الشخصيات الاساسية :
ملك بطلتنا طفلة 24 سنة ربي عطاها حقها في الزين شعرها كحل مراهي سمينة مراهي رقيقة كيما يحب الخاطر بصح تلقاو دايمن ثغرة هي شوي قصيرة كاين حاجة تميزها بين فاميلتها الحشيش لي كاين في عينيها هذوك العوينات لي يشوف فيهم ميعرف واش من البحر راه غارق فيه المهم هي قرات حاجة تاع تصميم هكاك و كملت قراية فاميلتها قدهم قد روحهم يعني عندهم الخير الله يبارك مشي مخصوصين كامل ضك نشوفو الكوتي تاع الرجال ملك متحبهمش قصدي صعيب دير فيهم كونفيونس تقدرو تقولو عقدة صغيييرة عندها وكلش يبان في الحلقات الجايين
صفاتها : محبوبة،. عندها مبدا تهدر شوي وتاكل شوي ، تتقلق ديركت ، ساكتة بزااااف في نفس الوقت تضحك بزاااف ، قوية و متحبش الحقرة
اوس البطل المغوار واش نقول عليه زعما هو 27 سنة من نهار كان صغير هو ساكن في الخارج مع خوه و يماه ضك حاكم سلسلة مطاعم داخل وخارج البلاد من ناحية الشبوبية بقلاوة مسكرة و معسلة بالعسل الحر جاي مايل للسمر عينيه مذبالين شعرو قصيير و مرولي شوي عندو لحية خفيفة مطراسية المهم شباب بزاف اما فاميلتو مراحش نقول اي حاجة خليهم لليامات تعرفو
صفاتو : عصبي بزاااف بصح في نفس الوقت بارد ميبينش مشاعر تاعو ، حنين مع لي قراب ليه ، واعي و مسؤول ميحبش الانسان المتسرع
الابطال الثانويين :
خديجة : ام ملك 52 سنة تحب ولادها بزاف تحوس على مصلحتهم خطرات تخلط وتجلط في الهدرة بصح قلبها حنين و بيض
اكرم : خوها للبطلة 26 سنة شباب و طويل يحب فاميلتو مخطوب
زهرة : جدة ملك كبيرة في العمر بلا منقولو شحال ولا تزعف ثاني هي كيما العجايز تاع بكري مزيرة و تحوس على التقاليد بصح تموت على احفادها
زين الدين : باباة ملك 56 سنة كيما اي اب جزائري يحب ولادو خدام في الصحراء موفر كلش للعائلة الكريمة
اسمهان : الام تاع اياد 48 سنة مراة في اللول تبان مسمومة بصح كي توالفك تلقا قلبها حنين دير المستحيل على جال ولادها
عصام : خوه للجاغوار 25 سنة شباب بقلاوة كيما خوه
بصح مراهش بارد دمو حامي يحب يضارب و زيد يقصر مشي كيما خوه
أنت تقرأ
بحر عينيك __ بالهجة الجزائرية
Romanceكونيك كلها على زوج عيباد تلاقاو بالصدفة حكايتهم غريبة حتى واحد فيهم قانع انو يحب لوخر بصح غاع الناس تحس بهذيك الكيمياء بيناتهم ومام نتوما كي راح تقراو الحكاية تحسو بالفراشات
