وكأن القمر يخجل من نفسه بجوارها

24

قاطعها فيصل وهو يقول : خلاص نعرف الباقي احنا شفتا كمرات المراقبه وعرفنا مين الكذاب هنا
فهد : وحده منكم راح تشرفنا هالليله بالتوقيف ف احسن لها تعترف من الحين
مهره ب بكاء وترجي : خلاص لو سمحت والله معاد اعيدها صدقني
فهد : من البدايه ليه تكذبين وانتي مو قد الي قلتيه
مهره : سامحيني الله يخليكِ وصدقوني معد بعيدها والله
فيصل : اتوقع عشان تتأدبين لازم تشرفينا الليله
تركي : هي اعتذرت ومايحتاج تكبر القصه يا حضرة العميد
فهد : دام كذا اتمنى ماتنعاد عشان صدق ماتشرفنا والقصه انحلت تقدرون تمشون
خرجو من عنده
فيصل : لا مب طبيعي الي صار راسي بينفجر انا دوامي كذا كذا خلص بروح اشرب شاهي يعدل المزاج شوي
فهد : ايه بالله يلا امشي

-

في مكان اول مرا نروح له
مجهول ١ : انا لازم ادفعه الثمن على الي سواه فيني والله ثم والله مارح اعديها على خير له
مجهول ٢ : انا معاك صدق والاشكال هذي ماينفع ينسكت عنها بس وش راح تسوي له
مجهول ١ : بتعرف مع الوقت المهم انك تجيب الي قلت لك عليه وبالكميه الي متفقين عليها بكرا وبنفس المكان نلتقي ومعاك الاشياء
مجهول ٢ : ماعليك الموضوع عندي بجيبها بكرا وعلى الموعد

-

بعد وقت

-الحديقه -
الساعه 9:12 و كانو جالسين البنات
ورد : يا بنات انا راسي يعورني ايش الي صار ذي اليومين مو طبيعي
نجد : والله واضح قدامنا ايام زي العسل
لمياء : واضح ان صاير شي قوي عشان كذا تونا ندري ان لنا عم
ارين : بليز بنات غيرو الموضوع صار لنا من امس واحنا نتكلم فيه
ميلا : ايه صدق غيرو
نجد : بنات صار لنا فتره ما خرجنا تكفون دام الوقت بدري قومو خلونا نطلع
ميلا : منجد والله فكره وبعد نغير جو شويه
لمياء : والله قدام بس مين بيوصلنا محد موجود من الشباب
ارين : اوف بس لو جبت سيارتي معانا كان الحين طلعنا
انصدمو لمياء ونجد
نجد : تسوقين !!
ارين : ايوا اصلا كلنا نعرف نسوق بس انا الوحيده الي عندي الرخصه
لمياء : شلون !
ميلا : وي عادي الكل صار يسوق ذحين
ورد : ايوا منجد ليه مصدومين
نجد : لان جدو مانعنا نسوق
ميلا : ليه مانعكم طيب عادي
لمياء : اوفف تكفون بخاطري اجرب اسوق
ارين : واه واه تعالي مرا عندنا جده واعطيك سيارتي عادي
لمياء : وايي بعدّي والله
ورد : بس بس بيجيني مغص المهم اذا على السياره ناخذ سيارة بابا
ارين : صح فكره والله
نجد : ماسمعك جدو مارح يخليك يابنت
ميلا : محد بيعرف ان رينو الي بتسوق واصلا مارح نطول واحنا بس بنقولهم اننا بنطلع وبس
لمياء : لا بنات وربي بيذبحنا ابوي لو دري
ورد : ياربي اذا خايفه لا تجين
نجد : لمياء معاها حق يا بنات

بعد ١٠ دقايق
اقتنعو اخيرا نجد و لمياء وبداو يتجهزون

-

-في جده -
مكان اول مرا نروح له
كان في النادي وتحديدا في صالة الملاكمه كان يتدرب وبكل عصبيه حاط حرته في اللعب بالكامل ما كان حول الدنيا مشغول بالتفكير فيها مثل عادته
دخل عليه مؤيد وهو يقول : انت اذا بتجلس كذا كثير مستحيل تنساها قاعد تتعب نفسك على الفاضي وتحرق اعصابك وهي مبسوطه وعايشه حياتها
هتان : اذا خلصت اسطوانة العاده تقدر تخليني لوحدي
مؤيد : انا خلصت تمرين وبروح اشوف لي جدول وبروحه تعال معي على الاقل لا تجلس هنا مارح تستفيد وربي
هتان : اصلا حتى انا خلصت يلا
هتان اخيرا بداء يقتنع بكلام مؤيد هو صار له سنة وشهرين على هالحاله مايفكر الا فيها وكاره جنس الاناث منها الا اخته نجوان اثر فيه الي صار كثير حاول يتناساه بس مانقدر نلومه جلس شهر ما يكلم احد ونادر ماطلع كان شخص دايم مبتسم وفرفوش وصار شخص ثاني تماما غامض وصعب التعامل معاه

اعرفكم
هتان نايف آل جراح ٢٩
مؤيد رائد آل سائد ٢٩
اصحاب طفوله مع بعض من اول سنه لهم بالمدرسه اقرب اثنين لبعض بالخير والشر دايم مع بعض ويضرب المثل في صداقتهم
هتان ملاكم
مؤيد رجل اعمال