______
قاعدين وحدة شادة التيليفون تضحك و الدوزيام تشوف في التصاور تاع البنات وحدة مور لوخرة
اسمهان : شوفي معايا . . .زعما هذي تليق . . اواه لالا خوك ميحبش هذا الجور
سكتت هذيك امبعد خزرت في يماها
سلسبيل : ماما خليك من هاذو التصاور اذا ولادك برواحتيهم مراهمش يخمو في هذا ال sujet
اسمهان : عصام بلاك عندك الحق هذاك نخاف نجيبلو بنت الناس يغبنها . . . اما اوس صعيبة بصح كون نقنعو يدي برايي
سلسبيل : تعيشي خليه اوس من عام عامو تتحكمي فيه شفتيه يقادرك و يحبك حاجة ميقولكش لالا فيها بصح الزواج مشكيتش
اسمهان : . . حابة نشوف احفادي قبل منموت الموت راهي تخطف
سلسبيل : بعيد الشر ماما مزالك صحيحة
شافت فيها يماها و دارتلها تاع خمسة في عينيك ( ملاحظة هذي حاجة حرام هذاك اسمو الشرك بالله تستعينو زعما بحاجة وخداخرة من غير ربي باه تحميكم من العين و الحسد )
اسمهان : قولي الله يبارك ثان تقيسيني بالعين
سلسبيل : اوس ربي يرزقو بنت الحلال
اسمهان : ان شاء الله . . . عمبالك بيني وبينك راني باغية وحدة تجرجرو سواسوا طيحلو شعر راسو . . عمبالك الطفلة لي نوريهالو يمدلي سبعين défauts فيها مالغري مخصهم والو مشي مليحة يتكبر على بنات الناس تولي فيه يولو يتكبرو على بناتو
سلسبيل سكتت وحطت يدها على راسو تهزو
اسمهان : واش قلت
سلسبيل : والو والو جاتني بيزار حبيتي وليدك يجرجروه النساء
اسمهان : علاه باباك الله يرحمو تزوجتو غير هاك حتى وين وريتلو العين الحمرة
سلسبيل : استغفر الله ماما راني نشوف انا مولات الربعينات ونتي 19 سنة
اسمهان : اترباي مزالني يماك . . . بصح واش نديرلك اذا انا نبان صغيرة عليك
تقطعت هدرتهم مع صوت الباب لي صونا
________
في وحد restaurant قدام البحر قاعدين البنات يستعفاو هذا النهار جاز عليهم طويل بزااف
ملك : راني جيعانة ضك هذا serveur ميجيش
سمية : قالولي ضك نبعثلكم واحد لطابلة اصبري
ريهام : يا ختي نتي لي تضلي تاكلي مراكيش تسماني و لاطاي الله الله انا غير السمانة لي فاتت زدت بزوج كيلو
ملك : كنت نخمم نعاود ندخل salle de sport راني غير قاعدة في الدار علاه متدخليش نتي تان
سمية : ايه شوفيلنا نهار مام انا حابة ندخل في شحال
أنت تقرأ
بحر عينيك __ بالهجة الجزائرية
Romanceكونيك كلها على زوج عيباد تلاقاو بالصدفة حكايتهم غريبة حتى واحد فيهم قانع انو يحب لوخر بصح غاع الناس تحس بهذيك الكيمياء بيناتهم ومام نتوما كي راح تقراو الحكاية تحسو بالفراشات
