نجم قرب لأدم بخطوات بطيئة ووقف حداه وشوية وهو يسولو :"hey,are you okay?"
ادم هز عينيه مورا ماسمع ذاك الصوت الهادئ ،حل عينيه وهزهم لفوق بشوية وواخا ماكان تايبان ليه والو ذيك ساعة حيت كان ماشي فهاذ لعالم وضارب المسكرات بأنواعها قدر انه يميز وجهه شوية وبقى تايشوف فيه بلا مايجاوبو
عينيه كانو حمرين وناعسين شوية وكان تايشوف فنجم بخمول ومحيدش عينيه عليه ،نجم مورا مسمعش جواب من عند لاخر هبط عندو وستغرب من عينيه لحمرين وبقى تايشوف فيهم
Najem pov:
سولتو واش بيخير ولكن طلع راسو وبقى تايشوف فيا ومعرفتش اش ندير ولكن مني ركزت فيه لقيت عينيه حمرين ،واش كان تايبكي!؟
هبطت لعندو وبقيت تانتأمل فملامحو لمدة ولكن ستوعبت راسي اش كنت تاندير وبعدت شوية وعاودت سولتو
"Are you crying?"
تسنيتو يجاوب ولكن عاوتاني تجاهل سؤالي وبقى غار تايشوف فيا ومحيدش عينيه عليا من غير لابغا يرمش،حسيت براسي غرقت فعينيه وبحالا تانبان ليه غار انا
ولكن حزنت على الحالة لي هو فيها،حتى لاكنتي معرفتش شكون نهار توصل ليك لعضم غاتبكي غاتبكي،بقى فيا مسكين عينيه حمرين من لبكا ومخبي ورا الڤيلا باش تاحد ميشوفو!!
(نجم كان فاهم كلشي غلط😭)
فكرت فكيفاش نعاونو،ولكن معرفتش اش نقول ولا شندير وفكرت فأكثر حاجة عريزة عليا وتتبدل ليا لمود،هزيت من جيبي كوجاكا وبقيت تانفكر تاني فكيفاش نعطيها ليه؟هو غار مني سولتو ماجاوبنيش بقا غار لابيت نعطيه شي حاجة،
كنت غارق وسط تفكيري وهاز لكوجاكة وشوية وحسيت بيد جاية ناحية وجهي بشوية،كانت يد ادم ولكن ماقاسش وجهي ولكن حسيت بحالا جاه لفضول مني؟ شديت فيديه وحطيت ليه الكوجاكا فيها وسديتها ليه وربتت على يديه،
"Everything will be fine "
نضت وقفت وقبل مانمشي شفت فيه شوية وزدت
فحالاتي لجردة،حيت شكون انا باش نقلس حداه ونواسيه ولا شي حاجة؟،ونخاف على راسي لايهيج عليا وينوض يضربني!
مشيت جهة طبلة نهز شي حاجة نشربها،ولكن كانو كلهم مسكرات ،هزيت كاس وبقيت تانشوفيه ونقول نشرب ولالا؟،حتى من منير تايشرب ولؤي مندويوش عليه هو تلقاه دابا سكراننن،سو اشنو لي غايمنعني دابا؟ ولحرام دايرو دايرو مني جيت لهنا اش غايزيدني ولا ينقصني،ضايعين ضايعين
هزيت لكاس وشربت جغمة وكانت مرة بزاففف،وزدت جغمة اوخرا حيت قلت زعما انولف ولكن كان مر مر مقدرتش وحطيت لكاس،حطيتو فوق طبلة ولكن معرفتش علاش تهرس؟ بديت تانحك فعينيا ولقيت دنيا تتبان ليا شوية مقلوبة،ماديتهاش فوالو من غير المذاق لي ففمي وقلبت فجيبي على كوجاكة باش نحلي بيها ولكن مالقيتهاش!!
