بحر عينيك __ بالهجة الجزائرية

part1

الهاراج صبح ربي في هذيك الدار ولات العين وكامل ناضو رايحين جايين يعمرو البوادن تاع الماء في التالي كثر من سمانة قاعدين بلا ماء . . . البطلة تاعنا هبطت لعند يماها عنقتها من اللور

خديجة : صباح الخير بنتي

ملك : صباح النور ماما . . . هاتي نعاونك نرفد معاك

خديجة : لالا متشقيش روحك . . ايه ياك درتي الانسولين لجدك

ملك : ايه درتلو متخافيش

خديجة : عمبالك هاذو اليامات راه شوي شوي . . . راني خايفة ثان كاش ميصرالو

ملك : بعيد الشر عليه يشرب دواه في الوقت ان شاء الله يولي خير من قبل

خديجة : ان شاء الله كي يولي باباك نقولو يديه لطبيب خير  . . . ايه واش رحت نقولك ارفدي دراهم اخرجي قضيلي

ملك : علاه غير انا لي في الدار و وليدك واش خدمتو

خديجة : راه فاكونس اليوم صبح راح مع صحابو للبحر

ملك : هذاك زعما لي راح يتزوج من نيتكم هو السيد ميمشيش بلا صحابو يقولولو اقتل روحك يديرها بلا ميخمم

خديجة : حوجي هاك تهدري على خوك راه كبير عليك

ملك : ايه كبير وجايح

خديجة : يدير دارو و يستعقل مع المسؤولية

ملك : بنت الناس لي طيحتوها في ال piège . . . مفهمتش واش حاسبين البنات تاع الناس يعاودو يربولكم ولادكم وقيل

خديجة : واش من مخ عندك تخمي بيه

ملك : لي عند كامل الغاشي ماما . . . متزعفيش بصح نتي ثان طفلة نورمالمو تخمي على بنات الناس ثاني ولا واش قالو 

شافت فيها يماها بنص عين ناوية تنوض ليها اكثر حاجة تقلقها كي تبدا ملك تتفلسف عليها

خديجة : طوال لسانك ياطفلة مراكيش تشوفي

_Pov Malak _

عمبالي كثرت على ماوصاوني وضك كون نزيد كلمة تنوض خديجة بالمطرق

ملك : خلاص ماما متتقلقيش ضك بنتك الشاطرة رايحة تشري ليماها

رحت بست راسها و رجيت رايحة

ملك : ايا باي امبعد . . . سسس ماما ميشا مزال مكلاتش تعيشي تهلايلي فيها

رحت على زهري بدلت لبست robe foulard طويل و ضفرت شعري . . . رفدت دراهم و الليستا و راني برا في المارشي غاشي كحل و وواحد يطبع في خوه ضك بواش راح نبدا نشوفو الخضرة امبعد نولي للفاكية

جاز الوقت كملت شريت الخضرة بسيف خلاوني البياعين غير لي يزيد يعمرلي الساشيات وحسيت يديا تكسرو تاع الصح قلت نشري شوي فراز نموت عليه اييييه كاين العنب . . . شريت باطة تاع فراز ورحت للعنب