جمعنا القدر

06

 الحلقة 06:
     تفكرت أحلامي الوردية تاع نتخطب ونعلق خاتم وندير هدايا لعجوزتي وكفاه ندخل بسينية وكفاه تمنيت نلبس وكفاه خططت  لفترة الخطوبة تاعي يعني كفاه نفوتها  وبزاااااف سيناريوهات ، انا بين هذوك الافكار حتى نسمع صوت وليدي الي مولدتو شغل حس بيا نهار بدلتلو كي كان مبلل بالمطر وانا نسكت فيه ، وقف فالباب قالي ليلي (ميكملش ليليا مزال ميهدرش مليح) هزيت راسي نلقاه واقف هاز ساشية و يما موراه جا يجري دخل في حضني حسيت احساس غريييب بزاف شغل حبيتو ولا انا كنت نسحق هذاك الحضن الدافي وين نبكي محسيت على روحي حتى طرطقت بالبكا وهو يمسحلي ويقولي وليتي ماما  تحضنتو وقتلو نتا وليدي تحضني ويبوس فيا ياربي هاذ طفل حنين بزاااف مستحيل مايتحبش ، عينيه بنية وشعرو بني مربيه هابط على عينيه بشرتو بيضا وملامحو بزاف شابين وكيوت ، مدلي ساشي _هاكي  بعتهالك بابا حكمتها عليه وهو ناض  يلعب مع ولاد خويا ( ولاد خويا يجبهم خويا صباح ويديهم العشيا خاطر امهم تخدم مهندسة وانا تقريبا الي ربيتهم شغل ديت خبرة منهم ) حليت الساشي لقيت فيهم تلفون ودراهم هزيت تلفون  لقيتو ماشي جديد والدراهم فيهم ورقة مكتوب فيها المهر محسبتهمش حكمت التلفون ورجعت الدراهم  عيطت ل انيس _ هاك رجهم لباباك جيت راح نوصيه واش يقلو  حتى تفكرت تلفون سور يكون بعثولي  باه يقولي حاجة شوية هكذا بدا يفيبري تلفون هزيتو سكرت الباب وزدت لتيلي و انيس وولاد خويا مديتلهم تلفوني غير يحكموه مانسمعش صوتهم ، هزيت عليه بصح مقدرتش نهدر شوية ويقول السلام عليكم جاي صوتو خشين و رجولي ،مقدرتش نهدر حاجة خنقتني  احبالي الصوتية حسيتهم تقطعو الرجفة مشات في جسمي عاودلي الووو السلام عليكم رديت وعليكم السلام قالي ديراكت نهدرو قليل ونفهمو بزاف ، بقيت ساكتة  غير نسمع واش يقول من شخصيتي منهدرش بزاف والاساءة نردها حسنة والمهاوشة نسكت في وجه الي يهاوش معايا طبعي هادية بزاف بدا يهدر _سبحان الله لحكاية هذي قضاء وقدر  قبل يامات مستحيل كنت نخمم نعاود نتزوح فالمدة هذي سيرتو مين  زواجي الاول من بدايتو  فاشل وكان اسوء شيء صرا معايا كنت نخمم يا نطلق يا نهجر بصح ربي شاء ودا امانتو ، تهند ممبعد قالي يجي نهار وتعرفي الحكاية شوفي ضكا راني مشتت بزااااف وراني ضايع  مذابيا نعجلو فالعرس وتجي على الاقل نتكل عليك من جهة ولادي  انيس صباح يترمى فالحضانة والصغير راه عند عمتو مؤقتا خاطر راهي في حالة حتى هي وراجلها ميخدمش قبل بوليدي يقعد ثما غير علاجال دراهم الي زعما تشريهم كوش وكامل يديهم واحد سكرجي المهم مزال الوقت لهاذ الهدرة بصح قوليلي علاه ساكتة اهدري نسمع صوتك ، ماقدرتش نهدر ومنطقتش بحتى حرف اصلا وين عندي الحق ننهدر خلاص طفرت ، تنهد وقالي ان شاء الله ربي يقدرلنا الخير بسلامة جا راح يكوبي قلتلو راني رجعتلك دراهم المهر ...