اسد: عن قريب
فهد: ايي زوجنا وخلصنا منه بعد اخوه الصغر منه
غسان: لا ما اريد انا
سجاد: ليش ولك
غسان: اريد اضل عانز
فهد: ولك سنگل يكولون مو عانز
غسان: نفس الشي
فهد: لا اكو فرق
غسان: نجب ما كو فرق
سجاد: البنيه تعنز مو انته
غسان: سنغل مبسوط بحالي
لا محبوب ولا غالي
بلا حب وبلا بطيخ
وبحبك يا جوالي.
سجاد: هنيالك
غزل: احم احم
سجاد: خيرررر
غزل: سلامتك
سجاد: يبوههههه
اسد: وسموه
سجاد: يسمك.
كام اسد وهوه طفر
اسد: رجال شكبرك شكدك تخاف من مره يا حيف الشوارب البوجهك.
سجاد: ما اخاف انا + انته هسا بعدك بل بدايات بس خل يمر شهر والله تصير تتراجف منهاا.
اسد: تخسا.
سجاد: نشوف.
فهد: اني اذكرك عود مناه لشهر.
روج: انتم صدك تحجون براشدي واحد منه ينومها مستشفى.
اسد: تنكسر يدي لو بيوم فكرت اضربها .
رسل: تقنعني ما تضربها وهيه بهل عرامه.
اسد: عسل على گلبي عرامتها التحجين بيها وشاربي مو عليا لو ضربتها بيوم لو شفتو شاربي مزينه كولو ضربها اني حجيت هيج مو على مود اقنعج انتي منو واقنعج .
ابو فهد: والله وكفو منك هاذا الرجال مو اليطلع بطولاته على مرته هوه ليش الرجل اقوا من المره حتا يحميها مو يضربها.
اسد: تربيتك عمي.
غسان: بس اني اريد اتعارك ويا مرتي بس ما اريد اضربها بنفس الوقت .
اسد: مو ستوك تريد تضل سنكل مدري عانز.
غسان: بطلت اريد ازوج يمهههه.
ام اسد: هاا.
غسان: خطبيلي.
اسد: ازوج اني يله انته.
غسان: ليش.
اسد: احسن.
غسان: والله ما علي.
فهد: اني وياك سوه عوفه هاذا يريد الضواء بس عليه.
غسان: على عنادك سجاد اني وفهد سوه وانته عرست لحالك.
سجاد: عادي اخذ الثانيه.
ابو سجاد: تصم حلگك لو اجي اصمه بنفسي.
سجاد: سكتت سكتت.
ابو سجاد: غصبن عليك.
سجاد: بويا شبيك تره انا ابنك مو هيه.
ابو سجاد: عود خوش.
سجاد: هوه شنو العود خوش.
غسان: ما يحبك يحب مرتك والله خطيه والله اني لو ابوي يحب زوجتي المستقبليه الا اطلكه.
ابو اسد: طلك منو؟
غسان: شبيك بويا اقصد اطلك زوجتي.
ابو اسد: مو هيه بنت الناس لعبه بيدك اطلكها ما اطلكها.
غسان: بويا صدك تحجي تره انا جاي اشاقا شبيك.
ابو اسد: اعرفك تشاقا بس خاف تفكر حتا تعرف العواقب.
غسان: انا بعدني ما مزوج وتنطيني نصايح ما تحجي ويا اسد مو هل راح يعرس.
ابو اسد: هوه الحجي موجه الى الكل و اسد هم خاف عبالك ما عدها اهل وتلعب بكيفك لا يابه انا ابوها ولو صار شي اني وياها و وكف ضدك .
غسان: واني هم وحتا لو هيه الغلطانه .
اسد: لا يابه بعيوني هيه.
يسر: دمعت واني اسمع كلام عمو هوه شافني وضحك.
ابو اسد: تعاي بنيتي تعاي.
كمت له وحضني
ـ اني ابوج ولو ما كو ياخذ مكان الاب بس شاهد الله معزتج بمعزه سمر وجنات.
ـ والله انته عزيز عليا كلش
ضلينا كاعدين وسوالف وضحك النوب كلمن راح لغرفته رحت اني كبل نمت تعبانه بنص نومتي وحسيت اكو واحد سد الباب كمزت بسرعه شفت اسد يسد بل باب خليت يدي على گلبي
ـ شني هاي والله خوفتني.
ـ مشتاقججججج
گمزت سديت حلكه لن صرخ وخاف واحد يسمعه مخليه يدي على حلكه وهوه مبتسم ويباوعلي
ـ شبيك
ـ بيا انتي
حضني
ـ اسد
ـ اششش
ـ اسد بس شويه تعال خل نگعد.
كعدنا على السرير وهوه لازم يدي وكل ساعه يبوسها
ـ اموت عليج
ـ اني هم
ـ انتي شنو
ـ اموت عليك
ـ مممم شكد تحبيني
ـ بكد كرهي لعمامي
ـ ههههه هل گد تكرهينهم
ـ اموت منهم
ـ اعشگج يا نبض گلبي
ـ احب كلامك
ـ وانا احبج
ـ اسد كول اني لا تگول انا والله اني احلا من انا.
ـ متعود عليها
ـ بله كول اني
ـ اني
ـ كول انا
ـ انا
ـ والله اني احلا بهواي
ـ طبعن انتي احلا وحده
ـ ههههه
ـ ضحكي دوم احب اشوفج تضحكين
بتسمت خجلانه گرص خدي
ـ افدي الخجلان
ـ افديك بروحي
ـ فدوه اروح لروحج
ـ اكلك
ـ كولي
ـ انته هم عندك سوالف طايح حضها
ـ رحم الله والديج
ـ والديك ايي هسا كول
ـ لا
ـ احم احم
ـ ههههه والله ولا عندي يمكن بل مراهقه جان عندي بل تليفون بس هسا لا
ـ هاا يعني حاجي ويا بنات
ـ من جنت مراهق
دفعته وصديت وجهي عنه عود زعلانه
اجا صار گبالي صديت وجهي رجع من الجهه الثانيه هم صديت وجهي تالي مل ولزمني
ـ يابه شبيج اصلن بوكتها ماجنت اعرف انتي عايشه.
ـ يله وخر اني هم هسا مراهقه اسوي اليعجبني انته ما عليك
ـ احسن ما اطيح حظج.
برطمت بزعل
ـ خرب
ـ وخر
ـ لو يسوون مسابقه النكد انتي المرتبه الاولا وبجداره هم.
ـ ايي مو تريد تغير الموضوع.
ـ هسا المطلوب شنو؟
ـ لا تحجي وياي هيج.
ـ اسفين يابه شلون نراضي الحلو؟
بنسمت وكلت
ـ الصراحه هم حبيت وحده غيري؟
ـ ممممم
ـ هاااا.
ـ هههه لا ما حبيت انتي الولا والخيره.
ـ نشوف.
ـ ما ادري يمكن ازوج ثانيه يمكن.
خليت ديا على رگبته عود اخنكه.
ـ وحك علي بس تفكر تفكير اموتك قبل لا تنفذ .
ـ عنيفه.
ـ فكر بس وتشوف.
ـ ممم شو عاجبني اجربج.
ـ دلل عيني.
خنگته بس على كيف
ـ هاي مو كل قوتي هاذا بس درس.
ـ اسف سيدي بس حبيت تجربك.
ـ لا تعيدها ابني
ـ هههه حاضر
ـ اكلك والله انعس روح نام اريد انام.
شو هاذا راح ونسدح على الجربايه رحت وكفت گباله
ـ كوم
ـ ما
ـ شنو ما اسد
ـ والله ما اگوم اريد انام بحضنك حبيبي تعال.
كالها وسحبني نومني ضربته على صدره.
ـ كوم كوم.
ـ نجبي ونامي تعبان والله ترضينها.
ـ ايي ارضاها يله كوم.
سد حلگي وقمض عضيته ولا هتم وخر يده.
ـ ما تحجين واذا حجيتي ارجع أسد حلكج لحد ما تنامين.
ما حجيت نمت گعدت على دك الباب باوعت لاسد بعده نايم كلت بنعاس.
ـ منو؟
ـ اسد يمج؟
بدون وعي گلت.
ـ ايي.
ـ لا يا طايحه الحض.
كمت فتحت الباب صارت بوجهي عمتي باوعه على اسد ورجعت باوعتلي .
ـ والله وطلعتي مو هينه.
ـ عمه تردين شي؟
ـ عمه العماج لا اريد اسد گعديه.
ـ هسا.
ـ شنو هسا شو وخري.
كالتها وطبت الى الغرفه وكامت تصيه على اسد.
ـ اسددد اسددد.
ـ هممم.
ـ گعد لا يشوفك واحد.
ـ واذا؟
ـ شنو واذا.
ـ مرتي وبكيفي.
ـ كوم كوم.
ًـ ما اكوم وخل شيصير يصير طز.
ـ جاي اكوم كوممم.
ـ واني اكول ما اكوم.
يسر: عمه عوفيه اني هسا اكومه.
ـ انتي لا تدخليننن.
ـ يمههههه.
ـ وغمه.
ـ روحي شويه وجاي وراج.
ـ اريد احاجيك.
ـ هسا جاي وراج.
طلعت واني رحت كعدت يمه هوه مسدوح سحبني وباسني
ـ صباح الورد يا ورد
ـ صباح النور
ـ لو كل صباح مثل هل صباح بعد شريد من الله.
ـ لا تحجي هيج.
ـ ضلي فاهيه ولا وجه غزل.
كام عود ضايج راد يروح الى الحمام حضنته من وره.
ـ حبيبي زعلت؟
ـ لا.
ـ والله اخجل شبيك انته.
بنسم وصد عليا.
ـ واني احب من اخجلج.
ـ ملعون.
ـ ههههه.
ـ احب ضحكتك وممنوع تضحك ويا غيري.
ـ حاضر
ـ انته كدام الناس شنو؟
ـ الغثيث.
ـ وكدامي شنو.
ـ الطيف.
ـ ههههه افدي الطيف والغثيث.
ـ نجبي تفديني بس اني مو كل الطيفين ولا كل الغثيثين.
ـ حاضر سيدي.
ـ عفيد بوليدي.
راح الى الحمام غسل وطلع رحت سبحت وكملت وطلعت هستوني انزل من الدرج واحس واحد دفعني ………
.
.
.
.
يتبع
