أنقذني من نيرانه
صباح الساعه9.30 البصره
يسر: طلعت لكيت جنات تحضر بل ريوك وغسان كاعد يمها
ـ صباح الخير
ـ صباح النور
غسان: تعاي ام الوصخ شلونج شخبارج حبيبتي صار شكد ما شايفج
يسر: ليش نجذب مو البارحه شفتني
غسان: ايي اني لو ساعه ما شفتج بعتبار يوم كامل
يسر: ويي والله اموت عليك
غسان: هههه واني هم اخيتي الصغيره صغيرونه البيت انتي
يسر: لا وين صغيره تره اني جبيره
غسان: جبيره يسور جبيره
جنات: واني اتفق
يسر: هساة على اساس انتي الجبيره
جنات: ايي جبيره 18 بسن القانوني يعني اكدر اتحمل مسوليتي انتي ما تكدرين
يسر: نجبي بعد سنه واصير بكدج
غسان: هههههه شلون رهمتيها
جنات: من تصيرين 18 اني اصير 19
يسر: ايييي هسا ليش انتي اكبر مني اهوه
غسان: شنسوي بعد الحمدلله على كل حال
جنات: يله تعاي اكلي
تريگنا وخلصنا
غسان طلع يم عمو واني وجنات سوينا غداء مرگه فاصوليا كملنا صارت الساعه بل وحده يله اجا اسد
اسد الله: السلام عليك
الكل: وعليكم السلام
ام اسد: روح يمه اسبح وتعال خل نتغده
اسد: ايي هسا.
راح صعد شويه ونزل صبينا واكلنا جنات كامت تغسل بل مواعين واني اخذت الجاي صبيت وزعت على الكل من وصلت يم اسد همس
اسد: اطيب جاي اشربه بحياتي
يسر: بل عافيه.
شربو وكلمن راح لغرفته يرتاح گاعده اكلب بل تليفون اجت رساله من جمانا
ـ هلو
ـ هلوات شلونج
ـ تمام وانتي
ـ الحمدلله
ـ ما ناويه ترجعين لبغداد
ـ يسر وين ارجع انتي صدك تحجين
ـ مو خالتج هناه
ـ واذا تعودت بعد على بيت اسد الله ما اكدر اعوفهم وهمه هم ما يخلوني
ـ شسمه
ـ اسد الله
ـ اويلي يابه
ـ شبيج
ـ هم هيبه هم حلو هم اسمه اسد الله
ـ ايي واذا
ـ شنو واذا اكلج ما تخطبيني له
ـ خاب نجبي
ـ شبيج جنج غرتي
ـ لا عليمن اغار
ـ ممم ما ادري انتي شتكولين
ـ ما اكول شي عوفي الرجال بحاله
ـ عفته عفته لا تبجين
ـ اني ابجي
ـ لا اني
ـ ايي شوكت تزوجين
ـ ما ازوج ضاله على گلبج
ـ هم حضي هههه
ـ ههههه
ـ عباس شوكت يزوج
ـ لمن انتي تحنين
ـ شنو
ـ لا هيج ما كو شي سلامتج
ضلينا نحجي بمواضيع عاديه الى العصر گاعدين كلنا
جنات: والله ضوجه
غسان: هسا ولا يهمج هسا اشدلج وصله واهز.
ضربه اسد على راسه
اسد: ضگل يول ضگل
غسان: اخخخ بويا شوفه
ابو اسد: حيل تستاهل
غسان: اشو الى ارگص.
كام شغل اغنيه وسحب شال عمتي لفه وكام يهز ليكول من هذني الراقصات وحنا ميتين ضحك عليه اجا سحبني اني وجنات جنات بس تصفك اني وياه تكابلنا وهز للكاع خلصت الغنيه وهوه صاح وذب الشال
غسان: شكد هوسه انتم يولي يسور ثگلي شويه .
صليت صافنه بوجهه هوه يحجي بجديه ضحك اسد
اسد: هههه مخبل لا تشيلين بالج منه
يسر: والله ولا صاحي
غسان: كافييييي دوختوني وانته سويد ثكل لا تضل خفيف
اسد: سويد منو؟
غسان: لا اكول يسور
اسد: عبالي
ابو اسد: انته والله ولى تصيرلك جاره تضل اعوح ومسربت
غسان: بويا شبيك ليش تكرهني اني مو بنك
اسد: ايي لگيناك بل شارع
غسان: وانته هم لكيناك بل شارع
اسد: لا اني اشبه ابوي انت ما تشبه واحد بينا لكيناك بل شارع
غسان: لا اني اشبه عمي
اسد: لا وين
ابو اسد: لا صدك يشبه ابو فهد
اسد: يابه جا اني ما ادري بس اررد اضحك عليه
غسان: جنات لكيناها بل شارع
جنات: لا اني اشبه امي فا ما كو داعي لجذبك.
صفن غسان على امه وجنات وصاح
غسان: ايييي والله نسخه من امج
ام اسد: لا يا طايح الحض شني امج
غسان: غير لكيتوني بل شارع بعد شكو
ام اسد: بس لا صدكت
غسان: ايي وگايم الم هدومي واروح ادور على اهلي
اسد: هههه الله وياك لو لكيتهم كلي
غسان: لا ما اكلك خاف تحسدهم
اسد: وليش احسدهم؟
غسان: لن اني حلو فا اكيد اهلي حلوين
يسر: حلو هوه جنه بزون اصفر
اسد: هههههههه والله جبتيها صح
حنات: هههه والله صدك انته اصفر
ابو اسد: ههههه
غسان: ام عيون تره اگوملج
يسر: هههه خوفتني والله
غسان: هاا ما تخافين
يسر: ايي.
كام كبل طفرت ورا اسد اجا علي
ـ مو ما تخافين
ـ ايي ما اخاف
ـ لعد طلعي
ـ ما
ـ جبانه
ـ خوش
ـ اكضج اكضج
ـ وخر من يمي
اسد: شحدك تدنالها
غسان: انت لا تدخل الغثيث
يسر: منو الغثيث اسد؟
غسان: ايي لعد منو.
باوعه لاسد وكلت
يسر: لا وين
غسان: نجبي ولا تضلين تتلوكين له
يسر: وعلى شنو والله بطران انته
اسد: مشي رجع لبكانك
جنات: اسودي حبيبي
اسد: ما طول بيها اسودج بيها مصلحه كولي كولي بدون مقدمات
جنات: طلهنا والله ضوجه
اسد: ممممم
يسر: ايي والله ضوجه عليك الله
اسد: تمام روحو بدلو متانيكم.
يسر: يس
غسان: اروح وياكم
جنات: ايي والله تصير الطلعه احله.
عدل ياخته وحجا بغرور
غسان: طبعن اني غسان مو ياهو الجان
رحت بدلت لبست جينز لون جوزي وبلوه لون اسود وحذاء (تكرمون) اسود رياضي وسويت شعري ضفيره فرنسيه مدري سبانيه بس حلوه وخليت ميكب خفيف بس حمره وايلاينر طلعت لكيتهم الولد مكملين بس جنات بعدها اسد لابس قميص زيتوني وبنطرون اسود وساعه سودا بس طالع فد شي اجتي جنات رحنا بسياره اسد وطول الطريق اغاني وضحك احب ونسه السياره اكثر مم الطلعه نزلنا يم شط العرب رحنا كعدنا جابو عصاير وحلويات وكعدنا ناكل الجواء فد شي اني بكل طلعه لازم اصور كلشي اصور كعدتنا بل سياره الطريه كلشي احب هل شي وموهوبه بيه
غسان: اويلي مال واحد يذب زروك
يسر: تعرف
غسان: بغرور اني غسان مو ياهو الجان
اسد: ستجن وليدي ستجن
يسر: يعني ما يعرف
اسد: لا يعرف
يسر: وانته
اسد: هم اعرف
يسر: علمني عليك الله
اسد: دللي بس مو هسا
يسر: ايي شوكت ما تريد
جنات: اكللكم
الكل: كولي
جنات: خل نطب لمطعم نتعشا
اسد: بيش الساعه هسا؟
جنات: بل 5.45
اسد: يله مشونا
رحنا نعشينا وفترينا شويه ورجعنا الى البيت رحت لغرفتي شويه وندك الباب
يسر: منو
ـ اني
رحت فتحت الباب صار بوجهي اسد بنفس ملابسه ما مبدل طب وسد الباب اجا حضني
يسر: اسد
اسد: عيونه
يسر: اسد بس شويه وخر.
وخر
اسد: ولج اريد اطببج بين ضلوعي
يسر: اسد انته ما تضحك عليا مو
اسد: اني اضحك عليج وسفه ايي والله .
راد يطلع لزمت يده
يسر: لا تزعل والله مو قصدي
اسد: ما زعلان تعبان اريد اروح انام
يسر: شبيك والله مو قصدي اسفه والله بعد ما اعيدها اوعدك
اسد: يسر اني عاشكج اموت عليج وانتي تكليلي تضحك عليا والله اموت عليج واذا تردين باجر اخطبج واعقد عليج
يسر: والله اني هم احبك بس والله هيج طلعت مني شفد فيديو بنيه واكو ولد تحبه طلع يضحك عليها
اسد: وانتي مشبهتني بهذولي الصگط
يسر: لا والله بس حبيت اختبرك
اسد: مممم
يسر: بسته بخده هوه ضل متفاجئ هسا زعلان لو لا
اسد: انعل ابو الزعل
يسر: شكد تحبني؟
اسد: بكد رحمه الله
يسر: اني اموت عليك
اسد: يولي طالعلج لسان
يسر: يله بعد ما اتغزل بيك
اسد: لا دخيلج
يسر: تحب بنات عمامك لو خوالك
اسد: ولا وحده
يسر: لا جاوب
اسد: والله ولا وحده
يسر: بيناتنا ختار
اسد: بنات عمامي شويه احسن نصهن زينات
يسر: هاا روح خل بنات عمامك يفيدنك روح.
ضل صافن بوجهي
اسد: صدك تحجين
يسر: ايي نحبهن مو اسد تحبهن
اسد: ولله ما احبهن وعلي ما احبهن بس كلت احسن
يسر: ياهو الحسن اني لو بنات كرايبك كلهن
اسد: وففف يرحلج فدوه بنات عشيرتي كلهن من صغيرتهن لجبيرتهن
يسر: تحبني اني لو بنات عمك؟
اسد: طبعنً انتي صدك تحجين
يسر: تسوه عمي وابن عمي وكل عشايرنا شلع انته بس كلي احبج اترس الكاضم شمع
اسد: اموت عليج عشگي الاول والخير ام جهالي انتي
يسر: اسد راح تكونلي سند
اسد: راح اكونلج ابو وزوج وحبيب وصديق وكلشي تردين اعوضج عن كلشي مريتي بيه وهاذا شاربي مو علي اذا ما خليتهم يتمنون عيشتج اموت عليج يا بت روحي انتي بنيتي المدلله انتي
يسر: والله ما اعرف شكول وشلون ارد
اسد: لا تگولين يكفيني وجودج يمي وبجانبي
يسر: انته من شوكت حبيتني
اسد: وففف شلعتي كلبي بنت الوادم من اول ما شفتج نعجبت بيج بس اتكدت من مشاعري من من رحنا الى النجف
يسر: اه من زمان
اسد: ايي وانتي
يسر: الصراحه اني ما جنت ادري احبك بس جنت اغار واذكر اول مره من بل مول والبنات تغزلن بيك
اسد: اه واني بوكتها صيحت عليج خرب بيومك كرار
يسر: ايي صيحت علي بوكتها وزعلتني
اسد: حتركت روحك كرار
يسر: منو كرار
اسد: صديقي بل شغل
يسر: وكلساع حاركه مو خطيه
اسد: لا مو خطيه واحد زمال
يسر: اكلك انته باجر مو تروح الى الشغل
اسد: ايي
يسر: تاخر الوكت ما تروح تنام
اسد: خل انام يمج
يسر: عزه كوم كوم
اسد: هههه
يسر: روح عليك الله هسا واحد يجي والله انفضح
اسد: شحده اليحجي يله تصبحين على خير.
باس راسد وراح
صباح الساعه بل 10
يسر : كعدت روتين مثل كل يوم مر سبوع بيوم اجو بيت عمه اسد بيت روج بيوم جمعه
گاعدين بل صاله وندك الباب كام غسان فتحه طبو عمته عندها روج ومالك ويوسف
ابو اسد: تفضلو هلا بيكم كل الهلا
ام مالك: زاد فضلك خويا هلا بيك
مالك: شلونك خالو
ابو اسد: هلا بيك خالي.
سلمو وكعدو روج بس طفر عود كيوت وكذا
روج: شلونك غسان
غسان: الحمدلله انتي شلونج
روج: الحمدلله اسودي شلونك
اسد: الحمدلله انتي شلونج
روج: الحمدلله بخير بشوفتكم
اسد: عساج دوم بخير.
يسر: اباوعلهم واحس شتعلت لا وهوه ياخذ وينطي وياها وعساج والله اني لك كامت گعدت بصفه على اساس بصف اخوها وهيه لازگه بيه وهوه ولا يتحرك اريده يباوعلي ماكو بس ملتهي يسولف وياست الحسن
اسد: يا صف صرتي
روج: ثالث
اسد: الثالث صعب شدي حيلج
روج: لا مو صعب علي
اسد: ترحين علمي لو ادبي
روج: علمي
اسد: تره صعب
روج: ايي اعرف بس الدبي ما بيه شي
اسد: ايي والله العلمي احسن
مالك: لا الدبي هم صعب تره
غسان: ايي والله
يسر: مالك انته شحتصير؟
مالك: محامي
يسر: حلو
مالك: وانتي
يسر: بعدني خامس علمي
مالك: شتردين تصيرين.
يسر: دكتوره
روج: هههه انتي
يسر: ايي اني منو كلج كلنا مثلج نعيد الصف مرتين
روج: تره بس صف الاول متوسط عدت
اسد: اه يعني انتي المفروض رابع
روج: ايي
ام مالك: بنيتي شطوره بس بل اول مواد جديده عليها هل ما عرفتهن
يسر: واضح
روج: شنو قصدج
يسر: سلامتج.
اسد: يله اني اكوم اجيبلكم عشاء لا تسوون
ام اسد: هاي هيه يمه
كمت صعد فوك شويه ونزل مبدل
روج: خل اروح وياك
اسد: بس…
روج: حباب حباب والله ضوجه
اسد: يله تعاي.
يسر: باوعلي صديت وجهي عنه ودي اكوم واكتلهم ثنينهم والله اني لك خل تفيدك بنت عمتك بعد راحو ضلو فوك الساعه ونص يله جوي اجوي هيه بيدها شعر بنات وهوه شايل العلاليك ويضحكون طبو اني بس شفت منضرهم كبل دمعت عيني وام اسد باوعت لم مالك وبتسمت وحده الى الثانيه عفتهم وصعدت فوك هوه شافني رحت ركض سديت الباب وخليت ضهري على الباب وكمت ابجي فوك النص ساعه ندك الباب جاني صوته
اسد: يسر فتحي الباب.
حجيت واني ابجي
يسر: روح لا والله اسوي شي بروحي روح كلتها وشهكت
اسد: يسر والله اختي روج والله
يسر: روحححححح
اسد: رايح رايح بس لا تبجين
يسر: مالك شغل روح لبنت عمتك سدي وياها سوالف خاف ضايجه
اسد: يطبها مرض والله بعد ولا احجي وياها بس فتحي الباب
يسر: بعد ايش بعد ايش حتا اهلك نتبهو عبالهم تحبها هسا خطبوها لك روح فرح وياهم روح
اسد: لا يخطبوها ولا شي انتي مريتي ماكو غيرج واحبج بس انتي
بجيت وكتل
يسر: اسد روح
اسد: رايح رايح بس لا تبجين والله فتيتي گلبي دموعج تيزاب على گلبي
يسر: لا تحجي هيج لا تحجي روح روح
اسد: راح ادز لج جنات
يسر: والله بس تجي اكتل روحي وما افتح الباب
اسد: لا تتخبلين دخيلج
ما رديت عليه ضل يتوسل افتح لحد ما ايس وراح ضليت الى العشاء صاحتني جنات
جنات: يسور شبيج مريضه؟
يسر: لا
جنات: تعاي تعشي
يسر: هسا كمت غسلت وجهي بس عيوني حمر صايرات غسلتهن بمي مارد ونزلت لكيتهم ينگلون بل اكل رحت نكلت وياهم كعدنا
غسان: شبيهن عيونج ولج.
هوه كال هيج وكل النصار علي صارت
يسر: حساسيه
غسان: من شوكت عندج حساسيه
يسر: من زمان
ام اسد: من شنو
يسر: من التراب
ابو اسد: حطيلهن قطره
يتبع
