ثم ذهبت الي خارج الغرفه واتجهت الي باب المنزل وعندما فتحته شهقت بصدمه :
اي الي جابك هنا ...!!
كريم بضحك : اي يا بنتي في اي جاي اشوف اختي
حياه : اه معلش اتصدمت بس لما شوفتك ونا بفتح
كريم : ولا يهمك
حياه : طيب تعالا اتفضل
كريم : لا مش هينفع ومفيش رجاله في البيت ، معلش نادي بس سجي
حياه : طيب مهو مينفعش تفضل علي الباب كد
كريم : ومينفعش ادخل برضو للاسف ،نادي سجي بس معلش أنا دقيقتين وماشي
حياه : حاضر ثواني
ذهبت من أمامه بسرعه البرق وهيا تسب نفسها علي غبائها .. واتجهت للمطبخ حيث تقف صديقتها المجنونه تلك تعد الفطور وهيا تقرا بعض آيات القرآن الكريم...
حياه : صدق الله العظيم ، بت انتي اخوكي برا اخرجيله
سجي وهيا تضعه شريحه طماطم في فمها : اخويا مين
حياه : انتي ليكي كام اخ يختي ، اخوكي كريم يبت واقف برا وميصحش يفضل واقف كد ومينفعش يدخل برضو ف انجزي روحيله شوفيه
سجي بلا مبالاه : صحيح يا بت انتي مش كنتي سترحلي اي جابك عندي تاني
حياه : اعععععع يا بت غوري شوفي اخوكيي هتموتيني
سجي : ماشي يختي متزقيش بس ومتمديش ايدك علي حاجه احسن لك
حياه وهيا تقذف عليها الحذاء الذي ترتديه : غوري يبت من هنا
سجي بضحك : هييههه مجتش علياااا
حياه بنفاذ. صبر : روحي يبـــت انتي
ذهبت سجي لتجد أخاها يستشيط غضبا وقفت أمامه بمنتهي البرود وقالت : ها يعم عاوز اي
كريم وهو يمكسها من ملابسها ك اللصوص : سنه ونص علي ما تيجي يا بت ،
سجي ببرود : وسع ايدك بس كد يعم ونت ماسكني زي حرامي الغسيل كد ، برستيجي كدكتوره ضـــاع
كريم : برستيج اي يا بت ، ده انتي برستيجك ضايع من زمان ، يالي بتاكلي مصاصه ف الشارع
سجي بتذمر : ما اكل براحتي يعم انت اي ده ، المهم انجز عاوز اي
كريم : انجر في واحده محترمه تقول لاخوها انجز .
سجي. : اه أنا عادي يعني ، اخلص يكيمو بقي ورايا اكل اكله .. قصدي اعمله
كريم بنفاذ صبر : هتشليني ، المهم يختي أنا كنت هسالك عملتو اي
سجي بغباء : ف اي
كريم : يختاي ، هيكون ف اي يا ذكيه قولتي لوالده حياه أننا نستقر ف القاهره ، و وافقت ولا لا
سجي : انت شاكك في قدرات اختك ولا اي
كريم بثقه : طبعا شاكك ، هببتي اي يا مصيبه انجزي
سجي : اقنعتها يخويا ووافقت
كريم : تمام ابدا اجهز أنا الورق
سجي : ايوا ، كان نفسي اقولك تعالا كل بس لحسن الحظ .. ،قصدي للاسف يعني مش هينفع تيجي ف يلا زق عجلك من هنا يا بابا بقي
كريم : أستغفر الله العظيم يا رب ، يبنتي الفاظك يحبيتي انتي دكتوره محترمه
سجي : ايوا يبني طبعا طبعا ، اتكل ع الله بقي جوعــــــانــــه
كريم : روحي يختي كلي ، سلام
سجي : يلا طريقك اخضر ، باي
وكانت هناك من تقف تتابع الحديث ولا تستطيع الوقوف من شده الضحك ..
سجي بتذمر : اضحكي كمان يا ست حياه
حياه بضحك : بتجيبي المصطلحات دي منين يا بت
سجي : من المسلسلات والافلام يا اوختشي
حياه بضحك : والله انتي مجنونه
سجي : مش مهم ، المهم دلوقت ناكل هاتي نونه يلا وتعالو عملالكو شويه اكل تـــــوحــــفه
حياه بضحك : حاضر يختي راحه اهو
اجتمعوا ثلاثتهم علي الطاوله يتناولون الطعام في جو لا يخلو من مشاكسات " سجي " ومرحها ف حقاً هيا تضفي للمنزل بهجه وسعاده مختلفه ..
«««»»«»»«»»»«»»«»»«»
في المساء كانت تجلس الفتاتان معا بالغرفه كانت تبحث حياه عن شئ ما علي اللاب توب الخاص بها وظهر أمامها فيديو. بعنوان ...
" الأطفال بغزه هم من يدفعون الثمن " قامت حياه بفتح الفيديو وقد تألم قلبها بشده علي ما رأته ... الكثير من الدمار والخراب .. حطام في كل مكان .. صرخات .. تتمزق لها القلوب .. وأطفال يدفعون الثمن .. اطفال ابرياء تحت هذا الحطام ... أشلاء الجثث مبعثره ..هنا وهناك ... آثار الدماء تلطخ المكان... مظهر تشيب له الوجدان " ظلت تشاهد الفيديو وهيا تنتحب بالبكاء ..
' أما من رحمه في قلوبهم ..! '
' أما من أحد يقف لهم ...! '
' اين انتم يا حكام العرب ... ، كيف تصمتون علي هذا الدمار .. ، كيف تتركون هذا الخراب ... ! كيف تتركون هذا المحتل يستوطن اراضيكم ... ! كيف تتركونه يقتل ابنائكم بدم باااارد ! اين انتم يا حكاااااااام العرب!!!!! واين الرحمه التي في قلوبكم '
هذا ما كان يجول بخاطرها وهيا تبكي ، فهذا المشهد يجعل القلب ينزف من شده بكاءه ... ، لاحظت صديقتها بكائها الشديد وارتجافها فضمتها تحاول أن تهدأ من روعها وهيا لا تفهم لما تبكي ..
سجي بحزن : اهدي يا حياه اهدي يحبيتي ، استهدي بالله
حياه وسط بكائها : لا اله الا الله ، لا اله الا الله
سجي : طيب كفايه عياط طيب بتعيطي لي
حياه زادت في بكائهاا ولم تجيب
سجي : لا اله الا الله يحبيتي بس صلي على النبي
حياه ببكاء وصوت متقطع : سيدنا ..محمد .... رسول .. الله
سجي : بسسس يا قلبي بسس
ظلت محتضنه صديقتها بعض الوقت تحاول تهداتها لكن بلا فائده فهيا تبكي وترتجف بشده ، وظلت علي هذا الوضع قرابه النصف ساعه حتي هدأت تدريجياً
سجي : في اي بقي يحبيتي ، اي عمل فيكي كد
حياه بحزن : قهر ، وظلم وذل ، دماء ابرياء في كل مكان ، وجع وصرخات تزلل القلب ، وجع أم علي ابنها الشاب وقوتها واحتسبته عريس في الجنه ، وجع اخت علي اخوها الرضيع ، وجع زوج بيلم أشلاء زوجته ، ووجع طفل مش لاقي لقمه يأكلها ، وفقر واهانه وتعذيب ، في واحد كنا فاكرين أنه ضيف واستقبلناه نسي أنه ضيف وافتكر البيت بيته وطرد أصحابه منه ، في محتل احتل البيت ، مختل بيدمر بيوت ويقصف مستشفيات ... ، في حكام ظالمه شايفه وكأنها مش شايفه ، حكام واقفه تتفرج علي عرض بششع بس مهزش منهم شعره واحده أنهم يتحركو ، حكام لا حول لهم ولا قوه .. ، بس في من وسط كل ده صبرر ... ، واحتساب ، وقوه ، وإيمان بالله أن الفرج قريب ، أن الظلم هيتبدد ، وان المحتل هيباد وان القدس ستظل عربيه مهما كلف الأمر " عرفتي يا سجي في اي ..!
سجي ببكاء : عرفت ،
حياه : اتمني الكل يعرف ، اتمني محدش ينسي ، الضرب لسه مستمر ،واخواتنا لسه بيموتو ، اتمني يا سجي الكل يحس ويفهم ويشوف ، اتمني محدش يتجاهل القضيه وينساها
سجي ببكاء : نصر الله قريب ، نصر الله قريب إن شاء الله
احتضنتها حياه وشرعت ف البكاء هيا الأخري وكل تلك المشاهد تعاد أمام عيناها ، جروح ، قتلي ، مرضي ، اطفال ، حطام ، والكثثثثير
هدأت الفتاتان بعد مده وقالت سجي : حياه قومي نصلي وندعي لهم كتييير اوي مفيش ف أيدينا حاجه غير الدعاء ، وان احنا نقاطع منتجات الي ميتسموش
حياه : يلا نصلي
ذهبا يتضرعان الي ربهما بالدعاء ليزيل هذا الفساد والدمار ، ويبيد هذا العدو المحتل ، ويرد لنا القدس مره اخري .. !
««»»«»«»««»«»»«»»»«»«»»«»
مر اليومان بدون اي جديد يذكر انتهي كريم من اعداد الاوراق اللازمه لنقل حياه الي مشفي في القاهره ، ووضبت الفتاتان المنزل وقامو بتغظيه الاثاث ، والآن تقف نواره (الام) تعد اخر حقيبه من حقائبها وكانت تضع صوره لزوجها العزير ، أمسكت بالصوره قبل وضعها في الحقيبه وضمتها اليها بقوه وهيا تهمس : اتوحشتك جوووي ، حجك عليا اني هسيب الدار ، بس اني خايفه علي حياه ، سامحني يا محمد سامحني يحبيبي ثم وضعت الصوره في الحقيبه واغلقتها وانطلقت الي الخارج وقفت تلقي نظره اخيره علي المنزل قبل أن تذهب بعيدا ولا تعلم متي تعود ..! بالخارج كان كريم يضع الحقائب في السياره وخرجت والده حياه وأغلقت المنزل جيدا واتجه إليها كريم أخذ منها الحقيبه وقبل جبينها واتجه للسياره ليضع الحقيبه .. واستقر الجميع داخل السياره عد كريم الذي كان ذاهب للجلوس وقطعه صوت طلقات ناريه في الهواء وصوت أحدهم يقول : واخدهم ورايح علي فين يا جدع انت ..؟
««»««»»»«««»»»««»»»»»««»»»«»
عاوزه اقول حاجه بس لان في ناس كتير نسيت القضيه الفلسطينيه ... وناس بتقول لي نقاطع يعني هيا مثلا الخمسه جنيه دي هتعمل اي .. ! ما لو حضرتك قولت كد وحضرتك قولت كد خمسه جنيه علي خمسه جنيه علي خمسه علي خمسه بقو ثروه ا.. ف علشان كد بنقول نقاطع ده نوع من أنواع المساعده ليهم .. اه هيا مش كبيره اوي بس بنحاول نساعدهم بقدر الإمكان ، الحرب لسه مخلصتش ، الضرب منتهاش ، اشكال الدمار مخيفه بجد ربنا يهون عليهم وينجيهم ... وترجع فلسطين حره عربيه مره اخري ..
ـــــــــــــــــــــــــ
# يتبع ....
اشوفكم بخير مستنيه توقعاتكم ورأيكم ... ومتنسوش اخواتنا في فلسطين في دعائكم
دمتم بخير ...♥️
