﷽
.
.
.
ام مالك: شكوووو؟
اجو يركضون وبل كوه خلصوها مني ضلو يصيحون ما رديت طبيت وركعت الباب حيل ورحت نمت بفراس اسد وابجي .
شتريد اعددلك……
جم مره شابع بجي ……
ولو اشوفك اضحكلك……
الحراس تغفا گبل……
واني اسهر اكتبلك ……
تحلفني واني الجنت ……
بعيونك احلفلك……
المن اسولف حرت……
متعلم اني جنت بس انت اسولفلك ……
تذكرت لمن لبسنا الخواتم بكربلاء.
"ذكريات الماضي "
يسر كعدت الصبح اليوم نروح الى كربلاء المقدسة لبست فستان ابيض وحجاب هم لبست وجفوف لبس مثل مال العروس اسد شتراه لي وحذاء كعب ابيض رحنا كلنا وصلانا الا كربلاء كايد يدي والبتسامه شاكه حلكه هوه لابس دشداشه بيضا وجماغ لفه خليجيه الناس كلها تباوع علينا لن صدك منضرنا عروس وعريس زرنا وطلعنا لكيت اسد مشتري ورد شكد فرحت رحت نطانياه ورد احمر وابيض طبيعي
اسد الله: ولو مو بجمالج
بتسمت صرنا مقابيل الامام العباس (عليه السلام)
اجت جنات انطتنا الحلقات الناس ملتمه ويهوسون ويصفكون وكانو واحد من اهلهم لمن لبسني باس يدي اكو مره ضلت طش جكليت وتهلهل واكو ولد هم يهلهلون غسان ندمج وياهم ويهوس ويهلهل ال خلصنا اجا ولد ضل يهوس
الولد: اضهر يالمهدي بعرس الشيعه وبارك بي
اضهر يالمهدي بعرس الشيعه وبارك بي.
الكل ضل يهوس نفس الهوسه اسد تشكر منهم ورحنا نفتر بل سوك واهل اسد راحو هم يفترون بس لحالهم ضلينا نفتر شترالي كومه حلويات عبالك جاهل وكف يم محل العاب
اسد الله: تشترين لعابه؟
يسر: يا اسد شبيك.
اسد الله: هههه لا والله من صدك.
يسر: مشي مشي.
اسد: شنو هيه بكيفج شو تعاي.
سحبني الى المحل وشترا ثلاث لعابات وسياره مال اطفال .
يسر: لمن هذلي؟
اسد: العابات الج والا سمر و الا جنات والسياره لغسان.
يسر: هههه غسان هم ههههه.
اسد: ايي اني شما اروح متعود اشتري لهم ولحد هسا .
يسر: غسان هسا يلعب بيها لو شلون؟
اسد: لا يضمهن وهسا عنده هواي يكول انطيهم لجهالك لو لجهالي صدك مخبل ههههه.
يسر: ههههه حلو هيج وكانك ابوهم.
اسد: وابوج هم.
بتسمت ومشينا رحنا لهم نطاهم العابهم وهمه من كل عقلهم فرحو وغسان كام يبوس باسد واخذ السياره راد يخليها بجيبه بس جبيره رحنا الا مطعم اكلنا وطلعنا متوجهين الا الامام الكاظم( عليه السلام) رحنا زرنا وكبل اجرنا بفندق نفس هذيج المره بس هل مره سمر ناقصتنا كبل طبيت سبحت ولبست شي خفيف ونمت ما كعدت الى على دك التليفون رديت
ـ الو
ـ الو كومن نتعشه
ـ تمام هسا
سديته وكمت كعدت جنات ورحت غسلت ولبست قميص رصاصي وبنطرون رصاصي هم وحذاء رياضي ابيض وسرحت شعري وعفته مفتوح وحطيت حمره خفيفه بلون الشفه ومسكاره وطلعنا كبل طلعنا اسد جان لابس قميص زيتوني وبنطرون اسود وحذاء اسود صعدت بسياره اسد وهمه راحو كلهم بسياره غسان.
