في الوحده الصحيه ...خاصه في غرفه الأطباء تجلس الطبيبه حياه تراجع بعض الأوراق للحالات الموجوده .. وقطع تركيزها طرقات علي الباب فأجابت حياه من الداخل : اتفضل
نهال (الممرضه): دكتوره حياه في عيل صغير چای مع أمه وعمال يبكي
حياه :دخليه اهنه ي نهال بلاش يخش العنبر
نهال بسرعه : امرك يا سياده الدكتوره
بعد لحظات دخلت نهال وخلفها طفل صغير يبدو في الثامنه من عمره ولكنه يبكي وبشده ومعه والداته ..
حياه ذهبت للطفل الصغير وقالت بلطف: وه وه بتبكي لي عاد ،حدانا الرجاله متبكيش صح ولا اي ..
الطفل وهو بيمسح دموعه: صح
حياه بحنان : چولي بچي يا بطل حاسس ب اي
الطفل بالم : بطني بتتجطع من الوجع بس معوزاش اخد ابر
حياه : خليني اشوفها الاول وبعدها اچولك هتحتاج ابر ولا لا ... اخذت سماعتها الطبيه ووضعتها علي معده الطفل الصغير وقالت بلطف: حاسس بوچع اهنه
الطفل بالم :إيوه
حياه : متخاافش خالص انت بجيت عال العال، ووجهت نظرها لوالده الطفل وقالت : حضرتك ام ..
ام الطفل بسرعه : اني ام كريم ،كريم ماله يا دكتوره
حياه : والله ياام كريم مجدرش اجولك فيه اي من غير شويه اشعه وتحاليل ،بس چوليلي هو كان بيستفرغ .. وتعبان أكده من ميتي
ام الطفل : إيوه كان بيستفرغ چبل ما ناچي وهو أكده بجاله يومين
حياه بلوم : ومجبتهوش طوالي ليه ي ام كريم ، ووجهت بصرها للطفل الراقد علي الفراش وقالت بابتسامة خلابه: خالتك نهال هتاجي تاخد منك شويه تحاليل أكده علشان نطمن عليك واني هديك ابره صغيره مهتحسش بيها واصل
الطفل ببكاء : ابره لاه انا بخاف من الابر
حياه وهيا تحاول تهداته : لاه لاه احنا جولنا اي انت راچل يبجي متخافش وصدچني مهتحسش بيها واصل ولا انت عاوز تتوجع اكده ...
الطفل : لاه خلاص هاخد الابره بس براحه يخالتي الدكتوره بالله عليكي
حياه بلطف : صدجني مهتحسش بيها واصل واخدت الابره من يد نهال التي أعدتها لها ومسكت يده وقالت بلطف : جولي بقي ي دكتور كريم عاوز تبجي اي لما تكبر
كريم : عاوز ابجي ظابط
حياه : وه ظابط اشمعنا بجي ظابط
كريم بحماس : علشان احمي بلدي زي جدي الله يرحمه واموت شهيد وانا بدافع عن بلدي
حياه : طوله العمر ليك يولدي ،وان شاء الله تبجي ظابط جد الدنيا كولتها ، وسحبت الابره من يده بهدوء وقالت : وادينا خلصنا كمان اهاه حسيت بيها
كريم بابتسامه : محستش بيها واصل يدك خفيفه يدكتوره
حياه : يلا ي بطل جوم مع خالتك نهال علشان تعملك التحاليل
اخدتهم نهال لمعمل التحاليل الطبيه لإجراء التحاليل المطلوبه وبعد مده ظهرت نتيجه التحاليل وذهبت. بها الي الطبيه ..
نهال : دكتوره حياه التحاليل ظهرت اهاه
حياه اخذت التحاليل من يدها وتفحصتها ووجدت أن كل شئ علي ما يرام وذهبت لتطمئن كريم ووالدته
حياه : خلاص ي بطل انت زين تجدر تروح وتاخد الادويه دي وبس أكده
ام الطفل : توشكري يدكتوره ربنا يخليكي يارب
حياه بابتسامه : ربنا يحفظلك ولدك ،مع السلامه
غادر كريم ووالدته ،وذهبت الطبيبه حياه لتباشر عملها وأخذت تمر علي عنبر المرضي وتطمئن علي صحه كل مريض لديها ويعلو ثغرها ابتسامه بشوشه صافيه ...
««««»»»««»»»«»»»««»»»«
أنهت عملها وذهبت الي منزلها تشعر ببعض الإرهاق ولكن أيضا تشعر بالسعاده... وصلت إلي المنزل وقامت بطرق الباب طرقات خفيفه ......
الام من الداخل : مييييين
حياه: أني يما
الام ذهبت لفتح الباب واستقبلت ابنتها بابتسامه حنونه : حمد الله على سلامتك يجلبي
حياه: الله يسلمك يما.. ،فين الوكل.. اني جوعانه جووي
الام بضحك : اطلعي غيري خلجاتك واتسبحي وهتلاچي الوكل چاهز ...
حياه : حاضر يما ... ،صح بجولك ابوي اهنه
الام : إيوا ف الاوضه
حياه : ماشي يما هطل عليه الاول
الام : ماشي يبتي
ذهبت حياه لغرفه والدها وطرقت علي الباب حتي سمح لها الاب بالدخول، فدخلت حياه بمرحها : كيفك يبو حياه ... ،مش هتاجي تاكل معاي
الاب بحنيه : حبيبه جلبي ،انا مليح اهاه ....
جلست حياه بجانبه وقالت بمرح : جولت لي ملييح خدت دواك امال ..؟
محمد وهو يقبل جبينها : إيوا يجلبي، فرح بت عمك بعد اسبوع اوعاكي تنسي امال ...
حياه : متجلجش يبوي ..... مش ناسيه
الاب : ربنا يرضي عليكي يبتي..
حياه : اللهم امين ... استاذنك يبوي اغير خلجاتي
الاب : اتفضلي يجلب ابوكي ...
ذهبت حياه لتغير ملابسها وارتدت بيجامه عليها بعض الرسومات الكرتونيه ومشطت شعرها علي شكل "قطه" فكانت تبدو كالاطفال ... تناولت طعامها ثم صعدت مره اخري لغرفتها...جلست تقرا وردها اليومي .. وبعد انتهائها من القراءه ... صدع صوت هاتفها المحمول .. نظرت للهاتف وجدت المتصل "سجي" صديقتها كانت تدرس معها في الجامعه وهيا تعيش في القاهره ... أجابت حياه علي الهاتف: السلام عليكم و رحمه الله و بركاته
سجي : وعليكم السلام ورحمه الله وبركاته ، عامله اي يبت حياه وحشااااني اوووي
حياه بابتسامه : بخير الحمد لله ،وانتي كمان اتوحشتك جوووي
سجي بضحك : جوووي جووي يا ابوي ... ، بت ي حياه علميني اتكلم صعيدي زي ما علمتك تتكلمي زينا
حياه بضحك: بس إكده ... من عيوني
سجي : اتكلمي زينا بقي الله يكرمك علشان مش هفهم نص الكلام الي هتقوليه أنا بقولك من الاول اهووو
حياه بضحك : حاضر يست سجي .. حلو كد
سجي : ايوا شاطره .. المهم أنا كنت عاوزه اقولك حاجه مهمه
حياه : خير يارب استر عملتي مصيبه اي
سجي بضحك : والله المره دي مش مصيبه المره دي مفاجاه حلوه اووووي
حياه : طب اي هيا المفاجاه قوليلي
سجي : بصي يا ستي مش انا كنت بقولك اني نفسي اجي الاقصر اشوفها واتفرج عليها
حياه : ايوا حصل وقولت لك تنوري ف اي وقت ونا هفسحك يستي
سجي : أنا بقي أقنعت ماما وكريم اخويا اني أجي أنا وهو الاقصر عندكم نقضي اسبوع
حياه بفرحه : تنورو يحبيتي طبعااااا في اي وقت ، بس كريم هيقعد في بيت عمي ده بعد اذنك طبعا عشان مينفعش يقعد عندنا
سجي : يبنتي اصلا كريم كان هياجر لينا شقه نقعد فيها الاسبوع ده او نشوف فندق قريب ولا حاجه
حياه : لالا انتو ضيوف عندنا انتي هتقعدي معايا وكريم في بيت عمي علشان عنده صبيان
سجي : اووكي حلو جدااا كد اتحلت اهي ، صحيح بنت عمك هتتجوز امتي !؟
حياه : الاسبوع الجاي أن شاء الله
سجي : طيب حلو جداااا كد هنحضر الفرح بقي ...،يااااه كان نفسي اشوف افراح الصعيد اوي
حياه بضحك : هتعجبك اوي علي فكره، خلاص مستنياكي يقمري
سجي بحماس : متحمسه اووي بجد متحمسه اكتر اني هشوفك كمان
حياه : وانا كمان متحمسه جدا افرجك علي بلدنا وهتحبيها جداا صدقيني
سجي : أن شاء الله يحبيتي يلا اسيبك تنامي .. ولو مرنتش عليكي للفجر صحيني يا حياه الله يكرمك زي كل يوم .. معلش بقرفك معايا
حياه : لا والله ابدا باخد ثواب علي قفاكي
سجي بضحك : ماشي يختي يلا تصبحي علي خير
حياه : وانتي من اهل الخير يحبيبتي في حفظ الله
أغلقت الهاتف مع صديقتها وذهبت في سبات عميق ......
«««»»««»»»»«»«»»»»»»
في صباح يوم جديد استيقظت حياه كعادتها صلت الفجر وقرأت وردها وكعادتها تشرب قهوتها في شرفه منزلها ..
بعد مرور بعض الوقت استعدت حياه للذهاب الي العمل وأخبرت والدتها عن قدوم صديقتها ... وذهبت الي عملها ... وفي أثناء عملها جائها اتصال من والدتها ... وبعد هذا الاتصال وهيا تشعر بالتوتر واستاذنت وذهبت المنزل بسرعه كبيره ...
««««»»»«»»«»»»«»»«»»»»
#يتبع ....
اتمني البارت يعجبكم .. .. رايكم في الكومنتات ..
دمتم بخير ...♥️
