وكأن القمر يخجل من نفسه بجوارها

31

-

في الفندق-
مؤيد : يا اخي اخلص صار لي ربع ساعه انتظرك ما صارت
هتان : انتَ ماتسكت خلاص خلصت
مؤيد : مابغيت ياشيخ يلا امشي
وخرجو من الفندق متوجهين لاشغالهم

بالسياره عند البنات -
بعد ما مشيت ارين وبدو البنات يغيرون جو بالسوالف
لمياء : بنات بموت صداع
ورد : ايه والله صداع ابي قهوه
نجد : بنات بليز ابي شاهي اليوم ماشربته ومصدعه
لمياء : كلاً على همه سرا والله
ارين : خلاص بوقف عند كوفي
لمياء : افضل والله نغير جو شوي
ورد وهي تأشر على ميلا : هذي اشبها ساكته مو من عوايدها كذا تجلس بالهدوء ذا
دقتها نجد : بنت وش عندك بالجوال ماتتكلمين
ميلا : هاه ولا شي
ارين : وراكي هرجه انطقي
ورد : ام المصايب ايش مسويه المرا ذي
ميلا : بنات اهدو اول
وقفت ارين السياره عند الاشاره ولفت لـ ميلا
ارين : ايوا احنا هادين ونسمعك ولا يا بنات
لمياء : ايه يلا انطقي
ميلا : شفتو البنات الي جو مع اخو جدو اول
نجد : ايه وشبهم
ميلا : انا دورت على حساباتهم ولقيتها
ضربتها ورد : من وين عرفتي اسمائهم وكيف جبتيها يقطع بليسك مخابرات حشى
ميلا : قبل ما جدو يتعب وبعد الفطور انا رحت وجلست مع جده وسالتها مين البنات الي معاه وقالتلي اسمائهم
ارين : طيب ايش اسمائهم يا ام العريف
ميلا : الكبيره مهره الي كانت ورا اخو جدو على اليسار والصغيره المها الي كانت جنب امها وانا لقيت حساب المها وامس كلمتها والبنت طلعت عسوله مرا وهما كانو ساكنين في بريده بس جو الرياض عشان جدو
لمياء : امداك عرفتي كل ذا يابنت
ورد : ياحبيبتي هذي استخبارات لوحدها
نجد : تخوفين والله
ميلا : شوفوها ترسل
ارين : ايش تقول
ميلا وهي تقراء : تقول انها الحين طالعه بتاخذ لها قهوه وبتمر على المول
لمياء : ايه صح لايكون قلتي لها عن ابوي
ميلا : لا لا ماقلت لها شي
لمياء : ايه اشوا
ارين : على طاري المول ابغى امُر عليه عشان ناقص كم شي
ميلا : شرايكم نمر عليها ؟
نجد : ايه بنات بالمرا نغير جو شوي صار لنا اسبوع على نفس الوضع
ورد : انا عن نفسي تم
لمياء : تم
ارين : تمام قولي لها اذا تبغى نمر عليها
ميلا : يلا برسل لها
ماهي الا ثواني وردت عليها
ميلا : تقول تمام ماعندها مشكله وارسلت الموقع
ارين : يلا كويس قريبه مننا
ارسلت ارين ل امها انها بتروح المول مع البنات لاشياء الجامعه وقفلت
بعد ربع ساعه وصلو عند البيت ونزلت المها وركبت السياره معاهم
المها : السلام عليكم
ردو كلهم : وعليكم السلام
وحركت ارين متجهه للاكوفي
المها : انا الى الان ما عرفت مين ميلا
ميلا : اوه السموحه انا ميلا والي تسوق ارين والي جنبها ورد والي على يساري نجد والي على يميني لمياء عمتي الباقين بنات عمتي
المها : الله كيوت اعماركم قريبه من بعض
نجد : يعني تقدرين تقولين كذا
بدأو يتعرفون عليها وبعد دقايق وصلو الكوفي
ارين : عشان نلحق الوقت بوقف بالدرايف ثرو
لمياء : ايه افضل
جا دورهم انهم يطلبون
ارين : بنات ايش طلباتكم
ورد : انا v60
لمياء : اسبريسو
ميلا : ماتشا
نجد : شاهي
المها : كولد برو
وارين طلبت ل نفسها كركديه
بعد ما طلبو واستلمو الطلب مشيو
المها : يا ارين بكم قهوتي
ارين : ترا كلها قهوه عادي يعني
نجد : ايه والله بكم
ارين : اقول ترا قهوه مو شي واو عادي يعني
ورد : اوه روري عازمتنا
ضحكت ارين عليها
دق جوال نجد وكان سلطان
نجد : بنات بالله اسكتو دقيقه
نجد : الو هلا سلطان
سلطان : هلا فيك وينك فيه
نجد : ابد من شوي طلعنا من المستشفى وارين ماقصتها اغراض وبتروح تجيبها
سلطان كان يفكر في ميلا و مو عارف كيف يسال عنها عند نجد
سلطان : طيب مين معاك بالسياره
نجد : لمياء وبنات عمه
سلطان : تمام يلا مع السلامه
استغربته نجد وهي تقفل
نجد : غريبه هذا معرف اشفيه
ميلا : هو كذا من زمان يعني فيه هباله

-

وصلو المول ودخلو بعد ساعه انتهو ورجعو المها البيت ورجعو دخلو الكل ينامو الا ورد
كانت تفكر فيه هو واحشها و ودها لو تقضي شوي وقت معاه قبل يمشون بعد تردد كثير اخذت وهي تكتب له
مهند صاحي ؟
وماهي الا ثواني ورد عليها
مهند : ايه يا عيوني امريني
ورد : وحشتني
مهند : يابعد هالروح انتِ والله انا بعد اشتقتلك
ورد : عادي تنزل الحديقه الخلفيه اشوفك
منهد : تم يلا بنزل انتظرك