﷽
أنقذني من نيرانهم
.
.
.
.
ابو اسد: خلي لها قطره.
يسر: لا ما يحتاج شويه ويروح.
غسان: لا شلون انتي شايفه عيونج.
يسر: والله ماكو شي شويه ويروح.
رجعنا ناكل واسد طول الگعده يباوعلي اني اسوي روحي ما منتبهه له خلصنا اكل كمت اغسل بل مواعين وجنات سوت جاي وهاي واگفه يمنا تتنعوص.
روج: جنات ليا مكان تتمنين ترحين؟
جنات: مو اتمنا احب اروح لكربلاء.
روج: ليش شمعنا تره مو حلوه.
جنات: احبها وحلوه.
روج: ليش؟
جنات: شنو اليش؟
روج: ليش تحبيها؟
جنات: لان بيها الامام الحسين عليه السلام و الامام العباس عليه السلام واحب النجف هم لان بيها الامام علي عليه السلام امير المؤمنين.
روج: هاا.
جنات: ايي.
روج: اني احب بغداد
جنات: شمعنا؟
روج: هيج احسه مكان هادى وحلو.
جنات: يسر من بغداد.
روج: صدك؟
يسر: ايي.
روج: حلوه مو؟
يسر: ايي.
روج: وين جنتو عايشين؟
يسر: ال……
روج: واو حلوه هاي المنطقه مو؟
يسر: ايي.
روج: هم راح تردين لها؟
يسر: لا
روج: ليش حلوه.
يسر: ما عندي احد هناك.
روج: على اساس هناه عندج.
يسر: راح اخذج على گد عقلج وما ارد عليج.
روج: شنو قصدج اني ما افتهم؟
يسر: والله البعبه صخل يمعمع.
روج: والله لو اكول لاسد يردج منين ما جابج.
يسر: هههههههه.
روج: وسم.
يسر: يسمج
روج: عبالج ما يسويها؟
يسر: اعلى ما بخيلج اركبيه.
جنات: هدن هدن شبيجن مو جنا نحجي وعين الله علينا.
روج: ما سمعتيها.
جنات: انتي جاوزتي اول.
روج: جنات اني جنت اشاقا وياها.
يسر: اني ما اريد اشاقا وياج ولا اريد احجي وياج اصلن.
جنات: يسررر شبيج.
يسر: سلامتج.
روج: تعاي خل نروح يمهم احسن
جنات: ايي هم فار الجاي.
راحن هنه واني ضليت كملت ورحت كعدت بصف غسان.
غسان: شبيج؟
يسر: شبيا؟
غسان: جنج ضايجه.
يسر: ايي والله وحيل هم.
غسان: شبيج ليش ضايجه.
يسر: ما اعرف بس مخنوكه.
غسان: ول يابه يسور مخنوكه وضايجه واني موجود افا.
يسر: ايي والله ضايجه كوم ارگص.
غسان: لا عيب مناه الناس زلمه شكبرني شكدني مشورب اكوم اركص شبيج يول.
يسر: لعد شسوي.
غسان: هسا احششلج على يوسف ومالك.
يسر: يله.
غسان: احم احم احم.
اسد: وسم وسم وسم.
غسان: بطنك بطنك بطنك.
اسد: اكوم؟
غسان: يله على اساس منو انته.
كام وغسان طفر
اسد: مو على اساس ما تخاف.
غسان: لا بس شفت عگرب وخفت تكرصني واموت وتضلون انتم تبجون وتموتون وراي .
ام اسد: اسم الله شبلاك يمه.
غسان: يمهههه عليج الله اخذي بنج عني لا اكتله وتعال النوب سكته.
اسد: تكتل منو.
غسان: يسر.
يسر: هم دخل صخام بل نص.
غسان: غير صديقتي ولازم تدافعيلي .
يسر: غسان وين الربط بل موضوع.
غسان: نجبي مو صرتيلي عود تعرفين.
اسد: نجب ورجع لمكانك نفس اسمع منك انهيك.
غسان: هلووو
اسد: وسمووو
غسان: راح احترمك لن انته اخوي الجبير اني مو خايف مو يسر.
يسر: ايي ايي غسان شجاع تره.
اسد: واضح.
رجع غسان لمكانه وهوه هم رجع لمكانه
مالك: غسان انته ما بطلت بعدك على تصرفاتك.
غسان: وابشرك زدت.
يوسف: بس والله ونسه ما تجي ويانا تعيش.
يسر: لا والله.
يوسف: ايي والله.
غسان: هوه اني ليش زدت كيف كاعد يم هاي يسور.
روج: تره اسمها يسر.
يسر: وانتي شعليج.
غسان: ايي والله انتي شعليج على كوله يسوررر.
روج: شبيك تصيح.
غسان: بكيفي بمزاجي عندج عتراض؟
روج: لا.
غسان: غصبن عليج.
روج: تره سلوبك ابد مو حلو.
غسان: محد طلب رئيج.
باوعتله صفح وهوه كمل حجي وياي هوه طبعه هيج فا متعودين عليه ضلينا گاعدين من صدگ غسان نساني وضليت اضحك وياه كلمن كام وروج راحت ويا جنات صعدت لغرفتي طبيت سبحت طلعت لزمت التليفون شويه وندك الباب.
يسر: منو؟
ـ اني.
ـ اريد انام.
ـ تفتحين لو اگسره؟
ـ اهوه.
ـ تكومين لو لا؟
كمت فتحته صار بوجهي اسد لابس كيمونه وبجامه بس عضلاته طالعات.
يسر: شتريد؟
اسد: نحجي.
يسر: ما عندي حجي وياك.
اسد: مو بكيفج.
گالها ودفعني وسد الباب اجا يمي لزك بيا لزك.
يسر: شبيك بتعد شويه.
اسد: ما ابتعد.
يسر: مو تريد نحجي تعال گعد.
رحت كعدت على السرير اجا گعد يمي.
اسد: زعلانه؟
يسر: وعلى ساس يهمك.
اسد: شلون ما يهمني لج بنتي انتي تفهميني لو لا.
يسر: انته تحبها.
كلتها وبجيت
اسد: وعلي ما احبها وداعت عيونج ما احباه لا تبجين والله جاي تحرگيني.
يسر: لعد شتفسر تعاملك وياها ها.
اسد: والله هيج بدون قصد والله مو حبن بيها بس هيج .
يسر: حتا تضوجني مو؟
اسد: لا وداعت امي لا اصلن ما عبالي تضوجين.
يسر: ليش احد كلك اني حجر وما عندي مشاعر واغار.
اسد: يسر تره هيه صغيره و…
بعده ما مكمل كلت.
يسر: تره ازغر مني بسنه لعلمك.
اسد: وانتي حاسبه روحج جبيره؟
يسر: ايي.
اسد: بعدج زعلانه؟
يسر: طبعد واذا ما اشلع گلبگ.
اسد: تشعلينه وتشعلين ابوه وياه.
يسر: لو سمحت ممكن تطلع اريد انام.
اسد: بس اريد اعرف شزعلج.
يسر: حط روحك مكاني لو طالعه ويا ابن عمي واسولف واضحك وياه واتجاهلك وقبلها بيام كايله اريده شنو رد فعلك.
سكت
يسر: ها شو سكتت لو اطلع ويا واحد من ولد عمي وادري بيك انته مو راضي عليا شنو تكون رد فعلك حجي.
اسد: هيه جلبت بيا.
يسر: تره جنت گاعده تكدر ما تاخذها بكل سهوله.
اسد: عوفج منها شلون نرضيج.
يسر: ولا ارضا واصلن راح اوافق على محمد خوش رجال انته كلت.
اسد: علمود اطيح حظج انتي وياه والله اذا زلمه وطالع من ضهر زلمه يتگربلج.
يسر: روح اسد روح اريد انام.
اسد: هسا اني شلون انام وانتي زعلانه مني.
يسر: بس فكر بروج كبل تنام.
اسد: انعل ابو روج لا ابو الساعه الجوي علينا لا ابو الساعه الحجيت وياها وبعدين تعاي انتي هم حجيتي ويا مالك.
يسر: واذا تره موضوع جدن عادي.
اسد: واذا اني ما اقبل.
يسر: لا والله.
اسد: ايي والله.
يسر: اسد لا تزعلني منك اكثر خليني شويه اهدأ.
كام باسني وطلع سديت الباب ورجعت نمت مر سبوع واني ما اقبل اعتذاراته وهوه صاير عصبي واربعه وعشريد ساعه يصيح على هاذا وهاذا بس من يريد يحجي وياي يحجي بهدوئ بيوم اجا جنا كلنا گاعدين بل صاله كال
اسد: باجر التحق الى الموصل.
عمتي لطمت على صدرها لن الموصل خطر هل ايام وداعش شبه مصيطره عليها وشهداء هواي راحو.
ام اسد: صخام صخمني ولك رايح برجليك الى الموت.
اسد: لعد نعوفهم ياخذون بلدنا.
ابو اسد: عفيه بابني البطل اريدك ترفع راسي وتردون وانتم محررين الموصل.
اسد: عد عيناك يابه.
ام اسد: شتحجي ابو اسد صدك تحجي.
ابو اسد: لا تردين اختله مثل المره ولد بلدنا يرحون صدك تحجين.
غسان: اني يصير اطلع وياكم.
اسد: لا ما تطلع منو يضل بل بيت لو صار شي.
ام اسد: يمه والله خايفه عليك لا نروح.
اسد: لا يمه اروح ويدي بدين جماعتي نحرر الموصل نشاء الله.
الكل: نشاء الله.
كام راح لغرفته كمت وراه فتحت الباب جان نازع فانيلته رحت ركض وحضنته وبجيت.
اسد: يولي شبيج مو زعلانه انتي.
وخرت منه واجيت اطلع سحبني وضحك رجعني لحضنه.
يسر: راح تروح.
اسد: ايي
يسر: ما راح تعوفني مو.
اسد: ما اعوفج وعد اردلج بس تتحرر الموصل اعقد عليج.
يسر: وعدني ما تعوفني.
اسد: وعد ما اعوفج.
يسر: شكد تضل؟
اسد: سبوع هناك وسبوع هناه يمكن.
يسر: راح اشتاقلك.
اسد: واني هم.
يسر: نحبني؟
اسد: اموت عليج.
يسر: سيدي اذا عفتني راح اموتك.
اسد: نعم سيدي بس اني بل حالتين ميت.
يسر: كتل الحبيب مثل اكل الزبيب.
اسد: فديت حبيبي.
يسر: اكلك الضباط عليهم سمعه مو زينه بس لا انته منهم.
اسد: عمي والله مضلومين حنا.
يسر: والله اني شعليا بل تليفون شفت.
اسد: شفتي؟
يسر: تحبون السمينه و القزمه و تحبون جلد النمر و عدكم سوالف طايحه حض و تحبون الثلاثينيه صحيح.
اسد: اكو صح واكو لا.
يسر: شلون يعني.
اسد: ما نحب السمينه بس هم ما تحب المعصعصه
اما الطول فا عادي وجلد النمر صح اويليي و السوالف مو عد الكل بس الطايح حضهم والثلاثينيه بل نسبه لي ما احب هيج.
يسر: انته شتحب؟
باوعلي وكال
اسد: احب عيونها كبار مثل عيونج ورموشها مثل ارموشج وطويله مثلج و رشيقه مثلج وعدها غمازات حلوات مثلج وشعرها مثل شعرج.
يسر: هاا تريد مثلي ما تريدني اني.
اسد: اذا اكو نفسج فا ايي اريدها.
يسر: وخر ولا اريدك.
اسد: هههه انتي شنو مواصفات فارس احلامج.
يسر: طويل و معضل مثلك و شعره اسود كلش
مثلك وعنده شوارب مثلك وعيون مثلك واسمر مثلك.
اسد: كولي اريدك انته وفضيها.
خليت دايا على رگبته وكلت
يسر: ايي اريدك عندك عتراض ؟
اسد: لا ما عندي شحدني يكون عندي .
يسر: عبالي.
حنا نحجي وندفع الباب و****
.
.
.
.
.
.
.
يتبع الحداث الجايه نار
