يسر: حسيت على يد يزمت يدي درت وجهي هاي لما
- اخخ وخري يدج داتذيني
لما: لا عبالج اسد الله يحبج ويريدج ترء هوه لي اني بنت عمه اولا بيه من الغريب
يسر: شنو قصدج
لما: لا سوين نفسج ما فاهمه اسد الله لي
يسر: واني شعليا ما ترحين تكليله جايه علي
لما: خاف چي ساعدج وجابج لبيته عبالج يحبج لا حبي هوه شيخ و يحب يساعد الناس
يسر: دوخري عني دوخري.
عفتها وطلعت صعدت فوك لكيت جنات بغرفتها
- هاي وينج لي ساعه ادور عليج
- صعدت هناه مالي خلك هذولي
ـ اريد ملابس اريد اطلع اشتري ملابس
ـ انتي ومنو طالعه
ـ اني واسد الله
ـ تمام هاج هذلي انتي بيضى يلوك عليج السود.
نطتني قميص اسود وبنطرون اسود وحذاء ابيض لبستهن وعدلت شعري ونزلت
ام اسد: هاا يمه وين رايحه
ـ اسد الله كال يريد اطلع وياه اشتري ملابس
ـ ها تمام روحي الله وياج.
طلعت وهال لما تخوزر بيا عبرتها وطلعت لكيته بل سياره كاعد صعدت
ـ عبالي رحتي تحررين الموصل
ـ ايي غير ضليت ادور على جنات
ـ هههه تمام
رحنا اول شي محل اخشاب اشترا لي غرفه جربايه ام النفر وكنتور ومرايه بلون ابيض حلوه كلش عجبتني
ـ والله ماكو داعي
ـ لا اكو داعي
رحنا محل ملابس
ـ شنو رايك بهاذا
ـ حلو خذيه
ـ تمام
شتريت ملابس مدرسه هم ضلينا نفتر شترالي ملابس واحذيه وعطور وهوه هم اشترء لنفسه ملابس وعطور صارت الساعه بل 6
اسد الله: تعاي نتعشا بلكت نلكاهم رايحين.
طبينا مطعم طلب قوزي نزلولنا الكل اكلنا وطلعنا جاب عصير شربنا
يسر: يله خل نرجع
ـ يله
رجعنا هذولي بعدهم اسد الله شايل اقراضي واني هم شايله هنه هواي صعد هوه صعدت وراه خلا القراض بغرفه جنات كال
ـ باجر توصل غرفتج
ـ شكراً لك على كلشي
ـ لا تشكريني بويا انتي اخت العزيز.
راح هوه طبيت سبحت واخذت تراك من الي شتريتهن لبسته ومشطت ونزلت بعدهم كاعدين بل صاله كلهم حتا هوه موجود رحت الا المطبخ اجت جنات تحجي وياي شسويتو حجيتلها كالت
ـ تعاي نكعد هناك
ـ تمام
رحنا كعدنا لما بس تخوزر بيا اسد الله نتبه لها
اسد الله: يسر بله شو باوعيلي بويا.
صديت عليه مستغربه الكل ضل صافن
صد على لما
ـ ليش صافنه عليها شو ما بيه شي وجهها.
هيه تفشلت
ـ هاا لا ما صافنه بس جنت صافنه وجت صفنتي عليها
ـ ممم احاول اصدكج.
هيه تفشلت والكل ضا يباوع عليها صار وجهها اصفر الا العشره وراحو صعدت اني وجنات وريتها الملابس اوري بيها وندك الباب
جنات: منو
اسد الله: اني
جنات: تفضل خويا.
طب باوع علي وكال
ـ باجر داومين بويا
ـ ايي
ـ تمام اني اوصلجن انتي وجنات
جنات: اني وياها مو نفس المدرسه
اسد الله : اني نقلتها يمج يله تصبحون على خير
ـ وانتي من اهل الخير .
ضلينا نسولف لساعه 12 نمنا كعدنا الساعه 6.30 دوامنا صباحي بدلنا ونزلنا لكينا اسد الله كاعد سوينا ريوك وتريكنا بس حنا الثلاثه كملنا وصلنا الا المدرسه ونطانا مصروف اني ما قبلت
ـ بويا وراي دوام لا تعاندين
ـ والله ما اشتهي اني بل مدرسه
ـ ميخالف خذيه
بل كوه رضيت رحت الا المديره بلغتها اني جديده دلتني على صفي رحت كعدت يم بنات ثنين
ـ انتي طالبه جديده
ـ ايي
ـ هاا اهلن بيج
ـ وبيجن اكثر
ـ شسمج
ـ يسر
ـ هاا عاشت الاسامي اني سمي قمر
ـ واني مريم
ـ عاشت الاسامي اساميكم حلوه
ـ شكراً اسمج الحلا
مريم: عادي نصير صديقات
يسر طبعن عادي
قمر: اني ومريم صديقات انتي هم بعد صديقتنا
يسر: لي الشرف
قمر: عمري
مريم: اني ما اعرف ارد اضل امسلت لا تحجن هيج من هسا بيناتنا ميانه هاا ترء كلنا بعد
يسر: هههن تمام اصلن اني اخذ ميانه بسرعه
مريم: بعد احسن
اجت المدرسه
المدرسه: وين الطالبه الجديده
يسر: نعم
المدرسه: انتم وين واصلين بل رياضيات
كتلها وين واصلين طلعت قابلتهم بموضوعين كامت تشرح وتسل واني طول الدرس رافعه يدي كومتني مرتين وشرحت لها مر اليوم عادي لمن طلعنا طلعن وياي قمر ومريم وجنات كلنا نمشي سوء شفت سياره اسد الله
ـ جنات هذيج السياره
ـ يله تعاي
يسر: باي
قمر و مريم: باي
رحت صعدنا
يسر: هلو
اسد الله: هلو
جنات: هههه اسد الله يكول هلو هههه
يسر: شبيج
جنات: لا احس مال هلو مال مايعين واسد كال هلو هههه
اسد الله: انتي شافطه
جنات: هستوك دريت هههه
وصلنا لكيناهم يصبون بل غدا وسمر بعدها ما جايه صعدنا بدلنا
ابو اسد: شلونج بويا مرتاحه هناه
يسر: الحمدلله ايي عمو مرتاحه
ابو اسد: دومج نشاء الله
مر شهر نفس الروتين باقي على المتحانات سبوعين واني تعودت كلش على اهل اسد حتا على غسان غسان نفس جنات هم يحشش ويضحك صرنا اكنا الثلاثه اصدقاء حتا على اسد الله تعودت بيوم اجاي خالت اسد من محافضه بعيده عدها ثلاث بنات ولد ثنين
ام اسد: راح تجي خالتكم بل طريق
رحنا رتبنا البيت همه كرايبهم كلها درت اني عدهم
يسر: عمه شنسوي اكل
ام يسر: سون تمن احمر واسد راح يجيب سمج مشوي من برء
يسر: تمام تعاي جنات ساعديني
جنات: يله
رحنا سوينا تمن احمر وزلاطا اجا اسد
ـ هاج يسر الطرشي
ـ جيبه
اخذته صبيته بكاسات ندك الباب رتح غسان يفتحه طبن هيه وبناتها ولدها سلمو علينا كعدو رحت جبت مي نطيتهم
ام عمر: هيه هاي البنت الكلتي عليها
ام اسد: ايي
ام عمر: شسمج
ـ يسر
رحت كعدت بنص غسان وجنات غسان يباوع على وحده من البنات همست له
ـ هاا تباوع
ـ هههه لا عليمن
ـ ممم احاول اصدگك
ـ ههه وخري مني لا الزكج بدفره
ـ هاا تدفرني اني اني
ـ ايي انتي
ـ مزاعلتك
ـ هههه تضحك عليج
ـ وخر بعد ما اصاحبك
ـ وشلون نرضيج
ـ تحبها لو لا
ـ لا
ـ لعد
ـ ما ادري يمكن معجب
ـ هاا لا يا زاحف
ـ خب نجبي شني زاحف شفتيني زحفت لها
ـ ههه لا بس كيف تباوع
اسد الله: احم غسان روح جيب السمج اني من رحن كلي بعده هسا ستوا
غسان: صار
راح غسان كمنا نصب فاتت بنيه
رسل: هلو
هلوات
ـ تحتاجن مساعده
سمر : لا حبي روحي رتاحي مخلصين كلشي بس نصب
رسل: لا راح اضل كاعده يمجن عادي؟
جنات: ايي عادي
صبينا اكل وغسان جاب السمج
غسان: وين ناي ام الوصخ
يسر: هاي عليمن
غسان: عليج
يسر: لا يا حقير انضف منك
غسان: هاج هاج انضف مني هيه
يسر: والله انضف منك
غسان: هههه هاج ام الوصخخخ
كالها وطلع يركض
يسر: ولكول عليك لسد
هوه راح يركض خاف الحكه
رجعت اصب جنات تضحك علينا
ـ يشاقا وياج
ـ اعرف بس حتا لو شني كدام العالم يكلي ام الوصخ.
جانن بنات. خالته بل مطبخ كلهن
شلنا الكل كلها لتمت ولد وبنات
اكلنا وكملنا جنات سوت جاي وزعت عليهم ونطتني وهيه اخذت واحد كعدنا كلنا بل صاله غسان يباوعلي ويضحك يرين يضحكني حتا ابز الجاي وتفشل ام اسد اخذت ام عمر وراحن ينامن وابو اسد راح الا الستقبال ضلينا بس حنا الشباب
جابت جنات حلويات كعدنا كلنا نسولف غسان يعيب علي
يسر: اسد
اسد الله: هاا
يسر: سكت غسان
اسد الله: شمسويلها ولك
غسان: هههه ما مسويلها شي
يسر: جذاب
اسد الله: شسوالج
يسر: يكول علي ام الوصخ ومساع كيف حاجيته يكلي وخري لا ادفرج وهسا يعيب علي
اسد: ليش وياها
غسان: احب اشاقيها
اسد: هيه ما تريد شقاك مو بويا
يسر: لا ما اكره شقاه بس مرات يمصخها
اسد: اكتله لج؟
يسر: لا بس خل يعتذر
اسد: عتذر
غسان: ما لو تموتين
اسد: اكوم
غسان: اسف يابه اسف.
كلهم صافنين علينا كنو مستغربين بس جنات وسمر عدهن عادي لن دوم تصير
يتبع ✨
