خرجت حياه من الغرفه متجهه الي الغرفه الأخري وكانت تسير بشرود قطعه امساك أحدهم من معصمها وسحبها فجاه ... وعندما حاولت الصراخ وضع يده علي فهمها ليمنعها ... وعندما التفت لتري وجه من امسكها ... هنا كانت الصدمه....!
حياه بغيظ : هو انتي ... اعععع كنت هقطع الخلف يا سجي منك لله
سجي بضحك : الله ونا مالي يلمبي
حياه بغيظ : بريئه اوي يا بت ،امال مين الي خضني من شويه
سجي بضحك : ما انتي خرجتي مقموصه معرفش مالك فقولت اعمل شويه دراما يمكن تفكي وتحكيلي
حياه بغيظ : وعملتي دراما يختي ...! ، روحي اتخمدي بقي يلا
سجي : والله ما يحصل فهميني الاول ... زعلتي لي لما جبت سيرته ... هو مش بيحبك ؟
حياه : حب اي يبنتي ... اسكتي يا سجي انتي مش فاهمه حاجه
سجي : فهميني
حياه : طب قدامي يختي علي الاوضه أما افهمك شكلها مفيهاش نوم
سجي بحماس : اجيب فشار وتسالي ... ؟ الموضوع هيبقي مشوق ولا اي ..!
حياه ضحكت بياس علي صديقتها : معتقدش أنه مشوق بس هاتي خلينا نتسلي ...
سجي : اوكي .....، اختفت سجي قليلا ثم ظهرت وهيا تمسك بالكثير من الأكياس بها العديد من الأشياء (شيبسي -عصاير -فشار -لب وسوداني )
حياه بذهول : اي ده كله جبتي ده كله منين يبت
سجي بحماس : عمو محمد الله يخليه ليكي يارب شافني ف المطبخ محتاره وسألني عاوزين اي وقولت له جاب لي كل الحجات دي ... واكملت بحماس زائد " يلا علشان. نتسلي .. احكيلي بقي "
حياه بضحك : والله بابا ده سكره .. اقعدي يختي هحكيلك ...
وبدأت تقص عليها علاقتها بناصر ... أنه هناك عادات وتقاليد لديهم ان الفتاه يجب أن تتزوج من ابن عمها لا يعلمون كم المصائب والمشاكل التي تقع بين العائلات وايضا كم الامراض الوراثيه التي تنتقل الي الأفراد ... ، اخبرتها أنه لا يحبها هو فقط يراها زوجته المستقبليه بالرغم من أن والداها قد رفض زواجه من ابنته لانه ليس شاب صالح ... وأخلاقه فاسده ... انتهت حياه من سرد القصه لصديقتها ف ردت سجي : امممم فهت ، أنا مكنتش اعرف انه عندكو كد ..، كنت فكراك بيحبك علشان كد كان بيجي ليك القاهره كل فتره يطمن عليكي
حياه : لا بابا هو الي كان بيقوله اصلا ... لولا مروان اخوه مسافر مكنش بابا بعت ناصر اصلا ..
سجي : يعني انتي مش بتحبيه ؟!
حياه : لا أنا مش شيفاه غير اخويا وبس ... ، نظرت إلي ساعه الحائط وقالت : يلا روحي نامي علشان بكره يومنا طويل هنقضي أغلبه عند "شجن" بنت عمي ....
سجي : وااااو اسمها "شجن" اسم حلو اوي
حياه بضحك : انتي احلي يلا تصبحي علي خير
سجي : وانتي من اهل الخير ......
وذهبت كل منهم لتغط في ثبات عمييق استعداد ليوم غد ....
«««»»»««»»»»«»«»»»»«»
اشرقت شمس يوم جديد ملئ بالفرحة والسعاده لعائله العماري ف اليوم هو زواج أحد فتيات العائله ... الجميع يعمل علي قدم وساق استعدادا للحفل
أما عن بطلتنا ف كعادتها تستيقظ منذ اذان الفجر تؤدي فرضها وتقرا وردها اليومي ... وتحتسي قهوتها في الشرفه وهيا تتامل جمال النيل ....
في غرفه اخري نري صديقه البطله الكسوله .... استيقظت لصلاه الفجر ولكنها غرقت بعدها في ثبات عميق .. حتي ايقظتها حياه في السابعه صباحا ... ونزلوا سويا لتناوب طعام الإفطار وذهبوا الي منزل العروس ...
شجن بفرحه لرؤيه حياه : اخيرا چيتي يبت عمي
حياه وهيا تحتضنها : اتوحشتك جوي يا عروسه والله حجك عليا بس كان حدانا ضيوف
شجن وهيا تنظر لسجي : دي الضيفه مش إكده
حياه : إيوا اني عزمتها تحضر فرحك
شجن : ضيفتك ضيفتنا يبت عمي ..،قربت علي سجي واحتضنتها وقالت : منورانا يا دكتوره
سجي باحراج : ده نور حضرتك
شجن : حضرتك إيه ، اني شجن وانتي اسمك اي عاد..؟
نظرت سجي لحياه وهيا لا تفهم معظم ما قالته شجن ف أخبرتها حياه أنها تسألها عن اسمها
ردت سجي : انا اسمي سجي
شجن : عاشت الاسامي يا دكتوره سجي
سجي بلطف : لا بلاش القاب بقي احنا اخوات ولا اي ..! واه صحيح الف مبروك يقمر
شجن : الله يبارك فيكي يا جمر .. عجباالك يارب
سجي : اللهم امين ... صمتت قليلا ثم اردفت بحماس : عريسك اسمه اي بقي بيشتغل اي وانتي بتشتغلي اي اتعرفتو ازاي احكيلي التفاصيل
حياه بضحك : براحه علي البت مش كد ... انتي مش كنتي متوتره من شويه
شجن : سببها عاد يا خيتي
سجي : بصراحه حبيتها اوي وحسيت اني مرتاحه
شجن : الله يكرم اصلك يخيتي ،
سجي : حبيتي الله يخليكي احكيلي بقي هااا ...!
حياه بضحك : مفيش فايده هيبقي احكيلك أنا يلا نساعد العروسه ......
وبعد ساعات من التجهيزات ... حل المساء سريعاا واجتمعت النساء في منزل العروس... وصدعت اصوات الاغاني "والزغاريد" احتفالا بالعروس وقدمت كل واحده من النساء هديه للعروس ..
سجي بهمس لحياه : هو الرجاله مش هيجو هنا
حياه : لا ممنوع طول ما فيه حريم ممنوع دخول الرجاله ... ابوها هيجي ياخد امضتها علي كتب الكتاب وبعدها بشويه العريس هيجي ياخدها وبس كد
سجي : والرجاله بيعملو اي
حياه : بيرقصو برضو ويركبو العريس خيل ويرقص بيه .. بيلعبو "تحطيب"
سجي : واااااااو أنا عاوزه اتفرج
حياه بضحك : تعالي نطلع فوق نتفرج
وذهيت حياه وسجي للاعلي ليشاهدو كيف يحتفل الرجال ...
سجي بانبهار : واااااو بجد الفرجه حاجه والكلام حاجه تانيه أنا كنت متحمسه لما حكيتي لكن لما شوفت اتحمست اكتر ... ،بجد الافراح عندكو حلوه اووي يا حياه
حياه بضحك : انتي اي حاجه بتحمسك يا سجي
سجي بعبوس اطفال : بس يبت بقي الله
حياه بضحك : خلاص متزعليش يا كتكوته
سجي : اعععع أنا مش كتكوته
حياه : خلاص بقي يبت يلا ننزل للستات تحت
سجي : يلا بينا ...
وبعد مرور بضع ساعات انتهي الحفل وكانت سجي تشعر بالسعاده فهي كل يوم تعشق هذا المكان أكثر ... وبعد عوده سجي وحياه الي منزل حياه. ذهبت كل واحده الي غرفتها ... ولكن لم تنم اي منهم في كل واحده غارقه في أفكارها ... فذهبت سجي الي غرفه حياه وطرقت الباب .. فتحت لها حياه الباب وعلي وجهها ابتسامتها الصافيه : ادخلي يختي ادخلي اي الي مصحيكي
سجي بضحك : نفس الي مصحيكي يختي
حياه : أنا عندي ارق تقريبا ومش عارفه انام
سجي : أنا من كتر التفكير احنا المفروض هنرجع بكره هعيش من غيرك ازاااي اعععع
حياه بضحك : زي ما كنتي عايشه يختي
سجي بضحك : اه صح بس بجد هتوحشيني وهيوحشني المكان والنيل وطنط نوراه وأكلها الجامد...
ضحكت حياه بشده : قولي هيوحشك اكل ماما مش أنا الي هوحشك
سجي بضحك : بصراحه بصراحه يعني اكل طنط لا يقاوم بجد ف اه هيوحشني اكلها طبعا اكتر منك
حياه بضحك ضربتها بخفه علي كتفها : قومي يبت من هنا يلا
سجي : بعيدا عن الهزار بجد هتوحشيني ..
حياه : وانتي كمان والله طب يلا روحي نامي مش هتعرفي تصحي كد يبنتي
سجي : حاضر تصبحي علي خير
ذهبت سجي الي غرفتها وغطت في ثبات عميق وكذلك حياه ...
بعد هذا اليوم الشاق أعلنت الشمس عن يوم جديد ...
ولكن كان منزل محمد العماري يشعر بالحزن لذهاب سجي الي منزلها فقد اعتادو علس وجودها وعلي مرحها .... ومشاكستهااا.. وكذلك سجي التي كانت تشعر بالحزن الشديد علي مفارقه تلك العائله الحنونه وهذا الدفء والحنان التي شعرت به ولكن يجب أن تعود إلي مدينتها ...
وبعد ذهابها مرت الايااام بدون اي جديد يذكر ... حتي جاء خبر لحياه وهيا في العمل جعلها تفقد الوعي .....
«««»»»««»»««»»«»»«»»
#يتبع ....
نكمل الفصل الجاي ... رايكم وتوقعاتكم اي ... ؟!
دمتم بخير ...♥️
