انا ماتحركتش وبقيت مصدوم،مصدوم من هاذشي لي وقع ليوم كامل ومن نظرات امين ليا فاش دخل
بقيت هكذاك حتى خباني لؤي بمانطة وجا قدامي وبدا تايغوت على امين
"والبيدوفيلي والخراي واش انا ماعنديش حق الخصوصية فهاد داررر وااا جمع عينيك و خرج تقود عليااا"
نظرات امين توجهو للؤي وباينة تعصب ولكن قرر يسكت ويخرج بلا صداع وحيت وعا براسو كيفاش كان تايشوف فنجم
سد لباب وطلقنا تنهيدة جماعية ومنير خرج من تحت لمانطة وتغطى بيها وتايتنخصص
منير:"ا..انا انا اخر مرة نخرج معاكم صايي"
شافينا وقوس حجبانو رجع نعس فوق لناموسية وتغطا كولو وحنا ضحكنا عليه وستطلفناه وطلعنا لعندو وكل واحد جاه من جنب وحيدنا لمانطة من على راسو
"صافي اخر مرة نتبعو هضرة لؤي الحمار ولكن نوض بدل حوايجك عاد رجع تنعس"
منير"علاه بقى فيا لي ينوض ويبدللل،رجليا فشلو علياااا"
لؤي:"تفو كله بسباب خويا لحمار كنت عاد طالع عندكم باش نشطو بتلاتة ونعاود ليكم"
لؤي تفكر خالد والبوسة نتاع اليد وتزنق وهبط عينيه ونا شفت فيه وهزيت حاجبي وانا مستغرب حيت اويلي شكون هذا واش لؤي؟؟
"خاصك تعاود لينا دابا ماسوقيش شدني لفضول"
لؤي:"خليها تالغدا حسن دابا حواني نعاس وشوف تا منير طاح فالحلمة سابعة دابا"
شفت فمنير ولقيتو معنق لمانطة وناعس ولكن بسيف مايطيح دغيا للنعاس راه ليوم عيينا بزاف تقول كنا تانجاهدو فالاقصى
بست منير فؤق جبهتو ولؤي فخدو وصاي كل واحد شد بلاصتو وانا بقيت تانحاول نتفكر اش طرا ليا فالكوزينة دالفيلا حيت تفكرت يد فيها قطرات دالدم حتى داني نعاس
