنط عايزه اعمل لطارق اكل بيحبه قالتلى انها هتعمل ولما طلبت اعمل معاها قالتلى لاء روحى انتى اعملى نجرسكوا كنت بقا هعملوا بالاسباجتى لانى عارفه ان دى تقيله عليك قالتلى انك بتحب دى اكتر في النجرسكوا فالحمد لله بقا انها قالتلى
طارق بص لامه بتبريقه
شهد:هروح اجيب حاجه وقامت راحت المطبخ
طارق قام وراها
طارق:بطلى حركات العيال دى بقا يا ماما
شهد:انت خليت فيها ماما بقا
طارق:انتى ليه كده عايزه تحرجيها ولا تقللى ثقتها في نفسها وفيا انتى عايزه ايه سبينى انا مرتاح ومبسوط ايه ده وطلع وسابها
بالليل طارق واسراء طلعوا والكل كان تحت وسمعوا صوت اسراء وهما تحت
اسراء بعصبيه:طارق والله انت غبي
طارق:طب حقك عليا بس متتحركيش بس
اسراء:انا متحركتش شوف عملت ايه شوف
طارق بضحك:معلش انا هتصرف
اسراء:انت بتضحك
هما كانوا سامعين ده
شهد:تعالوا نشوف في ايه ولو قالوا حاجه نقول سمعنا زعيق
هما طلعوا وخبطوا وفتحوا على طول
اسراء وطارق بصولهم
شهد بصدمه:انت بتعمل ايه
الكل بص وكانوا مستغربين
اسراء كانت قاعده على السرير وموقفه رجليها وضماها ليها وطارق قاعد تحت رجليها على الارض بيحطلها منكير ومقوى اظافر
طارق:خير
شهد:س سمعنا صوت فخوفنا تكونوا بتتخانقوا
طارق:لاء مش بنتخانق اتفضلوا بقا
اسراء كانت هتشيل رجليها طارق مسكها وكان بيحطلها
هايدى:يارب كريم يبقي ربعك كده يا طارق
طارق:هايدى متتكلميش ومتوترنيش عشان هى ليه مزعقه لانى خرجت برا اهو
هايدى:ههههه ماشى وقعدت جمبه على الارض
اسراء:شوفى بالله عليكى ده ينفع
هايدى:يا اسراء انتى طايله حد يعملك كده ده انا بقعد اتحايل على اى حد مقيش حد بيقدر بروح بقا للبيوتى سنتر
اسراء:لاء مش بحب اروحهم خالص انا بعمل لنفسى في ايدى انما رجلى كانت ندى قبل ما اعرف طارق بعدها بقا طارق اتعلم وبيحطلى
طارق:انتى بتتحركى اهو
اسراء ضربته قي كتفه
اسراء:كداااب انا متحركتش ..انت طلعت برا تانى
طارق:والله ابدا بصى كمان كده
هى بصت ملقتش حاجه
اسراء:شاطر ايوه كمل
اهله طلعوا ما عدا هايدى
ياسمين:بقا ده طارق
محمود:ما تسيبوه في حاله بقا الولد عشق يا جماعه لو كان لحد فيكوا هيبقي عادى انما ليها لاء ده ايه ده
شهد:ده قاعد تحت رجليها يا محمود بيبوس كل شويه رجليها
محمود:مراته ويعمل اللى هو عايزه خلاص بقا
هى سكتت وعدى اليوم
تانى يوم كانت الحنه الكدابه
اسراء:على الله تنزل تحت
طارق:ليه بس
اسراء:اه عشان البنات يكونوا خالعين وانت موجود
طارق:والله لو ملط قدامى ما تحرك فيا شعره انا مبشوفش غيرك
اسراء:بس برده متنزلش
طارق:ههههه حاضر ..طب هتكتبي اسمى فين
اسراء:على كتفى من ورا
طارق:اااه حلو المكان ده عشان محدش يشوفه غيرى
اسراء:ههههه غلس يلا انا نازله
طارق:البوسه بتاعتى
اسراء باسته من خده ونزلت جرى قبل ما يمسكها
طارق:جننتينى يا بنت اللذينه
اسراء نزلت والست كانت بتكتبلها بالحنه
الست:جسمك جميل اوى
اسراء:شكرا
الست:مستخدمه ليزر ولا ايه
اسراء:ممكن تكتبي الاسم بس عشان اطلع
الست:ياختى انتى خايفه على جسمك اوى من الحسد
اسراء:لو سمحتى ممكن تخلصى
الست:مالك يا مزه متعصبه علينا كده ليه
اسراء:اوووف اوعى كده وقامت وطلعت فوق
طارق:ايه يا روحى في ايه
اسراء:الست المتخلفه اللى تحت دى عماله يا طارق تبص على جسمى وتحسس عليه وتقولى انتى عامله ايه وبتعمل حركات غريبه كده
طارق:تعالى قوليلى هى مين
اسراء:لاء خلاص
طارق مسك ايديها ونزل
طارق بعصبيه وبصوت عالى :مين بنت الكلب اللى ضايقتك
الست:انت بتغلط ليه هو حد جه يمها
طارق:يبقي انتى وراحلها ومسك حاجاتها ورماهم على الارض
الكل اتلم حوالين الست عشان طارق ميعملهاش حاجه
اسراء:طارق يلا نطلع بلاش فضايح وخدته وطلعت وكان هو بيشتم وبيزعق
شهد:معلش حقك عليا هو مجنون بمراته انتى عملتلها ايه بس
الست بعياط:انا معملتش حاجه والله ليها
هايدى:بلاش الشغل بتاعك ده انا عارفاكى هى مش هتتبلى عليكى ايه اللى هيخليها تقوم وتسيبك ومترسمش ولو على حاجتك هنديكى تمنها يلا مع السلامه انتى اطلعى
شهد خدت الست وادتها فلوس ومشتها وطلعت لطارق فوق ودخلت على طول من العصبيه
لقت طارق مربع ومنيم اسراء على رجله وبيلعبلها في شعرها
طارق بعصبيه:انتوا باى صفه تدوا لنفسكوا الحق انكوا تفتحوا الباب كده
شهد:بصفتى امك وصاحبه البيت يا قليل الادب ياللى مش بتعمل احترام لحد خالص وليه ده كله
طارق بعصبيه مرعبه:يعنى تضايق مراااتى وانا اسكتلها
شهد:هى عملتلك ايه يا اسراء ضربتك بالنار
طارق:لو اتنفست في وشها بس اخرب بيت ابوها
اسراء:لاء يا طنط مضربتنيش بالنار بس كانت بتتحرش بيا حرفيا وعماله بتحسد في جسمى وتحسس عليه بطريقه سخيفه ولما كلمتها باحترام كلمتى بطريقه مستفزه وبجحه وانا اعتقد حضرتك متقبليش ان حد يقعد يتحرش بجسمك ويحسد فيه ده اكيد يعنى
طارق:ولا يبص بصه ليكى حتى لو حد ضايقك ولعى فيه وتعاليلى ازودلك عليه
شهد طلعت بعصبيه ومكنتش طايقه نفسها
وهايدى طلعتلهم واتأسفتلهم عشان تعدى اليوم
وتانى يون كانوا مشغلين اغانى وبيرقصوا
طارق طلع برا لان الرجاله كانت برا وكان بيبص كل شويه يطمن على اسراء هى شافته راحت تكلمه من الشباك
اسراء:يابنى انا كويسه بتبص كل شويه كده ليه
طارق:مش بطمن الا وانتى في حضنى
اسراء:طب تعالى ارقص مع هايدى هنا
طارق:لاء انا لو جيت نطلع فول
اسراء:لاء وحياتى تيجى
طارق:حاضر يا جميل اوامرك
طارق دخل وكان واقف مع اسراء وبيرقص معاها
هايدى:تعالى ارقص وشدته يرقص معاها
طارق شد اسراء في ايده
هايدى اضايقت لان طارق مش رادى يسيب اسراء نهائى وهايدى عايزه ترقص مع اخوها وهو برده سايبها وبيرقص مع اسراء ومش شايف غيرها حرفيا
وعدى اليومين دول وجه يوم الفرح هما من الصبح كانوا في الفندق وكانوا حاجزين قوضه رجاله وقوضه ستات بس على عكس يوم اسراء اللى طارق كان حاجزلها دور كامل عشان تاخد قوضه كامله لوحدها
اسراء:انا هروح بقا قوضه الستات مع هايدى
طارق:لاء انا حجزتلنا انا وانتى قوضه لوحدنا
اسراء:ليه يعنى
طارق:عشان انتى بتتخنقى من الزحمه وكمان هما مقرفين يعنى ليه قوضه واحده بس للعيله كلها ونفس الميكب ارتست
اسراء:منا استغربت بس انا كده كده انا اللى هحط لنفسى
طارق:انا ممكن اجبهالك ....مع انى شايف انك مش محتاجه حاجه ابدا
اسراء:لاء انا هحط حاجات بسيطه لنفسى وهعمل تسريحه حلوه بعرف اعمل
طارق:وانا بردع ظبط شعرى امبارح
اسراء:طب تعالى بقا نرتاح شويه لانى محتاجه انام
طارق:تعالى وخدها دخلوا القوضه وناموا
وصحوا الساعه ١ استحموا
واسراء كانت بتجهز نفسها وطارق كان بيساعدها في تسريحه شعرها الاول لحد لما ظبطتها
طارق:تحفه
اسراء:بجد مظبوطه
طارق:كل حاجه مظبوطه
اسراء:طب الحمدلله
طارق:هتحطى الميكب
اسراء:هرطب وشى وحط الاسكين كير روتين الاول وبعدها احط حاجات بسيطه
طارق:تمام
هى كانت بتعمل وهو كان بيبصلها ومركز معاها
وحطت وكان سيمبل خالص بس كان تحفه ابرزها جمال ملفت جدا لاى حد يشوفها فوق جمالها اللى بيسحر اى حد
طارق ابتسم وقام باس راسها
طارق:ربنا يحفظك ايه الجمال ده كله
اسراء:ميرسى يا قلبي
طارق:الله اكبر في عيون الكل يارب
اسراء:حبيبي ممكن تساعدنى البس الفستان
طارق:بس كده؟ده انا مستنى اللحظه دى
اسراء:هههههه والله مهزأ
طارق:يلا يلا ورينى الحلاوه بتاعتى
اسراء:هى ايه وضربته في كتفه
طارق: ايه الفستان
اسراء:بحسب.. طارق ضحك وساعدها وهى بتلبس وكان بيحسس على جسمها
اسراء:يابنى بقا عيب كده خلينا نخلص
طارق:ههههه حاضر وبعد كده لبسها الجزمه وقام يلبس كانت هى بتساعده وتظبط الهدوم عليه زى ما هى عايزه
اسراء:حبيبي انا هروح اشوف هايدى لو عايزه حاجه عشان متزعلش
طارق:طيب استنى هاجى معاكى
اسراء:لاء انا هروح عشان لو في بنات مش لابسه وكده
طارق:تمام
اسراء طلعتلها الدور اللى فوق
وهى ماشيه شافت كريم جوز هايدى
اسراء:ا انت
كريم:اهلا اهلا بالمزه
اسراء:غور من قدامى يا مهند لطارق يشوفك
كريم:هههههه اسمى كريم يا اسراء مش مهند مهند ده كنت بضحك عليكم بيه اسم الشهره يعنى اكمنى شبه مهند
اسراء:ا انت جوز هايدى
كريم:ايوه فضلت وراكى وراكى لحد لما قربت منك برده وكان بيرقب منها
هى نزلت تحت جرى وكانت مخضوضه وبتجرى وطارق كان واقف قدام قوضتهن وشافها وهى بتجرى وخايفه جامد
طارق بخضه:ايه في ايه وجرى عليها
هى كانت بتعيط جامد
طارق:اسرااء في ايه
اسراء:ت تعالى ندخل وهقولك تعالى
وخدته جوا
طارق:في ايه وكان بيهديها وواخدها في حضنه
اسراء:ش شوفت فار
طارق:فار ؟
اسراء:ا ايوه وعدى من على رجلى
طارق:لاء انتى بتكدبي يا اسراء
اسراء:انت مش مصدقنى يعنى انت مستهون بيا
طارق:والله ابدا ده انا لا عشت ولا كنت بس في حاجه اكبر
اسراء:ا انا عايزه اروح
طارق:ليه حصل ايه
اسراء:ا انا شوفت مهند
طارق:مهند بتاع الجامعه
اسراء: ايوه
طارق:شوفتيه فين ده والله ده ادفنه حى
اسراء:مهند ده يبقي كريم جوز هايدى
طارق اتصدم جامد
طارق:طب والله لوريهم وطلع فوق اسراء كانت بتجرى وراه وبتحاول توقفه
طارق كان بيبعدها وطالع جرى
ووصل للقوضه
ودخلها وكان اللى فيها هايدى وكريم (مهند) ومحمود وشهد والباقى نزل
كريم بص لطارق بابتسامه
طارق مسكه وضربه جامد
اسراء وهايدى وشهد ومحمود كانوا بيحوشوا
اسراء بعياط:يا طااارق كفاايه هتموته وحياتى عندك
طارق:ابن الكلب ده انا هوريه
اسراء:اااه اااه دمااغى
طارق سابه وجرى عليها مسكها
طارق:اسراء حبيبتى انا سبته خلاص اهو انتى كويسه وكان حاضنها
هايدى بعياط:انت عملت ايه حرام عليك بهدلته وبوظتلى يومى منك لله
طارق:انتى لازم تتطلقى منه
هايدى:اطلق منه ايه انت مجنون
طارق:يا كده يا تنسى انك اختى ده اوطى واحد في الدنيا
هايدى:بص يا طارق لو انت مراتك اغلى حاجه في حياتك فانا كريم اغلى حاجه في حياتى
طارق:انا قولت اللى عندى وانتوا حسابكوا معايا انكوا ازاى متخدوش رأيى
هايدى:طارق انا اللى بقولك اطلع برا مش عايزه اشوف خلقتك في حياتى
محمود:بت عيب كده
هايدى:انت بتقولى انا ومقولتلهوش هو اللى بوظ شكله
كريم:مش مهم يا حبيبتى هو كده على طول واليوم مبازش عادى انا هحط من الحاجات بتاعتكم دى تخفيلى الحاجات دى وننزل
شهد:اطلع برا يا طارق يلا كده متحضرش الفرح انا اعتبرتك ميت لما اتجوزتها
طارق مسك ايد اسراء وطلع من عندهم خالص وودى اسراء القوضه وحضنها
اسراء:انا اسفه يا طارق
طارق:يا قلب طارق ده انا اللى اسف والله والله غصب عنى لما كنت طالع جرى وموقفتلكيش ولما طلعنا وضربته وانتى تعبتى حقك عليا انا وباس راسها
اسراء:انا مش زعلانه الا على اهلك
طارق:انا كده مبسوط سيبك من الكل اهم حاجه احنا والحمد لله انها جات منهم هما عشان انا كده كده كنت هبعد عن المكان اللى الزفت ده فيه يلا احنا بقا نروح لبيتنا واهلنا وحبايبنا
اسراء:طب وهدومنا
طارق:تعالى نروح نجيبهم الاول يلا
هما راحوا وجابوا هدومهم وروحوا البيت على الساعه ٧
طارق الاب:اهلا اهلا
اسراء وطارق سلموا على الكل
اسراء الام:هو مش الفرح النهارده انتوا ازاى جايين بدرى
اسراء عيطت جامد مره واحده
طارق:يا ربي وحضنها جامد وكان بيسكتها والكل كان مستغرب
عمر:في ايه
اسراء بنهنهه:طارق اتعارك مع اهله
اسراء الام:ليه بس يابنى
طارق:طب انتى لما تعيطى دلوقتى انا كده هفرح يعنى ده انا هروح اولع في القاعه اللى فيها وكان بيهدى فيها ويشربها مايه وبعد شويه هديت
طارق الاب:ايه حصل
اسراء:هو احنا روحنا وكنا مبسوطين النهارده جهزنا وانا طلعت اشوف هايدى ولما طلعت شوفت واحد بينا مشكله فلما شوفته خوفت واتصدمت لما لقيته جوزها احنا مكناش شوفناه ولا نعرف اسمه الحقيقي فنزلت وقولت لطارق وطارق ضربه
واهله اتعاركوا معاه وكرشوه
طارق الاب:وايه السبب انه يضربه
طارق:انا هقولك
فلااش باك
اول سنه في الجامعه لما طارق حب اسراء وبيحاول يقرب منها وعلاقتهم احلوت شويه بعد المشروع اللى عملوه
كان في واحد اسمه مهند معاهم وكان بيحب اسراء جامد
مهند:اسراء
اسراء:نعم
مهند:انا بحبك جامد وانتى عارفه ده اجى اتقدم وانا مستعد اعمل اى حاجه
اسراء:بص يا مهند انا مش بفكر في الموضوع ده دلوقتى ده انا لسه عندى ١٨ سنه ايه ده ومشيت وسابته
مهند:ماشي يا اسراء
وكان قاعد بيراقبها
لقى طارق راحلها
طارق:ازيك
اسراء بابتسامه: الحمدلله تمام
طارق:ايه الجمال ده
اسراء:شكرا هى ندى واشرف فين
طارق:في الجنينه الخلفيه
اسراء:طيب بعد ازنك انا هدخل المدرج
طارق:استنى بس ومسك ايديها
اسراء:نعم
طارق:انتى حاسه بيا يا اسراء
اسراء بخجل: ازاى يعنى (اياد قرب منهم وكان مستخبي وييتصنت)
طارق:معقول مش شايفه الحب في عنيا ولا واخده بالك من العشق ده
اسراء:انت مش شايف اللى انت بتقوله ده غلط
طارق:لاء مش غلط انا بحبك وجامد كمان وعايزك ومستعد اعمل اى حاجه عشانك
اسراء:يا طارق احنا لسه صغيرين دى حاجه تانى حاجه احنا صعب بسبب اهلنا
طارق:انا مش ههتم لاى حد هحارب الدنيا كلها عشانك هعمل اى حاجه تنطلب منى واحنا مش صغيرين احنا قد المسؤليه وناضجين وعارفين احنا بنعمل ايه
اسراء:طيب اهدى بس دلوقتى
طارق:توء مش ههدى ابدا الا لما تكونى قي حضنى وباس ايديها
اسراء ااحرجت ومشيت بسرعه
طارق:بحبااااك على فكره وهاخدك 
مهند كان سامع
مهند:يعنى بتحبي الاستاذ طارق ماشي انا هوريكى
وكان بيراقب اسراء طول الوقت
مهند راح لندى
مهند:طارق بيقولك ده ليكى وده لاسراء
ندى:ده انا مشوفتهوش النهارده
مهند:هو جه ومشى تانى مع اشرف
ندى راحت لاسراء
ندى:ايوه يا عن يعنى غايب النهارده وجه جابلك فطار
اسراء:مين
ندى: طارق
اسراء:بجد
ندى:اه والله بعتلك الفطار اهو
اسراء:لاء مش عايزه ..هو انا محرومه
ندى:ليه بصتلها بالمنظور ده بس عادى يا بنتى كلى بقا
اسراء:ماشى بس بعد المحاضره
ندى خلصت اكل وحضروا المحاضره
ندى: انا هروح مش هحضر التانيه
اسراء:تمام انا هحضرها واروح
ندى:ماشى سلام ومشيت
اسراء اكلت  وطارق رن عليها
طارق:وحشتينى
اسراء:ا احم...هو انت مجتش ليه
طارق:عندى دور برد جامد اوى مكسر عضمى
اسراء:الف سلامه عليك ..بس دور البرد ده يخليك تنزل تجبلى اكل ومتجيش الجامعه
طارق:انا منزلتش من البيت خالص اكل ايه
اسراء:ندى جابتلى اكل وقالتلى انه منك
طارق:ازاى ده منزلتش خالص ..طب اسراء متاكليش منه
اسراء:انا اكلت خلاص وكمان ندى اكلت
طارق:طب خليكى معايا متقفليش انا جاى
اسراء:طارق متقلقش انت قلقان كده ليه
مهند:عشان فاهمنى انا
اسراء:انت عايز ايه
طارق:هموتك لو جيت يمها
مهند:هههههه كلها دقيقتين وهتهبطى خالص ومن حظك ان الساعه ٤ اللى موجودين شويه صغيرين اوى والعربيه اهى هحطك فيها وكل سنه وانتى طيبه
اسراء طلعت تجرى
هو جرى وراها ومسكها بس هى كانت بدأت تدوخ
اسراء:م مهند سبنى والنبي
مهند:مش هسيبك الا لما تبقي مراتى
طارق كان بيسوق بسرعه جامده خالص ووصل الجامعه بس لقى عربيه مهند في اخر الشارع فطلع وراه بالعربيه لانه اتأكد ان اسراء معاه
وكان ماشى وراه بالعربيه ومهند عرف ان طارق وراه ومكنش عارف يعمل ايه فوقف في مكان مفيهوش حد ونزل منه اسراء ومسكها
طارق وقف هو كمان
طارق:ده انا هدفنك حى يا ابن الكلب
اسراء كانت نايمه خالص على نفسها مش مفوقه
مهند:عجبانى وتلزمنى وابعد عن طريقها يا طارق وكان حاطط مسدس على دماغ اسراء وبيبوسها من رقبتها
طارق مسك رمل وحدفه في عينه وجرى عليه ورمى المسدس منه وفضل يضرب فيه لحد لما كان هيموته ومهند فقد الوعى تماما
طارق مسك اسراء وفوقها ورجعها بيتها بس كانت كويسه ومن بعدها مشافوش مهند ده خالص
باااك
طارق الاب:وده حصل معاكى وملقولتيش
اسراء:مش وقته يا بابا بس دلوقتى هايدى اتجوزته وانا متأكده انه مش بيحبها
طارق:احنا مالناش دعوه بحد يا اسراء خلاص احنا في حالنا من النهارده ويلا نرتاح لانك تعبانه
هى طلعت مع طارق وناموا وحياتهم مستقره وعدى على الموقف ده شهر
في يوم طارق رجع من الشغل ملقاش اسراء مستنياه
طارق:طنط اسراء فين وهى كويسه ولا لاء
اسراء الام:اسراء فوق يا حبيبي منزلتش النهارده
طارق طلع فول وفتح الباب
طارق:حبيبتى ليه مستنتيش تحت
اسراء:اطلع براااا يلا اطلع براااا انا بكرهك
طارق بصدمه:ف في ايه انا عملتلك حاجه ضايقتك
اسراء:اطلع برااا طلقنى يلا واخرج برااا وكانت بتضرخ جامد
الكل طلع
اسراء:اطلعوا برااا كلكم يلاااا ..عمر عمر وجريت عليه
عمر:ا ايه يا حبيبتى اهدى وحضنها
اسراء:خليه يطلقنى ويطلع برا ا اوعى يدخل هيموتنى
طارق بعياط:انا يا اسراء طب تعالى بس ولسه هيقرب عليها
اسراء:اوعى وكانت بتضرخ انتوا كلكم هتموتونى ابعدوا عنى وانت كمان وزقت عمر وكانت في حاله صعبه جدا
احمد ضغط على رقبتها ضغطه خلاها يغمى عليها
وراحوا المستشفى وكانت طارق في حاله صعبه جدا الكل بيحاول يسكته لانها كان في حاله صعبه جدا ومنهار والدكتور جوا بيكشف عليها

بس كده
ياترى اسراء مالها وايه حصلها وايه هيحصل معاهم الفتره الجايه