بحر عينيك __ بالهجة الجزائرية

part6

نهار جديد واحداث راهي تستناكم

_______________

ناضت راسها يوجع مقدرتش ترقد مليح في هذاك الكرسي و ليل كومبلي يدخلو المرضا و الحس داير حالة ..... راحت ل les sanitaires تغسل وجها تصحصح شوي وتنحي هذيك ريحة السبيطارات .....ولات لبلاصتها تشوف في تيليفونها حتى وين تسمع صوت العياط في شمبرة تاع حياة بدات تجري و دخلت ديركت لشمبرة لقات الممرضات يسيو يكالميو فيها .... ملك دنات عندها شافتها حياة بدات تضبح و تبكي

حياة : ملك بنتي تعيشي قوليليهم ميديروليش هكا

ممرضة : مدام تعيشي متعيناش هذي خدمتنا مراحش نديرو حاجة تأذيك

ملك كي شافتها نايضة مكانتش مركزة مع هدرتهم راحت ديركت عنقتها تبكي امبعد دنات حطت يديها مكورتهم على وجها

ملك : ماما الحمدالله نضتي .... حنونة كيفاه راكي تحسي روحك عمبالك كي سمعت بواش صرالك قلبي خرج

حياة نحاتلها يديها شادتهم

حياة : يا بنتي متبكيش راكي تزيدي عليا همي .... اهدري مع هاذو محبوش يفهموني

و طرطقت بالبكا

ملك : احكيلي ضك انا نهدر معاهم ياك

حياة : .... ملك رجليا مرانيش نحس بيهم ..... مقدرتش نحركهم

ملك سكتت كي سمعتها وكل الافكار لي ماشي ملاح بداو يضربو في راسها هكاك ومسحت دموعها دارت تهدر مع الممرضات

ملك : .... واش راهي تهدر صح .... فهموني ياك الطبيب قال العملية نجحت واش راه صاري ضك

نطقت ممرضة : مدموزال ..... هي تقدر تكون anesthésie مزال مراحتش ... ولا مضاعفات صراولها الله اعلم الطبيب لي علابالو مرانيش راح نقولك عفسة خاطيني

ملك : .... صحا الطبيب هذا تاعكم وين نفدر نلقاه

ممرضة : في البيرو تاعو تلقاي مكتوب dr chihab قدام الاستقبال

ملك ديركت خرجت راحت لهذا الطبيب مع لحقت مطبطبت ماوالو دخلت ديركت لقات الطبيب يخدم في البيسي حتى دار شاف فيها وناض

ملك : دكتور شهاب اسمحلي كي دخلت هكا بصح معليش نهدر معاك

شهاب : ... احممم ايه تفضلي

ملك : يزيد فضلك دكتور .... انا ملك بنت المراة لي ضربوها بموس اذا شفيت

شهاب : باينة نشفا ان شاء الله تكون ناضت يماك

ملك : .... ايه ناضت ...... بصح مراهيش تحس برجليها من قبيل راهي تعيط و راني متقلقة عليها

شهاب لونو تخطف ودارلها بيدو باه تمشي لشومبرة تاع حياة راحو غير دخلو بداو يفحصو فيها و ملك قاعدة تاكل في صباعتيها من التقلاق خايفة يكون واش كاين في راسها هذاك هو .....