————
"أ.أمين.."
دور وجهو شوية لعندي وشافيا بنص عين
امين:"?yes"
كيفاش دابا انقوليه يلاه نجيبو سقاطة!! بقيت تاتخمم وصافي قررت نسكت
"لا صافي والو والو"
رجع عينيه لقدام وضحك تاني،واش انا تانضحك؟؟سكتت وهزيت تيلي درت راسي تاندير فيه شي حاجة ايما هار تانخربق وتاندخل لتصاور ونخرج
شوية حسيت بطونوبيل وقفات هزيت عينيا لقيت سوبر مارشي كبير وضرب طنن فراسي
تزنقت وضرت عند امين تانشوفيه حتى هبط،شير ليا باش نهبط تانا,هبطت وقررت نسكت صافي لي طرا طرا
ولكننن تخيل معايا الشخص لي تاتحشم منو يعرف بلي راك تتحشم منووو؟؟
"الله ياخد فيك لحق أ لؤي"
تنهدت وتبعتو للداخل وهو مشا ياخد السقاطة حيت عارفني ايلا خديت انا اناخد 3 شيبسات ديال ستين ريال ونزيد فحالاتي
مشيت فين تايخلصو وبان ليا العشق ديالي ،الكوجاك هزيت باكية صغيرة وخلصتها وخبيتها فجيبي وتانتسنا امين يجي
جا وجاب معاه سلة عاااامرة بسقاطة وذاكشي لغالي،باش عرفتهم غاليين؟غار من شكل ديالهم مزلوط فحالي راه ضروري مايفرق بين لعادي ولغالي
وقف وحط سلة فين تايخلصو وهز تيليفونو باش يخلص منو،وانا واقف حداه وعاد تما حسيت بفرق الطول بيناتنا،هو كان طويل وباينة عليه تايتريني ومداير تاتو فلور ديال يديه ليسرية وشعرو كان قهوي وعينيه عسليين
خلص وهز ساشيات وخرجنا وحطهم فاللور وركبنا وصلنا للحي ديالهم،هو تحشم تقول عليه حي الصراحة عامر بالفييلات والاراضي لخضراء حيت كل فيلا ولجردة ديالها وذاكشي المهم مانعاودش ليكم حسيت براسي ماشي فالمغريب حسيتني ف morocco!
وقفنا قدام فيلتهم هبط هو لول سبقني وانا دغيا حليت لساشي دالكوجاك وحطيت ليه وحدة ورجعت لباكية لجيبي وهبطت عندو وهزيت معاه لساشيات وتمينا داخلين لدار هو حط لساشيات حدا لباب ورجع باش يدخل الطوموبيل وانا بقيت هازهم تاجات خالتي نبيلة هزات الساشيات وسلمت عليها وضحكات ليا
نبيلة:"مرحبا بيك اولدي اش هاذ لغبور شحال هاذي مابقيناش شفناك تتجي عند سي لؤي"
