عشق لا ينتهى

بارت ١١

اسراء :د ده سبب العداوه
طارق ابوها:ايوه بهدلونا كتير واترمينا انا وامك في الشارع وكانت امك قلبها محروق على البيبي اللى نزل وكانت تعبانه وبتموت منى واهلى كانوا رمونى انا وهى في الشارع ولا معانا فلوس ولا لينا بيت لان ابويا كان خد منى كل حاجه وهما مسبوناش في حالنا وكانوا بيطاردونا وشهد حاولت تقتل امك اكتر من مره ومحمود اجرلى بلطجيه
اسراء:ا انا اسفه انى زعقت معاكم وحيرتكم كده انا اسفه وكانت بتعيط
طارق:يا حبيبتى احنا مش زعلانين منك
اسراء طلعت فوق جرى وكانت بتعيط ومش عارفه تعمل ايه
عمر طلعلها
عمر:هتعملى ايه
اسراء:مش عارفه يا عمر انا زعلانه اوى انى بهدلت بابا وماما كده بس والله مكنتش اعرف ان في مشكله كبيره كده بس طارق مش كده
عمر:منا عارف بس هما بقا
اسراء:انا بكرهم ولو اطول اموتهم هعمل كده بس طارق ملوش زنب انا مش هسيبه برده بس انا ماليش دعوه بالناس دى ولا اشوفهم قدامى ولا المحهم هو بقا لو عايز يبقي يروحلهم
عمر:والله اتكلمى معاه وقوليله
اسراء:هبعتله نتقابل وهما بيتكلوا تليفون اسراء اتبعتله رساله
عمر:مين
اسراء:طارق بعتلى بيقولى نتقابل بكرا في النادى ضرورى تلاقى اهله حكوله لان احنا اتفقنا نسألهم استنى ابعتله
(هى بعتت ماشى بكرا الساعه ٥ )
هى معرفتش تنام لا هى ولا طارق
تانى يوم راحت النادى وكان طارق مستنيها في الكافيه
اسراء:ازيك يا طارق
طارق:تمام اهلك حكولك
اسراء:ايوه عرفت كل حاجه
طارق:تمام طلاما عرفتى كل حاجه بقا بصى يا اسراء انا مش هقدر اكمل معاكى ده الاحسن لينا انا هدوس على قلبي واكمل وكل واحد فينا يروح من طريق
اسراء:ط طارق ايه اللى انت بتقوله ده
طارق:زى ما سمعتى
اسراء:ا انت بتتخلى عنى بالسهوله دى
طارق:لاننا مش هينفع نكمل انا عمرى ما هعرض ماما للاحراج الست الشريفه اللى استحملت كتير من تحت عمايل الهانم مامتك ده انتى امك ممثله كبيره اوى وياعالم انتى زيها ولا لاء
اسراء:انت بتقول ايه انت مجنون انت مضحوك عليك بقصه من الخيال شكلك كده دى مامتك اللى ممثله ومريضه ومحتاجه تتعالج
طارق:احترمى نفسك يا اسراء والزمى حدودك
اسراء:انا غلطانه ولازم احترم نفسى وابعد عنك انا مش عايزه اشوفك تانى ولا المحك حتى وانا ندمانه على كل دقيقه قضتها معاك
طارق: انا مش عارف انتى بتتكلمى ازاى شكلك انتى اللى مضحكوك عليكى وقايلنلك حاجه غلط هيقولولك ازاى على اللى عملوه انا ماما مش خطافه رجاله زى مامتك ومش بتاعه اعمال واسحار وتوقيع عامله زى العقربه بتستخدم رقتها عشان تطول اللى هى عايزاه والله اللى بباكى عمله اخوكى عمله فيكم ولسه هتشوفوا ومامتك وبباكى دول هيشوفوا نتيجه عمايلهم الوسخه
اسراء ضربته قلم جامد اوى
اسراء:اياااك تجيب سيرتهم على لسانك دول انضف واشرف من انك تجيب اسمهم ولو فعلا كان حد عاميله وسخه فهى عيلتك وخدت حاجتها ومشيت
وروحت البيت
طارق ابوها بعصبيه :انتى كنتى فين انا قلبت عليكى الدنيا طلعتى وكنتى فين
اسراء:كنت في النادى
طارق:ومقولتيش ليه وكنتى مع مين
اسراء:روحت اقابل طارق
طارق:تانى
اسراء:يا بابا انا روحت ونهيت معاه كل حاجه
اسراء الام:بجد
اسراء:ايوه يا ماما انا نهيت معاه كل حاجه وهو كمان نهى كل حاجه
طارق: الحمدلله يا بنتى والله ده الاحسن ويا ستى انا هجوزك سيد سيده
اسراء:يا حبيبي انا مش عايزه غيركم وباستهم وطلعت
اسراء الام:البنت زعلانه اوى
طارق:بكرا تنساه يا اسراء
عند طارق الصغير
كان قاعد في الكافيه مصدوم مش عارف ده كله حصل ازاى وامتى وبيفكر (معقول سابوا بعض يعنى معدش فيه اسراء تانى مش هيخطبها ولا هيتجوزا ولا يعيشوا مع بعض احلامهم وتتخطب لحد تانى معقول هو غلط فيهم وهى ضربته )
اشرف راحله
اشرف:ايه يا طارق اللى ندى قالتهولى ده هى اسراء كانت هنا واتعاركتوا وضربتك وخلاص سبتوا بعض
طارق:ايوه
اشرف:ليه
طارق:ياعم غور من وشى وقام ومشى
روح البيت وكانت شهد قاعده هى ومحمود وهايدى
شهد:ايه يا حبيبي كنت فين
طارق مردش وطلع
محمود:ماله ده
شهد:هو كده من لما قولتله
طارق طلع اوضته وفتح تليفونه لقى صورته هو واسراء لانه كان حاططها الخلفيه قعد يبص للصوره وبعد كده جاب صورهم مع بعض وكان بيتفرج على الصور وبدأ يعيط وعياطه كان بيزيد لدرجه انه وصل للصريخ
هايدى:ايه ده وطلعت تجرى
شهد ومحمود طلعوا بسرعه فوق ودخلوا اوضه طارق لقوه بيعيط جامد والتليفون جنبه بس اتقفل
شهد:ف في ايه
هو طارق قام وكان بيكسر في كل حاجه في الاوضه وبيعيط على اخره
شهد:في ايه
طارق:انا وهى سبنا بعض خلاص
شهد:ده كله عشان كده انا هجوزك ست الستات
طارق:مش عايز غيرها انا عمرى ما هتجوز بس اللى مجننى انها ازاى بعد ما عرفت كل حاجه مش زعلانه منهم
محمود:يابنى اكيد حكولها حاجه تانيه
طارق:اكيد طب سبونى سبونى
شهد:خلينى انا معاك
طارق:لاء عايز اكون لوحدى
شهد:مش هضغط عليك يلا نطلع وطلعوا
طارق قعد على السرير وكان مخنوق
عند اسراء
عمر طلع وراها
عمر:انتى سبتى طارق بجد
اسراء:عمر متجبليش سيرته
عمر:انا مش مصدق
اسراء:والله يا عمر خلاص واقفل بقا على الموضوع ولو سمحت مش عايزه اتكلم في حاجه خساره اننا نتكلم عليهم اصلا
عمر:انتى كويسه
اسراء:ايوه انا هغير وانام
عمر:تمام ماشى سلام
اسراء:سلام
هى فضلت تعيط لحد لما نامت
(وعدى شهر كامل وهما بعاد عن بعض مش بيتكلموا خالص ولا شافوا بعض من اخر مره بس طارق كان بيتفرج على صورها ليل ونهار ومش نسيها ابدا وهى كانت بتحاول تنساه ومتفكرش فيه بس مش عارفه)
في يوم اشرف كان مع طارق وندى راحتله
ندى:ازيك يا طارق
طارق:انتى شايفه حالتى
هى مهتمتش
ندى:اشرف قول لامك انى مش هاجلها النهارده خليها تأجل العزومه
اشرف:احسن والله بس ليه
ندى:النهارده قرايه فاتحه اخوات اسراء
طارق:عمر واحمد مع بعض ؟
ندى:ايوه طنط وانكل لقوا بنتين اخوات حلوين وهما عارفينهم قالوا يجوزوهم عشان عمر يبطل شقاوه بقا وعشان يستقر وكمان عشان احمد
طارق:و اسراء
ندى:مالها اسراء ..اسراء مبسوطه جدا ملكش دعوه أنت بس بيها
طارق:ندى اسكتي
ندى:طارق اسراء بدأت تشوف حياتها سيبها في حالها
طارق:وأنا سايبها وبعيد اهو
ندى:ايوه ده الصح يلا انا ماشيه
اشرف:ماشى سلام
هى مشيت
طارق بص لاشرف
طارق:هى شافت حياتها فعلا
اشرف:ايوه يا طارق وحلوه ومبسوطه
طارق: ازاى وانا بعيد عنها
اشرف:افتكر كده هتلاقى نفسك انت اللى تخليت عنها مش هى
طارق:اشرف اهلها وحشين اوى ووجعوا اهلى كتير
اشرف:وانت عرفت منين
طارق:ماما حكتلى كل حاجه
اشرف:طب ما اسراء كمان اهلها حكولها كل حاجه وكل واحد اقتنع بكلام اهله
طارق:بس الحقيقه فعلا ان ماما كانت بنت خاله ابوها ومامتها خطفته منها
اشرف:مفيش راجل بيتخطف يا طارق على العموم خلاص اقفل الموضوع ده
طارق سكت وبالليل شاف استورى ندى
وهى منزله صور قرايه الفاتحه
واسراء متصوره بين اخواتها ومع العروستين وصوره عائليه طارق كان بيكبر في صور اسراء
في يوم اسراء كانت في النادى وكانت بتجرى وحاطه اير بودز في ودنها
طارق شافها وقعد يبصلها وهى بتجرى ومركز معاها هى وحشاه اوى
هو راح يجرى
وكان بيجري جنبها
طارق:عامله ايه
هي مردتش لانها مش سامعه
هو لوح بإيده عند وشها
طارق:أنتي مش سامعاني ولا ايه
هي بصتله ومهتمتش وكملت جري
طارق راحلها تاني
المره دي وقفها
اسراء:خير
طارق بصلها وبس كان شكلها حلو اووي
اسراء:لو سمحت
طارق:ن نعم
اسراء:سيب دراعي
طارق:حاضر وابتسم
هي مهتمتش وكملت جري
اشرف راحله
اشرف:تعالى يا طارق وسيبها
طارق بصله وهي بتجري وراح معاه
اسراء كان جواها بيغلي من طارق بس مهتمتش لأمره خالص لإنه جرحها
بعد ٣ ايام كانت ندى و اسراء في مطعم
عند طارق واشرف
اشرف:مالك
طارق:اسراء وحشتني اووي
اشرف:مش أنت اللي سيبتها
طارق:أهلها مش كويسين خالص وأزوا ماما وبابا جامد
اشرف:اهل اسراء؟دول مفيش احسن منهم اكيد كانوا بيحوروا عليك
طارق:خلاص يا اشرف قفل على الموضوع
اشرف:وأنت خلاص متقولش اسراء وحشتك
طارق سكت
بعد شويه
اشرف:أنا اروح لندى عايزاني
طارق:اسراء معاها
اشرف:معرفش وبصله لإنه صعبان عليه...طالما بتحبها كدا ليه بتعذب نفسك
طارق خاد نفس وبص للسما
طارق:مش قادر اعيش وحشتنى اوى
اشرف: استغفر الله طب قوم معايا قوم اشوف ندى عايزه ايه
هما راحوا وراحوا المطعم وطارق شاف اسراء من ضهرها فضل بصصلها كتير
اسراء كانت بتضحك مع ندى
اشرف:دي هنا بقولك خليك هنا أحسن وأنا هشوف ندى عايزه ايه وآجي
طارق:ماشي
ندى كانت شايفه طارق لكن اسراء مش شايفاه لانها بضهرها
اشرف راحلهم
اشرف:ازيكوا يا صبايا..الله الله الله ايه القمر ده يا سوسو
اسراء ابتسمت:شكرا .
ندى:وأنا وبصتله بعصبية
اشرف:حلوه برده يا ندى ايه القمر ده
هي ضحكت :ميرسي يا حبيبي
اشرف:خير
ندى:هات فلوس
اشرف:ليه
ندى:كدا وخلاص
اشرف:اووف يا بنتي أنا مش جوزك لسه لا حول الله
ندى:أنا مسؤله منك على فكره أنت خطيبي
اشرف:اووف منك عايزه كام
ندى:الف .
اشرف:ليه يا اختي
ندى:مكلش دعوه يلا
هو نفخ وادها
اشرف راح لطارق لقاه قاعد على ترابيزة.
اشرف:خير يلا نمشى
طارق:نقعد هنا هي وحشاني اووي معلش
اشرف:حاضر وقعد ..بس على فكره لو شافتك هتضايق
طارق:مش هتشوفني.. يكفى إني اتفرج عليها بس
كان المطعم مشغل اغنيه لعبد الحليم "كان يوم حبك اجمل صدفه"
كان في شاب نظره على اسراء طول الوقت وطارق لاحظ
الشاب قام وراحلها
الشاب:ممكن نرقص
اسراء بصتله:مش برقص
الشاب:تعالي بس ومسك ايديها
طارق شاف ده فقام بسرعه وراحله بعده عن اسراء وضربه مره واحده
طارق:اياك تقرب منها أنت فاهم
الشاب:وأنت مين يا جدع وضربه
طارق:أنا خطيبها واللي يمس بس حاجه منها اقتله وضربه
فضلوا يضربوا في بعض و اسراء مضايقه وبتحاول تسلك والناس بتسلك
لحد أما بلغوا الشرطه لان المحل كان اتكسر تقريبا
خدوا طارق والولد طبعا اشرف خد عربيه طارق وراح وراهم
اسراء:ت تعالى نروح وراهم
ندى:انتى مجنونه نروح ليه
اسراء:هطلعه يا ندى ده دخل بسببى يلا وراحوا بسرعه بالتاكسى
هما وصلوا وكانوا قاعدين في الطرقه مستنين يدخلوا للضابط واشرف كان مع طارق
اسراء دخلت القسم وطارق شافها
طارق:أنتي كويسه
اسراء:عجبك اللي احنا فيه دلوقتي أنا قولتلك تدخل
طارق:أنا محدش يجي يمك
اسراء:وأنت مالك ها أنت مالك
طارق:انتى دخلتى القسم ليه روحى روحى يلا
اسراء:اسكت يا طارق
طارق:انا خايف عليكى خديها يا ندى
اسراء:اسكت شويه بقا
طارق بصلها وسكت
ندى: منك لله
طارق:ندى اسكتي
ندى:أسكت ليه ها مش أنت السبب
اشرف:خلاص يا ندى
العسكري:ادخلوا انتوا بيقول لطارق والولد
هما دخلوا
الضابط:ايه يا شباب عملينلى فيها فتوات
الولد(خالد):يا فندم انا خالد فؤاد المصرى
الضابط:مباخدش بوسايط انا شوفت بطاقتك على فكره وشوفت بطاقته هو كمان ابن محمود العدلى على عينى وراسى بس انتوا كسرتوا المحل للناس
طارق:هو كان بيضايق حبيبتى
الضابط:حبيبتك دى بنت سافله ايا كانت هى مين اللى تخلى شابين يتخانقوا عليها دى
طارق:انت مجنون ولا ايه احترم نفسك يلا انت عارف انا ممكن اعمل فيك ايه
الضابط:ولا اتكلم عدل انا ممكن اوديك في ٦٠ داهيه
هى اسراء كانت سامعه خبطت ودخلت
الضابط بصلها
الضابط:انتى مين
اسراء مدت بطاقتها
الضابط:اسراء طارق المنشاوى ومد ايده ليها
اسراء:اهلا بحضرتك
الضابط:اتفضلى اقعدى
اسراء:ميرسى وقعدت
الضابط:محتاجه اخلصلك حاجه
اسراء:حضرتك انا البنت السفله اللى كنت بتتكلم عليها دلوقتى
الضابط:يا خبر ابيض انا اسف مكنتش اعرف
اسراء:حضرتك انا كنت مع صاحبتى في المطعم من بدرى وصاحبتى مخطوبه لصاحب طارق وطارق جه مع اشرف صاحبه يوصله لان ندى اللى هى صاحبتى محتاجاه وجم المطعم واشرف وطارق خلاص كانوا ماشيين جيه البنى ادم ده وطلب انى ارقص معاه ولما رفضت ضايقنى وشدنى بالقوه طارق تدخل بقا بس ده يعنى اللى تمادى اوى
الضابط:انا اسف بجد انا مكنتش اعرف
اسراء:لاء مفيش حاجه ممكن بس طارق يخرج
الضابط:اكيد ماشى مع ان والله شتمنى بس عشانك وعشان والدك
اسراء:ميرسى جدا لحضرتك
هى طلعت وطارق طلع بعدها
مشي ورا اسراء
اسراء كانت بتوقف تاكسي
طارق :ممكن اوصلك
اسراء:لاء شكرا ووقفت تاكسي ومشيت وكانت مخشبه وشها قدامه ومش مهتميه بالجروح اللي في وشه كان قبل كدا لو اتجرح جرح صغير بتتجنن دلوقتي عادي جدا
رجعت البيت وقالت لعمر
عمر بصلها :دا بيحبك ..بس ليه عمل كدا
اسراء:مش فارق معايا
عمر:مش مهم يلا تصبحي على خير
اسراء:وأنت من اهله
هو مشي و اسراء قعدت تفتكر في طارق وعيطت لانها بتحبه برده مهما عمل وهي مجروحه منه
طارق مردتش البيت وكان برا عند بيت اسراء بس في العربيه وبيتفرج على البيت وخصوصا بالكونه اسراء
طارق على الساعه ٩ كدا نزل من العربيه وراح البيت
الحرس شافوه
الحارس:ممنوع تدخل
طارق:أنا عايز اشوف اسراء
الحارس:ممنوع امشي احسنلك
طارق:وأنا مش ماشي من هنا الا لما اشوفها
الحارس مشي رن على طارق
طارق:متدخلهوش وقفل
اسراء(الام ): مين اللي متدخلهوش
طارق(الاب):طارق.
اسراء(الام) سكتت
طارق ( الابن) مشي
بعد اسبوع كان عيد ميلاد طارق (الابن)
جه عيد ميلاد طارق اللى متعود جول الوقت بيحتفل بيه مع اسراء
اشرف خده وراحوا للمكان اللى حجزوه
طارق:احنا رايحين فين بس
اشرف:ياعم ادخل بس
طارق دخل ولقى امه وابوه واخته وصحابه وقرايبه
الكل:كل سنه وانت طيب يا طارق
طارق:وانتوا طيبين
شهد:تعالى يا روحى وشدته
طارق كان واقف زهقان وعينيه بتدور على اسراء كان نفسه اوى تكون موجوده الكل عمال يكلمه ويضحكوا فيه وهو ساكت وبيفتكر اسراء وكان مضايق اوى وراح قعد
اشرف:تعالى يابنى نهيص وناكل
طارق:لاء مش عايز اسراء مقلتلكش تقولى حاجه
اشرف:لاء يا طارق انسى بقا
طارق:انسى ايه بس وقام مشى
شهد:انت رايح فين
طارق مردش
اشرف:سبيه يا طنط
شهد:هو ماله
اشرف:ملوش
عند اسراء هى كانت زعلانه اوى وطارق واحشها خالص وطلعت وقفت في البالكونه
عند طارق ركب العربيه ومشى راح تحت بيت اسراء وشافها وهى في البالكونه
طارق:اسراااء
هى بصتله هى كانت عنيها كلها دموع وهو عنيه مليانه دموع وبيبصلها برجاء
طارق:اسف قالها وهو بيعيط
هى كانت بصاله هى كمان وبتعيط
ودخلت وقفلت البالكونه
طارق:يا اسراء سامحينى قالها بصوت عالى
اهلها سمعوه
طارق الاب:انا هموته وراح يجيب المسدس
عمر:بابا خلاص انا هطلعله وطلعله جرى
طارق بصله
طارق:ارجوك يا عمر قول لاسراء تسامحنى والله هعمل اى حاجه عشانها
عمر:طارق لو بتحبها امشى عشان كده هتعملها مشاكل الكلام مش هنا
طارق:طب اكلمها امتى بس ما هى مش بترد عليا
عمر:انتوا حفله التخرج بتاعتكوا الخميش الجاى كلها ٣ ايام استنى بس نعديها على خير وانا هكلمها
طارق:ماشى بس قولها انى بحبها يا عمر ومتخلهاش تنسى اللى بينا
عمر:حاضر يلا امشى بقا
طارق بص على اوضتها وبعدها مشى
وكان مش بيخرج خالص واسراء كمان والاتنين مكتئبين
جه يوم التخرج طارق اتشيك عشان هيشوف اسراء بس كان نفسه يحضروه وهما مع بعض
واسراء برده اتشيكت خالص وكانت قمر
وراحوا مع اهاليهم
طارق شاف اسراء
طارق:تبارك الله ربنا يحفظك يا حبيبتى وبصلها بابتسامه
هى شافته وضيرت وشها وغمضت عنيها عشان دموعها متنزلش
اسراء:اقعدوا هنا بقا وانا هروح لاصحابي
اسراء الام:ماشى يا روحى
اسراء وطارق راحوا وقفوا مع صحابهم وطارق كان كل عينه على اسراء ومش مركز مع حد غيرها
ندى:اسراء تعالى معايا الحمام
اسراء:تمام يلا هما راحوا
ندى دخلت الحمام واسراء كانت واقفه قدام المرايا شافت طارق وراها اضيرت
اسراء:ط طارق انت ازاى تدخل هنا
طارق شدها من ايديها وحضنها جامد عشان متفلتش منه
طارق:اول مره اتنفس من لما سبنا بعض يا اسراء شكلك حلو اوى زى ما كنتى عايزه بس انتى مش مبسوطه لو قدرتى تخبي عن كل الدنيا متقدريش تخبي عليا مشاعرك
اسراء: اوعى يا طارق من فضلك وكانت بتزقه
ندى طلعت وشافته
ندى زقته
ندى:هو انت ايه بقا ارحم نفسك شويه
طارق:بس يا به وانتى يا اسراء هاخدك والله وباس خدها وطلع
اسراء: مجنون وابتسمت
ندى:الله الله بتضحكى
اسراء:عادى
طارق بصلها وشاف انها بتضحك فابستم ومشى وطلع وكان مستنيها تطلع
كانت اسراء الام عنيها عليه ومركزه قد ايه هو بيبص على اسراء
ومهتم بيها وهما قاعدين جه واحد صاحب اسراء وراح لاهلها طارق شاف ان في واحد راح لاهلها فرح قعد على كرسى قريب منهم
ادهم:السلام عليكم ازيك يا انكل
طارق:اهلا
ادهم:انكل انا صاحب اسراء وبصراحه كده انا طالب ايديها
طارق بص لاسراء
طارق:بس هى مش بتفكر في ده دلوقتى
ادهم:حضرتك بس ممكن تتكلم معاها وتفكر في الموضوع
طارق:خلاص بعد الحفله يحلها الحلال
ادهم:تمام بعد ازنك ومشى
طارق الصغير كان عنيه بطلع نار وراح لادهم
طارق:اللى يبص لحاجه بتاعتى بس ادفنه وضربه
ادهم هو كمان ضربه اسراء كانت مستغربه ومرعوبه على طارق هو الكل اتلم  عليهم
ادهم مسك كوبايه ازاز وحدفها على طارق
اسراء:طاااارق

وبس كدا