صباح جديد احداث جديدة :
كان الشريط الاصفر تاع لابوليس محاوط هذاك الكارتي . . . الجوارين قاعدين يطلو يقرعجو في نفس الوقت خايفين من لي صرا البارح . . جارتهم حياة واحد غريساها . . . ضربها بموس في نص كرشها و هرب . . غاع الجيران غاضتهم مسكينة و كاين حتى لي بكاو عليها مفهموش علاه سياو يقتلوها وهي كيما غاع يعرفو معندها حتى واحد في الدار حدها وحد روحها كامل ثما يحبوها و يعزوها ثان . . . و اكثر وحدة كانت مقربة لحياة ملك تقدرو تقول الام مشي لي تزيد هي ثان لي تربي وحياة كانت ام زاوجة لملك من طفولتها متعلقة بيها . . .اب ملك خدام في الصحراء سما شهر في الدار وشهر لالا اما يماها كانت استاذة علابيها كانو يخليوها عند حياة و منها متقعدش وحدها بحكم مكتبش ربي يكون عندها الولاد . . . ملك اكثر وحدة تقاست بهذا الخبر دخلت في حالة هستيرية . . . .
عودة الى الخلف عند ملك
كملت مع صحاباتها و كانت مولية مع ريهام بحكم هوما عايشين في نفس الحي هذاك
ملك : دقيقة ريهام نشري من عند هذا
ريهام : هذا وين فطرنا
ملك : اييييه عمبالي نشري شوي سقايط ناكلهم امبعد خويا مراهش في الدار باه نبعثو يشريلي و تان مشي نعاود نخرج حابة تقتلني خديجة
ريهام : روحي برك علاه انا نقدرلك
دخلت شرات واش حابة و مع خرجت من الحانوت صونا تيليفونها
ملك : اوف مشي وقتو . . .شدي عليا هاذو الساشيات نشوف . . . هذي ماما . . اهدر على القط ينط
رفدت عليها موجدة روحها للترخاس تاع خديجة
ملك : الو ماما حبوبتي
خديجة : الو . . ملك . . . بنتي وين راكي
ملك : متتقلقيش شوي و نوصل راني مع الدورة . . . كاش منشريلك في طريقي
خديجة : . . . ملك مرانيش في الدار . . روحي لدار تلقاي خوك ثما يجيبك
ملك : علاه وين راكي . . . ماما غير الخير صوتك مراهش عاجبني
خديجة : بنتي راهي هنا في الحومة ضربو وحد المرأة بالموس . . .
ملك قلبها شكها حست بحاجة عيانة
ملك : . . .ايه كملي
خديجة : حياة لي ضربوها
وذنيها بداو يصفرو مكانتش تسمع والو وغير هدرة يماها تتعاود
خديجة : ملك . . .ملك بنتي اهدري متقعديش ساكتة
هكاك و تفطن مع الخبطة تاع ريهام
ريهام : ملك غير الخير واش بيك راكي تدمعي
بدات ملك دموعها يهبطو تحرك في شواربها باه تهدر بصح حرف محب يخرج دات ريهام التيليفون من يدها
أنت تقرأ
بحر عينيك __ بالهجة الجزائرية
Romanceكونيك كلها على زوج عيباد تلاقاو بالصدفة حكايتهم غريبة حتى واحد فيهم قانع انو يحب لوخر بصح غاع الناس تحس بهذيك الكيمياء بيناتهم ومام نتوما كي راح تقراو الحكاية تحسو بالفراشات
